لا تبخلو علي بنصايحكم

  • بادئ الموضوع بادئ الموضوع شجن2008
  • تاريخ البدء تاريخ البدء
شجن2008

شجن2008

New member
إنضم
2008/08/22
المشاركات
1,525
حبايبي اترددت كثير قبل لا اسال لكن في النهايه تميت ابغى نصايحكم فلا تبخلو علي انا مزوجه لي 18سنه وزوجي جنوبي شرقي ما ادري من متى بدا يبعد عني وتكون علاقتنا فقط لما هو يقرر المهم باقي الوقت كاننا اصحاب حتى اذا قربت ابوسه او احضنه يصدني :dunno:احيان ازعل منه واحيان اتحمل واعمل انه ما همني مع العلم اني انقهر على نفسي كثير وكمان لما يزعلني ما يحاول يراضيني الين ارضى لحالي مع انه لو زعل امه او بناته فهو يعرف يراضيهم بناتي مع انه ابوهم هما يحسو اني احبه اكثر مما هو يحبني فيزعلو منه مع اني اخاصمهم عشانه انا كمان جنوبيه غربيه كيف اتصرف معاه دلوني:exclamationpoint:ملاحظه :questionmark:هو انسان طيب جدن وكريم وما يقصر علي وعلي بناته بس هذي النقطه يزعلني بها:icon26:كمان فيه حاجه ثانيه لما اعمل اكل لو جديد مبتكر ما يذوقه ولو من الاطباق المعروفه يجلس يعيب فيه الين خلاني اكره الطبخ بشده واترك الشغاله تعملو وهو والف على اكل امه اللي سارت ماتطبخ زي زمان مع انها يعجبها اكلي لما تجيني وتتغدى عندي بس تسالني كيف سويتي ذا وذا وهو يستغرب المفروض انه مو طعم زي هو مو شايف :in_love:كمان هو مجنون اكل سوق وده ياكل كل الوجبات من بره :tears:وسامحوني طولت عليكم
 
حبيبتي الله يسخره لك انشاء الله ويهديه

ماحبيت امر بدون مارد
 
الدعاء والاستغفار
واسأليه بطريقه هاديه وحلوه عن سبب تصرفاته
الصراحه زينه
 
حبيبتي اناحاسه فيك شكل زوجك يحب الثقل ومايحب انك تكوني ضعيفه عنده مثل لما تسوي اكله جديده لاتفرضينه عليه وكلي انت منها وبيني انها لذيذه لما تتزاعلو اشغلي نفسك واتركيه واذا رضي بيني وجهة نضرك اواكتبي له رساله تعبر عن الي في نفسك
 
اختي غزاله بريه شاكره لك مداخلتك احب اوضحلك اني ما افرض عليه يذوق الاكل لكن هو من يجلس على الاكل يبدا التعليق واحيان لما اناديه للاكل يسال في الاول اش عملتو اكل وانا لما اجي اساله قبل اش نعمل غدا بكره يقول اي شيئ وزي ما قلت قبل كذا لو كان ياكل كل الوجبات من بره ما عنده مشكله ويعتبره نوع من الترفيه له حتى عندي بنت من بناتي ما تاكل غير اكل معين وتفضله من السوق وتقلد كلامه في التعليق على الاكل لدرجة لما نخرج زياره للاهل ماتاكل الين نرجع البيت
 
اما من ناحية الرسايل انسي انه يقرا احس في عيونه انه يبغاني اقرب منه وامزح معاه لكن لما اعمل كذا يشوف نفسه علي بدليل انه اذا شافني مشغوله عنه بالكمبيوتر او اي عمل خاص فيني يبدا يكلمني ويبغاني اجلس معاه وما انشغل باي شيئ غيره
 
يا حبيبتي انا ريلي جنوبي شرقي .... يحب الحرمة اللي
تكووون واااثقه من نفسهااا .... حاااولي مااا تلحين
عليه في السؤااال ... ومسألة الزعل الجنوبي يحب
الحرمه الفرفوووشه واللي مااا تنكد.... ولو زعلج
زعل مب كيير حااولي إنج ماا توقفين عندهااا ومشيها
أما مسألة الطبيخ .... انا كنت مثلج ... كاان يقعد
يذم بطبخي.... لكن صدقيني ... بطلت أسأل عن رأيه
ولما أسوي أكله جديده أقوووول لنفسي بصوت
عااالي (( يااااا سلااام عليج يا حلو طبخج ))..
كااان يطالعني باستغراااب من ثقتي بطبخي ...
ألحين لما أسوي أي أكله صااار يقول لي رأيه
على طووول.... تدرين مشكة الجنوبي الشرقي
إنه مااا يعرف يعبر.... فلااازم تتأقلمين على
هالشيء.....​
 
حبيبتي اهم شئ تكوني واثقة من نفسك وبيني الثقة لزوجك
ولا تسأليه عن رأيه في اي شئ مثلا طبخك او لبسك او مكياجك
بيني له اي شئ تسويه وتلبسية حلو
وامدحي نفسك بنفسك ولا تستني منه رد
لما تطبخى وتحطي الاكل كلي وقولي الله الاكل يجنن ونفس طعم المطعم الفلاني والله صراحة اطعم منه كمان
وانتي بتتمكيجي وبتلبسي اذا كان موجود قولي والله اني قمر وزي كدا
في مرة كنت معزومة في زواج لما رجعت خليت زوجي يصورني بالكاميرا ماعلق على الصور نهائي المهم بعدها بيوم وهو في الشغل اتفرجت على صور وعجبتني قمت ارسلت له رساله على جوال تصدق بالله انك متزوج وحدة موزة>>يعني حلوة
و صراحة زوجتك اللي هيا انا تتاكل اكل
وانا برسل جالسه اضحك على كلامي وارسلت
طبعا مارد على رساله بس ماهمني يكفي شافها
لما جاء قالي فيكي غرور قولتله لا والله بس فيا ثقة بنفسي ولا ماكان اخترتني واتزوجتني طبعا سكت ولا رد
يكفيني بينه وبين نفسه مقتنع بكلامي
انتي اعملي زي كدا لاتستني انتي اتكلمي وامدحي نفسك
حتى لو كان اكلك مو عاجبه ويشوف الثقة اللي فيكي راح يتغير وجهة نظره بس ماراح يتكلم يكفي انه يعرف ولو مااعترف
وعلى موضوع لما تتقربي منه ويصدك نفس طريقة زوجي مرات يعملها مرة انقهر وابعد بس احاول ماابين واطنش اقول ممكن مزاجه مو رايق او بيفكر في شئ
حاولي انك تشغلي نفسك وهو اللي راح يدور عليكي
لاحظت دا الشئ لما تكوني قريبة منه مايفكر فيكي ولما تبعدي عنه يعني تشغلي نفسك يحس بغيابك
وعشان لاتكبتي في نفسك سوي بين فترة وفترة جلسه مصارحة<<<< من عشاقها
كل شهرين لازم الجلسة تكون رومانسية ومايكون مشغول وحتى جوال خليه صامت المهم مافي ازعاج ويكون فاضي ابدأي اتكلمي ودلع ومزح وقولي حبيبي ايش رايك نتكلم ونفضفض لبعض وقولي مميزاته وبعدها ابدأي في سلبيات انا مثلا يضايقني منك كدا وكدا وهو كمان يتكلم
لازم تفهمو بعض وتبعدو عن الشئ اللي مضايقكم وبكدا تخف المشاكل
 
التعديل الأخير:
مشكوره حبيبتي على كلامك صراحه كثير ريحني الله يعطيك العافيه با لنسبه انه ما يعرف يعبر هو ما يعرف لكن في الانتقاد ما شاء الله لبلب على قول اخواننا المصاريه وهذا صراحه الشي اللي مره يضايقني ودوم اقوله يا ريتك في المدح تكون زي لما تنتقد
 
شكرن اختي naughty girlصحيح لما اكون جنبه يعمل حاله مو مهتم بس مجرد ما انشغل عنه تلقيه يفرح لو دخلت الغرفه يحاول يكلمني في اي موضوع عشان اجلس معاه يعطيك العافيه
 
بنات00انا سالت هذا السؤال قبل اربعه شهور وخلال هذي الشهور انا اتغيرت وسرت واثقه من نفسي وشكلي وهذا انعكس عليه0000وسرت افهم شخصيته اكثر000بس الى الان ماقدرت اني اخليه هو اللي يقرب مني غير في وقت العلاقه وانا ابغاه يعبر عن مشاعره مو بس في ذاك الوقت000ادري زهقتكم بس اش اسوي مالي غير اخواتي البلقيسيات افضفضلكم وادور معاكم لحل000ودمتم لي000
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل