كيف بتكون ردت فعلك اذا سمعتي هذا الكلام

[الزهبه]

السلام عليكم ورحمة الله وبركاته

بالمختصر زوجة اخو زوجك تسولف وياك
زوجة اخو زوجك تقولك (زوجي مسافر للخارج ويقولي شو البنات هنالك )يوصف البنات لزوجته


وفي اخر الليل تسولفين ويا زوجك ويقولك
حصلت مرة اخو اليوم ودار هذا الحوار بينهم
زوجي: السلام عليكم ام فلان كيف الحال
مرت الاخو: وعليكم السلام كيف الحال
زوجي : كيف حال اخوي كلمتيه
مرت الاخو: هيه شو يمدح البلاد وشو يقول عن البنات هناك فنانااااااااااااااااات
زوجي :اوكيه عطيني البن كود تبعه

اتخيلوا شو تقول لزوجي (مرت الاخو: هيه شو يمدح البلاد وشو يقول عن البنات هناك فنانااااااااااااااااات)

اذا انتوا مكاني بتسكتون عن الموضوع
طبعا انا ما قصرت ناقشت زوجي بالموضوع
بس بالنسبه الها اسكت عنها والا كيف اصرف وياها

 

[the tigress]

ايش الكلام هذا؟؟؟!!!!
فيه زوجات كذا ؟؟؟
اعوذ بالله
قولي لها يعني زوجك يزني وانتي راضية
ليش انتي مو حرمة؟؟؟
من جد اللي ما يغار حمار​

 

[خفايا العمر]

طبعا لا تسكتين وفي نفس الوقت لا اتسوين مشكله كبيره يعني انقلي فكرتج لها وقوليلها كلمني زوجي وقالي انك مدحتي له البنااااات في البلاد الفلانيه وقال عيب عليها تقول هذا الكلام

وقوليلها عيب عليج تقولين هذا الكلام واستغفري وتخيلي زوجج مع وحده من هذول البنات شوه راح يكون ردت فعلج ولا عااااادي عندك

وقوليها لو تسمحين مره ثانيه ما عاد تكلمين زوجي عن هذي الامور خلج قويه وشخصيه ولا احد يتجرأ عليج او على زوجج ويسوون لج مليون حساب قبل ما يتكلمون
​

 

[حرم شيخ]

انا اشك ان زوجها موكلها لحم خنازير وين الغيييييييييييره
اذا كان تصرفها كذا قدام زوجها انه تسمح له يمدح البنات خوذيها مني متزوج عليها
وانتي فاتحي زوجك بالموضوع بس بهدوء
وهي قولي لها لاتتكلم مره ثانيه عند زوجك بهالامور
والله يسخره لك ويحنن قلبه عليك

استغفر الله استغفر الله استغفر الله
تحياتي
حرم شيخ

 

[الجده الصغيره]

النصيحه والكلام معها بهدوء وتبيين خطأ ماسوت.........

 

[احلىحلاوه]

هذي ماعندها احساس

 

[جنون الدنيا]

هههههههههههههه الله لايبلانا

 

[سفيرة الامارات]

انا اشوفها قمة الثقة فالنفس بس زودتها حبتين مع زوجك(( الا قلة ادب ))
بس زوجي يقووول الزوجة الي جي زوجها يموت عليها لانها واثقة في زوجها وفي نفسها ويكون بينهم شي مهم وهو الي كل وحدة فينا تتمناه قمة الصراحة
وزوجي يقول انا احبك بس اخاف اقولج كل شي من ردة فعلج

اشوف اج تهدين بالج وعديها

هذا رااي

 

[nightdreamz]

شوفي اختي هي ماعندها غيره ابدا
والافضل انك توقفيها عند حدها
وبالنسبه لزوجك لازم تفهمينه ان هذا التصرف مرفوض تماما عندك
وياليت تستدلي بالايات والاحاديث
والله يوفقك وسخرلك اياه

 

[شريكة الحب]

لاحول ولاقوة الابالله؟؟؟؟؟؟؟

 

[اقدع وحده]

صدق ان لم تستحي ففعل ماشئت
لو انا كااان وريتها وشلون تتكلم مع زوجي كذا بكيفها هي وزوجها بس مالها دخل بزوجي

 

[أنوثة طفلة]

اهي وزوجها بكيفهم
لكن مسألة انها تمدح البنات لزوجك اسمحيلي وقحة
ولو انا فمكانك
بصراحة ادق طوالي واقول
تخيلي زوجي يقول مرت اخوي
واضح انها مو شي وماعندها ثقة ابد ابد قاعدة تمدح البنات اللي هناك

واضح انها ناقصة اشياء كثيرة عشان كذا اخوي قاعد يمدح شي مالقاه فزوجته


غيضيها وعطيها درس تعرف كيف تمسك لسانها

 

[رولالان]

اقول لي لها ان زوجك عيب عليها ها الكلام

 

[الزهبه]

مشكوووووووووووووورين علي الرد
ريحتوني بالكلام
باني انا مب علي خطا بشعوري

 

[tota 2011]

انا مع البنات وشايفه انه تصرف غير لائق منها ولازم تنبهيها للموضوع واذا كانت مش واخده بالها خليها تأخد بالها بس بهدوء

 

[جمال باتي]

غبيه ذي صراحه وماعندها غيره هزئيها تبي تفتح عيون زوجك على هالبلاوي

 

[كلي فدى عيونه]

هههههههههههههههههههههههههههههههه.......الله لايبلانا يارب ..خبله ذا الادميه .......طنشيها
شووفي حبيبيتي اهم شي تكوني واثقه بزوووجك<<<<<الثقه هاليومين صح معدومه الا من رحم ربي ...
بس كذا عاااايشه حيااااتي انا .....صح زوجي بسبب عمله سفراته برا كلها ومعى ذالك حاااطه الثقه مبدا بحياااااتي ..وان شالله ماااايخيب ظني يارب .......
تقلبي مروري ^_^

 

[التحدي صعب]

والله مااعرف وش ارد عليك ياحبيبتي
بس من البداية زوجك ليش يسترسل معاها بالكلام يبي اخوه هو يتصل عليه
وبعدين من جدها فرحانة ان زوجها يمدح لها البنات لاحول ولاقوة الابالله العلي العظيم