بيتكلم عن اول لغه من لغات الحب..
كيف نتعلمها؟ وكيف نعرف اذا كانت هي لغة الحب الخاصه بشريك حياتنا او الخاصه فينا
لغات_الحب
لغه من لغات الحب
هي كلمات التشجيع ... ?
.
.
غالباً تكون لغة الحب الخاصه بالاشخاص الجنوبيين ..
يعني اذا زوجك مغرقك مدح وكلام يفتح النفس ويشكرك على ابسط الاشياء ?
ودايم يطلب منك تغيري اسلوبك الدفش وتكلميه برومانسيه !
ويطلب منك تناديه بحبيبي او قلبي او عمري ويقول اذا شكرتيني على اللي اقدمه تحمسيني اكثر للعطاء..
هذا لغة الحب الخاصه فيه هي كلمات التشجيع ??
وهاذي ابسط واسهل لغه ، اذا كانت اللغه الخاصه بشريك حياتك فأنتي محظوظه ?
خلي لسانك سلاحك ??
ينقط عسل وشهد ?
وابتعدي عن الاسلوب المنفر حتى وقت الزعل
مثال ؛ ودك تسافري وزوجك اللي لغته الخاصه كلمات التشجيع عارف انه ودك بالسفر ومو راضي ..
اذا شفتيه طلعكم مكان حديقه او ملاهي ، اذا رجعتي طيريه للسما بالمدح ?
انت مافي منك وانت دايم تفرحنا وتطلعنا واحلى وقت بحياتي لما اطلع معاك احس بفرحه وسعاده عجيبه ??
.
.
واستمري بهذا الاسلوب ومافي احلى من الكلمه الحلوه ?
بعدها اضمنلك ان اول ماتجيه الفرصه بيطيرك
ووارد جداً انه بيتحرقص ويدور الفرصه عشان يطلع الانسانه اللي طايح بحبها وغرامها ?
.
.
وبيكون كل تفكيره كيف اسعدها مثل ماتسعدني ?
لان الكلام التشجيعي بالنسبه له افضل طريقه عبرتي فيها عن حبك ، وحس من خلالها انك قدمتي له الحب اللي يتمناه طول عمره ?
نكمل...
اما اذا كانت هاذي لغة الحب الخاصه بأحد اطفالك ??
بتلاحظي انه دايم يقولك انا احبك ياماما ?
شكراً على هذا الاكل اللذيذ ?
واذا مدحتيه او قلتيله شاطر حبيبي يفرح ويسمع كلامك ?
وممكن اذا سمعك تمدحي طفل غيره وهو موجود يغار ويزعل ?
لانه يشوف انه هذا حب خاص فيه وبيروح لغيره ?
.
.
اذا كان هاذي لغة الحب الخاصه بطفلك شجعيه دايم وامدحيه وصفقيله ??
وحاولي امام الناس تتكلمي عنه ، شفتو فلان شاطر وذكي يحل واجباته بنفسه ومايتعبني ?
شفتو فلانه سنعه وشطوره تساعدني بشغل البيت ?
.
.
اضمنلك اذا استمريتي بهالطريقه بعدها بيصيرو اطفالك يطيعو اوامرك بحب ونفس راضيه ..
ويتنافسو على خدمة امهم المحبه الحنونه
?
.
.
نقيس على ذلك الوالدين والاصدقاء ونتعامل معهم بنفس الطريقه ?
بسم الله الرحمن الرحيم ((وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ ))
قال رسول الله (صلى الله عليه وسلم )? الكلمة الطيبة صدقة ))...
.
.
بالكلمه الحلوه واللسان اللي ينقط عسل ، تقدري تكسبي قلوب الناس جميعاً
وبالأسلوب المنفر ينفر منك الناس
فما بالك بزوجك ورفيق دربك ! ?
اللي يومه كله معك ويصحى على كلمتك وينام على صوتك..?
اذاً اول لغه من لغات الحب هي ( الكلمه الحلوه ) او كلمات التشجيع ...??
واذا كانت هذه هي اللغه الخاصه بزوجك رح تكون اول خطوه لك للتغير بإذن الله ?? وهي تغيير اسلوبك بالكلام مع تخفيض الصوت والكلام بأنوثه ورقه ??
مع العبارات الجميله مثل ( حبيبي ، عمري ، من عيوني ، تآمر آمر ، فديتك ، تدلل )?
والله لو كان اصعب رجل في العالم سوف يلين لك
ولكن بشرط
الاستمرااار وعدم الاستعجال على النتائج
فإن تغيرك لنفسك اولاً وثانياً وثالثاً ولمن حولك رابعاً ?
#لغات_الحب
تشتكيني بقهر وغضب ..
يا أستاذه زوجي يهمل طلباتي ، مع اني اعرف انه باستطاعته ينفذها ! ?
لكن يوعدني ويخلف وعده ..
تخيلي اني لي ٥ اشهر اكثر من مره طلبت منه يغير اثاث الصاله !
وزعلت عليه وصارت مشكله بيننا ووعدني يغيره قريباً ! لكن للاسف ماشفت اي شي .. ?
كلام وبس !
ودايم اقوله انت ماعندك غير الكلام ، شاطر بالقول بدون الفعل ! ?
جاوبتها بهدوء : زوجك في خلال هذه الفتره لم يقدم لك اي خدمات او يقوم بواجباته تجاهك؟
قالت : الا يا استاذه يوديني للسوق باستمرار واغراض البيت دايم كامله ، وسفرني داخل المملكه اكثر من مره ..
رديت عليها : تمام ، خلال الشهر القادم يا عزيزتي اريد منك تشكريه على كل خدمه يقوم بها . حتى لو كانت بنظرك سخيفه او واجب من واجباته وليكن اسلوبك بالكلام معه لين ورومانسي ، ولا تذكري طلبك للاثاث مره اخرى ! ??
ردت : بس ما اشوف ان هذا حل للمشكله ابداً ، كيف بيفيدني الشكر ؟ وهو ينسى طلباتي مع اني الح عليها ، كيف ما اذكر موضوع الاثاث ؟
قلت لها : الم تلحي في السابق وتكثري الطلب بتغيير الاثاث ؟ اذا هو يعرف انك ترغبي بتغيير اثاث الصاله !
طلبت منها تطبق نصيحتي بحذافيرها وتعود لي بعد شهر ، لكني تفاجأت برساله منها بعد ٣ اسابيع تقول: ( شكراً من الاعماق قبل شوي خرجت من محل الاثاث واخترت كنبي الجديد للصاله ، وراح استمر على نصيحتك طول عمري ) ?
.
.
.
حددي هدفاً بأن تقولي لشريك حياتك مجامله جديده كل يوم لمدة شهر فإذا كانت تفاحه واحده يومياً تجنبك زيارة الطبيب فربما تجنبك مجاملة يومياً زيارة مستشار العلاقات الزوجيه ..
#لغات_الحب
الغه الثانيه من لغات الحب ?
هي تكريس الوقت
.
.
غالباً تكون اللغه الخاصه بالاشخاص الشماليين..
اذا شريك حياتك دائماً يطلب منك التواجد في المنزل ?
يكره كثرة خروجك وانشغالك بالعزايم والمناسبات ..
يبغاكِ ٢٤ ساعه مقابلته ومهتمه فيه ، يحب يتكلم معاكِ ويقضي وقت خاص معاكِ على انفراد ، بغض النضر عن الشي اللي تسووه المهم تكونو مع بعض وكامل تركيزك وانتباهك عليه .. ?
يحب وجودك معه وقت مايمارس هواياته ، مثلاً اذا كان يتفرج مباراة الفريق اللي يشجعه تكوني موجوده ، تسويله جو للمشاهده وتتفاعلي معاه ..
اذا جا من دوامه تهيئي جو الغرفه ( مكيف بارد ورائحه جميله ) وتسأليه بأهتمام كيف كان يومك؟
تطلعو سوا للممشى اكثر من مره في الاسبوع وخلال المشي تكون بينكم سواليف..
بأي طريقه المهم يكون لك وقت خاص معه وتركيزك واهتمامك كامل عليه..
.
.
واذا تكلم يحب يشوفك مهتمه بكلامه ومنصته له بالكامل ?
.
.
هذا يعني انه لغة الحب الخاصه به هي تكريس الوقت
اذا كانت هذه هي لغة الحب الخاصه بشريك حياتك ?
- خصصي وقت يومي له مثلاً ساعه مع عدم وجود الاطفال ، يكون كامل تركيزك وانتباهك له وبشيء يحبه ويستمتع به (غير الوقت المخصص للعلاقه الحميميه )..
- ركزي عينك بعينه لما يتكلم او يسولف لك وحسسيه بأن الموضوع يهمك..
- ابتعدي عن مقاطعته بالكلام نهائياً..
- مارسي معاه هواياته او الانشطه المفضله فهذا يقربك منه ..
- العبي معاه اي العاب حماسيه ? فيها تحدي ومغامره ، حتى لو كانت بالورق
- اخرجي معاه بالسياره لوحدكم وتكلمي بمواضيع تهمه وتجذبه ?
.
.
وبعدها بيتخلى عن كل اصدقائه عشان يجلس مع زوجته المسليه وقت اضافي ?
.
.
اذا كانت هذه لغة الحب الخاصه بطفلك ?
- خصصي وقت يومي للعب معاه او التلوين والكتابه ?
- اسأليه عن يومه بعد المدرسه وركزي اهتمامك بما يقول ??
- شاركيه اوقاته الخاصه السعيده والحزينه وتفاعلي معاه بمشاعرك ?
.
.
.
وغَزل تقولكم ، عيشو بسعاده ?
بقلمي : غزل
يتبع....??????
#لغات_الحب
اللغه الثالثه من لغات الحب
تبادل الهدايا ?
ومن منا لا يعشق الهدايا ?
.
.
الهدايا هي رمز الحب والتقدير ..
فعندما تحصلين على هديه من اي شخص ، تشعرين وكأنه يقول لك ( انا افكر بكِ )
.
.
وفي اول لقاء لك بين وبين زوجك لابد ان يعطيك هديه ?
وتبقى هذه الهديه هي اعلى الهدايا قيمه بالنسبة لكِ ، ومن المؤكد انك ترغبي بالاحتفاظ بها طوال حياتك ..
.
.
تبادل الهدايا هي أسهل لغه من لغات الحب ، فهي لا تحتاج الى الكثير من التعلم او الجهد او الوقت ..
ولا يشترط ان تكون هديتك ذات قيمه مرتفعه !
بل على العكس ، ربما تكون بطاقه جميله مكتوب بداخلها كلام عميق ، اجمل من هديه بالاف الريالات .. ?
.
.
اذا كانت هذه لغة الحب الخاصه بشريك حياتك فأنتِ محظوظه !
لأنه بإمكانك التعبير عن حبك بسهوله ، وفي أي وقت وأي مكان وزمان .. ?
.
.
غالباً تكون هذه اللغه الخاصه بنا نحن النساء ?
وفي البوستات القادمه سوف اخبرك كيف تجعلي زوجك يعبر لك عن حبه بلغتك المفضله انتِ ..
.
.
اذا كانت لغة الحب الخاصه بشريك حياتك او احد اطفالك هي تبادل الهدايا.. ?
.
.
- احرصي على وجودك في المناسبات المهمه له فوجودك بجانبه هي اكبر هديه وبالطبع احضري له هديه ذات قيمه معنويه عاليه ..
- ايضاً في المناسبات الصعبه كوني بجانبه وخففي من المه ولا تتركيه وحيداً ابداً حتى يخرج من حزنه ..
- عند ذهابك للسوق او الى اي مكان بمفردك تذكريه بأي شيء وقدميه له عند عودتك ( مثلاً قطعه حلوى مغلفه من احدى المناسبات ، قميص ذا رسمه مفضله له ، اشتري عصيره المفضل وقدميه له ) ..
- قدمي له الهدايا ذات القيمه البسيطه كل اسبوع مثلا : ( وجبة عشاء لذيذه مع شموع ، بطاقة حب ، ورده ? )
- عند مرضه حتى ولو كان مرضاً بسيطاً احضري له الدواء بنفسك مع كوب الماء وحضري له الوجبات المفيده وقدميها له في السرير ..
.
.
احتفظي بمذكره خاصه ، وكل مره تسمعي حبيبك يقول احب هذا الشيء واتمنى شراءه ، او تعجبني الزهور الصفراء انصتي لما يقوله جيداً ، وسجليه بمفكرتك وعودي لها في المناسبات عندما تحتاري بشراء هديه له ?
.
.
تقول احدى الاخوات :
انا لغة الحب تبعي تبادل الهدايا وكنت ببداية زواجي كل فتره اشتري لزوجي هديه وانصدم مايفرح فيها ويركنها الين ماتغبر ?
وبعد ماقريت بوستاتك فهمت انو ماتفرق عندو وانه لغة الحب تبعو كلمات التشجيع ماصرت اخسر نفسي ?
والكلام ببلاش صرت امدح فيه واطيرو السما ? واشكرو على كل شي يجيبو ليا يعطيك العافيه حبيبي تسلم يدك ياعمري ومن دا الكلام اللي يذوب ?
المهم انو صار هو يلبيلي طلباتي على طووول واحياناً بدون ما اطلب ?
وحسيت انه طاير بيا وحس بحبي ليه قد ايش كبير
#لغات_الحب
للغه الرابعه من لغات الحب
أعمال خدميه ..
.
.
غالباً تكون خاصه بالأشخاص الشماليين ...
?
