لبسي غير

[حجر نرد]

السلام عليكم


عزيزاتي أنا أحب شي إسمه أناقه لبس كشاخه بس بالواقع لبسي عكسهم يعني حنا عنا لبسنا رسمي ودايما نلبسه هو الدراريع الواسعه والجلابيات وطبعا انا ساكنه ببيت اهل زوجي وناس كثير فيه يعني مملكتي بس غرفة نومي وانا استحي كثير:blushing: وخاصه انه احيانا باي وقت ممكن احد يدق علي الباب يطلبني لشي فما البس في غرفة نومي اللبس اللي احبه الا بالليل لما اتاكد محد راح يدق وطبعا زوجي يكون موجود وانا ماحب هالحركه اني البس وهو عندي احب اكون من قبل لابسه
واذا الوقت متاخر ماتجي حلوه البس جنزات وبديات او تنانير:no: يلا البس لبس نوم
واليوم الثاني نفس الحاله وهلم جرا وانا ودي البس واكشخ بجنزات واللبس الحلو غير لبس النوم والدراريع :icon1366::icon1366:

وش رأيكم في حالي وش تنصحوني فيه
جزيتن الجنه

 

[رووووم]

البسي الجنزات والبديهات والتنانير واكشخي واجلسي مع الحريم بس لا تخطلطي بالرجال حرام عليك يشوفك الغير محرم حتى لو بالجلابيات غطي نفسك بعباية وشوفي حياتي كيف بتصير

 

[lyale]

السلام عليكم


عزيزاتي أنا أحب شي إسمه أناقه لبس كشاخه بس بالواقع لبسي عكسهم يعني حنا عنا لبسنا رسمي ودايما نلبسه هو الدراريع الواسعه والجلابيات وطبعا انا ساكنه ببيت اهل زوجي وناس كثير فيه يعني مملكتي بس غرفة نومي وانا استحي كثير:blushing: وخاصه انه احيانا باي وقت ممكن احد يدق علي الباب يطلبني لشي فما البس في غرفة نومي اللبس اللي احبه الا بالليل لما اتاكد محد راح يدق وطبعا زوجي يكون موجود وانا ماحب هالحركه اني البس وهو عندي احب اكون من قبل لابسه
واذا الوقت متاخر ماتجي حلوه البس جنزات وبديات او تنانير:no: يلا البس لبس نوم
واليوم الثاني نفس الحاله وهلم جرا وانا ودي البس واكشخ بجنزات واللبس الحلو غير لبس النوم والدراريع :icon1366::icon1366:

وش رأيكم في حالي وش تنصحوني فيه
جزيتن الجنه

هلا حبيبتي و الله نفس حالتي كأنج تتكلمين عني انا بعد ساكنة عند اهل ريلي و حتى بالغرفة اتفاجأ حد دخل و ما اقدر البس و اكشخ مع اني اموت في شي اسمه لبس و تكشيييييخ على سنجة عشرة عندي جينزات و بوديات و عندي بعد نفس الدريس ضيق فوق الركبة و البس تحته دلاغات شبك طويلة بس قوليلي كيف البسها قبل ما انام ما ينفع الله يعين ما عندي غير اني اصبر لين نتحول بيتنا انشالله كلها كم سنة و تهون بس تصدقين هم بعد فكرت انه بيكون في خدامات كيف اتلبس .؟؟؟؟؟؟؟؟؟؟؟؟؟؟؟؟؟؟؟؟؟؟ الصراحة وايد دورتها في راسها ما لقيتلها حل و الحل انه ما يكون في خدامة و هاي صعبة ماشالله عندي ثلاث اطفال وورا بعض بينهم سنه سنة بس الله يعين و نلاقي حل يلا بنات قولولنا شو الحل ؟؟؟؟؟؟؟؟؟؟؟:sadwalk:

 

[حجر نرد]

رووم مشكووره وحتى لو قدام الحريم عندنا عيب هاللبس الضيق والمشخلع والجنز لازم بس الدراريع والجلابيات الوااااسعه
ليااال الله يعيننا ونلاقي حل متى بنلبس ونكشخ لما نعجز ولا لما لاسمح الله تجي وحده تاخذه منا ويقول ماشفت اللبس الحلو والهنا الا مع الجديده لاسمح الله الله يبعدها عننا

إن شاء الله البنات يعطونا افكار واساليب تفيدنا

 

[a7la faty]

ووووي ليش تحسرين روحج على اللبس الحلو و الجينز و التنورة القصير ؟؟

أنا مثلج ساكنة في غرفة

بس لبسي هذا هو .. جيز تنانير قصار بدي كات و شورتات

بس وقت الي بطلع من الحجرة ألبس العباية أو أبدل ...

و مافيها شي لو دقوا عليج الباب وانتي لابسة هلون مو هم بنات ؟؟؟
بالعكس يمكن تعجبينهم ...

لا تقيدين روحج ... إلبسي و اكشخي و تدلعي

إذا بتحاتينهم يبه مابتعيشين .. و انا حالي من حالج بس ماني محسرة روحي لا على لبس و على كشخة


خلي ريلج يتهنا فيج بشبابه

 

[lyale]

ووووي ليش تحسرين روحج على اللبس الحلو و الجينز و التنورة القصير ؟؟

أنا مثلج ساكنة في غرفة

بس لبسي هذا هو .. جيز تنانير قصار بدي كات و شورتات

بس وقت الي بطلع من الحجرة ألبس العباية أو أبدل ...

و مافيها شي لو دقوا عليج الباب وانتي لابسة هلون مو هم بنات ؟؟؟
بالعكس يمكن تعجبينهم ...

لا تقيدين روحج ... إلبسي و اكشخي و تدلعي

إذا بتحاتينهم يبه مابتعيشين .. و انا حالي من حالج بس ماني محسرة روحي لا على لبس و على كشخة


خلي ريلج يتهنا فيج بشبابه

حبيبتي حاولت وايد البس بس ما قدرت احس يطالعوني بنظرة استغراب حتى ريلي ما يحب حد يشوفني كذا انا بالبيجامة ما احب حد يشوفني لابستها غير ريلي ما ادري هل هي تربيتنا كذا مع ان في بيت اهلي كنت البس بجايم و بناطيل بس قصير لا ما ادري صعب شوية ان امه او اخته او حتى حريم اخوانه يشوفوني لابسة كذا احس نظراتهم غير ما تعجبني هل هذا طبيعي او لا

 

[حجر نرد]

حبيبتي حاولت وايد البس بس ما قدرت احس يطالعوني بنظرة استغراب حتى ريلي ما يحب حد يشوفني كذا انا بالبيجامة ما احب حد يشوفني لابستها غير ريلي ما ادري هل هي تربيتنا كذا مع ان في بيت اهلي كنت البس بجايم و بناطيل بس قصير لا ما ادري صعب شوية ان امه او اخته او حتى حريم اخوانه يشوفوني لابسة كذا احس نظراتهم غير ما تعجبني هل هذا طبيعي او لا

وانا بعد نفس الوضع بعدين اهم راح يعملو لي سالفه وش ذا اللبس قالبه علينا من جنسيات برا استري نفسك ومن ذا الكلام حتى لو بغرفتي وانا اصلا استحي ماحب احد يشوفني غير زوجي بهاللبس
الله المستعان

 

[حجر نرد]

قد تكون مشكلتي تافهه للبعض بس انعندي كبيرهاو عرضتها لانه بعض النساء يكون عندها خبره او افكار او اساليب اونصائح جميله وانا اريد الفائده منكن خواتي فاتمنى لاتبخلو علينا

 

[خزامى ’’’]

حبيباتي ليش متعبين حالكم بسالفة اللبس
خصصي لك يوم بالاسبوع ماتنزلين بعد صلاة العشاء
تعشي بدري او مو لازم عشاء
اذا تعشى زوجك معاهم يطلع لك وتكوني مستعده في كل شي!!
واذا طلبوك لا تفتحين الباب ردي عليهم بدون ماتفتحين
اذا ضروي بدلي وانزلي و اذا موضروري قولي مشغوووله
خليهم يفهموها الغرفه هي مملكتك فقط
ليش حاشرين حالهم معاك
اصلا من البدايه كل شي له حد
طيب اذا شافوك خواته يعني وش فيها انت لابسه لزوجك الحمدلله
.......
واذا ما تقدري مو لازم سهر معاهم وين حقك وحق زوجك
اطلعي لغرفتك قبل زوجك بوقت كافي للبس واستعدي
خليه يتمنى الليل يجي من شان استعدادك ومفاجأتك
كان الله في عونكم
....

سؤال يعني ما تلبسو عند اهل زوجك تييرات بلايز تنانير جنز تي شيرتات؟؟؟؟
{ البناطيل والقصير ما تجوز الا للزوج }


​

 

[أحبه ولكن]

نفس الحاله عندي ,,,,الله يعين يارب

 

[lyale]

نفس الحاله عندي ,,,,الله يعين يارب

طلعت مش مشكلة وحدة و بس اثر الكل يعاني يعني اغلب اللي ساكنين مع اهل الريل صعب يتلبسون و اللي تقول نلبس تنانير و تي شيرتات عند اهل الريل كان ذبحني ريلي لا عندهم هالشي منقود و عيب لازم جلابية فضفاضة لا تشف و لا تبين وكل ما كانت طويلة تزحف كان احسن و لازم ينلبس تحتها شلحة + سروال وحبذا لو في دلاغات يكون احلى و استر شفتي عاد الله يعينا نحاول نتفنن في الجلابيات شو نسوي و نطقم الشيلة مع الجلابية بس يا ناس ما نعرف ناخذ راحتنا حتى بالغرفة و بعدين اطلع قبلة الغرفة و اتلبس و بعدين انام صح هذا هو الحال و هذا احنا صابرين الله المستعان
و مشكورة لكل وحدة ادلت برايها و احترم جميع الآراء :clap:

 

[دنيا الغدر]

البسي وتكشخى ولايمهك

 

[أم شذى]

البسي اذا كنتي تقضي في الغرفة وقت طويل،
وخلي عندك جلابية من جلابياتك الواسعة جاهزة معلقة قريب من الباب، إذا حد دق الباب او بغيتي تنزلي ؟ألبسيها فوق لبسك! انا كذا اسوي
أنا اسكن في شقة بس اسوي كذا اذا حد جى

ومثل ماقالت الاخت خصصي وقت في الاسبوع، يوم واحد ماتنزلي بعد صلاة العشا، وفهميهم انك مشغولة، ولا تردي على الباب.

أحلى شي، عودي زوجك بين فترة وفترة تروحوا يومين سفر للمناطق المجاورة، تمشية، وهناك في الفندق لبسي الي تحبيه

مالازم الكشخة كل يوم، اهم شي يكون زوجك راضي ، لا تسوي شي يضايقه.

ولما تكوني وحدك في بيت وعندك شغالة، البسي الي تحبيه بس مايكون ضيق
ولا قصير
شي لبوس حلوة وكشحة وساترة

والجنز القصيييييييييير او الضاغط او اي شي المشخلع، من اي نوع ، عادي البسيه قبل النوم،،




ربي يوفقنا

 

[سنتين مروا علي]

رووم مشكووره وحتى لو قدام الحريم عندنا عيب هاللبس الضيق والمشخلع والجنز لازم بس الدراريع والجلابيات الوااااسعه
ليااال الله يعيننا ونلاقي حل متى بنلبس ونكشخ لما نعجز ولا لما لاسمح الله تجي وحده تاخذه منا ويقول ماشفت اللبس الحلو والهنا الا مع الجديده لاسمح الله الله يبعدها عننا

إن شاء الله البنات يعطونا افكار واساليب تفيدنا

الحمد لله
الرد هذا عجبني موووت
حجر نرد جزيتي خيرا على مشاركتك هذه

فعلا الرجال لو مالبستي له وشاف عند غيرك بيقلك انا مشفتها الا مع الجديدة
والجديدة اذا جت مشخلعة عند اهل زوجك محد بيقدر يكلمها بيقولون لبسها وهي حرة فيه يمكن يناظرونها يومين وبعدين طناش

وانتي لو اعترضتي رح يقولون لك احنا ما منعناك من اي شي
خلاص البسي اللي يعجبك مادام مع حريم بدون مخاطة رجال اعتقد ما فيها شي
اووف ما اقدر اتحمل اقعد بدراعتي كل يوم
بنتحر
وبعدين انا حرة البس اللي يعجبني محد له دخل
وشوفي رد الاستاذة ناعمة لأم الوليد لمن قالت لها انه انا ما اقدر البس له الا في غرفة النوم
قالت لها وش الفايدة؟
يعني لا تلبسين احسن لك..تخيلي الساعة12 بالليل واحنا في الغرفة اقوله : بالله لحظة بلبس جنز علشان تشوفني فيه:bleh:وبعدين استنى بفصخه وبرجع اطبقه بالدولاب وبلبس لبس النوم وبجيك

خلي شخصيتك قوية وافعلي ما تريدين ترى زوجك بينبسط منك

فيه مقولة احبها واعمل بها تقول
((افعل ما تراه مناسبا فإنك لن تسلم من الانتقاد على كل حال))

 

[وردة غلا]

الله يكون بعونكم
طيب ليش ماتلبسين بغرفتك الللي تبين قصير طويل ضيق عاري على كيفك ويكون عندك روب استقبال
واذا احد دق الباب البسيه وافتحي الباب واذا اعترضو بينيلهم انه بغرفتكي المفروض تلبسين اللي يريحك ويعجبك
وانك ماراح تخرجين فيها برا واذا نزلتي عندهم غيري والبسي جلابيه
واذا اعترض زوجك حاولي تفهمينه بهدوووووء انك تبين تحسين بخصوصيه على الاقل بغرفتك وانك محترمتهم وماراح تلبسين اللبس اللي مايعجيهم خارج غرفتكي
والرجال اذا شاف اللبس والتكشخ راح ينبسط ويقتنع
والله يفرجها عليكم ويرزقم اجمعين ببيوت ملك تاخذون راحتكم فيها

 

[غربه؟]

افكار بسيطه

عزيزاتي ممكن تلبسون في اوقات معينه مثلا العصر يكون الزوج في الغرفه معاج وبعد العشا ... يعني يابختكم لبستين في اليوم على فترتين .. وبعدين لا تعقدون الموضوع .. مثلا الصبح البسي اللي على مزاجكم ..مثل بودي او جينز او غيره وشوي شوي راح يتعودون عليكم الاهل ... بالبدايه صعبه وراح يكون تعليقات منهم بس ما عليكم تحملوا ..حتى ازواجكم راح يتعودون عليكم ... مثلا اول لبسي بودي كات ومعاه تنوره مش بنطلون وطلعي لاهله من الصبح وحطي فوقه شيله عشان لو في شباب في البيت ... وفي الغرفه بدون شيله .. وهكذا...وكرري هالشي كل يوم لين يتعودون .. وبعدين ممكن قميص طويل لين الركب مع بنطلون .. وطلعي وحطي شيله طويله عشان الرياييل اللي في البيت وداخل الغرفه اتمتعي بلبسج حتى انتي بتحسين يالراحه .. على فكره عادي فهمي ريلج انج تلبسين شيله برا الغرفه .. وان من حقج تلبسين على كيفج ..ولين متى الواحد بيصبر على الدراعات والجلابيات .

 

[حجر نرد]

ربي جعل مثواكم الجنه كل وحده ردت علي وشاركت
واسفه على التأخير
خزامى مشكووره على الافكار الحلوه وبالنسبه لسؤالك نحن عاداتنا المره ماتلبس الجينزات والتييرات ابد الا اللي تبي في طلعاتها او مناسباتها الخاصه طبعا تحت العبايه اكيد او اذا كانت لسه بنوته صغيره لحتى 17 سنه وبعدها اعدام اما بالبيت فعيييييييييب هاللبس لبسنا يجي زي الدرااعه واسع وساتر ويكون طويل مره مايبين رجولك واللي تلبس جنز او تنوره بالبيت او بديات قدام اهل البيت هذي ماعندها حيا ولادين تلبس ضيق وغيره حتى قدام الحريم
اخواتي احبه ولكن..دنيا الغدر..أم شذى..سنتين مروا علي..وردة غلا..غربه..جعل كل كلمه كتبتوها في ميزان حسناتكن ياارب واشكركن اسم اسم
واخت ليال مشكووره على ردك وتواصلك مع الاخوات وإعتبار الموضوع موضوعك لانه بالفعل موضوع مشترك بين اللي يعيش تقاليدنا هذي
يسلموو للجميع

 

[بنت جده 1]

والله الحال من بعضه طيب تخيلى انا كنت ساكنه عند اهل زوجى كم سنه وبعدها سكنت بشقه بمنطقه ثانيه وصار كل ما جات عطله من اولها لا خرها عند اهله بس شوفى
1البيت مليان اربع وعشرين ساعه
2ما فيه لاغرفه ولا غيره اذ فيه وقت جا زوجى والصقوا عندى
3تنامين معهم وتصحين معهم
4 والله لبغيت الله يكرمك الحمام القاهم صا حيين ولازم يلفون روسسهم يشفون وش اسوى عموما هذا فيض من غيض ما عليك وعلى الله بس شى يجب الملل الله يفرجها علينا ولا يجعل فى قلوبنا غل للذين امنوا.

 

[مرسـى]

أنا بعد نفسك بالضبط وكنت أفكر ننفس تفكيرك ..

بعدين قلت ليش ما أخذ راحتي وأعود خوات ريلي على ستايلي وبصراحة من ثاني أسبوع وأنا البس اللي بدي

اياه باستثناء العاري طبعا قمصان نوم يعني .. البس بجامات بناطلين قمصان كت .. والخ!!

واذا بغيت أطلع ألبس لبس الصلاة .. أو لبسه خفيفة واااااااااااااااسعه مرة .. ما فيها تطريز .. !

 

[جود الحزن11]

السلام عليكم

موضوعك غريييييييييب يااختي

واللي مستغربه منه اكثر,,ان فيه كثير من الاخوات مثل مشكلتك,,اعذروني,,وانا بقول رأيي بكل صراحه

مااشوف فيها شي انك تلبسين اللي تبينه ومو حراااااااااااااااام

مادامك بين حريم,,يعني اذا لبستي تنوره وبلوزه صرتي مثل الغربيات؟!!!!

ماتقدرين تلبسين بنطلون مايخالف,,ضحي فيه,,لكن تنوره طويله,,وبلوزه كت او مفتوحه من الظهر او شوي من الصدر,,مافيها شي,,او تنوره ميدي,,لنصف الساق برضو مافيها شي
خليهم يتكلمون,,قوليلهم زوجي مل من الدراعات,,وحبيت اغير,,وين العيب في لبسي؟,,اذا مالبستي الحين في شبابك متى تلبسين؟؟؟؟؟
انا بصراحه اشوف الدراعات ماتناسب للشابات
اخواتي ترى الحريم مابينفعونكم في شي ورضا الناس غاية لاتدرك,,شوفي وش يحب زوجك وسويه,,لاتقفلين على نفسك ولاشي,,انتي ساكنه معهم,,ماانتي خدامه تقفلين على نفسك,,كل البيت بيتك,,مادامه بيت اهل زوجك,,وانتي زوجته يعني برضو بيتك,,واذا العادات تحكم بينكم كذا
عشان زوجك اخرجي عن المألوف وسوي اللي يريحك ويريحه

اقسم بالله انقهرت عليكم,,وهذا رأيي واعذروني ان اخطأت​