انا ببتدي ..
كنت من قبل تجربة الغموض وايد هذربان .. كنت أقول اللي أكو واللي ماكو .. كل شي .. وأي شي وفي اي شي .. والمشكلة اني كنت أنا اللي ابتدي بالحوار أو السالفة..
صرت في عين ريلي إنسانة شفافة يعني يعرف عني متى أزعل ومتى أرضى .. ومتى أتضايق .. لدرجة انه قام يفهمني بكل شي .. حتى لو كان تحت راسي شي بسرعة يعرفه .. كان يعرف عني كل شي حتى باسوورد الايميل مالي .. وفي دوامي كأنه موجود وياي..!!
ماعيبني الوضع بصراحة .. حسيت اني حتى المفاجآت ما أقدر أسويها له .. لأنه يكون عنده خبر من خلال تصرفاتي .. في ناس بتقول عني بالعكس هذا هو المطلوب .. وأنا من خلال تجرة أقول لاااااااااااااااااااااااااااااااااااااااا.. لا للشفافية بين الأزواج .. لازم يكون في شي مخفي يحاول الزوج انه يستكشفه ..
بديت أتغير شوي شوي .. وماكان فجأة .. وأنا ما أنصح الأمور المفاجئة .. لأنها تهدم أكثر ماتبني.. كان تدريجي..
أولاً: غيرت الإيميل كامل .. كنسلت القديم وسويت لي إيميل يديد .. سألني ليش..؟
قلت له لأنه مافيه مساحة كافية ..
ما اقتنع .. بس مشاها.,. وحطيت باسوورد يديد بس ماقلت له عنه .. سألني أكثر عن مرة كم الرقم ..؟
سألته بكل برود .. ليش؟
قال : بس ليش مخبية عني الباسوورد.ظ
قلت له: بس فيه أشياء من ربيعاتي مب حلوة انك تشوفها..!
سكت .. وحاول انه يفتح الايميل ما قدر.. وطنش السالفة ..
وبعد فترة يوم كنت أطلع من البيت .. يسألني متى بتردين..؟
أقول له: ماعرف .. ليش؟ تبغي شي ؟
قال لي باستغراب: لا.. بس مب من عوايدج ماتعرفين متى بتردين ..!!
قلت له يوم بخلص بخبرك .. وطلعت
وبعد فترة سألني شو سويتي في الدوام .؟
قلت له باستهبال: بخصوص شو ؟
قال: بخصوص الموضوع الفلاني.. كانت في مشكلة بخصوص دوامي..
قلت له: لاخلاص انحلت..
قال لي كيف؟
قلت له: كذا كذا كذا .. (بدون تفاصيل)..
سألني انتي زعلانة مني بشي .. قلت له لا ليش؟
قال لاحظت انج متكتمة على بعض الأمور .. قلت له لا بالعكس واذا تبغيني اثبت لك انه ماشي فيني انا مستعدة .. بس انته أشر .. خخخخخخخخخخخخخ
ووايد مواقف من هالقبيل .. إذا تذكرت شي برجع
