كيف الطريقة اللي ازعل فيها من زوجي الجنوبي عشان مايكررها

[missdior]

هلا خواتي انا مزوجه تقريبا من سبع شهور وحامل وطبعا اكتشفت خيانات زوجي من البدايه وقدرت اطنش ها كله من النصايح اللي في المنتدى وخصوصا نصايح امرأة لاتنسى المهم يا امرأة لاتنسى الحين انا ايلس عند اهلي طول الاسبوع بحكم دوامي قريب منهم وحامل فالدكتورة نصحتني ما اسير في السيارة مسافه بعيده المهم زوجي من كم من يوم ايكلمني فليل وايكون ماعندي خط ايقولي منو كان وياج على الخط واقوله ما كنت اكلم حد ايكولي اوكي كل شي بيبين فالضايقت وايد من كلامه وقلتله احترم نفسك مثل ما انا محترمتنك ولا تتوقع كل البنات مثل اللي اتكلمهم طبعا هالكلام كتبتله اياه في المسج وقالي اذا بتزعلين بالطقاق بعدين قام يدق علي وانا ما ارد اعرف انه مستحيل بيراضيني في هاللحظه واذارديت عليه بيغلط علي اكثر وبييلس ايحلفني ويوم بقوله شو انت شاك بيقول انا ما قلت جذيه انا لو شاك فيج جان ما خذتج وجان ما اتصلت المهم وتم ايطرش مسجات وانا نايمه اغلقي التلفون احسلج ولا بتشوفين شي ما شفتيه ومسج ثاني البادي اضلم واتحملي اللي بييج المهم الصبح قلت بتصل بقومه للدوام طبعا حرقت التلفون وما رد يمكن 20 مره لاني دايما متعوده اصحيه او اتصل بسيلانية بيت اهله واقولها ادق عليه المهم بعدين رد علي وقالي نعم ليش حارقه التلفون قلتله كنت ابغي اقومك للدوام قال ما في داعي عندي اللي ايقومني قلتله ايكي خلاص بعد اشوي بتصل قالي لا خلاص مافي داعي تتصلين قلتله اوكي وبند في ويهي قولولي كيف اتعمل وياه وما خليه مره ثانية يغلط علي وهو على فكره بعده ايخوني بس انا امبينتله الحين اني بديت اوثق فيه لاني يوم اكون موجوده احسبه امقلل اشوي والله يهديه انشاء الله وعلى فكره هو جنوبي

 

[um elyas]

الله يصبرش يا اختي انا معرف شنو اقول توكم 7اشهر وانتي صار معك جذي يعني مدري اسلوب الحقران مايجيب نتيجه واسلوب الرد مايجيب ماعليش الا بالدعاء الله يفرج لك همش وانشاء الله احد من البنات تقدر تفيدك اكثر
موفقه اختي ​

 

[Miss-Dior]

ليش سارقه نك نيمي هااااااااااااااااااه :busted_red: جان اعصب :icon28::icon28:

لووووووووول اسولف .. :shiny:

قرات مشكلتج واتمنى من امراه لاتنسى ان تجيب عليك..

 

[Rosealmary]

أختي الغالية،، حبيت أرد عليج يمكن الله يهدي لج زوجج بنصيحتي،،،أول شي اسمحي لي أن أقولج ردج (احترم نفسك) كانت شوي ثقيلة عليه،، وهذي مشكلتنا احنا هني بنات الخليج يعني احنا شوي Tuff مع أزواجنا،، كان لازم حتى وقت الزعل ووقت ما كان هو شاك فيج تتدلعين عليه،، يعني كان استبدلتي كلمة(احترم نفسك) بجملة (حبيبي أو الغالي أو حياتي أنا ما كان عندي خط)يعني من هالكلام....يا بنات ادلعو حتى وقت الزعل والله انهم يذوبون هالريايييل من هالشي ...وبعدين اتصالج له أكثر من 20 مرة هذا كثير عليه واعتقد ما رد عليج لأنه يقصد فيه عقاب لأنج ما رديت عليه...ونصيحتي لج لا تبتعدين عن زوجك وحاولي تيلسين وياه وتزرعين الثقة فيه من ناحيتج... يعني دايما رددي عليه انا ما أشوف حد غيرك...ومادام استحملتي خيانته لج من البداية وسكتي وحاولتي تتصرفين بعقل فلازم تكملين اللي بديته وبعقل وعليج بتدليعه أكثر وأكثر...ولا تكونين جافة في ردودج عليه.... والله يرده لج ردا جميلا....وأكثري من الاستغفار...​

 

[ملكة الشوق]

بما ان زوجك جنوبي .. ومن خلال قراءتي لموضوعج ..
حابة انصحج واتمنى انج تاخذين بالنصيحة :icon30: ..

بعدج عن زوجك وانتي باول سنة زواج يعني بعدكم معاريس هاي اكبر غلطة .. ردي بيت زوجك لو شو ماكانت الظروف الله ما يضيع حد .. عوديه على وجودج معاه حتى لو يا يوم من الايام زعلتي فيه .. ما يصبر عنج وعلى طول يراضيج .. حرااام انتي معودتنه على بعدج من ألحين ..

ثاني شي شوفي انتي في شو مقصرة معاه وعدلي القصور ..

ثالث شي واهم شي هو ان زوجك جنوبي يعني يحب الحرمة اللي تدلع عليه وتبين له اهتمامها وحبها ودايم تمدح فيه .. عوديه على انه ما ينام الا حاضننج .. وصدقيني لو حصل ها كله ما منج ما اعتقد بيخونج لاني الجنوبي هاي الاشياء اللي يدورها ( راجعي موضوع الاخت امرأة لا تنسى اللي هو خاص بالازواج الجنوبيين عشان تستفيدين اكثر ) ..

وانشالله نسمع منج اخبار حلوة عن قريب :showoff: