download (149).jpg


نيجى بقى لزراعة النعناع فى البيت بس قبل ما نبدأ لازم نفرق بين اشعة الشمس وضوء الشمس احنا محتاجين الضوء فقط لان الضوء بين اشعة الشمس وبين الظل حاجة وسط لأن مش كل الناس عندهم اشعة الشمس وطبعا لما الزراعة فى اشعة الشمس بتكون احلى لان دى طبيعة الزراعة

🍀🍀 اول حاجة هنعملها اننا نشترى نعناع من السوق وهنختار العود القوى وهنغسله بالراحة جدا علشان مش يتكسر ونشيل الاوراق من تحت مسافة 1 سم او 2 سم كدا يبقى جهزنا النعناع للزراعة.
🍀🍀 هنجهز التربة لو هنزرعه فى تربة نخلط التربة بنشارة خشب او شوية رمل علشان التربة تتنفس كويس ويكون الاصيص فيه فتحات صغيرة جدااااااااا علشان تسرب الماية الزيادة ونسقى التربة محلول خميرة بلدة كل يومين قبل الزراعة نص معلقة خميرة بلدى على كوباية ماية .
🍀🍀 بعد ما نجهز التربة هنغرز فرع النعناع لغاية لما يوصل لنص الاصيص وهنسقيه لما التربة تنشف خالص ويكون الرى الصبح بدرى او بالليل وكل اسبوع نسقيه ماية بخميرة بلدى.
🍀🍀 من فوائد النعناع انه بيطرد الفئران تماما ومهم جدا اننا نزرعه جنب كل زرعة هنزرعها ويكون المسافة بين كل عود مش اقل من 2 سم.
🍀🍀 لما نحصد النعناع مش نشيله من جذوره هنقصه بمقص علشان يرجع ينمو تانى.
🍀🍀 وكل ما فرع جديد يطلع هنقصه ونزرعه هيطلع فروع لوحده



منقول