كيف حيكون تصرفك بعد مايقولك خطيبك الكلام هذا؟؟

أ

أروى الطعمه

New member
إنضم
2008/09/27
المشاركات
58
السلام عليكم

كيف حالكم؟؟ ان شاءالله تكونو بخير

ماراح اطول عليكم وراح ادخل في الموضوع على طول

وانا متأكده اني راح الاقي عندكم الاجوبه الي حتساعدني بأذن الله

لانكم مابتقصرو مع اي احد محتاج مساعدتكم

المهم

انا مملكه ليا 7شهور

الحمدلله انا وخطيبي كويسين مع بعض

بس ليا يومين ملاحظه انو بيسرح كتير ومابيكون معايا ولمن اسألو اشبك؟؟

يقولي لا ولا شي

اليوم قلي عن الي شاغل تفكيرو

قلي اروى انتي مابتقوليلي كل حاجه

عمرك ماجيتي قولتيلي عن مشكله صارت معاكي

او عن شي مضايقك

مو معقوله طول الفترا دي مامريتي بشي ضايقك او مامريتي في مشكله

انا بجي اقولك عن كل شي بيصير معايا ومابلاقي الشي دا منك

بصراحه صرت مقهور على نفسي<<لمن قال الجمله دي انا انقهرت

قولتلو اسمع انتا عارف انو انا ماابغى اخبي عليك شي ولاني متعمده اني مااقولك

بس دا طبع فيا اني مااحب اتكلم

قلي صرت افكر في اشياء مالها داعي مرا اقول امكن مهي مطمنتلي ومرا اقول ممكن لاننا لسى في فترة ملكه بحاول اني ابررلك

المهم يابنات

اني صرت مرا مقهوره من نفسي اني وصلتو لدرجة انو ينقهر على نفسو وندمان انو كان يقولي كل شي

وابغاكم تقولولي كيف اخلي الاحساس دا يروح

وانو مايفكر بالطريقه دي

ساعدوووووووووني

وكل وحده تقول لو كانت مكاني كيف حيكون تصرفها


وبس
 
انا اشوف هذا شي عادي يعني طبعك كذا بس امكن مع العشره حتتغيري يعني حتلاقي نفسك
وحيده ومامعك احد غيره راح تشكي له طبعا يس هو شكله كاتم في نفسه اسرار يبغى يقولك
وماهو متشجع حاولي تعطيه راحته اكثر عشان مايخبي عليك شئ
والله يوفقك ويسعدك معاه
 
يتدلع عليك لانه يدري انك حساسه مرررررة هههههه
عادي حاولي تقولين له اشياء بسيطه عن حياتك تحسسه انه معك في كل شي
بس مو يعجبك الوضع وتصيرين مفضوحه بكل شي بعض الامور ماتنقال

عالعموم الله يوفقكم ان شالله
 
انتبهي يحط في باله هذا الشيء...لأنه راح ياخذ منك درس وبعدين ماراح يقول لك شيء مرة ثانية...
وانتبهي تقولي له هذا طبعي ومثل هذا الكلام...
وحاولي تعتذري له وتبرري له موقفك وبعدين أعطيه مواقف بسيطة وخفيفة ومحرجة باختصار تفاعلي معه بالسواليف لا تجلسي ساكتة وتصمتين وتقييمين بتعابير وجهك كل ما قال سالفة...
 
لمار

تسلمي ع الرد الحلو ياعسل


همسة لمسه

والله انا بتفاعل معاه
وصح اني قولتلو هذا طبعي
بس في المقابل قولتلو انو الطبع هذا اكيد حيتغير

تسلمي ع الرد الحلو

يعطيكم الف عافيه
 
انتم الان في مرحله دراسه لشخصياات بعض لاتتضايقين
الحساسيه بتروووح
الف الف مبرووك يااعروسه
 
حبيبتي كل الرجال كذا
يحبو عيفو ادق تفاصيل حياتك
اهم شي تقدري تحسسيه انك ما تخبين عليه شي وما تعلميه كل شي
حلوه الخصوصيه في حياتك الاسريه والله يتمم لك على خير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل