السلام عليكم ورحمة الله وبركاته اخواتي.....الغاليات اتيت اليكم اكتب استشارتي لكم طلبافي المشورات الراشدة السليمة فانا في حيررررررررررررررة وتررررررررررردد ولااستطيع ان اوجه رغبتي فانا احيا بين الامل والالم اخواتي انا اعرف هذا المنتدى تقريبا ثلاث سنوات ونصف ولم اعرفه الا بعد انفصالي عن زوجي فكنت افتقد الموجه الرشيد بل احيانا اجد من امي توجيهات رشيدة الا اني اراها لاتناسبني وكانت شخصيتي جدا ضعيفة ورقيقة وكانت فيني طيــــــبـــــــــة ضيعتني...! قدر الله وماشاء فعل وعلى معرفتي لهذا المنتدى وكنت حينها في حاله يرثى لها..كنت في حال لايعلمها الا الله.. الا انني لم اكتب مشكلتي ولم افصح عن حالتي.. فقد مررت بمرحلة يندي لها الجبين..! وحال يفطر له الحشى..! والم بكى منه الحجرررر!! مرحلة من عمري ابكتني دما لادمعا..! فلله المشتكى وله الحمد من قبل ومن بعد وحسبنا الله ونعم الوكيل.... واسال الله ان يجزى صاحبة هذا الصرح ومن شاركها بخير والقائمين عليه خير الجزاء في الدنيا والآخرة... فكم منه تعلمت وكم منه واسيت وكم منه تواصلت وكم منه نلت الفائدة الجمة منها,بعدمادلني لها رب العباد بعد فضل الله ثم المصيبة التي اصابتني منه سبحانه علمت حق اليقين ان مع العسر يسرا وان بعد العسر يسرا وعلمت ان كل امر يقضيه ربنا هو خير وعلمت انه هوالحكم الحكيم المدبر الرحمن الرحيم فلا اله الا انت سبحانك اني كنت من الظالمين ************** ******************* ************************ اخواتي انا تزوجت وعمري 23سنة من شاب عمره 26 سنة كلنا من نفس القبيلة الا انه من عائلة وانا من عائلة(يعني لا بعيد ولاقريب) المهم استمر زواجي 6سنوات وخمسة اشهر سنتين قضيتناها كقيس وليلى وكانت من اجمل ايام عمرنا (وكانت خارج الرياض في مدينة رئيسية اخرى عند وظيفته) وسنتين انتقل سكننا ووظيفته الى الرياض وعشنا ايام جميلة لكن قربنا من المشاكل وسنتين سكناها في قرية عند اهله قربية من الرياض في بيت ملك مستقل وكان يذهب للدوام من القرية الى الرياض كل يوم تخيلوا وكنا في عز المشاكل وبعدها تحقق حلم الحساد وانفصلنا والله لااعلم كيف ابدأ ومن اين ابدأ ولكن بإختصار: التقيت مع زوجي رغم انه جاء عكس شروطي تماما ومع ذلك احببته واحبني كان حبنا للناس ظاهر بائن بسبب تصرفاته فكان يلاحقني امام اهله ولاينحرج من ذلك وكان يموت يحرجني امامهم في يوم من الايام طلب مني ان احضر لهم القهوة ولم يكن في الصالة الا هو واثنان من اخوانه احدهم متزوج والاخر يبحث عن زوجة ..فعندما اقبلت عليه بصينية القهوة والدلة تغنى بي بصوت عالي على مسمع من اهل البيت وانحرجت انحراج شديد منه كادت تقع الصينية من يدي..!ووالله ان اخوانه اعينهم في الارض..!! وكان كل مكان لنا فيه ذكرى جميلة وقيسوا على ذلك الكثير من هذا الاسلوب الذي كان جميل الاحساس لكن لايناسب مجتمعنا واعين الحساد لاترحم
>>> عذراً على الانقطاع.. اخواتي كانت شروطي انه مايدخن وانه ماسبق له السفرللخارج وانه يصلي وبيت شرعي وكان زوجي عكس شروطي اما البيت فكان ابي من احتوائه له ونيته الطيبة اقنعني اننا مانكتبه ولانشرطه وهو اكيد بيحط بيت لاننا يتواجد السكن عند عمله خارج الرياض لكن طبيعة عمله غير مستقر وانتقالنا الى الرياض كان مشكلة بالنسبة لاهله ولم يكونو واضحين فهم يستخدمون اللف والدوران رغم اننا جلسنا فترة على ماندور بيت بالرياض وماساعد زوجي فيه الا ابوي؟؟ بحث له عن شقة جميلة وساعده بالقرض عن طريق احد اصحابه واحنا لنا فترة بلا سكن المهم والبيت ايجار والمشكلة كانت انه قريب من بيت اهلي وهذا بحد ذاته مشكلة بالنسبة لاهله وانا واهلي على نياتنا والله ماجا على بالنا اي نية سيئة زي ما فهموها>>والا كان عاجبهم ان ابوي يدور وانه يختاره قريب منهم وعلى فكرة البيت قريب للدوام حقه ؟؟ الله حسيب النوايا *في ثالث يوم بزواجنا اعترف لي انه سبق له السفر للخارج روحات شبابية وكانت صدمة اولى وفي شهر العسل اعترف انه ماركع لله سجدة بعد طيحة ابوه وكان له عشر سنين تقريبا وكنت ارجئها لان ابوه شديد ويضربه على الصلاة بعنف وانها كانت ردة فعل فكنت اجاهد نفسي فيه وعلى علم ويقين ان الله يهدي من يشاءولا نهدي من احببنا خلال السنتين الاولى اكتشفت انه يدخن وتصرفت معاه بقوة لما لقيته بالسيارة انصدمت وشفت مصيبة وكان اول مرة امسك فيها البكت وصحت فيه وليش تلعب علي وليش تخدعني واخذته ورميته من نافذة السيارة وهي تسير>>>>>اعرف ان تصرفي غلط لا احد يعلق بس نسأل الله الثبات وكانت صدمة ثالثة فهو كان مراوغ ورومنسي ويلف ويدور وانصدمت فيه وكان اسلوبي بناء فكنت اساعده واعينه وانسيه الماضي وابليت بلاء الله به عليم المهم خلال السنتين الوسطى اللي بالرياض حملت ببنتي وجبتها وكان هناك تدخلات من اهله في الاسم وبصعوبة اتفقنا على الاسم اللي نبيه وفي الولادة وقف زوجي معي موقف ايقض انفس الحساد وحتى المفاجئات اللي بغرفةكانت سويت والبالون وحركات ماتخيلت انه يسويها وغيربوكيه الورد اللي طول الباب واخته ماكنت تعجبها بس تخفي وتبين انها فرحانه لك وتبطن الكيد والحسد وماكنت اعلم غير البطاقة اللي كتبها فهي اول مادخلت وزي ماقلت لكم هم من قرية قريبة من الرياض يعني يستغربون ويشفحون على الاشياء ويشوفون انها مالها داعي لكن على انفسهم لا حلال وعلى حريم اخوانهم لافلما شافت الورد قالت ياسلام من مين هذا وانا كنت مسوية عمليه وغبية ليتني خبيت البطاقة عن عيونهم بعدها اعلنوا الحرب وبدئوها من تحت لتحت ويستغلون صراحتي ونيتي الطيبة الى ان كشروا عن انيابهم.... بعد ولادتي بسنةاكتشفت له خيانة مكالمات ولم ارى شي واضح غير المكالمات وكنت حاسة من قبل لكن اللي فجر الموضوع واثار حفيظتي انه رد على الوقحة وهوبجنبي في السيارة يتغافلني وما حبيت اكون غبية ولعبتها ضده وفزت بس اهله حسبي الله عليهم الله حسيب النوايا بعد ماسمعت صوت الحرمة سويت نفسي غبية وما انتبهت وحفظت الوقت والساعة وتخيلوا ان اخته اللي بالثانوي وزوجة اخوة معنا في السيارة فكانت رحمة ان املك اعصابي واسكت واتصرف بشي من الحكمة لما وصلنا البيت نزلنا وراح للاستراحة وكانت من عيوب وجودنا في الرياض حيث انه انسان بيتوتي لانه جنوبي غربي وانا عكسه تماما كانت اعصابي نااااار وما اتحمل وراح الاستراحة ومر يوم يومين وكنت حينها امتحانات الكلية فطلبت من اخوي شريحة بدون اسم وجابها لي وراقبت جوال زوجي واخذت الارقام حسب الوقت اللي اتصلت فيه وكل ما اتصلت حطت اغاني وقلة ادب المهم ضيقت عليه الخناق ومسكت عليه الادلة وكشفته وتواجهت انا وياه على الموضوع وانفجرت القنبلة وسببت لنا شرخ في حياتنا جرى على اثرها طلاقي الاول لاني سمعته صوت الحرمة واتفق هو ياها ويبغا يمشيها على بس انا رفضت وكشفته اكثر وماسمحت له ببالنقاش ولا المفاهمة وصرت زي المجنوووووونة وكسرت جوالاته بالجدار وكان معه جوالين واحد للناس العادية والعمل واحد للناس المنحطة وقلة الحياء فانا كسرت الاثنين وانقهر قال طيب هذا فيه المكالمات هذا وش دخله؟؟؟فسببت له احراج ولقنته درس جراء مااسقاني من خيانة المهم الطلاق كان منه تسكيته وقالها وهويضحك وكان يحسبه مايقع ووقع الطلاق؟؟؟!!! جن جنونه ولم يصدق خصوصا لما جينا عند اهلي وشاف ان الموقف ضده...ندم اشد الندم استنجد بشر اهله وكيدهم وحينها ماتتخيلون كنت على نياتي لابعد درجة تخيلوا احد اخواته تقول كان عطيتها كفين وخليتهالاتطلق لان الطلاق عندهم بمزاجهم ورقة من اوراق شرهم يستخدمونها في الوقت الذي يريدونه هم لا الوقت الذي تريدينه انت المهم الطلاق استمر 10 ايام فقط ابوي حسب العادات ماعنده رضاوة وانا كنت ما ابي ارجع الا برضاوة فلوى ذراعي الله يهديه وقاله انا ما عندي تزعلين ونرضيك كذا كل يوم بتروحين وبتجين عشان رضاوة وقال(بينك وبينها مالي دخل)؟؟اما انا من عندي لا ابوي منطقه استقرار واساس صحيح لكن زوجي ماكان ينفع معه الا الشد شوي عشان يحس بغلطته والمسؤلية وانا كنت الحلقة الاضعف فلما كنت معه في المجلس قد يبكي ويترجاني ارجع وطلبت رضاوة وكنت سريعة الرضا يعني يراضيني بكلمة ولمسة ارضا وقلت له ما اروح الا لما تجيب رضاوتي قال شوفي روحي معي الحين وكان يوم الجمعه ويوم الاثنين اوديك قلت خلاص وانا اسلوبي هين لين وهو كان يلف ويدور تخيلوا يوم جاء يوم الا ثنين قلت يلا نروح لوعدنا قال بلهجة وقحة لوتحبين السماء ماجبتها لك فتعبت نفسيتي بالمرة وانا اصلا مكسورة ومجروحة منه فزاد الطين بلة وضليت اكافح والم الجرح وبين علي وكنت اطلبه نغير جو نروح لمكة ناخذ عمرة وقال ما اقدر قلت على حسابي بس نروح انا مرة تعبااااانة ووافق والتذاكر من عندي والفلوس من عندي ورحنا واعتمرنا وهوالمتشرط يبي 3000 وانا معي 2000 سوى سالفة علها ليه تجيبين 2 وانا طالب 3 يعني كان وقح بشكل ماتتخيلون رغم اننا ما جلسنا غير يوم واحد واحسها تكفي وزيادة والله يابنات من المطارللحرم وخذنا شقة غيرنا وطلعنا ويوم وصلنا الفندق سوى حركة يوم درى انه مامعي غير 2000 وزي اللي بيادبني وقال بنروح المطار ورجعنا وجرحي عمــــــــــــيق وانا كنت سلبية مالي غير الدموع!!! جلسنا عشر اشهر وانا الم الجرح واهله يطبخون لنا ويكيدون والله حسيب النوااااايا عادت المياه لمجاريها وبينما انا جالسة عند اهله تخيلوا ما عندي خبر كذا فجأة الا اهله يباركون لنا بالبيت الملك الجديد..قلت الله يبارك فيكم وسويت نفسي مدري وطلعت وكلمت زوجي كان رايح للبيت يشوفه..وقلت: وش السالفة؟؟وكان مررررة فرحان وطاير بالبيت وانا بطيبتي ماحبيت اكسر فرحته وقلت له انا ما ازيد في الحبل الا وصله بس لي شرط حياة مستقلة وومثل لوكنت ساكنة في الرياض المهم مشت الامور وماكان يملك المال وكان لازم ياخذ قرض وهو يثق بابوي وشرح له الوضع فساعده ابوي بالقرض والعانية وساعدته انا ببعض المال ومكافحة الظروف واتفقت انا وياه اننا نرمم البيت من الرياض وهذا بحد ذاته قطع قلوب الحسااااد الله حسيب النوايا الهم استمتعنا انا وزوجي بالترميم واهله موعاجبهم وخلال روحاتنا وجياتنا للرياض للترميم مرينا اهله وتقهوينا معهم وكنت انا اللي اصب القهوة وكان المجلس فيه اخوه اللي بيسكن فوقنا وامه واخته اللي تقول يوم طلاقي عطها كفين وزوجة اخوه وخلال الاحاديث وكان البيت هو صلب الموضوع وما اخفيكم كان زوجي متوقع اني ارفض الخروج من الرياض خصوصا ان بيتي بجوار اهلي واذهب للمحافظة وهناك فرق بالمعيشة وانا تفكيري بحياتي واستقرارها وطاعة زوجي ورضاه ولم الجراح وبناء الثقة وتقوية العلاقة وصلة الرحم فكان متخيل انه بيدخل معي في مشاكل حتى اوافق الا اني كنت طعم سهل بيده لكن الله حسيب النوايا فدار الحديث وكان زوجي اللي يتكلم ويعبر عن فرحته بالبيت وليه يفلانة <يقصد اخته>ماتقولين لزوجك يشتري بيت والله بترتاحون وتستقرون قالت بمسخرة:ليه انا خبلة مثل ذولي تعنيني انا وزوجة اخوه..زوجة اخوه ساكته وانا كنت اصب القهوة لهم قلت الله يسامحك ياام فلان يجي منك اكثرر وبينت اني زعلت زكنا على اخر القهوة وتركتها وفهموا اني زعلت..قمت انا ورحت للمطبخ ماعاد اعجبني المجلس فجاتني اخته وكلها فتنه وتهاوشت معي بصوت وسوت سااالفة لحوج والله كني قاتله لها احد وقالت كلام ماااله داعي كثير يوجع الراس من ضمن الكلام ((والا شايفة نفسك عشان صار لك بيت ملك))بعد هذي المشكلة انقطعت علاقتي بها وحشدت اهلها ضدي ولم يؤثر فيني فانا معروفة ووالداي لهم ثقلهم بالمجتمع حتى ان زوجها يحترمني ويقدرني من سمعة امي وابي واعلنت الحرب بقوة واستمرت القطيعةمني مدة سنة وسكنت البيت وماصبرت جات وجابت قهوة وحلى وفطايريعني تبارك وهو قدام اخوها تبي تكسبه تبي تشوف وش نسوى وش نحط ودارت الظروف وسكنوا اهله معي وكانت ظروفهم صعبة وكانت امه واخته و2 من اخوانه غير متزوجين واستقبلتهم بصدر رحب رغم انهم في صف اختهم وعارفين انها هي الغلطانة علي وفي بيتهم ومحد قال كلمة حق المهم استقبلتهم وقلت ليه تبكون هذا بيت ولدكم احمدوا الله واشكروه يوم ضاقت عليكم لقيتوا سندكم وقلت لاخته اللي بالثانوي انامابيني وبينك ادوار يعني المطبخ ولا اطالبك باي شي انت معززة مكرمة ما عليك الا من حوسة اخوانك وغرفتكم بس والله يعلم بنيتي كان معي بنت واول ماسكنت البيت حملت بحملي الثاني ولاشغالة ولا احد يرحم والبيت سيراميك والبيت مجالس وكانت المجالس مشتركة يعني مجلس الرجال مشترك بيننا وبين اخوه اللي فوقنا وهذا يترتب عليه اشياااء البيت مايتقفل والباب مفتوح 24ساعة والضيوف كل يوم فيه وهوطبعه كريم والذبايح مفطح تنطبخ في البيت والحمدلله كانت على اجمل مايكون ووصلت درجة عالية من حب زوجي وثقته غير انه لا يعينني على نوائب الدهر وكنت اكافح لاوفق بين دراستي في الكلية آخرسنة وبين حملي وبين البيت وتنظيفه والضيوف والشباب كل يوم عندنا والله بلا مبالغة لكن الانسان ضعيف ومهما كانت قوته يجي يوم وينفجر وتواااالت مشاكل من اهله واخته وامه وصار البيت سبيل لكل احد لاهوية له تمشكلت مع اخته ولم ينصفني وتمشكلت مع امه ولم ينصفني رغم اني قبلت راسها وهي الغلطانة لكن قلت كبيرة ونداريها وام زوجي واداري الامور لكن الله حسيب النوايا الله حسيب النوايا غير جيرة زوجة اخوة السيئة والله حسيبهم اجمعين اللهم اني اعوذبك من جار السؤ في دار المقامة المهم خلال الفترة اكتشف محادثات ماسنجر ورسايل وواجهته قلت له ماراح اكسر اللاب توب زي ما كسرت الجوال لا الله حسيبك انت وضميرك بس ترى لك محارم خاف الله فيهم ولدت وجبت ولد وكانت العلاقة في حينها بينه هو وبين اهله متازمة بسبب مشاكل عائلية فلما ولدت لم يبارك لي احد تخيلوا رغم اني اسعى لتصحيح العلاقة وعدم قطعها وهم اصلا من بداء بالشر فما الذي يمنعهم ان يباركوا لي وليس بيني وبينهم شيء كان دافع تصرفهم اغاضة اخوهم ويضربون الاخماس بالاسداس وفي التمائم لم يحضر من اخواته احد الا امه وواحدة من اخواته فقط وكانت امه زعلانه ولم تكن راضية وهو وقف معي انتصارا لنفسه وتأزمت العلاقةولم اقابلهم بالمثل وسويت نفسي عادي مايخصني لما طلعت من الاربعين شانت العلاقة بيني وبينه وكنت انظر له انه ما قدرني وما قدر وفائي معه وعطائي له فطلبت من خادمة وصار عليها سالفة وكنسلهاوهي من اساليب لعبه وكان معه فرصة مادية فقلت له دام ماراح تجيب شغالة تساعدني بالبيت حط فلوسها في غرفة نوم لان غرفتنا قديمة وستارتنا قصدير وانا كنت توني طالعة من 40 وكان كلامي في عرض الحائط ويقول اصبري اصبري تعود على اني اصبر مشكلتي مع امه كانت بعد 40 وكنت مكتئبة من النفاس وضغوط الحياااة فزادت الطين بله واصبحت في حال يرثى له حتى اني وصلت لمرحلة اذا رائيت وجهي بالمنظرة اجلس ابكي بكاء شديد فدق ناقوس الخطر يخبرني بان الوضع غير طبيعي فعالجت نفسي بنفسي واستعدت قواي المهم عادت اخته مره اخرى بعد 4اشهر لعمر ولدي تتذكر وتبارك لي وتهديني هديته فقابلتها بالرفض وقلت موفرة ان كانت لي لا اريدها وان كانت للمولود فهو لا يعي من الامر شيء اذا كبر عطيه اياه فغضبت وكانت لها اهدافها كانت الصيفية على الابواب وتريد ان تسافر خارج المملكة وتريد ان تضع ابنائها وخادمتها عندي وتعلم اني لااريد والعلاقات لاتسمح المهم تركتهم واخبرت زوجي باني لست مسؤلة عن احد غيرك انت وابنائي فقط ولالي دخل باحد ولا ارتبط ولاتربطني باحد قال طيب وهم لا لم يعجبهم ذلك فكنت اذهب واجيء ولم ارتبط باحد وفي الحقيقة زوجي طيب وعلى نياته لكن بطانته سيئة حسنا الله ونعم الوكيل وماكان يمنعني من الذهاب مع زوجات اصحابه للمول سويا وهذا جن جنون الحساد وفي ذات يوم وخلال تواجد خادمة اخته عندنا كانت المسؤلة عنها اخته التي تسكن معنا وامه فلذلك كنت اخذ راحتي وذهبت امه وبقي في البيت اخته واخوانها فقط وكان زوجي في الدوام وانا كنت عند اهلي وسوت الشغالة تصرف مجهول الهوية ابرء لله منهم ومن تصرفها ولكن جن جنوني ولم اتحمل الموقف وكيف ترضى بذلك الامر يصير في بيتك بكرة الناس وش تقول ...وهو كان منتهى البرود يلعب سوني >>اعرف انه تهرب ومتوهق بس قتلني بررروده قتلني سلبيته وجلست اقنع فيه انه هذا الامر موطبيعي ومايرضا فيه رجال يفتح بيت ومن هالكلام واتفقت انا وياه انه ما عاديستقبل احد في بيتنا زي حركة اخته يعني تنزل عيالها وتروح تنزل شغالتها وتروح وانبسطت انه وافق وجددت الامل في تماسك رأئي مع رايه وانا لم اعد اتحمل واكافح في السنةالاخيرة بدات ازف الرحيل واصبح كل شيء يودعني في البيت في المواقف مع زوجي ومع اهله طااابت نفسي رغم اني مكرمتهم ولم اقابلهم بإسائة وما استطاعوا ان يمسكوا علي شيء وفي السنة الاخيرة في العطله كان بيتنا خالي لا احد فيه وكنت اذهب وزوجي ونروح ومبسوطين وجائت اخته وحطت شغالتها عندنا كيف؟؟؟ كنت معزومة وفي الطريق وانا رايحة قال لي ترى اختي فلانة بتجيب شغالتها عندنا لين ترجع من السفر!! قلت نعم..نعم...معليش قلها بيتي مو ملجاء ولامركز متخلفين وبعدين وين الاتفاق اللي اتفقناه انا وانت؟؟؟ واا تلع عي واا تستغفلني والا تحطني امام الامر الواقع لا والله ما تدخل علي قال هي كلمتني وانا قبلت قلت وليه ماقلت لا قال انا وافقت لها وهذولا اهلي عاجبك اهلا وسهلا مب عاجبك باب ابوك مفتوووووووووووووووووووحححححححح هوقالها والا ماقالها قلت ايوالله اللي بابه مفتوح جعلني ما ابكيه ورحت للعزيمة وانا متنكدة وقررت ان اتخذ ام حازم يحسب له حساااب فزعلت عليه ولما رجعت البيت حاولت اراضيه واتفاهم معه وكان جالس على اللاب توب ومخه مومعه واتكلم وما يرد وتنرفزت زيادة زاد الزعل دبل وبينت اني زعلانة وماهمه ثاني يوم كلمته في العمل وقلت اذا مابتقول لها لاتجيب الخدامة انا اقولها وكان وقتها جوالي مقطوع وتراضينا بالتلفون وانتظرت جيته لما جا استقبلته وتزينت ومجهزة الغداء وشوي الا اخته والخدامة داخلين ومن دخلت علينا وانا زعلانة وركبت راسي وخربتهادخلت غرفتي وبديت اجهز عفشي واغراضي بدون مايحس وكنت انام بغرفتي وهو مهمشني ومسوي زعلان اذا بغا شي ينادي الخدامة ومايطلب مني وزاد الزعل اكثررر وحاول يناديني مرة عشان ينام معي فلما كنت جالسة معه على فراشنا قالي ليه انت الان زعلانة؟؟؟؟ قلت الله اكبر كل هذا ومافيه شيء يزعل؟؟؟؟ قال عشان الخدامة خلاص بكرة بتجي امي وبتاخذها قلت وش عقبه؟؟؟؟؟ قال والا زعلانة عشان فلانة قصده اخته عندها شغالة وانت لالالالالالالا انا هنا قلت الشرهه مب عليك الشرهه على اللي يكلمك وخذت المخدة ورميتها عليه وطلعت من الغرفة واليوم اللي بعده جات امه وسلمت عليهم وكان بيروح للدوام وجهزت شنطي وركبتها السيارة وهو مايدري وقومته من النوم قال قولي لامي اذا تبي تروح معنا تجهز رحت وقلت لها وقالي ليه بتروحين لاهلك قلت كذا وكان يكلمني وهو نايم قال يلا اركبوا اخذت عيالي وركبت السيارة وطبيعي باركب وراء عشان امه تركب قدام جاء هو وشاف الشنط وفهم السالفة وركب ودق سلف ومشى الى الرياض قرابة الساعتين وانا وراء وهو قدام وامه ماراحت معنا وما كلف نفسه يقول اركبي قدام امي مب رايحة المهم وصلت بيت اهلي وانااااا >>> يتبع
عدنا>> المهم وصلت اهلي وانا منهارة وبصراحة طابت نفسي ومازال الامل موجود كيف مدري كنت احسب انه بيحس على دمه وانه غلطان وهو بصراحة ماااااايبي الطلاق والانفصال لكن الحساد ضربوا ضربتهم واستغلوا الفرصة وكان يلف ويدور وانا واهلي كنا واضحين ومطالبنا واضحة بس كان متوقع ابوي بعطيني كم كف وبيردني له ومتوقع اني بارجع بسهولة مثل طلاقي الاول ومتوقع ان كلمته باب ابوك مفتوح موممكن تصير طلاق اذا اخترت باب ابوي كان مايثمن كلامه وجلست 4 ايام لاكلم ابوي >>وهذي اثارت غضب ابوي كيف ينزلك عند الباب ويروح مايقولي شيء الواجب انه يكلم ابوي ويقوله بنتك زعلانة وعقلها ومن هالكلام بس لهيبة ابوي ماقدر يواجهه بعد4 ايام دق على جوال امي وهذي غلطة محسوبة عليه عند ابوي المهم جاء عندنا بالبيت وابوي انسان مايحب طولة الكلام وكنت محتاجة احد يسمعني بالتفصيل بس الله يهديه المهم اني قلت له انا لي طلب اذا جاك فلان عشان يصالح الموضوع ماتسمع منه وانا موموجودة لانه الله يهديه ممكن يكذب عشان يصلح الموضوع ويزحلق لنفسه ويطلع نفسه مثل الشعرة من العجينة واطلع بعين ابوي غلطانة المهم ابوي لبى لي طلبي ولما جاء جلس بالمجلس وكنت اسمع صوتهم وكان ابوي يعلمه مثل اخواني ويعتبره مثلهم ومفهمه هذا الشي وعبر له عن ذلك بمواقفه الابوية مع في بناء حياته شوي ناداني ابوي وقال يلا يافلان وش عندك؟؟ قال انا اختلفت انا وفلانة فلانة>>قصده انا:فلانة ترفع صوتها على امي واخواني وبيتها وسخ وجانا ضيوف ومافتحت لهم الباب ودخلت مرة اخوي ومالقت من يستقبلها وووووووو المهم انا طارت بوهتي وطعني امام ابوي واخواني وانا ولله الحمد معروفة قبل لاتزوجه ومعه وبعده ماشاء الله تبارك الله هذا من فضل ربي قال ابوي :هاه يافلانة وش عندك؟؟ قلت: سلامتك ماعندي شيء اقوله ما قصر ابو فلان الحين هذا كل اللي مسكته على من عشرة ست سنين؟؟؟؟؟؟؟؟؟؟؟؟؟؟؟؟؟؟؟ جزاك الله خير ما قصرت قال ابوي تبين تقولين شيء قلت لا قال اطلعي برا وطلعت ودخلت على امي وكانت مواقف رهيبة وعصيبة واليمة فكل شي كنت اتوقعه من الناس ومن اعدائي الا من زوجي؟؟؟؟؟؟؟!!!!!! فدخلت على امي وانا مصدومة اتألم حتى الدموع جحدتني وقتها فتضاربت المشاعر بين ضحك وبكاء وتعجب واتفقت كلها تصررررررخ وتقول هذاهررررررررررررررااااااء خلال وجودي في الصالة اذ بصوت الرجال يرتفع وابي يعلمه ويوجهه ويخبره بانه ارغمني على العودة في الطلاق الاول ولن ارغمها الآن القرار بيدها هي فطلب من ابي ان يراني فأستدعاني ابي وقال اسمعي زوجك يبي يكلمك وهذا كله في نفس المجلس ويعتبر اللقاء الأول..فقال لي:اسمعي بتصيرين مره صاحية وتضمين عيالك وتنظفين البيت كل يوم وماعاد فيه روحات وعزايم ولافيه الرياض كل شوي ولااسمع آي ياظهري>>يعلم اني اشكو من فقرة بظهري تؤلمني يلاه قلت آسفه عافك الخاطررررررر وطابت النفس يابو فلان وقام وقاموا الرجال في منظر رهيــــــــــب واليم خذلني وخذل اهلي وخذل ابوي وجرحني وكسرني وكل اللي قاله عني بهتان والحقيقة عكسه تماما...واهلي واثقين مني بس الله يهديه طلع نفسه كذاب امامهم واحرج نفسه وكسررررر ماتبقى بيننا وبعت حياتي برخيص وهو ما امداه يوصل باب الشارع الا وهو يعبر عن اسفه (والله ماودي بها ياعم)<<يعني الطلاق بس كما العادة راح ياخذله درس منهم ويجي اهله موقفهم سلبي ولا احد تكلم وامه منكرة انها تعلم بالشيء اللي حصل بيننا وخلال شهرين وهو يروح ويجي يروح ويجي مليون مرة يصلح الموقف وكل ما جاء اسبق لقاءنا باستخارة واشعررررربالم وخوف شديدددد في بطني وينتهي لقاءنا الى طريق مسدود واحد اللقاءات يريد يلعب علي ويراضني بكم كلمة فطال الكلام وناداه ابوي اول ما قمنا من المجلس دخلت الصالة وهو توجه لابوي في هذا الاثنا سمعته يقول لابوي ترى هي ماتصلي؟؟؟؟ >>>>طبعا انا فاهمته يكذب يبي الخطا يكون على ويردني ابوي له بس مادرى ان كل كلامه طعناااااات خصوصا اللي بهتني فيها؟؟!!! ويزيد في فراقنا وتوالت ترجيعاته لي الا ان الطرق مسدود لا نتفق ابد وفي آخر المرات اللي يرجعني فيها كان يقول لابوي ترى برجعها وبتزوج قال ابوي ومن يردك انت رجال وحر بدل الوحدة 4 بس الرجال يعرف يمسك بيته ويطلع من هذا ويدخل هذا اما كذا بس لالالا وانا ابوك؟؟؟!! ايقنت حينها ان المسالة زادت سؤاً..وكل شيء يقول افراق افراق....!! اعطانا مهلة للتفكير مع رفضه لتلبية الشروط ويريد منا التنازل؟؟؟؟ وكنت بااااايعة اخر امر جاب ورقة الطلاق وخلال اسبوع سمعت خبر ملكته فقد كان يرتب اموره واهله يطبخونها له حسبنا الله ونعم الوكيل وفي اليوم الذي استلمت فيه ورقة طلاقي هو اليوم الذي وقعت فيه عقد لوظيفتي وعلمت ان مع العسر يسرا وصاااارت امور لا يعلمها الا الله والحمدلله كان الطلاق خيرلي وصحوة لي من سلبيتي وخبرة ودرس وجنيت من 6سنين اجمل طفلين ارتحت من حياة القلق والعذاب والالم فلم اذق قرار العيش احسست بالظلم والغلب فاقول اللهم اني مظلوم مغلوب فانتصررررررررررر المهم تخلل فترطلاقي كثير من الاسرار والعبر والحمدلله اسمع عنه ان زوجته عكسي تماما في كل شي فلما جرب غيري عرف قدري وندم اشد الندم لانني كنت مدلعته لابعد درجه وكان يرى تكرمي عله واجب كان يبدي لي اعجابه خلال الـ6سنوات بي وفرحه باني زوجته قال انت على نياتك انت قلبك ابيض انت الزوجة المناسبة لي انت احن مخلوق على وجه الارض انت مفصلة على تفصيل انت الصح الوحيد في حياتي اتالم اذا تذكرت كلامه وتذكرت ضعفه وضياعه وتذكرت ابنائي المهم زبدة الاستشارة انا لي الان 3سنوات منذ طلقت وخلال هذه السنين منذ لم يتم على زواجه 4 اشهر الا وهو يبدي تاسفه وندمه ورغبته في ارجاعي وبعدها ب6 اشهر يتقدم لي الخاطب الاول وبعده بسنه يتقدم الخاطب الثاني ولما سمع من الناس اني مخطوبة وفعلا كنت على وشك زواج الا انه قدرالله ولم يحصل نصيب وتقدم طليقي لخطبتي فرده ابي على انها خطبة على خطبة واذا صار لها نصيب الله يوفقها واذا ماحصل حياك الله وكنت اتوع انه جا بيحقق الشروط الا ان لم يحصل نصيب من الخطيب الثاني وبعد فترة ارسل رجال يتوسط عند ابوي فقبلنا به وعلى اساس يقبل بالشروط الا انه في راسه حب ما طحن عنده عنااااد عجيب وانا خلاص اخذت درس من موقفي السابق ما اطلع من البيت الا حقي بيدي؟؟؟ لو اطلب المستحيل هذا هو ماعجز عن العرس؟؟؟!!!!! وماصار نصيب وحاول يرسل اخوه وجات اخته ومحاولات باءت بالفشل وعند محاولته ارسال اخوه وصلتني عنه اخبار وعبر عن ندمه واسفه وخساااارته الشديدة لي وانه مارتاح بزواجه الثاني وانه يبي يحقق لي اللي ابي بس ترجع وانها والله ماتتوفق ونفسي فيها وهوبصراحة بعد زواجه تغيررررر في اسلوب حياته وصحا لنفسه وكانت له درس بس هو من النوع اللي مايشك خيط بابره الاباستشاره وانا بصراحة خلال هالمرحلة من عمري رائيت رؤى واحلام وكوابيس مالله به عليم وفسرتها وكلها تؤؤل بالخيررر ولله الحمد ولكن سؤااااالي هل ارجع له اذا رجعني والا اشيله من بااااالي؟؟؟؟؟؟؟؟؟؟؟؟ *هناك اسرار لم تذكر لايسعني المجال لذكرها وآخردعوآنا ان الحمدلله رب العالمين في الاولى والآخرة وصلي اللهم وسلم على نبينا محمد
