لا تكوني امراه ب١٠٠رجل

[راجيه الرضا]

اديلهم قومتهم عشان انتم ترتاحو #مايسة_كمال

في بعض الإناث بتفرح لما بيكون الكلمة كلمتها والمركب هي اللي بتديره

بعد كام سنة زوجها بينسحب وبيلتفت لغيرها لو وجد عند غيرها قوامته وتقديره

وهي هتشتكي انها بتعمل كل حاجة بنفسها

كنت سمعت قبل كده عن زوجة عالم كبير اتفق هو وزوجته ان القرارات الصغيرة هي اللي تاخدها والقرارات الكبيرة هو اللي ياخدها ...ويعد مرور خمسين سنة بيعترف وبيقول انه مخدش اي قرار كبير لان مع كل قرار كانت بتقنعه ان ده قرار صغير سيبهولي

والمفروض المثال ده يعني يدل ان زوجته ذكية

الذكاء هو انك متتحمليش مسؤليه قرارته عشان ماترجعيش تقولي انا انطفيت وشيلت فوق طاقتي والحاجة لو معملتهاش محدش بيعملها

الذكاء انك تسبيه يدير المركب
وماتفرحيش بنفسك لو كل حاجة انتي اللي مسؤله عنها وابدأي اسحبي نفسك من ادوار مش بتاعتك حتي لو هتدفعي ضريبة قدام ده وهي تاخير الحاجة اللي مش هتعمليها بنفسك حاجة تتاخر او حتي تخسري في حاجةاحسن ما تعيشي طول حياتك متاخرة

الستات هي اللي بتحب تعيش دور الجدعنة وبعدين فجأة تفوق وتقول اين حقي ؟

الضعف الانثوي حلو ..انك تسبيه يتصرف ويشعر انك بتحبي اعتمادك عليه مش انك راجل زيه انتي تقصدي هنا الجدعنه هو هنا مش هيعرف يقوم بدوره اللي بيحبه الاحساس ان في اشخاص محتاجينه وانه عايش مع راجل زيه

الست اللي بمليون راجل حلوة جدا بس برة بيتها وفي غيبه زوجها

لكن جوه بيتها هي محتاجه ودوره اساسي ومنبهره بللي بيقدمه ومقدره

مش بتتعالي عليه فكريا كمان بكلمات زي ما انا قولتلك كنت سمعت كلامي او كلامك غلط ودايما مغرقنا

حتي لو فعلا كلامه غلط الراجل بيحب التشجيع ومايحبش الست اللي تحسسه بفشله وتتربط عنده بالألم

شجعيه هيجي منه اكتر ما تحبطيه

اديله ادواره بالتدريج وبلاش دور المنقذ كل ما تحسي ان المركب هتغرق تظهري سيبي موقف يخسر فيه عشان يتعلم في اللي جاي انه يقوم بدوره

الرجالة ماتحبش تتجوز إناث بصفات رجالة
والإناث ما بتعرفش تعيش طول حياتها تدي لانها لما مابتلاقيش مقابل بترجع تدبل وتنطفي ونرجع لنفس الحلزونة اصل يا مايسة الرجاله بقت وحشة

بعد اذنك سبيه يدير مركبه

#مايسة_كمال

 

[النسيم المسافر]

سلمت يداك غاليتي?
"حقيقة"