كيف تستعيد ثقتها المحطمه

[فتاة الخير]

السلام عليكم ورحمة الله وبركاته..
كيف حالكم يا اخواتي من طبعكم الفزعات الله يديم علينا نعمة التاخي والحب في الله..
طلبت مني احدى قريباتي ان اضع مشكلتها لانها لاتستطيع ان تضع لها ايميل..
وستقرا حلولكن..اتمنى من عندها حل لاتحرمها..
تقول:
انا انسانه جامعيه وتزوجت انسان تعليمه اقل مني, ومن بداية زواجي اذا صارت بيننا مشكله يحطمني كثير يقول(انتي اخذتي شهادة وانتي جاهله,متى بتفهمين؟انتي متى بتعلمين؟انتي تفكيرك محدود.انتي انسانه فاشله.انتي كيف بتصيرين ام.انتي عقلك صغير.كيف بتربين اجيال.مافلحتي بحل مشاكلك؟تروحين تربين بنات الناس؟ومن هالكلام..)وجبت عيال وهذا كلامه لي ..
ولكن محاسنه كثيره..طيب حنون رومنسي كريم ولكن عصبي..
احس اني متحطمه من كثر ماسمعت كلامه شككت بعمري احسي اني مكسوره ضعيفه؟دايم يتردد كلامه على مسامعه...ماقدرت اتوظف احس اني مو قد الوظيفه..
احس شخصيتي ضعفت كثير عن قبل زواجي..صرت اخاف من المشاكل اذا تناقشنا التزم الصمت مادري شو اقول ويحسسني اني الغلطانه..مع العلم اني تثقفت من هالمنتدى كثير وتغيرت للاحسن..
لكن كيف استعيد ثقتي بنفسي؟؟كيف اصير قويه امامه..؟؟
حتى مع الناس اللي اعلى مني استحي اكلمهم؟؟احس اني ناقصه؟؟
ارجوكم اعطوني الحلول؟؟الله يسعدكم ولا يريكم مكروه..
(انتهى كلامها)


اتمنى يا اخواتي تسعفوها بارائكم لانها صاحبة خير..

 

[كلي نظر]

اول شي اذاقالها شي ماتسكت اذا معاها حق وتردعليه
هوزاد الكلام معاها شافها ساكته ماتردوتمادى عليها
خليهااذاقال لهاكلمه ترد بعشره وبكذا ماراح يقولها اي شي
الرجال ماينفع معاهم الا المره القوووية

وانشالله ربي يوفقها

 

[زهور فرنسية]

هلا حبيبتي احساسه انه اقل منكي هو يخليه يقول ذلك

دائما رددي بين نفسك انا قويه انا مثقفه انا غير فاشله وصدقيني
انك تتحسني
الله يوفقك ويهدي زوجك

حسسيه انك محتاجتيه

حسسيه انه مثقف
وان تعليم الحياة
تعادل التعليم ان الحياة تعلم الناس

 

[ترانيم الألم]

لاجول ولاقوة الا بالله............أكيد هو حاس بنقص لانه تعليمها اعلى منه..............واضح هالشي من كلامه ومن عصبيته.............خليها تراجع حسابها يمكن هي تحسسه بالنقص بدون ماتدري..........وخليها تحسسه انه الاحسن والافضل هو تفكيره يعني تجاريه بدون ماتبخس نفسها حقها..............مثلا تستشيره دايم حتى لو مش محتاجه تسأله عن رأيه في اي شي وتبدي احترامها لرايه.........اذا اخذت رايه في شي بعد فتره تجي تقوله والله طلع رايك صح ومن هالكلام.........

 

[المحاميه]

الله يهديهم الرجال اكثرهم كذا
المهم ماعليها منه ترجع ثقتها بنفسها تحب نفسها اول شي وبعدها بتحس الثقه بالنفس وكل ما يقولها شي تدافع عن نفسها ما تسكت عن حقها مو تضارب وتدعي علي بعدين لا بأسلوب تدافع عن نفسها مثلا قال انتي جاهله

ترد تقول الحمد لله انا مو جاهله دارسه ومعاي شهادتي الي ترفع الراس
وماشاء الله المنتدى مايقصر من دورات وكل شي ربي يوفقها ان شاء الله