لا هذا شي مووووو طبيعيييييي!!!

ب

بزه المرتزه

New member
إنضم
2011/04/19
المشاركات
42
السلام عليكم
ابي حل يابنات سريع لان الموقف توه صار وابي اعرف شلون اتصرف!!
انا زوجي الشمالي الشرقي روح امه، يعني ماتتصورون اهو شكثر متعلق بامه وكل شي يقولها!!
انا الحين بقول الموقف يمكن بنظركم عادي بس لان صارت مواقف واااايد قبل من جذي طفح الكيل واحتريت
بس علموني شسوي الله يخليكم
انا امس صايمه ديني وامس زوارة بيت اهله بس مارحت لاني صايمه، المهم امه دزتلي معاه صحن شوربه
قتله اني بدق عليها اتشكر منها
واليوم لما اتصلت عليها قالتلي اي زوجج قالي انج بتدقيت تتشكرين انا ماسويت شي عادي بس شوربه!!!!
بنات هل فيه داعي ان يقولها اني بدق اتشكر منها؟!!!!!!!!
انا اشوف كلش مالاداعي !!
يعنني مايصير انا اكون حذره معاه بالكلام عشان مايقول حق امه
وقالتلي ليش مخليه صيام دينج ليلحين طولتي!
هل فيه داعي ان يشرحلها ليش صايمه!!!
ليش ماقالها صايمه وبس
يعني والله انحرجت منها
يمكن اذا عندكم هالسوالف عاديه انا لا
لان وايد مواقف تصير واهو يقولها كل شي عن خصوصياتنا
المهم اما الحين بتغدى معاه
اقوله ان امه قالتلي هالكلام واني انحرجت
والا شنو اقول
بسرعه بليز ناطره ردكم
 
//

الحل لاعاد تقولين لزوجك كل شي خليك حذرة لان هذي طبيعته .
انا كنت اعاني من نفس المشكله :(
وصرت اطبق نظام الصمت والغموض وارتحت الحمدلله شوي ​
 
حبيبتي اشكري الله على هذا الزوج الذي يحمل قلب طفل حنون
زوجك يحبك ويحب امه ودايم يكبرك مع امه ويحب يسولف عنك
سؤال لك : هل قمتي بمناقشة الموضوع معه بطريقه جيده ؟
هل نقله لسوالف البيت فيه ضرر عليك وعلى استقرار حياتك ؟ ام سوالف عاديه ؟
شخصية امه ـ الله يخليها ـ عاديه حنونه طيبه ولا شريره تخلق لك المشاكل ؟
ولا ننسى موقفها لما طرشت لك الشوربه فديتها
من رأي خلي هذا الامر فهو عادي جدا .. اهم شي لاتتكلمي بالشي الكبير وبالاسرار حتى لاينقلها الى امه وهذا دورك .... والباقي عادي سوالف بيوت
 
لا تكبرين الموضوع خلاص انسيه ولا ترجعين تفتحينه مرة ثانية
والمرة الجاية لا تقولين ولا شي لزوجك خليكي غامضة احسن
 
انا مابيه يتعود ان كل شي يقولها
هالشي وايد يضايقني وانا قايلتله من قبل
قالي انا موياهل وانتي ما تعلميني
انا مابي اخلق مشكله وياه بس هم بنفس الوقت ابيه يحس انهالشي موعاجبني ويضايقني
امه زينه بس مو وايد حليوه معاي
احسها تغار مني
الحين شقوله
قولولي الله يرضى عليكم
 
احسن شي انك تواجهينه وتقولين له ماهو كل شي تقوله وبصراحه هو ماقل شي يعني عادي الي قاله
 
انا حبيبتي اقول لا تفتحين الموضوع معاه لانه ما راح يغير في الموضوع شء اهم شئ المرة التانيه خليك حذرة في الكلام مهاه والحال من بعضه الشمالي الشرقي هوه كدا
 
لا تكبرين السالفه

انتي ممكن تقوليله بدون حساسيه

ماله داعي تقول لولدتك اني بتصل بها

بتحسبك انت مشترط على اتصل

كان خليتها تجي مني احسن
 
عزيزتي ..

خذي الأمور ببساطة وأريحية .. علمت صومك فارسلت لك شوربة ..
وعلمت أنك أردت شكرها .. فلاطفتك .. بأنها لم تصنع ما يستدعي ذلك ..
وعلمت بتأخيرك لقضاء الصوم .. فأرادت نصحك وتوجيهك ..
حتى لايفوتك التأخير أجر التبكير .. وفرص صوم التطوع ..
كل ذلك .. لاتفعله سوى أم محبة لابنتها .. وحماة .. تتقرب لزوجة ابنها ..
احساسها بك ورغبتها ولو فقط فتح باب في الحوار بينك وبينها ..
دليل على صفاء نيتها .. كوني أحسن .. واعتبري أن من حادثك هي أمك ..
هل كان يزعجك ذلك في شيء .. إذا كنت تنزعجي .. حتى لوكانت امك ..
حاولي تدربي نفسك على التباسط .. والبساطة .. في تناول الأمر ..
لأن تضخيم الامور الصغيرة .. يجلب القلق للحياة ..
ويحول نعيمها جحيم ..
لتعلم بصومك وسببه .. فكل من قرأ الموضوع علم ..
الأمر لايزعج البته حبيبتي ..
انظري لجوانبه الايجابية ..
هناك من يهتم بك !
وفقك الله .. وحبب فيك خلقه ..
وسدد طريقك للخير ..​
​
 
التعديل الأخير:
رازيا عين الصواب

سنابل خير درر

لا تتعدين مشورتهم
 
السلام**عليكم**تعرفي**اختي**هادي**مشكلة**اغلب**النسوان**انها**تبغي**تربي**زوجها**على**كيفها**و**هاد**شي**مستحيل**ادا**كان**زوجك**هيك**طبيعتو**فماراح**تقدري**تغيريه**بس**ممكن**تتعايشي**معاه**بمعنى**اذا**كان**شي**عنك**ما**تريدين**حماتك**تعرفو**ما**تقولي**له**بكل**بساطة**وما**تخلي**شيء**بسيط**مثل**هاد**يصير**مشكل**بحياتك**وما**تنكدي**على**زوجك**وخصوصا**عالاكل**حرام
 
انا اتبعت نصيحتكم وما ناقشته بالموضوع
بس قتله انه كلمت امه وانها عندها علم اني بتصل، قالي اي انا قتلها وسكت وكان وضعه طبيعي كانه مافيه شي غلط بالموضوع!
انا المره الجايه بكون حذره معاه بالكلام
مع انه والله هذي مو حاله
انا باخذ راحتي مع زوجي وبقوله كل الي بخاطري من غير اي حدود
بس شكله بيتغير هالشي للاسف
 
انسي الموضوع ولاتفاتحيه فيه بس خوذي منه درس انك ماتقولي له اي شي
 
حتى لو عاتبتيه

هو متعود من اوووووووووول انه يكلم امه بكل شي

يعني ماراح تستفيدي شي لوعاتبتيه

ولعلمك اكتر الرجال زي كدا وهالشي متعايشتو انا وشوفته بعيني
​
 
عز الله انك سنــــــــــــــابل خير احسنتي
 
خلاص لاتفتحين الموضوع وانتبهي للكلام اللي ماتبغي يطلع بري والكلام ماراح يجيب فايدهاذا طبعه مايخبي شي عن اهله شكله ولاراح تقدرين تغيرين هالطبع
 
احس الموضوع عادي ومافيه اسرار او خصوصيه
عائشه لاتصوم القضاء الا في شعبان لمكانتها عند الرسول او لمكانت الرسول عندها
وهي قدوتنا
وسعي صدرك ولا تكوني حساسه ترا
اذا بديتي تنتقديه ينفر منك ولايسولف وياخذ راحته معك
اللي ماتبغين احد يعرفه لاتقوليه لزوجك وبعدين تعاتبيه
 
هي كده شخصية الشمالي الشرقي ومع اني شمالية غربية لكن مكنتش احكي لأمي كل حاجة كده هو الرجل طبعه غير ربنا يهدي لك الحال انت متحاوليش تغيري الطبع ده لأنه انت بتخسريه وهو ما يتغير لكن فعلا خليكي حذرة في كلامك معاه
 
من رأيي
مو كل شوي تقولينه له واذا قلتي له شي وماودك احد يعرفه نبهيه لاتقول
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل