بادئ الموضوع تاريخ البدء
  • المشاهدات 1,865
  • الردود 15
الحالة
مغلق و غير مفتوح للمزيد من الردود.
إنضم
30 مايو 2008
المشاركات
77
مستوى التفاعل
1
النقاط
0
السلام عليكم
هالقصه مو قصتي هالقصه قصة صديقه قريبه مني حييييييييل وعشرة عمر معاها حاولت انها تلقى حل حق هالمشكله بس ماكو فايده

الله يسلمكم صديقتي متزوجه من 3 سنين ونص تقريبا زواج تقليدي يعني ماتعرف عنه اي شي وبفترة الملكه كانت طلعاتها معاه قليله جدا يعني بحكم تجهيزها للحفله والعرس والشقه يعني كانت حدها لاهيه

وصار العرس ودخلت بيتها لقت زوج اناني مايهتم الا بنفسه مع انه يقول انه يحبها مالقت فيه اللي كانت تتمناه بفارس الاحلام

لقت انسان من ديوانيه لي ديوانيه يحب الكره يعشق المباريات ويموت بأصدقائه لدرجة انه قالها مره اصدقائي اهم حياتي هالكلمه اثرت فيها وايد بس نستها مع الايام قالت يمكن باجر يتغير ويتعدل اهي بالبدايه كانت شاغله نفسها بزوجها ماكانت تشوف غيره حبته مع انها ماكانت تبي مثل هالاطباع بس قالت هذا نصيبي ولازم احاول اغير فيه قد مااقدر ومااستسلم وبهذي الفتره كانت تتردد على بيت اهل زوجها بحكم انه عندها حموات (اخوات زوجها) بعمرها يعني تتسلى معاهم وتحاول تضيع الوقت ...

كانت تقعد معاهم وتنسى الوقت كان حماها(اخو زوجها) احيانا يقعد معاهم ومرات يطلعون طلعه جماعيه ولاحظت اهي انه خفيف دم وحبوب وشخصيته قويه يعني محد يقدر يقوله لأ وعارف يفرض احترامه حتى اخته الكبيره كانت تخاف انها تردله كلمه ((وسيم ومهتم بنفسه وبنظافته )) عكس زوجها تماما اللي كانت تترجاه انه يهتم بنظافته تقول امانه روح فرش اسنانك او اكرمكم الله تترجاه انه يغسل رجله بعد الرجوع من العمل
وكان يتملل من طاري النظافه..

المهم
بعد مرور كل هالسنين حست انه حماها(اخو زوجها) اهو الانسان اللي كانت تتمناه ولقت فيه بعض الصفات اللي كانت تبيها بشريك العمر

اهي الحين متضايقه تبي تشيل حماها من بالها ماتبي هالفكره تسيطر على مخها تبي تعيش مع زوجها بدون ماتفكر بحماها طبعا اهي مابينت هالشي حق اي بني ادم حتى اختها اللي اهي قريبه منها حيل

بس قالتلي انا بحكم انه انا معاها صديقات ومانخبي على بعض اي شي
اهي الحين تبي منكم انتوا الحل شلون تشييله من بالها تبي تنسى لانه هذا حماها ((والحمو الموت))

شتسوي يابنات ساعدوها والله انا حاولت اساعدها بس ماقدرت ماعندي اي وسيله اخليها تبعد هالافكار من بالها

اهي حست بالندم لمجرد التفكير بحماها حست انها خانت زوجها مع انها ولله الحمد ماسوت معاه اي شي يغضب رب العالمين والحمدلله مابينت هالشي له اوحسسته بأعجابها فيه

شوروا عليها وساعدوها

وجزاكم الله الف خير

تحياتي
 

السنع كله

New member
إنضم
14 مارس 2008
المشاركات
782
مستوى التفاعل
0
النقاط
0
الإقامة
الله يرحمك يا بوي
الموقع الالكتروني
🔗
الله يعينها على مابلاها

خليها دام تستغفرلانه هذا كله من الشيطان

وبعدين عندها الدعاء خليها تكثر من الدعاء ان يحنن قلب زوجها لها

وخليها تدور الاشياء الزينه الي في ريلها اكيد في شي حلو

وتشغل عمرها بأي شي يعني لا تخلي وقت فاضي تسمح لشيطان يحليه بعينها


الله يهديها ويسخر لها زوجها ويشغل قلبها بحب بعلها

امين
 

خلية نحل

New member
إنضم
22 يونيو 2008
المشاركات
503
مستوى التفاعل
0
النقاط
0
انا اقول تعلم زوجها علشان ينتبه لها ويسكنها في بيت لحالها
الله يسخره لها
 
إنضم
21 يونيو 2008
المشاركات
55
مستوى التفاعل
0
النقاط
0
الإقامة
في حديقة الأزهار
خل تشغل نفسها بأشياء ثانيه
يعني تدور لها على وظيفة أو تاخذ دورة معينه
أو تنمي مواهبها إذا عندها موهبه معينه أو حتى تحمل علشان تنشغل في البيبي,,

كل هذا صار لها لانها تحس بنقص عاطفي وأكيد شافته في حماها
خل تحاول تتقرب من زوجها بشتى الطرق و تقلل جلساتها مع حماها او تعدمها مره وحده علشان تتخلص من هذا التفكير,,​
 
إنضم
30 مايو 2008
المشاركات
77
مستوى التفاعل
1
النقاط
0
مشكورين حبيباتي اهي ساكنه فبيت بروحها وعالوظيفه اهي حاليا تبحث عن وظيفه وان شاءالله هالاشهر راح تتوظف

ريلها في اشياء زينه وايد بس اهي تبي المواصفات اللي بحماها وياخواتي اهي تدري انها غلطانه وعلشان جذي قالت استشيركم وفيكم الخير والبركه

تبي تبعده عن خيالها وافكارها تبي تخلي زوجها يحبها اكثرر تبي تعلقه فيها اكثر واكثررر بس ماتدري شلون تلفت نظره وللعلم عندها اطفال وقاعده تلهي نفسها فيهم بس ماكو فايده واهي ملامحها حلوه وتحب تهتم بعمرها ونظافتها الحمدلله

حبيباتي ترى بعض الردود علبالهم القصه تخصني لا ولله الحمد انا احب زوجي ومابي غيره

ومشكورين وايد على نصايحكم وحلولكم

تحياتي
 

AwjANmm

New member
إنضم
28 يونيو 2008
المشاركات
4
مستوى التفاعل
0
النقاط
0
الله يكون في عونها البنت لما تتزوج تبني احلام وامال ........ وبعدين تنصدم بالواقع اني اقترح عليها تقلل من جلساتها مع اهل زوجها لانه ادا ظلت معهاهم اكيد بتحط مقارنات والشيطان شاطر والشيئ الثاني باسلوب جميل ومايجرح زوجها تحاول تغير من شكله وتخليه يهتم بنفسه مثلا تقول له يعجبني الممثل الفلاني يعجبني لبسه او مثلا تبين له انها عنده صديقة تعاني من نفس اللي هي تعاني منه وانشاء الله يتحسن ويتغير
 

سراج الليل

New member
إنضم
8 يناير 2008
المشاركات
193
مستوى التفاعل
0
النقاط
0
عن تجربه مافي حل الا الأستغفار والله اني جربته في مواقف شديده وربي يفرجها علي...............
 
إنضم
30 مايو 2008
المشاركات
77
مستوى التفاعل
1
النقاط
0
اوجانوووم اهي تقول ودي اغيره بس مو عارفه من اي باب ادخله رغم انه صارلها تقريبا 3 سنوات ونص بس ماعرفت شنو اللي ممكن يأثر فيه لانه بخيل بجلساته معاها ودايما يتملل من طريقت حلها للمشاكل او نقاشها دايما يقولها مامليتي من هالاسطوانه

اهي تقول انها ملت تبي تدخله من باب تعلمه وتقنعه شلون انه النظافه حلوه
تبي باب تقنعه فيه انه جلستها مو ممله وانها شاريته وتبيه لها زوج وحبيب وصديق مو بس اسم بورقه
تبي تحس انه اقربلها من روحها واهي كذلك تبي تحس انها طاغيه على تفكيره بس مو عارفه

اهي ماتبي حماها بس تبي اطباعه وتكون بزوجها

سراج الليل
الحمدلله قلتلها عن الاستغفار واهي الحمدلله مقتنعه ومتأكده بأنه شي ضروري بحياتنا كمسلمين لانه رب العالمين امرنا فيه وماكو شي امرنا فيه رب العالمين وكان من عبث كل شي له حسناته

تحياتي
 

قطرية وبس

New member
إنضم
27 يونيو 2008
المشاركات
29
مستوى التفاعل
0
النقاط
0
ما في شي السالفة بسيطة جدا اهي بس معجبة بأخو زوجها عادي وتبي زوجها ايكون نفس التصرفات بس في شي انه هي اتخلي زوجها على راحته هب لازم اتناقشة نقاش حاد اتخلي ايمل او انه ادخلة في مشاكل مع العيال والبيت وبعدين اهي اتجهز له لحمام الشور وتخلية يتسبح اتحطلة اشموع في الليل لما يحضراتعدل الغرفة له وتبتعد ابتعاد تام عن اخو زوجها وتستغفر على طول
 

شوق الروح

New member
إنضم
19 مارس 2007
المشاركات
223
مستوى التفاعل
0
النقاط
0
حبيبتي خل صديقتك اتحط في بالها ماحد كامل ولا الحياه حلووووه على طووول يوم زين ويوم لا المهم نحمد الله على ماعطانا وتبعد وساوس الشيطان من بالها بكثرة الاستغفار والدعاء والأهم اتخفف طلعاتها مع حموها قدر المستطاع وحتى لو كانت مع خواته! تره باب للشيطان يدخل لها منه فخل تستعين بالله وتقطعه..وصدقيني ليس كل ما يلمع ذهب وكم من ناس أعرفهم اتطلقوا على أوهام بحياة أحسن وأفضل وانصدموا وآاااااامنوا إلي كانوا فيه أرحم وأحسن وعلى قولة المثل "عصفور باليد ولا عشره على الشجره"..والله ايطمئن نفسها ويصلح لها زوجها ويجعلها ماترى غيره اللهم آااااااااامين..ودمتي بود :icon26:
 
إنضم
30 مايو 2008
المشاركات
77
مستوى التفاعل
1
النقاط
0
قطريه وبس
مشكوره حبيبتي على ردج ماقصرتي
واهي ابتعدت عن حماها ومو اهو اللي فبالها حاليا بس تبي ريلها يكون مثل مواصفاته فهمتيني حبيبتي

شوق الروح
اي وهذا للي صاير انها تتحاشى الجلوس معاه قد ماتقدر وقاعده تحاول بزوجها وتقرا مواضيع هالمنتدى انا قلتلها اشتركي وشوفي وايد في مواضيع تستفدين منها وان شاءالله فيها الحلول


مشكورين حبيباتي
لانكم ماخيبتوا ضني وساعدتوا صديقتي قد ماتقدرون
حبيبااااااااتي والله

تحياتي
 
إنضم
1 يوليو 2008
المشاركات
22
مستوى التفاعل
0
النقاط
0
قوليلها لا تكبر الموضوع
مجرد إعجاب وصدقيني لو اعطته أكبر من حجمه بيصير جد
خليها تصبر على زوجها ومع الأيام بإذن الله راح يتغير ومع محاولاتها معاه باللين وبشكل غير مباشر
يعني لفت انتباهي انها تترجاه ينظف أسنانه أو يغسل رجوله
صراحة أحسها تجرح حتى لو إنه إنسان يكره النظافة يعني يمكن الأسلوب هو اللي يخليه يعاندها ويرفض النظافة
يعني لو جاتله بأسلوب غير مباشر يمكن يحس على دمه ويتعدل
الله يعينها وييسر لها أمرها وخليها تبعد عن أخو زوجها قدر الإمكان
ولا تفكر فيه وتشغل نفسها بأي شيء وتستخدم الدعاء صراحة سلاح عجيب
ويكفي انو مثل ما قلتي "الحمو الموت" .
 

جنة أمل

New member
إنضم
27 نوفمبر 2007
المشاركات
774
مستوى التفاعل
0
النقاط
0
أتذكر وحده من المعارف متزوجه وعندها 8 أطفال بنين وبنات... وفي مره كانت قاعده مع حريم يتكلمون عن الزواج... وكنت أسمعهم وهي قاعده تتحسر على نفسها وتقول من بيرضى يتزوجني الحين!!!
لاحظوا أنا قلت عندها 8 أطفال ومتزوجه!
وفوق هذا زوجها من النوع اللي ما يقول لأ ولا عمره مد يده عليها أو شتمها... وما مقصر معاها في شيء... لكن في حريم ما يملي عينهم إلا التراب.
 
إنضم
16 نوفمبر 2008
المشاركات
7,498
مستوى التفاعل
0
النقاط
0
الإقامة
بين من أحـــــــــب
العفو العيب فيها مو فيه ماعرفت كيف تعالج مشكلتها مع زوجها وتركت فراغ عاطفي ولعب الشيطان لعبته وبعدين انا اعيش مع رجل اناني وما همه الا نفسه واصدقائه بعمري مافكرت اقارنه بغيره لاني بتعب وانا خلاص عندي قناعه انه قسمتي بهالدنيا يعني ان زوجها فيه نواقص مو مبررللخيانه العاطفيه لازم تشيل الفكره من راسها وماتكثر الحضور لاماكن حماها فيه وتشغل اوقاتها بشي مفيد وتحااور زوجها وتشوفه بعين الرضى ولازم تغيير حياتها مع زوجهاا اسفه للاطاله موفقه
 

العمرلحظة

New member
إنضم
12 يوليو 2008
المشاركات
446
مستوى التفاعل
0
النقاط
0
خليها تستغفرررررررررررر

والحمو الموت حذر منه الرسول الكريم صلى الله عليه وسلم


وهذا الشيطان يزين لها الاشياء الي تبيها والله


لان الشيطان وعد الرب سبحانه انه يقول لااغوينهم اجمعين الا عبادك منهم


فنحن النساء ضعفاء النفس لاتمشي وراء هواى الشيطان

ولا راح تندم
 
الحالة
مغلق و غير مفتوح للمزيد من الردود.

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى