لحاف جدتي ..كن أحن من اللحاف

احصائياتى
الردود
0
المشاهدات
197

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
لحاف جدتي ..كن أحن من اللحاف
FB_IMG_1633240800166.jpg?

ماكنتش فيوم اتخيل أن لحاف جدتي طلع علاج و اللي زيه ب ١٥٠-٣٠٠ دولا
في طفولتي لما كنت أنام عند جدتي اللي بتتغطى باللحاف صيف و شتا و تصر تغطيني معاها
كان لحافها لحاف مخصوص تقيل جدا أتقل من أي لحاف شفته في حياتي
كنت بسميه اللحاف الإسمنتي لأني كنت بحس إني نايمة تحت حيطة
و لأن عندي أرق من طفولتي بسبب فرط التفكير و آلام المفاصل و الصداع فكنت لما بنام تحتيه ماكنتش بحس بيه كأني متخدرة
وكنت بنام بسرعة
فبقيت لما يرجع الالم ده اطبق لحاف و اضغط بيه على المفاصل او الطرف المؤلم
و لقيت الأثر للرباط الضاغط و لضغط و عصر الجزء الموجوع مشابه جدا
و لربط الراس و وضع مخدة عليها وقت الصداع

?تطورت الدنيا و الناس استغنت عن اللحاف التقيل المتنجد بالقطن و استبدلته باللحاف الفايبر الخفيف
أو بالبطاطين اللي خامتها تسخن رغم إنها خفيفة

☝أما أنا فكبرت و علاقتي الوفية باللحاف او البطانية التقيلة لا تنقطع صيف أو شتا
لأن فيهم راحة كنت بفسرها بمجرد الحرارة و الدفا بيحسن الألم
فوجئت إن الأمر أكبر من مجرد حرارة و دفا
طلع الوزن التقيل بيعمل ضغط على مستقبلات الحس العميقة زي التدليك العلاجي بالضغط
deep touch pressure therapy
وده بيفرز موصلات عصبية كيميائية و هرمونات السعادة و الطمأنينة و الراحة و الاسترخاء و الهدوء العصبي زي الدوبامن و السيروتونن و الميلاتونن
و بيقلل افراز هرمونات الضغط العصبي زي الكورتيزول
?و حاليا فيه حاجة اسمها العلاج بالبطانية الثقيلة weighted blanket therapy
و دي زي أي لحاف أو بطانية مزدوجة و محشية بقطن تقيل
و لو هتستخدم في الصيف بتتحشي بخامات صناعية زي خرز بلاستيك او معدن او زجاج
و فيه نوع بيبرد للناس اللي طبعها حران و عرقان حتى في الشتا مصنوع من ألياف البامبو
و فيه ناس بتحشي بالأرز ?
أيا كان نوع الحشوة المهم يكون وزنها عُشْر وزن الجسم + ١ كيلو
يعني لو وزنك ٨٠ كيلو محتاج بطانية او لحاف وزنه ٨+ ١ = ٩ كيلو
بتنام تحته نص ساعة أو ساعة أو أكتر أو لحد ما تحس بالراحة اللي هي دليل ان النهايات العصبية افرزت دوبامن و سيروتونن و ميلاتونن يعني مش لازم تنام تحتها طول الليل
فأي حد بيعاني من الأرق التوتر الضغوط العصبية و النفسية و الاكتئاب آلام بالعضلات و الأعصاب وحتى الفايبرومالچا ممكن يجربها
و طبعا لحاف جدتي آمن على الحوامل
و فيه أبحاث كتير بتؤكد فايدتها لأطفال فرط الحركة و التوحد
آخر الأبحاث بتقول أن الحضن العميق بيسبب خروج نفس الهرمونات والموصلات الكيميائية
يعني
لحاف جدتي بتقله بيشتغل كأنه حضن ✋?
⚡ ده فسر لي ليه عيالي اللي وهم صغيرين و بيكرهوا النوم و وقت ما ينعسوا ينكدوا و يرفضوا اللي ياخدهم ينيمهم فلما بقيت آخدهم غصب ?و اكتفهم فحضني و اتحمل خبطهم و رزعهم دقايق
فقط دقايق
بعدها بيسكنوا و يهدوا و
فجأة يناموا كإنهم بلونة و فشت

??? عشان كده وقت الحزن و الألم بنحتاج لحضن حنين
و فعلا الشد على الكف و الطبطبة وقت القلق بيطمن
الطفل لما يعيط او يتألم يرمي نفسه في حضن أهله
و بيهدا لما يحضنوه و يضموه بالجامد
و منها لفلفة الأطفال المواليد أو ما يعرف بتمهيد أو تقميط الطفل بيبقى له أثر مهديء عند الأطفال
عشان كده اللي مابيلاقيش حضن وقت الحزن والقلق بنلاقيه في اللاوعي ضم ذراعاته لصدره و حضن نفسه او حضن مخدته او لعبته أو ضم ركبته لصدره و نام متقوقع على نفسه
فلو شفت أبنك أو زوجتك أو حد من أهلك نايم كده يبقى عنده نقص في إفراز المطمئنات وعاوز منك ٢-٣ كيلو حنية على ٤-٥ كيلو أحضان
و لو ماعندكش
فعلى الأقل اشتري له لحاف تقيل ينام تحتيه ???
و في اليابان عملوا وظيفة مانح أحضان اللي نفسيا تعبان يروح لحد يحضنه بالفلوس
و فلوس بفلوس طالما مفيش مشاعر متبادلة و أهو حتى هيبقى متاح في البيت طول الوقت ومن غير ريحة عرق كمان تم اختراع Hug machine - Hug box - Hug chair
آلة و كرسي بيحضن و يضم بيهدي و يطمن و يحسن الحالة المزاجية و يقلل الاكتئاب و يساعد أطفال فرط الحركة و التوحد
و من البدايل الجميلة أجهزة تدليك الرجل و التفريغ الهوائي
التدليك بالنشابة المسننة و الكرات المسننة ( زي الصورة)
و كمان التدليك العميق بضغط اليد
كل الالحفة و البطاطين و الآلات دي ما تغنيش عن التعاطف و التراحم البشري
?? فيا ريت نتذكر قول نبينا و حبيبنا ‎ﷺ :
(مثل المؤمنين في توادهم و تراحمهم و تعاطفهم مثل الجسد؛ إذا اشتكى منه عضو تداعى له سائر الجسد بالسّهر والحمّىّّ)رواه مسلم.
فماتستهونوش يا جماعة بمشاعر التعاطف و المواساة و الحضن و الطبطبة
ماتبخلوش بيها على أبائكم و أبنائكم و إخوانكم و أصدقائكم
??? الكروب زادت و الأحزان في كل بيت فاضت
أصبح واجب على الأقل هما و حزنا إنه يواسي المبتلى بما عافاه الله به ده ( الْمُسْلِمُ أَخُو الْمُسْلِمِ، لَا يَظْلِمُهُ، وَلَا يَخْذُلُهُ )
المحزون و المكروب بيبقى منتظر دعم و في الغالب نفسه بتبقى عفيفة
هتقول له عاوز كذا هيقول لك شكرا ما تكلفش على نفسك
خليك حسيس و ماتقولش فسرك بركة يا جامع
اللي بيعمل ما بيقولش
من غير ما تعرض بالكلام حس بقلبك و تحسس حاله شوفه عاوز إيه
لو تقدر على الدعم المادي و المالي يبقى أجرك على الله ماقدرتش ما تبخلش بالدعم النفسي و تخذل أخاك

#كن_جميلا
#كن_حنوناعطوفا
#كن_أحن_من_اللحاف

#دشيمامشرف
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه