لحد الحين ما أعرف شلون يفكر زوجي !!!!/وينج استاذه ناعمه علميني وين الغلط ؟!!!!

[الأمل بالمستقبل]

السلام عليكم ورحمة الله وبركاته

أنا عضوه جديده على المنتدى

وسمعت عن المنتدى وحبيت أنضم لكم

بس الحين أنا عندي مشكله وأبي حل لها

مشكلتي اني لحد الحين ما عرفت مفاتيح زوجي

راح اقولكم قصتي مع ابو عيالي وقولولي وين الغلط

وليش لحد الحين ما عرفت شلون يفكر


في بدايه حياتي طبقت كوني له أمة يكن لك عبداوكوني له أرضا يكن لك سماء

ولكن ايضا كانت لي أخطائي معه

ومن أخطائي انه لو يطلب عيوني اعطيته وقد طلب مني وطلب وطلبوطلب وفي كل مره كنت اعطيه

في أول حياته كانت موظف وبعد ان انجبت 3 بنات أراد أن يكمل دراسته وكان معه الدبلوم

وكنت قد توظفت لي سنه

وسافر ليكمل دراسته

وجلست في الديره وربيت البنات طوال فترة دراسته وكنت أصرف على نفسي

وعلى البنات من معاشي وخلال فترة دراسته ذهبت معه لمدة سنه واحده

ورجعت لأني حملت وهو لا يستطيع أن يتحمل تعبي فترة حملي

ومن ناحيه ثانيه سكنت معه في بيت حموله فليس لي سكن خاص وإنما فقط غرفتين في بدايه حياتي

وكنت زوجة الأكبر فيهم

وبعد فتره باع الأب البيت على ولده ((الذي هو زوجي ))وهم ما زالوا فيه

وصار بيتي بيت الحموله ولم أعترض

لأني في ذلك الوقت كانت أمي الله يطول بعمرها تقول لي أنتي مرت الكبير والجنه

دايم تتحمل اللي يجي من حمولتها


وكنت أعتبر نفسي منهم وأرجع من الدوام واقوم بالبيت وأسوي العشا

وبعد فتره تزوج حماي الثاني

لكن معاملتهم لها تختلف عن معاملتهم لي

لها معزه غير شكل

لها ولأمها مع كثرة المشاكل بينهم ؟!!!!

أما أنا فليس لي أي قيمه عندهم ولا لأمي ولا لأخوتي

مع العلم ان أمي وامه خوات فزوجي ولد خالتي

وأنا من كثر المشاكل اللي صارت من خالتي لي

سكتت أمي وهي تحس بالحره في صدرها لأن من

تسيء لي ولها هي أختها ؟!!!!!

ولكن أمي قطعت علاقتها بخالتي

ليس قطع نهائي

ولكن في المناسبات الكبيره بالعروس والاعياد تكلمها وتبارك لها وتحضرها


لقد حاولت أكسب خالتي بكل وسيله ولكنني فشلت

فهي لا تراني شيء

وتزوجت اخت زوجي ورجعت مطلقه بعد سنتين وكان معها طفلتين

وبدأت المشاكل أكثر بسبب الأطفال

وكنت ما أفتح فمي لاحد منهم مهما فعلوا لبناتي وأولادي

ولكن خالتي كانت تفسر حركاتي وسكناتي

وصار موقف من اخت زوجي لأحد أولادي

وكان زوجي موجود بالبيت وكانت بداية الشراره

وأتاني زوجي يلقي بالتهم انني أنا السبب

لأني ما أدافع عن عيالي ؟!!!!

حتى القطوه تدافع عن عيالها وانتي تشوفينهم ينطقون ما تتكلمين ؟!!!!

إن شفتج ساكته عن أحد يطق عيالي وريتج

وكنت أقوله شتبيني أشوي عمتهم ؟!!

وصرت ما أقول شي بس أعطي ايحاءات بعدم الرضى

فزات النار حطب

وصارت خالتي تخانقني على أدنات الدون

وقال أبو عيالي مع كثرت المشاكل

بنطلع في بيت أنا وانتوا وأخلي البيت لأمي ترتاح فيه

وقلته لاتطلع من البيت هذا بيتك وممكن تنتهي هالمشاكل لو تبني طابق ثالث ونسكن فيه

لكنه رفض ؟؟؟!!!!

وكان مرات يلمح لي انه راح يتزوج على مو لأنه يبي يتزوج بس علشان يجربون غيري ((على قولته ))

ويعرفون قدري وأنه محد من الحريم الحين مثلي !!!!!!!

وكنت أقوله وأحد شاكيلك الحال

وإلا أنت اتحجج ؟؟؟!!!!!!!

وطلعنا

وسكنا بيت للأجار

وبعد شهر أو أقل شوي

سمعت ان ابو عيالي خطب بنت أكبر من بنته ب3 سنوات وكان عمر بنتي 18 سنه

ولما حلفته حلف انه ما تزوج ولا راح يتزوج

لأنه في الحقيقه رفض من العايله اللي خطب منها

رجل في الأربعين من عمره وعنده من الأولاد 5بنات و3 أولاد

من بعد هذا الموقف ليس لي ثقه في زوجي

فزوجي سريع التأثر بأمه ولا يتحمل أن يزعلها حتى لو في ذلك ظلم لي !!!!!

واحب فيه مسألة البر بوالدته ولكن يا ليت عندي يقول

لا يا الغاليه هذي أم عيالي ؟؟؟!!!!!


لا ما يقوله ؟؟؟؟؟؟


وبعدين صحيت وصحا قلبي (( خخخخخخخ شر البليه ما يضحك <<<<<<تو الناس كان قعدتي بعد عشر سنين ثانيه ))


وكأن أحد صفعني طراق قوي خلاني أحس باللي يدور من حولي



اللي حسيته ان ابو عيالي للحين ما حبني يقلبه

يمكن يحبني بعقله لكن ما هو بقلبه لأني أم عياله الحليوه واللي ما تقول لا ولا شاف منها إلا كل خير

واللي كل ما احتاج لها ماديا عطته

((لأني ماني كثيرة مصاريف وأوفر من معاشي وكل ما وفرت جاني أبو العيال بمشروع وأخذ اللي وفرته ))

وكم مشروع سواه وفشل فيه ؟!!!!

لا ومره أخذ سلفيه من البنك مبلغ كبير وخلاني أكفله عند البنك ودخل البورصه بالفلوس

وخسرها كلها

وصارت علينا بس الأقساط ثلاث أرباع المعاش

ولأن معاشه ما قعد منه شي أخذ بطاقتي السحب حقت البنك معاه نصرف منها لمدة 8 سنوات

وبعدين الله فتح عليه في مشروع وبدا يربح وكثرت فلوسه

تدرون انه لما خطب علي كانت بطاقتي للحين معاه((من زود خبالي والله ))


وهدأت العاصفه


وصرت اهتم بروحي ((لأني أول كنت أقدم كل شي على نفسي

وأهملت نفسي ومع طول السنين زاد وزني وصكيت 99 كيلو

واهملت شعري وصرت أعاني من تساقط الشعر وصار شعري خفيف ))


سويت ريجيم ونزلت وزني 13كيلو حتى الحين وإن شاء الله راح أستمر ليمن أوصل 70 كيلو

وبالغصب والمحايل أخذت بطاقتي من أبو عيالي الأخ استحلها ((استحلال اسرائيل لفلسطين ))

لا ويقولي لا تصرفين منها إلا بعلمي

وقلته إن شاء الله

عاد شدعوه بطيعه في هاذي

من اليوم ورايح في فلوسي ما له أي حكم

لا وواجب عليه يصرف علي بعد

أبو عيالي من يوم طلعنا في بيت الأجار وهو كتوم ما يعلمني بأي علم لا عن نفسه أو عن أهله القريبين والبعيدين وهذي الصفه تخليني أخاف منه ؟؟!!

أي شي أنا أبيه الجواب لا إلا في النادر وهاذي الصفه تحسسني أني ما لي مكانه عنده

ودي أعرف شلون أكسبه ؟؟وشلون يفكر؟؟ وشلون أخليه يحبني بقلبه قبل عقله؟؟

وشلون أخليه يحترمني ويحترم رغباتي ويحترم أهلي ؟؟؟؟؟

يلا يا الغاليات

وين الغلط ؟!!!!!

دلوووووووووني على الطريق

استاذه ناعمه حتى إنتي لا تخليني

محتاجه لنصيحتكم


ولكم مني جزيل الشكر

 

[ريحانه الجنه]

يسعدني ان اكون اول وحده ترد عليكي ياقمر
احب اقولك ان الغلط عليكي انتي يعني الرجال لمن يشوف وحده تصرف على نفسها ينبسط مره ويقول احسن وانتي مسويه كريمه وتعطيه البطاقه ياشيخه لو زوجك ملاك لاتخليه يطمع فيكي وواضح من كلامك انه مافي اي اهتمام بنفسك لازم ترجعي كانك عروس اهتمي بنفسك وجمالك ووزنك حتى شوفي يوم راح خطب خطبله وحده صغيره هذا دليل على وش؟
فكري بنفسك اولا وباهتمامك بنفسك والله يرجعه لكي

 

[شكرا بلقيس]

مثل ماقالت لك الاخت ارجعي عشر سنين وراء واهتمي بجمالك وبشرتك وكل شئ فيك واهم شئ لا تنسين الدلع خليك دلوعة
وفلوسك خليها لك ولاتعطينه ولا فلس وانتي توفرين منا وهو يصرفها من هنا فلوسك انتي اولى فيها صرفي نفسك وقولي ان شريت ارض مثلا او خسرت في الاسهم واني مديونة وخليه هو اللي يصرف عليك لان الرجال ما يحس برجولته الا اذا صرف على زوجته وعيالة لانه اذا صرف عليكم يحس انكم محتاجينه واذا كنتو مو محتاجينه بيدور على اللي تحتاجة ويصرف عليها
وعليك بالدعاء في اخر الليل والاستغفار
والله يرجعة لك انشاء الله
وادعي ان الله يهدي امه وانتي خليك قوية وفي نفس الوقت لاتقلين ادبك يعني لاتخلين زوجك يحس ان اهله مسيطرين عليك ويتحكمون فيك لا
اخذي حقك بيدك بس بادب يعني خلي عندك اسلوب بس لا تسكتين عن الغلط

 

[اساوري]

أختي عليك بالجوء لرب الأرض والسماء بتفريج كربتك وبالذات النصف الأخير من الليل وأستغفري بنية رجوع زوجك لك
أنتي ماأخطأتي لكن وفيتي وقدمتي كثير وهالشي إن مالقتيه عندزوجك وأهله راح تلاقينه عند ربك بالمثوبه وألأجر العظيم
بطاقة الصراف لا ياخذها منك سوي نفسك دخلتي مشروع وخسرتي وخلي جزء من الراتب ينزل لك بحساب أخر دون علمه
حاولي أنك مهما كان عندك من فلوس أو راتب ما تستغني عن خدمته ووقفته معك بالبيت وتربية العيال
وإذا جاب شي إدعي له وأشكريه وبيني فرحك بالشي الي جاب
غيري من حياتك كل شي فيكي غيريه شعرك ,لبسك ,ثقافتك ,شكلك ,
غيري ببيتك
لدخل عليك رحبي وذا راح لاتسألي
أشغلي نفسك
تقربي لأم زوجك وبيني لهم الي راح راح وأبدئي حياة جديده معهم وتغاضي عن تصرفاتهم وتقربي لها بالهديا وحاولي تقربيها لأمك يعني جيبي هديه لها وقولي هذي من أمي لك وسوي العكس مع أمك وأقنعي أمك بالأجر العظيم بالعفو الصلح بينها بين امك

 

[الأمل بالمستقبل]

يسعدني ان اكون اول وحده ترد عليكي ياقمر
احب اقولك ان الغلط عليكي انتي يعني الرجال لمن يشوف وحده تصرف على نفسها ينبسط مره ويقول احسن وانتي مسويه كريمه وتعطيه البطاقه ياشيخه لو زوجك ملاك لاتخليه يطمع فيكي وواضح من كلامك انه مافي اي اهتمام بنفسك لازم ترجعي كانك عروس اهتمي بنفسك وجمالك ووزنك حتى شوفي يوم راح خطب خطبله وحده صغيره هذا دليل على وش؟
فكري بنفسك اولا وباهتمامك بنفسك والله يرجعه لكي

أنا ماني مهمله في نفسي

في بدابة حياتي كنت أغير له وألبسه كل شي

لكن

بعد ما جبت ولدي

بالفراش مونسته لكن قل اهتمامي بقمصان النوم

لان أولا بناتي كبروا

وإنا كنا بس في غرفتين ؟!!!!

وبعد سمنت ولا يناسبني أي قمصان نوم بالسوق ؟!!!!!!!!

 

[الأمل بالمستقبل]

مثل ماقالت لك الاخت ارجعي عشر سنين وراء واهتمي بجمالك وبشرتك وكل شئ فيك واهم شئ لا تنسين الدلع خليك دلوعة
وفلوسك خليها لك ولاتعطينه ولا فلس وانتي توفرين منا وهو يصرفها من هنا فلوسك انتي اولى فيها صرفي نفسك وقولي ان شريت ارض مثلا او خسرت في الاسهم واني مديونة وخليه هو اللي يصرف عليك لان الرجال ما يحس برجولته الا اذا صرف على زوجته وعيالة لانه اذا صرف عليكم يحس انكم محتاجينه واذا كنتو مو محتاجينه بيدور على اللي تحتاجة ويصرف عليها
وعليك بالدعاء في اخر الليل والاستغفار
والله يرجعة لك انشاء الله
وادعي ان الله يهدي امه وانتي خليك قوية وفي نفس الوقت لاتقلين ادبك يعني لاتخلين زوجك يحس ان اهله مسيطرين عليك ويتحكمون فيك لا
اخذي حقك بيدك بس بادب يعني خلي عندك اسلوب بس لا تسكتين عن الغلط

بالنسبه للفلوس خلاص إن شاء الله ما عاد اعطيه منها فلس

وبالنسبه لخالتي

الحمد لله طلعت من عندها وسكنت في بيت بروحي

ولا لها مني إلا السلام عليكم وعليكم السلام والمقابل الزين ((الحمد لله الذي بنعمته تتم الصالات ))

 

[الأمل بالمستقبل]

بالنسبه للفلوس خلاص إن شاء الله ما عاد اعطيه منها فلس

وبالنسبه لخالتي

الحمد لله طلعت من عندها وسكنت في بيت بروحي

ولا لها مني إلا السلام عليكم وعليكم السلام والمقابل الزين ((الحمد لله الذي بنعمته تتم الصالحات ))

والله يكفيني شرها

 

[الأمل بالمستقبل]

أختي عليك بالجوء لرب الأرض والسماء بتفريج كربتك وبالذات النصف الأخير من الليل وأستغفري بنية رجوع زوجك لك
أنتي ماأخطأتي لكن وفيتي وقدمتي كثير وهالشي إن مالقتيه عندزوجك وأهله راح تلاقينه عند ربك بالمثوبه وألأجر العظيم
بطاقة الصراف لا ياخذها منك سوي نفسك دخلتي مشروع وخسرتي وخلي جزء من الراتب ينزل لك بحساب أخر دون علمه

نسيت أقول لكم إني مسويه له توكيل عام

وهالأيام أحاول الغيها

وقت ما سويتها كان محتاج يشتري أرض واحطها باسمي وقال أنا متاج وكاله عامه منج

ووافقت

ولي مده أحاول إني اخليه يلغيها

بس هو يقول

انتي ليش خايفه مني ؟؟!!!

انتي أم عيالي وأنا أخاف الله

بس إذا تبين خليها عندج ولا راح أقدر أسوي أي شي إلا فيها وما دامت عندج

بس أنا مصممه على إلغاءها

وإن شاء الله الله يوفقني للي أبيه

بس ما أبي أشد عليه

أبي لين تجي المواقف اللي من خلالها

أقوله وبطريقه تدل على انه هو اللي جابه لنفسه

خلاص بلغي الوكاله



حاولي أنك مهما كان عندك من فلوس أو راتب ما تستغني عن خدمته ووقفته معك بالبيت وتربية العيال
وإذا جاب شي إدعي له وأشكريه وبيني فرحك بالشي الي جاب

هذا اللي أنا قاعده أسويه

غيري من حياتك كل شي فيكي غيريه شعرك ,لبسك ,ثقافتك ,شكلك ,
غيري ببيتك

بديت ولكن الموضوع يبي شوي وقت

لدخل عليك رحبي وذا راح لاتسألي
أشغلي نفسك

تقربي لأم زوجك وبيني لهم الي راح راح وأبدئي حياة جديده معهم وتغاضي عن تصرفاتهم وتقربي لها بالهديا

من الأشياء اللي كنت أسويها

إن كل رمضان أشتري لخالتي

أغلى العطور والعود من عبد الصمد القرشي


ولما يجي عيد الأم ((مع أني ضد الأحتفال فيه ))

أشتري عطور وأعطي بناتي وأغلفها وأقول لبناتي روحوا عطوا امكم الهدايا وقولوا لها

كل عام وأ،ت بخير هذي هديه منا لج

بس الحين قطعتها

وحاولي تقربيها لأمك يعني جيبي هديه لها وقولي هذي من أمي لك وسوي العكس مع أمك وأقنعي أمك بالأجر العظيم بالعفو الصلح بينها بين امك

فكره حلوه بس مكشوووووفه

لأن امي ما زالت قاطعه العلاقه

بس في المناسبات الكبيره توصلها

وحتى لو اعطيها أمي ما راح تجيها

إذا اعزمتها على عزيمه خصوصيه

أو حتى عامه

 

[lyale]

طخ طخ طخ فقتي قمتي من الغيبوووووووووووبة حمدالله على السلامة جد جد فرحانه انج فقتي من الغفلة اللي كنتي فيها حبيبتي فلوسج احفيظها تراها لج اروحج و إذا إذا إذا تكرمتي عليه و تعززتي عليه ممكن تشتريلة شي بسيط في المناسبات اوكي مصروفج خذيه منه
تبين تعرفين وين الغلط و ين المشكلة (ضعف شخصيتج الإستسلامية و السلبية و تمثيل دور رجال البيت في الصرف و دور الخدامة عند اهله ) وليش يعاملون الثانية غير لانهم خلاص عادين خدامة عرفتي كيف و عياااااااااالج يا ويلي كيف تخلين حد يغلط عليهم جد لو قدامي الحين كان خنقتج اسمحيلي (انفعلت شوية) انا عيالي لو حد بس يقرب منهم آكله أكل صح انا زينة مع الكل بس مش معناه اني خدامه لهم و ماني مجبورة اتحمل غير عيالي و ريلي حتى ريلي يدبر راسة رجال بشنبات ماشالله عليه بس عيالي لا و الف لا اوكي
اول خطوة اهنيج عليها انج خذيتي البطاقة المحتلة هههههههههههه بعدين دلعي نفسج لييييييييييييييين تشبعين مع ان دلع النفس ما ينشبع منه اسئليني بتلاقين كل يوم شي تسوينه ههههه و مصروف عيالج عليه اوكي و مصروفج بعد لا تتنازلين و مشاريعة الخسرانة خلاص انسيها و لا تفكرين تساعدينه بمشروع فاشل مرة ثانية انتي دوري مشروع محترم ادخلي فيه بس ادرسييييييييييييه مية مرة قبل لا تفكرين تسوينه اوكي فديتج و اهله سويلهم طاف و بعدين حكاية زواجة من وحدة عشان يعرفون قدرج (قووووول والله بس ) حلوة هالحجة ما تمشي على بزارين قوليله يكفيني انك عارف قدري حبيبي و اهلك ما همني رايهم امك على عيني و راسي بس خلاص اكتفيت كفااااااااية قوليها بكل ثقة و ناحية انه ما يخبرج شي لاااااااااا تحاولين تستدرجينه في الكلام خليج نفسي نفسي و من بعدي الطوفان مبدئيا لين ما يصطلب و الله يجزيه خير بانه بار بامه بس حياتي لا حد يتدخل فيها حبيبي اوكي و فرفشي يا ماما اوكي خليج متواصلة مع صديقاتج و اهلج و اهتمي بنفسج شعرج جسمج برافوووووووووووو عليج كملي الريجيم و لا تضعفين و خليج متفائلة و لا تنسين حمامات المغربي و فايشيال الوجة و الشعر ماشي اختاري ملابس ملونة زاهية و نعول (عزج الله) كعب محترم و شنط اشكال و الوان و اكسسوارات كثري منها و عطور فواحة بس في البيت او عند اهلج و الدخون و العوووووووود لا تنسينه و بيتج خليه مرتب كانه فندق اوكي و بتشوفين كيف بيركض وراج و يطلب رضاج و ادي وشي ههههههههههه
استودعج الله الغالية

 

[الأمل بالمستقبل]

طخ طخ طخ فقتي قمتي من الغيبوووووووووووبة حمدالله على السلامة جد جد فرحانه انج فقتي من الغفلة اللي كنتي فيها حبيبتي فلوسج احفيظها تراها لج اروحج و إذا إذا إذا تكرمتي عليه و تعززتي عليه ممكن تشتريلة شي بسيط في المناسبات اوكي مصروفج خذيه منه
تبين تعرفين وين الغلط و ين المشكلة (ضعف شخصيتج الإستسلامية و السلبية و تمثيل دور رجال البيت في الصرف و دور الخدامة عند اهله ) وليش يعاملون الثانية غير لانهم خلاص عادين خدامة عرفتي كيف و عياااااااااالج يا ويلي كيف تخلين حد يغلط عليهم جد لو قدامي الحين كان خنقتج اسمحيلي (انفعلت شوية) انا عيالي لو حد بس يقرب منهم آكله أكل صح انا زينة مع الكل بس مش معناه اني خدامه لهم و ماني مجبورة اتحمل غير عيالي و ريلي حتى ريلي يدبر راسة رجال بشنبات ماشالله عليه بس عيالي لا و الف لا اوكي
اول خطوة اهنيج عليها انج خذيتي البطاقة المحتلة هههههههههههه بعدين دلعي نفسج لييييييييييييييين تشبعين مع ان دلع النفس ما ينشبع منه اسئليني بتلاقين كل يوم شي تسوينه ههههه و مصروف عيالج عليه اوكي و مصروفج بعد لا تتنازلين و مشاريعة الخسرانة خلاص انسيها و لا تفكرين تساعدينه بمشروع فاشل مرة ثانية انتي دوري مشروع محترم ادخلي فيه بس ادرسييييييييييييه مية مرة قبل لا تفكرين تسوينه اوكي فديتج و اهله سويلهم طاف و بعدين حكاية زواجة من وحدة عشان يعرفون قدرج (قووووول والله بس ) حلوة هالحجة ما تمشي على بزارين قوليله يكفيني انك عارف قدري حبيبي و اهلك ما همني رايهم امك على عيني و راسي بس خلاص اكتفيت كفااااااااية قوليها بكل ثقة و ناحية انه ما يخبرج شي لاااااااااا تحاولين تستدرجينه في الكلام خليج نفسي نفسي و من بعدي الطوفان مبدئيا لين ما يصطلب و الله يجزيه خير بانه بار بامه بس حياتي لا حد يتدخل فيها حبيبي اوكي و فرفشي يا ماما اوكي خليج متواصلة مع صديقاتج و اهلج و اهتمي بنفسج شعرج جسمج برافوووووووووووو عليج كملي الريجيم و لا تضعفين و خليج متفائلة و لا تنسين حمامات المغربي و فايشيال الوجة و الشعر ماشي اختاري ملابس ملونة زاهية و نعول (عزج الله) كعب محترم و شنط اشكال و الوان و اكسسوارات كثري منها و عطور فواحة بس في البيت او عند اهلج و الدخون و العوووووووود لا تنسينه و بيتج خليه مرتب كانه فندق اوكي و بتشوفين كيف بيركض وراج و يطلب رضاج و ادي وشي ههههههههههه
استودعج الله الغالية

مشكوووووووووره يالغاليه على مشاعرج الطيبه

ولج حق تعلقين لي حبل المشنقه

بس شقول ؟!!!!

ونعم أنا كنت غبيه

لأني قدمت كل من حووولي على نفسي

واللي ما يعزنفسه ما يعزه أحد

درس تعلمته متأخره !!!!!!

لأن حب أبو عيالي سد عيوني عن عن شوف الحقيقه

وبالأخير

كان رايه فيني مثل رايهم ؟؟!!!!!!!!!!

لكن ما ألوم إلا نفسي لأني أنا اللي جبته لنفسي

وخاصه انه عند أمه لا يمكن إنه يدافع عني أو يمدحني

ولأنهم شافوا مكانتي عنده ولا شي

فصرت أيضا عندهم ولا شي

 

[lyale]

لا تحاتين انتي الحين مش و لا شي انتي الحين كل شي و حطيتي ريلج على اول خطوة سدد الله خطاج و وفقج الغالية

 

[الأمل بالمستقبل]

لا تحاتين انتي الحين مش و لا شي انتي الحين كل شي و حطيتي ريلج على اول خطوة سدد الله خطاج و وفقج الغالية

الله يجزيج خير

بس يا ليت أي وحده عندها خبره تحط لي خطوات معينه أسويها مع زوجي العزيز

علشان أكسب محبته واحترامه

لأن الحين هو خايف من هالتغيير

مرات أحسه راضي لأني بديت البس بناطيل في البيت

وبدا يستمتع معاي ((اسمحولي بهالكلمه )) بالفراش أكثر

ومره علق على جسمي وقال ما شاء الله صرت رشيقه وحلوه

وقلت له لا توني بعد :showoff:

اصبر لين تشوفني وأنا وزني 70 :showoff:

تدرووووووووووون وش قال


قال كلمه للحين ترن في إذني


نجاحج نجاح لي :exclamationpoint:

بس

أحس انه هم يخاف يخسر المميزات اللي كان مكتسبها

فكل شي أبيه ليش وما له داعي ؟!!!!

ومو اللي ناصتج ؟!!

وانتي ما تعرفين مصلحة نفسج !!!!!!

لا يقصون عليج الحريم ؟!!!!

ما درى ان هذا مني وإني صحيح تغيرت

 

[اريومه]

ماشاء الله عليك يااختي انك بعد هالسنين فكرتي تستردين عزة نفسك
لا لا انت مو غبيه بس الزمن اللي حنا فيه تغير وصار الطيب والمتواضع غبي وسادج
بس دامك عزمتي الامر توكلي على الله وربي راح يعينك
اهم شي التووووووووووووووووووووووكيل اخديه منه بالرضى او بالقوه000هههههههههههههه
الله يخليكم لبعض ولايفرقكم 0اميييييييييييين

 

[اريومه]

اختي 00هو خايف لانك شلتي اعباء ومصاريف عنه وااااااااايد
بس طمنيه اني راح ابقى الانسانه الحنونه اللي تعرفها000ولاتخليه يندم انكم طلعتم من بيت اهله بالعكس خليه يتحسف على كل ثانيه مضت من عمره بدون استقلاليه
حاولي تفهميه ادا زعلان او مريض او مبسوط عامليه حسب نفسيته
وادا جاء زعلان اعطيه عصير باررررررررررررد قولي له تبي شي؟؟؟وروحي وخليه لاتحاولين تعرفين شو في بالقوه
الله يكون بعونك

 

[الأمل بالمستقبل]

ماشاء الله عليك يااختي انك بعد هالسنين فكرتي تستردين عزة نفسك
لا لا انت مو غبيه بس الزمن اللي حنا فيه تغير وصار الطيب والمتواضع غبي وسادج
بس دامك عزمتي الامر توكلي على الله وربي راح يعينك
اهم شي التووووووووووووووووووووووكيل اخديه منه بالرضى او بالقوه000هههههههههههههه
الله يخليكم لبعض ولايفرقكم 0اميييييييييييين

(( ماشاء الله عليك يااختي انك بعد هالسنين فكرتي تستردين عزة نفسك))

عزيزتي ما لها دخل بالسن

لها دخل شلون تشوفين نفسج

أنا كنت أسوي الطيب حتى لو محد طلب مني

وهذا أكبر غلط

لأنه في النهايه محد طلب منج!!

وإنتي اللي مشتهيه !!!

ويمكن صحيح ان الزمن تغير

لأن أول اللي يسوي خير ينشال معروفه على الراس

وهذا ثاني درس تعلمته

إني ما أعرض خدماتي بدون طلب

لا بعد

إذا طلب مني يمكن أوافق أو لا

على حسب الرساله اللي أبي أوجها للي جدامي

ومشكووووووووره حبيبتي على الدعوه الحلوه

 

[اهات14]

الله يوفقج يالغاليه حاسه فيج واله الطيب بالهزمن مايعيش

 

[الأمل بالمستقبل]

شدعوه

أبي طريقه

أخلي أبو عيالي

يحترم رغباتي

ولا يستصغر طريقة تفكيري

وأقدر أفرض عليه إحترام أهلي

ويصرف علي وهو مبتهج وراضي تمام الرضى

منو عندها أفكار لي

 

[زهره فواحه]

انتي بادئه صح وما يحتاج لج خطه عززي نفسك بالقرايه وبدروس شخصيتك وشخصية زوجكواستمري ولا يردك تحطيمه لك والله يقويك ويعينك

 

[الأمل بالمستقبل]

انتي بادئه صح وما يحتاج لج خطه عززي نفسك بالقرايه وبدروس شخصيتك وشخصية زوجك واستمري ولا يردك تحطيمه لك والله يقويك ويعينك

الحمد لله الذي بنعمته تتم الصالحات

أنا وين كنت ووين صرت

كله بفضل الله

فله الحمد وله الشكر

بس أنا أبي أمسك زمام أموري بيدي

ولا أبي أحد يتحكم فيني وفي مستقبلي ومستقبل عيالي

مليت تحكم خالتي فيني

والسبب إني

كنت في يوم طيبه معاهم وأحاول أكسبهم بكل الطرق

فاستضعفوني

وزادوا في ظلمي

وأبي استرجع مكاني في قلب ابو عيالي

ولا أبي لأحد منهم طريق علي وعلى بيتي وعلى عيالي

علشان جذي دخلت استشيركم

وأبيكم تساعدوني في اللي أبيه

ممكن مواقف أو أفكار بسيطه من تجاربكم تساعدني

 

[lyale]

حبيبتي أمولة يسعدني التغيير اللي سويتية و زي ما قلنالج حطيتي رجولج على اول سلمة صح
اول شي سويتية : تخفيف الوزن و الأهتمام بالنفس و الباقي يأتي بعدي
ثاني شي: تثقيف الذات بكتب بدورات باي شي يمكن يفيدج لو تعلمتي انشالله لغة جديدة
ثالث شي : قولي لاااااااااااااااااا للي ما يعجبج و ماهمج غير انج تكونين مرتاحة و مش مجبورة تجاملين حد على حساب راحتج و صحتج اهم شي
رابع شي : خالتج أو ام ريلج و سلايفج خليهم في البلاك ليست مؤجل موضوعهم لانهم اصلا ما هموج بس بعدين بنعرف كيف نتصرف معاهم
خامسا : هالله هالله بعمرج و عدولج لج انتي بس مش عشان اي حد
سادسا: خالتج لو كلمتج كلمة ما عجبتج طنشي سويلها طااااااااااااااااااااااااااف و طاف عودة بعد لو سالتج وين رايحة قوليها إلا قريب لا تعطيها شي يريحها و لا جواب يهنيها الله يهديها بس و بتشوفين بعدين كيف بتعاملج حبيبتي خليج عندهم لغز
سابعا و أخيرا: ريلج خليج رسمية معاه عطيه حقة في كل شي بس لا تركضين وراه و دايما اشغلي عمرج قراءة رايحة صالون بروح السوق بروح عند ربيعاتي عند امي فديت روحها انا و اتدلعي ماشي يا عسل
و اشوفج على خير