لحقوني خطيبي بيجنني

[سفينه العشاق]

السلام عليكم


كيف اقول لكم مشكلتي خطيبي غريب وربي

سويت اختبار الانماط عشان افهم شخصيته اكثر
وطلعلي شرقي جنوبي

بس وربي مافي ولا صفه من هالنمط خطيبيجريئه بدرجه كبيره

لما اكلمه دايم يقولي انا فري فري

يحب الملابس الخالعه وايم يوريني صور الخالعه يقول ابي كذا اشتري كذا
مابي اشوف عليك شي ساتر ابي دايم لبسك عريان


والحين طلع موضوع جديد يقول عاتي لو لبست قصير وشافك اخوي عاتي يعتبرك مثل اخته

قمت قتله مثلا لو عمي جاء ولبست شورت نص الفخذ وبدي بس وجلست معاه
قالي ايه عاتي عمك وش فيها تكونين رومنسيه اكثر

خطيبي مادري كيف فاهم الرومنسيه

قتل له البسك انتا بالبيت عاتي بس بين اهلك واهلي لا بلبس لبس محتشم وملكي يعني
قال انتي فهمتيني غلط

قلت تيب كم نسبه الغيره عندك قالي 80 بالمئه يقول انا لما اطلع خواتي السوق حد يناظرهم اتهاوش قلت تيب وين هالغيره ماشوفها انتا تبيني فري مع اخوانك
قلت تيب لو اني لابسه قصير وضيق وفخذي طالع وصدري وشافني اخوك
قالي ايه عاتي وين المشكله
بس اذا تبين تلبسن عباء مامعنك
بس انتي اذا دخلتي العيله بتشوفين كيف فري يعني عاتي
انا خواتي يطلعولي بشورت وكذا
ومره اختي لبست ملابس الداخليه وطلعت الصالون

انا انفجعت قلت وش هالقله الادب
احسه لما يتفشل يقول انتي فاهمه غلط انا اغار بس يعني كيف اقولك

بعدين اقوله تيب انتا تضمن اخوك مايتخيلني ماصير بتفكيره حتى لو متزوج يمكن يفكر فيني حتى بالعلاقه الخاصه مع زوجته

قالي ايه اضمن عاتي انتي مثل اختهم
ويقولي لو اضمن انه ناضروا فيك نضره مو اوكي انا بقولك البسي عباء بس انتي لما بتدخلين العيله وبتشوفين انه هالشي عاتي

ياربي قهرني وش هالرجال هذا يقول اغار بس ماشوفه يغار


يبي مره فري

قتله انا فري واصير لك فرنسيه لو تبي بس بيني وبينك في بيتي معاك

بس برا البيت خلاص اصير محتشمه ليه اصير عريانه في بيت اهلك يقولي انتي لما بتدخلين العيله بتشوفين الوضع
قلت انا مثل مانا ولي شخصيه ولي تفكيري محد ياثر علي
قلي بالعكس شي حلو

حيرني وربي

عطوني حل وياه تكفون

عمري 25 وخطيبي 28

 

[يالوردي]

عزيزتي كل مجتمع تختلف طريقة تفكيرهم
وعاداتهم عن المجتمع الاخر
انتي ماتعرفين اهله وطريقتهم يمكن صادق بكلامه عن اهله
ويمكن لا يبي يشوف ردت فعلك
انتي اتاكدي من اذا اهله كذا تفاهمي معه وقوليله ماراح اكون
مثلهم ولازم يحترم رغبتك.

 

[يارب وكلتك امري]

حبيبتي يمكن هو فعلا الحين يحس انه عادي لكن صدقيني اذا صرتي معه واحد شافك بتطلع هالغيره غصب
بس انتي لاتحاولين تفصلين له في الامر ولاتكثرين في الحكي معه بهالموضوع لان ما اظن بيجبرك على طريقة لبس معينه عند اهله واخوانه هالشي راجع لك لكن معه البسي مثل مايبي واكثر
وفيه ناس فعلا الوضع فري بينهم بس مو توصل انك تطلعين عورتك كله في حدود المعقول واكيد هو راح يحترم فيك هالشي ,,, موفقه

 

[دمعة الفراق]

تمسكي باأدبك وحيائك لايجرك الى الناراخواته فري مشكلتهم مو مشكلتي اي غيرة ويبي اخوه يعرف تفاصيل جسمك سلامات اشك في وضعه العقلي اكثري من لاستخاره قبل الزواج خليك عند قرارك ان تكوني محتشمة على الرجال الغير محارم لك وربي راح يسخره لك لو احتسبتي رضي ربي تمنياتي لك بالتوفيق

 

[سفينه العشاق]

عزيزتي كل مجتمع تختلف طريقة تفكيرهم
وعاداتهم عن المجتمع الاخر
انتي ماتعرفين اهله وطريقتهم يمكن صادق بكلامه عن اهله
ويمكن لا يبي يشوف ردت فعلك
انتي اتاكدي من اذا اهله كذا تفاهمي معه وقوليله ماراح اكون
مثلهم ولازم يحترم رغبتك.

تسلمين ع ردك اللي يفرح القلب ^_^
وان شاءالله ماراح اتنازل عن مبادئي

 

[سفينه العشاق]

حبيبتي يمكن هو فعلا الحين يحس انه عادي لكن صدقيني اذا صرتي معه واحد شافك بتطلع هالغيره غصب
بس انتي لاتحاولين تفصلين له في الامر ولاتكثرين في الحكي معه بهالموضوع لان ما اظن بيجبرك على طريقة لبس معينه عند اهله واخوانه هالشي راجع لك لكن معه البسي مثل مايبي واكثر
وفيه ناس فعلا الوضع فري بينهم بس مو توصل انك تطلعين عورتك كله في حدود المعقول واكيد هو راح يحترم فيك هالشي ,,, موفقه

ان شاءالله يارب
وهو من كلامه حسيته مايبي يغصبني بس يقولي الوضع عندنا كيف بس تبين الجد انا انصدمت فيه ناس كذا الفري يعني قويه
بس انا بحاول افهمه وجههنظري بين اهلك ماراح البس مثلهم

 

[سفينه العشاق]

تمسكي باأدبك وحيائك لايجرك الى الناراخواته فري مشكلتهم مو مشكلتي اي غيرة ويبي اخوه يعرف تفاصيل جسمك سلامات اشك في وضعه العقلي اكثري من لاستخاره قبل الزواج خليك عند قرارك ان تكوني محتشمة على الرجال الغير محارم لك وربي راح يسخره لك لو احتسبتي رضي ربي تمنياتي لك بالتوفيق

اللهم امين
ان شاءالله ماراح اتنازل عن تربيتي ^_^

وان شاءالله بستخير اكثر من مره
تسلمين غلاتي

 

[سفينه العشاق]

ااتمنى اشوف مشاركات الباقي لانها تهمني كثير

 

[والله عسل]

فعلا شي غريب
الله يعينك
استخيري قبل لا ترتبطي به
أفكارك لا تناسبك تماما

 

[والله عسل]

أعني أفكاره لا تناسبك

 

[نضوج أنثى]

شوفي ياعسل اهم شي في الانسان اللي ترتبطي فيه الدين اللي ماعنده دين ولا خوف من الله ما تأمنيه على نفسك الرسول صلى الله عليه وسلم قال الحمو الموت اللي هو اخو الزوج فما بالك خطيبك يبغاك تتعرين عند اخوه وغيره لا تقولين انا ماراح اتجاوب معاه واحافظ على نفسي طيب ليش تحطين نفسك في بيئه زي هذي والله ماراح ترتاحين ابدا بينهم بكره بنت خاله او عمه تدخل عريانه يقولون لك عادي واصلا ايش اللي اخواته يجلسون قدامه بشورت حرام والله ياويلهم من ربي فكري باطفالك وبناتك مستحيل يشوفون هالوضع ويتربون ع الستر والحشمه والله لو انا منك ارفض هالانسان رفض تام وياخذ له وحده تقبل بوضعهم الشاذ ومن ترك شيئا لله عوضه خيرا منه استخيري الله في ارتباطك معاه الوضع كله غلط بغلط

 

[نووووفه]

الحلال بين والحرام بين
وش معنى فري؟؟؟؟؟؟؟
يعني ان الواحد يتفسخ من دينه عشان يكون فري؟؟؟؟ وش المنطق هذا
احس خطيبك فهمه للحياه غلط
واصلا ميزانه للصواب والخطا غلط....
عاتي ....وفري....ان شاء الله على اي دين واي مله؟؟؟؟
انصحيه يمكن تكونين سبب في هدايته
واهم شي استخيري للزواج لانك ما تدريين الفري وين واصلة به...

 

[انثى بجنون]

اني مع اختي نضوج انثى
هذا وضع شاذ ولا اخلاقي
تمسكي بتعاليم دينش ولاتسمحين لاحد يخرب عليش دينش
وخليش على مبادئش هو اختارش وهو يعرف ان وضعكم غير وضعهم لازم يحترم ذا الشي
وربي حياتهم مهزله
الله يعينش ويعينش في تربية بناتش بين هذولا

 

[سفينه العشاق]

ماقصرتوا ع ردودكم وكلامكم عين الصواب وانا استخرت وصدقتوا حسيته وضعه مو طبيعي شاذ او شي

مجنون تخيلوا يبي يسجدلي ؟؟؟؟؟؟؟؟؟؟؟؟؟

انا انصدمت جلست ساكته 5 دقايق مريض مو طبيعي

ويبي يبوس رجولي ومادري شنو يقول هذا مقدار الحب وكذا اعبر عن حبي

مريض وان شاءالله بفتك منه قريب قلت لاهلي ع وضعه وهم بيحلون الموضوع



وجزلكم الف خير

 

[يالوردي]

ادعي ربك ان كان فيه خير يسره لك وانك كان فيه شر
يصرفه عنك عاجل غير أجل والخيره فيما أختارها الله..

 

[إحسآآس بريء]

أختي الغالية .. هذي تصرفات كلها تنبئ بشيء غلط بالموضوع ..
و واضح أن تربيتك غير لأنك استغربت ع الأقل هالأشياء ....
و أحس أنه متأثر جدا أو معجب بنمط حياة بعض الأشخاص .. الذين يعيشون هكذا ... سواء من أفلام أو ثقافة غربية الخ ...
و عليك بالدين و الخلق لأنك سترتاحين بقية عمرك إن شاء الله ..
مو أي خاطب دق الباب ياهلا و سهلا ..
لازم تشوفين الزوج الذي يستحق أن يكون أبا لأبنائك ...
حتى لا يعاتبوك يوما عن هذا الإختيار السيء .... و ما أقساه من عتاب ...
و بما أن خطيبك يقول كل شيء عادي ..... فلا تستبعدي خيانته لك .. ما دام كل شيء عادي فحتى العلاقات المحرمة و الغير شرعية عادي ...
الموضوع يحتاج إلى إعادة نظر .. و إلى دراسة و نظرة شمولية على المدى البعيد ..
أعانك الله و يسر أمرك .. فقط سؤال هل تم بينكم العقد الشرعي أم ليس بعد (يعني مملكة) ؟؟

 

[سفينه العشاق]

يالوردي تسلمين ياقلبي
اللهم امين يارب

احساس برئ

صادقه في امور غلط واضح انه متاثر حييل بالغرب
وقلت له ناخذ من الغرب الشي الزين
مو الشين
بس هو بالحيييييييييل متاثر بالغرب بشكل رهيب

وبصراحه ماعجبني تفكيره حاولت اغيره بس احس مافي فايده واخاف نتزوج ونجيب عيال كيف اقدر اربي عيالي مثل ماقلتي

ايه مملكه بس اهلي ان شاءالله بيحلون الموضوع