لكل أم حملت وجربت

[باووونتي]

السلام بلقيسات
ان شاء الله تكونوا تمام
انا جايه اسألكم اليوم انا بكريه وهالحين ببداية الشهر السادس
سؤالي عن حركة الجنين
يعني مااحس فيها الا نادرا
يعني اغلب شئ بالليل
هل هذا طبيعي؟؟؟
تكفوووون طمنوووني
لان لسى موعدي على اخر الشهر ومافيني اصبر
انا بانتظاركم

 

[سولااافه]

حبيبتي باونتي
انشاء الله طبيعي
انا زيك بكريه
في السادس
ما كنت احس بالحركه كثير أكثر شي بالليل
وكمان احيانا
الله يطمن قلبك
ادعي لي

 

[my first love]

ياحبايبي البكر معروفه ماتحس بالحركه بسرعه عن تجربه لاكن الحمال الثاني والثالث .... راح تحس فيه اكثر بكثير من البكر اسألي طبيبتك وتأكدي كل حاجه طبيعيه انشالله

 

[قطعة جالكسي]

لا يا قلبي ان شاء الله طبيعي
والسابع راح تقوى حركته لدرجه انو راح يرعبك اذا تحرك
خخخخخخخخخخخخخخخخخخخ

وصح كلام اختي my first love

 

[ام مصعب]

بالسابع تبيين اكثر والبكريه ماتحس فيها تكون ضربات خفيفه

 

[umm yusuf]

شوفي حبيبتي انا كنت مثلك قلقه
بس لما كلمت الدكتورة اللي تتابعني قالت لي لو تحبي تحسي بحركة البيبي ماعليك سوى انك تشربي عصير ثقيل مثل المانجا او حليب وتمتدي على جنبك الايسر بدون اي حركه وبتحسي بحركة البيبي بوضوح
ولما تدخلي الاسبوع ال 29 لاازم تبتدي تعدي حركات الجنين من وقت ماتصحي لغاية ماتنامي اذا كانت اقل من 10 رفسات هنا ييجي القلق
الله يحفظ لك جنينك ولكل حامل يااارب

 

[ساميه1]

ياربي على نكج وصورتج باونتي
شهيتيني بالباونتي هالحزه عندنا نص الليل من وين ايب ههههه
والبنات ماقصرو وانا بعد بكريه واستفدت من ردودهم
والله يقومنا بسلامه