لاتخلوني اندم

[**بسمة امل**]

صباح الخير والاحساس والطيبة

بنات انا حابة افضفض واقول الي بخاطري مع اني انسانة كتومة ومااحب اشتكي لاحد ابدا
يمكن لاني تعرضت في فترةالمراهقة لموقف سلبي خلاني افتقد الثقة في الكل حتى اقرب الناس لي ومن بعدها صرت اكتم همي في قلبي واعاني لوحدي وامام الناس انسانة مرحة بشوشة الي يشوفني يقول هاذي مبسوطة في حياتها وماعندها هموم ومع الايام حسيت ان هالشئ اثر في شخصيتي وصرت انسانة لامبالية اطنش كل شئ اتهرب من التفكير في المشاكل والهموم باشغال نفسي باي امر يسليني او بااحلام اليقضة وتأليف قصة من خيالي والعيش باجوائها بعيدا عن الهموم وغير ذلك المهم ان لااكدر خاطري واذا احسست بضيق شديد لااستطيع مقاومته افرش سجادتي واشكي همي لربي وابكي والنعم بالله عزوجل من بعدها احس براحة وارجع لطبعي التطنيش والتفائل
حابه اسألكم فيه وحدة مثلي كذا لان كل صديقاتي واللي حولي يشكون لي ويفضفضون الا انا مااحب اشكي وذا صار وفضفضت تلاقوني اعاتب نفسي واندم على هالشئ
اتمنى القى تفاعل و تجاوب منكم
عاد لاتخلوني اندم :shiny:
اللغه شئ عامي ع فصحى :icon30:خخخخخخخخخخ​

 

[الـ غ ـاويهـ]

شيء طبيعي اللي يصير وياج ..

انا بعد صار معاي جي لما دخلت مدرسة جديدة ما كان عندي صديقات اشكي لهم

و كنت كتومة واااايد

بعدين لما صار عندي ربيعات في المدرسة و لما كنت ابوح بشيء اندم على طول و كاني سوت شيء غلط

تعرفين ليش لأنه متعودين على ها الشيء

بس لما شفت انه كل وحدة عندها همومها صرت ايدهم بالكلام و افضفض اكثر من قبل

سوي نفس الشيء حاولي تتاقلمين معاهم لا تخلين شيء ف قبلج لأنه بيتعبه بتحسين بعوار فظيع

بعدين حلو اللي تسوينه انج تشكين الهم لربج .. دام انج متواصلة مع ربج خلاص هذا كافي

ويغنيج انج تشكين همومج لربيعاتج ..

و اذا على احلام اليقظة يفضل انج ما تيلسين وايد مع نفسج اشغلي نفسج باي شيء

لأنها مجرد اوهام و خيال ..ما في فايدة منهم

مخج بيتعب من كثر التفكير .. ما حستي يوم انه تبين يكون تفكيرج صافي

ما تبين تفكرين ف شيء بس ما تقدرين و كانه الأفكار خلاص اتوماتيكا تيي لج

لا تواصلين حياتج بهاي الطريقة لأن باجر ان شاء الله لما تتزوجين صعب تتخلصين من ها الأشياء

لآهنتيـ

 

[نبراس القلوب]

مساء الأنوار
يا هلا ببسمة أمل
اسمج رووعة,,
عزيزتي هذي الحالة عادية..
وبصراحة أنا كنت أمر فيها
يعني ما أحب أني أذكر لأي
شخص شو في خاطري ولا ليش مضايقة!!
وإذا تكلمت أضايق زااايده وألوم نفسي؟!!!
وتميت على هالحالة لين مادخلت الجامعة,,
وكانت وحده من ربيعاتي تصر اني اتكلم وأقول كل اللي في خاطري
وأحاول افهمها بس كانت عنيده
تصدقين
هي عودتني
وخلتني آخذ راحتي عندها وااااايد
وأقول كل اللي في الخاطري
فأعتقد السالفة بس يبالها
تعوووووووووود
فقط
وشوي شوي بتشوفي ان الموضوع صار عادي
عسى الله يفجر هم المهمومين
وكرب المكروبين
يارب​

 

[العمرلحظة]

اهلين ياحلوووووووووووة امل اسمك يدل على الامل والتفائل


لاتكدرين عمرك انا كنت مثلك بمرحله الدراسه زي ما قالت الغاويه وكلامها صحيح


واشغلي نفسك بقراءة القران والذكر وستجدين الوناااااسه والفرح


اللهم اني عبدك ابن عبدك ابن امتك ناصيتي بيدك ماض في حكمك عدل في قضائك اسالك بكل اسم هو لك

سميت به نفسك او انزلته في كتابك او استاثرت في شء في علم الغيب عندك ان تجعل القران ربيع قلوبنا

وجلاء احزاننا وذهاب همومنا


واستغفري ربك خلي لسانك رطب بذكر الرحمن فهو ارحم من الام بطفلها ويراك ويعلم مابك

فتوجهي اليه بقلب خاشع وادعيه بكل ماتريدين فهو لايخيب من دعاة ونحن بحاجه اليه

هاذة طريقتي اذا جاتني نفس حالتك اتوجه لله واصلح اولا مابيني وبين الله

لان الله لايصلح مابقوم حتى يصلحو من انفسهم


واتمنى من الله لك السداد في هاذة الايام المباركه

 

[**بسمة امل**]

حبيباتي,الغاويه,نبراس القلوب,العمرلحظة,


تسلمووووووووون ع ردودكم الي اسعدتني واثلجت صدري :blush-anim-cl:

وبالنسبة لاسمي انتم الاحلى والارروع

يعني انتم تشوفون هالشئ غلط واني لازم افضفض عشان ارتاح

والله انا احاول بس مااقدر يمكن احسه ضعف ماادري

ومعاك حق ياالغاويه فعلا اذاكنت ابغى تفكيري يصفى مااقدر

احس اني مشتتة وانتي تشوفي ان هالشئ ممكن يأثر ع بعد الزواج والله خوفتيني :sadwalk:

يمكن انتم لقيتوا الي يفهمكم ويخرجكم من الحال الي كنتم فيه لكن انا مالقيت الي يفهمني وارتاح معاه حتى صديقتي الروح بالروح ماقدرت​

 

[الـ غ ـاويهـ]

احس اني مشتتة وانتي تشوفي ان هالشئ ممكن يأثر ع بعد الزواج والله خوفتيني :sadwalk:

انا ما قلت ها الكلام عشان اخوفج بس قلت ها الشيء عشان تنتبهين و تخرجين من حالتج

يمكن انتم لقيتوا الي يفهمكم ويخرجكم من الحال الي كنتم فيه لكن انا مالقيت الي يفهمني وارتاح معاه حتى صديقتي الروح بالروح ماقدرت

صحيح نحن عندنا ربيعات نقدر نفضفض لهم .. بس بعدين يتغير الوضع ..

صدقيني انا عندي ربيعات و الحمدلله .. بس مب دوم الأقيهم يعني هم يكونون مشغولين بالجامعة و مشاغلهم..

ما اقدر دووم اقولهم كل شيء ..

تعرفين شو الحل الوحيد ؟!

انج ما تاخذين الهموم بشكل اكبر من اللازم..

فكري فيها بلحظات و شو الحل لهاي المشكلة

لا تضيعين وقتج وااايد عليه

اللي فات مات .. ونحن نعيش ف الحاضر

لا تفكرين ف شيء صار ف الأمس و لا شو اللي بيصير ف يومج

فكري في اليوم اللي انتي عايشه فيه..

السموحة

 

[لا مكان لا وطن]

كأنك تحكي عني تمامآآ :icon30:​

 

[**بسمة امل**]

الغاويه عيوني لو رجعتي لكلامي في البداية تعرفين اني انا مااحب افكر في همووومي ابدا

مبدأي في الحياة طنش تعش تنتعش :clap:خخخخخخ

وزي ماقلت مااحب اكدر خاااااطري

وهذا نتيجة لاني مااحب اشتكي

فهمتي عمري

والي خلاني اني اكتب مشكلتي اني احس احيانا اني انضغط مررررة وحدة من الكبت والتطنيش

ولااحب اشكي فحبيت اسأل اذا كان فيه احد مثلي ولا هالشئ غريب

تسلمي قلبو مرة ثانية والله اسلوبك حلو وكلامك يريح​

 

[**بسمة امل**]

كأنك تحكي عني تمامآآ :icon30:​

تسلمي لا مكان لا وطن ريحتيني ان فيه احد مثلي والله حسيييت براحة لان الكل من صحباتي يفضفض لي الا انا وعشان كذا سألت بس ماقلتيلي هاالشئ مريح بالنسبة لك

 

[**بسمة امل**]

ويييييييييييييييييييييينكم بنااااااات​