لكل العرايس تكفون ساعدوني .. وعطوني من نصايحكم

[الانسكاب]

السلام عليكم يابلقبسيات

كيفكم .. شو اخباركم ان شاء الله تمااااام

انا بدخل بالموضوع دوغرررري ..

اللي هو ياحبايبي انا ان شاء الله وتم على خير
زواجي بشهر شوال ..

يعني بقى تقريبا 9 شهور ..

وانا اكبر اخواتي يعني ماعندي احد يعلمني وينصحني ..:sad_1:

واعاني من غزاره الشعر بجسمي .. مثل منطقة البطن والصدر والظهر وحتى فخوذي :tears:

احس انه من يشوفني .. بيحسب اني ولد ..:schmoll:

وناويه ان شاء الله اسوي ليزر .. بس خايفه من مضاره على الصدر ..

مع اني قريت عنه .. وماله اي اضرار او اي مضاعفات ..

واللي تعرف منكم احسن مركز طبي يسوي ليزر لازالة الشعر بالرياض يقول لي ولا يبخل علي ..

وتكون مجربته او وحده من معارفها مجربته ..

تكفوون الله يرزقكم على قد نيتكم ..:sad_1:

 

[بنية اهلها]

والله ياقلبي مااعرف بس مابغيت اطلع من دون ماارد والله يوفقك ويوفقني يارب

 

[هواجسهـ]

1- الله يوفقك ويسخر لك على خير

2- حلو تفكيرك .. انك بديتي تهتمين وتفكرين على بعد ( غيرك يقول يمديني )


3- بنت عمي تعاني من غزاره بجسمها وكللل منطقه فيها تخيلي مرره واسوود وخشن


سوت ليزر وصارت تمااااام


انتي وبنت عمي .. باذن الله باذن الله مايصير لكم اضرار .. لان الليزر يناسب ذووات الشعر الغزير والاسود



اما اللي شعرها خفيف واشقررر >> يضرها الليزر




بالنسبه للصدر .. باذن الله ماارح يضره اذا صار المركز شاااطر




على حسب مابحثت وقرأت


>> كنت ناويه اشيل جهي وشعروجهي مو باين تحمدت الله وشقرته هع هع




قرأت ان بالرياض فيه المركز الاستشااري >> زحمه مرره بس باذن الله يمديك .. لان 9 شهوور باقي


ومركز أدمـــــا ..



يعني عندك بالرياض اللي صايرين توب هالثنين




الاستشاري >>بالعليا على مااعتقد


وادما







والله ويوفقك يااااااااااااااااارب وتصيرين أنعم عروووسه





ومن ناحية العرس نفسسسه

صدقيني سهله



التقضي والتجهيز


اخذي لك ورقه وقلم واكتبي اقسسسام


ملابس - ذهب - جزم - شنط ...........زالخ


واكتبي الاعداد والالوان >> لاتكثرين الاعداد ولاتاخذين الالوان اللي مااتناسب


واصلا حنا يالبنات طووول عمرنا نتقضى ونتجهز هههههه يعني شيء مو غريب علينا



شاركي معنا في بلقيس واقرئي اقرئي



انا صار لي 15 شهر من خطبتي وملكتي


وباقي لي 8 شهوور يعني بشهر شعبااان زواجي



بالفتره اللي طاااااااافت قرأت ليييييين تعبت ولكن استفدت وصرت ( حرمه ) هههههه


اهم شيء روقي وانبسطي ولاتطيعين اي احد اهم شيء تسوين شيء انتي نفسسك مقتنعه فيه


لان هالمنتدى يحمل بناااات مختلفات في الاطباع والعادات والتقاليد >> كلهم صح ولكن قد ماايناسبك أو مايناسبني







حبيبيتي عروستنا


الله يوفقك


ذكرتيني بنفسي


ولان الشرع يقول احب لأخيك ماتحب لنفسسك



كتبت لك هالكلام



وعلى الطاري



تبين احسسسن معين لك


هو الله



خليه معينك


وكرري



اللهم اشرح صدري ويسّر أمري


اللهم اشرح صدري ويسر امري





موفقه


ودعواتك لي يتمم ربي زواجي على خير لاني خووافه جدا

 

[الانسكاب]

الله يجزاكن خير

هواجسه ,,

الله يسعدك يارب ,, ويتمم زواجك بخير ..

وان شاء الله تكونين احلى بنت في عين زوجك ... يارب

تصدقين .. توني اشيل هم التجهيز ..

ماني عارفه كيف اتجهز ..

وش اشتري وش المهم وش اللي مو مهم ؟!!

احس اني بروح على عماي وبجي ويديني فاضيه !!

الله يكون بعون كل وحده بتتزوج

ويوفقنا ويتمم زواجنا على خير ..

 

[الوفاء عنواني]

مرااااااحب حبيبتي الله يوفقك ويتمم على خير ويرزق بنات المسلمين يارب..
حبيت اقول لك انتبهي من الاستشاري لان مافيه مختصين بالشيء هذا حتى الشهادات عندهم مزورة مابي اطول عليك عندك مركز عبدالعظيم البسام بالتخصصي ودكتورة مجربتها وحده من البنات وتمدح شغلها ومختصه بهالشيء مو ممرضة بالسليمانية ما اعرف الا رقم جوالها وبروح لها بس ماني عارفه وين لان اللي قالت لي عنها تزوجت واستحيت اكلمها فإذا تحبين اعطيك رقمها انزله هنا.

تحياااتي عسوله

 

[الانسكاب]

شكرررررررررررررررررررررررررررررررررررا
الله يجزاك خير يارب ..

ايه تكفين اي رقم تعرفينه عن اخصائيات الليزر
حطيه هنا ..

والله يرزقك يارب باللي تتمنينه انتي وجميع المسلمات ..

 

[هلاليه كيوووت]

الله يوفقكـ قلبو ويسهل عليكـ

والبنات ما شاءالله ماقصروا ..

 

[غرور فتاه]

هلا اختي

انا سويت ليزر بمركز توه فاتح عندنا بالشمال صح توه فاتح بس الجهاز روعه
قبل ما اسويه سالت عن افضل مركز عندكم بالرياض قالو لي ادما والعبدلي على مااضن بس انتبهي اختي اهم شي باليزر الجهاز نفسه ولا الي بيسويه لك عادي جهاز ويتدرب عليه

موفقه اختي

 

[الانسكاب]

مشكورات حبايبي ..
طيب وش احسن جهاز ..!

 

[منتهى الأنوثة]

انسكاب
الله يتمملك على خير وتلقي المركز المناسب
ويعيني أنا ارجع ادور مركز في جدة يناسب







غرور فتاة
اش الفرق في الاجهزة واش احسن جهاز
واحنا كيف نعرف انه جهاز كويس ولا لا

 

[حنانوو]

حبيبتي ماانصحك بادما تدفعين فلوس وتتخسرين بدون فايده ونصابين اساليني انا انا اتكلم لك عن تجربه بس فكري زين واسالي ناس جد مجربينه انا اعرف مركز اباس عندنا بالشمال يعني بالرياض مررره يمدحونه في توحيداللونوتنظيف الجسم وكل شي فيقولوا مضمون مرره واي شي تبينه انا حاضر راسليني بالخاص واعطيك كل المعلومات بس الدكتوره لازم تكشف عليك وتشوف اذا هومناسب لجلدك ولالا لان مواي بنت يناسب لها انها تسويه يمكن جسمك موحساس وانا راح اعطيك معلومه اذا طلبت منك اتشيلي قدامه اوانها تسالك عن طريقتك للشيل كيف بتكون مضمونه ولاتصعبين الشي سهليه ويسهل وصدقيني اذا انتي متوكله ع الله ومتفائله خير ماراح يصير الااللي تبينه
وحطي في بالك ان الله ينزلك ملائكته بيوم زواجك يملك بنظرزوجك فلاتخافين
والله يسحره فيك سحر حلال يارب