كيف المراه ترجع لزوجها بكرامتها وهو طلعها

  • بادئ الموضوع بادئ الموضوع TheOne999
  • تاريخ البدء تاريخ البدء
T

TheOne999

New member
إنضم
2008/02/17
المشاركات
160
بنات اذا حدثت مشاكل بينك وبين زوجك
بالنهايه خلاك تروحين بيت اهلك
اكيد طبعا من وجهه نظظري انه غلطان وانا صبرت عليه
ومن وجهة نظره انها غلطت علي
ايش هو الحل الانسب الي ااذاالاهل جابو الرجال يتكلمون معاه فيه
بدون لا يكون فيه اهانه لي
انا مابي اقول القصه لاني تعبااااااااااااااااااااااااااااااانه
انا قلت لامي من زمان مليت بس هي تقولي اصبري
وانتم عارفين كلامالناس عن المطلقه
عشان كذا مابي اتطلق
صدق مااحبه بس العشرة ويهمني كلام الناس
بليز قولولي كيف الحل الامثل
ايش الحوار الي لازم يدور بين ابوي والرجال
 
والله ياعمري
الطلاق ابغض الحلال الى الله
وماانصحك فيه ابد ابد
كلنا تصير بيننا مشاكل لكن هو يوديك لاهلك بهالحالة هو غلطان لانه المفروض يصلح الامور فيمابينكم
واحنا مانقدر نحكم مين الغلطان لكن اللي صار صار
وانت لاتتدخلين بالحوار اللي بيصير بين الرجال لاتخافين مااحد راح يهين كرامتك
وتذكري ان هذا زوجك الله يسخره لك وربي يهنيكم
وبكره بيندم على انه الناس تدخلوا بينكم
الله يوفقك يالغالية
كثري صلاة واستغفار والله يسعدك يارب ويهنيك وترجعين بيتك وربي يسخر لك زوجك ويصير يحبك اكثر من عيونه يارب
 
حبيبتي مافي مشكله الا لها حل
انا ماعندي تفصيل لمشكلتك
لكن بجاوب بحدود السؤال

اذا كان الرجال مطلعك من البيت هو بنفسه وموديك لبيت اهلك لاترجعين هو الي يجي بسيارته
وياخذك بعد مايتناقش مع ابوك

>>>>>>>>>>>لانه كذا يتادب

اما في حالة انتي ركبتي راسك ودقيتي على اهلك وطلعوك من بيته هنا الموضوع يتفرع
>>>اذا حصل بينكم تفاهم بالتلفون وقال اكسري الشر وارجعي وراضاك باسلوب حلو
هنا اقول انتي الغلطانه ولازم ترجعين
>>>>>الحاله الثانيه لو طنشك وماجاب لك خبر وقام يهددك بعيالك او بالطلاق هنا افضل
ان ابوك يروح يتفاهم معه وجها لوجه في مقهى فالسياره في بيت اهله
المهم يتكلم معه كلام رجال وحاسم تبي البنت ولا بيت رباها مانساها
وهنا عاد اما هو يجي ياخذك ولا انتي تروحين ماعاد تفرق

الله يهدي سركم يارب​
 
اختي اذا عندك اولاد عادي ارجعي لبيتك و وضحي له انك رجعتي لهم مو عشانة

اعرف وحدة مثل كذا طردها واولادها بالبيت قلبها تقطع عليهم وانتظرت يرجعها ومافي فايدة

آخر شيء رجعت وهي مكسورة وقال لها ايش جايبك ؟ قالت لاولادي مو عشانك

وتجاهلته تماما وعاشت حياتها ومع الايام ربي عوضها بعيالها وزوجها والله الحال تغير

180 درجة من رب العالمين ..

لاتفقدي املك ورجائك بالله احسني الظن فية وتوكلي على الله .. واذا ابوك بيجلس معو

جلسة تفاهم هذا افضل ونصيحة خلي ابوك يتكلم معو بكل هدوء حتى لو عصب زوجك

وانفعل خلي ابوك يسكت وانتي لاتدخلي عندهم حتى مايسير شد كثير .. بس اهم شيء

يكون ابوك فاهم كل الي عندك ويكون متحكم باعصابة وخلية يذكر زوجك باحاديث الرسول

صلى الله علية وسلم ( خيركم خيركم لاهلة .. ) ورفقا بالقوارير ..

وهذه زوجتك راح تتحاسب من وراها لو قصرت بحقها .. ولو بدأ زوجك يذكر لابوك العيوب

وينبش عن اشياء خلي ابوك يقول اي هي تعترف وتقول انها ماراح تكرر غلطها ..

ومثل ماتقول امي الله يحفظها دائما خلي نهجك بالحياة مع زوجك كأن بينكم حبل اذا شد هو

انتي ارخي واذا انتي شديتي هو يرخي حتى ماينقطع الحبل ..

والله يوفقكم يارب .
 
الله يهديلج ريلج والطلاق مب حل وخاصه لوبينكم طفل ماله ذنب مثل مشكلتي لكن انا اللي طلعت من البيت بعد سب واهانه وتجريح واتهام بشرف لكن اقول مب الطلاق الحل خليه يرجعلج بس بشروط تحطينها وتقوليله اساس حياتنا هوالاحترام لطرف الثاني وربي يسخرلج ريلج ويرده لج ردا جميلا عاجل غير اجل امين وطمنينا عنج حبيبتي...
 
ياحياتي اول شي انسي كلام الناس لان الناس لابغو يتكلمون بيلقون الف حاجه يتكلمون فيها منتب رادتهم ..
واللي بيطنز فيك لاتخافين ولاتغثين روحك ربي خصيمه .. هذا الشي لازم انتي تقتنعين فيه من داخل علشان تهون عليك بعدها اي شي هذا ياختي نصيب .. بعدين لاتخافين ابوك مهما حصل لو انتي الغلطانه ماراح يسمح احد يمس كرامتك حتى لو هو زوجك بس علمي ابوك بكل شي تحسين انه اذا تكرر بيغير حياتكم مره ثانيه ولاتدارين على شي
مايدارى عليه هذي نصيحه ترى هالسنه فيه ابوك الله يخليه لك ماتدرين وش تجيك الدنيا .. هذي يااختي اللي عندي
والله يصلح مابينكم ويفرجلي .
 
لا طبعا هو الي طلعني اناماطلعت
وهذا الشي اهانني كثير
وانا ماعندي منه اولاد
انا اعنقد ان ابوي بيكلمه ويقوله تعال ووش السالفه
اعتقد انها كذا راح تبدا
 
انا يابنات قصدي لو جا ونادوني وجلست كيف لازم يكون شكلي
زعلانه عليه او مااتكلم او حزينه او اناقش واعصب واعارض ولا كيف
 
شكرا بنات لاهتمامكم فيني بس احس من مثر ماقلت مشاكلي وعدت وزدت فيها صارت تافهه بنظري مو تافهه بس مليت يمكن ماادري
 
لا ياختي خلك طبيعيه لاتخانقين ولاتعصبين ولاتبكين بس اللي تبينه قوليه وحطي في بالك
انكم مجتمعين تحلون مشكله مو تهاوشون يعني خلك هاديه قدر مايكون حتى لو يقول اللي
يقوله فيك ودافعي عن نفسك وانشالله يحلونها الرجال بدون مايطلبونك بس وسعي صدرك
ربك يحلها بس اول مايجتمعون كرري قول ( وعنت الوجوه للحي القيوم وقد خاب من حمل ظلما ).
الله يفرجلنا جميع .
 
الله يفرجها عليك ياعسل

اذا تبين الفرج

رددي دائما


لاله الا انت سبحانك اني كنت من الظالمين


ولاحول ولاقوة الا بالله


وانشاء الله الله يعطيكـ مايرضيكـ
 
اذا طلعك لاترجعين له الا اذا جاء وعتذر
ولاتهينين نفسك وتذلينه
واستخيري اذا مب مرتاحه معه
 
بنات تنصحوني ادا اهلي نادوه يجي اني اكون جالسه مع ابوي اقول اخطاءه وارد على ادعاءاته
ولا بس ادخل ادا خلصو كلام يعني مجرد اجي ويقولي بابا رحوي خلاص
وانا بصمتي
وشرايكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل