اهلين بنات .. عندي موضوع لو فتحناه راح يساعد المتزوجات على معرفة الاشارات والحركات الى تخلينا تكتشف خيانة الزوج ...
كل وحدة خانها زوجها وكشفته يا ريت تخبرنا كيف كشفتة وشو الاشارات الي لاحضتها وخلتها تكشفه ...
انا عن نفسي مسكت ريلي ثلاث مرات .. بس الحين والحمد لله من اكثر من اربع سنين الله هادنة ...
شوفو بنات انا اول اشاره هي ((( قلبي )) :busted_red::busted_red: يعني يبدا الرادار الداخلي يشتغل وبعد ما احس انه في شي ابداء ادور :sadwalk: واحلل :questionmark:
1- حسيت انه يخوني :thumbdown:
2- بديت ادور في التيلفون والمحفظة :a049:
3- لقيت بطاقة تيلفون في محفظتة
4- حطيت البطاقه في التيلفون واتصلت على الرقم الموجود فيها وكان رقم بنت
5- قريت المسجات وكانت من بنت
6- ما بقول شو استوي بعدين لان في هالحالة بنطلع عن الموضوع الاساسي .. خلينا في موضوعنا .. كيف كشفتي أن ريلج يخونج .. يالله خلونا نطلع الاساليب علشان نحاصر الريايل
... والله يهدي ريايلنا كلنا .. :santa_1:
انا قلبي دليلي فسبحان الله ان قلبي لم يخني في ذلك ولو لمرة واحده فكل مره كان قلبي يحدثني بشئ لا اظهر ذلك له ولا اسأله بل ابحث واتحرى باسلوبي الشارلك هومزي الخاص واجد ان وخز قلبي لي لم يكن عبثا
أما انا فكنت أقرا عالإنترنت قصة وحدة اكتشفت انه زوجها يخونها عن طريق فتح ايميل زوجها................ضربت في راسي الفكرة و حبيت افتح ايميل زوجي لانو خبرني شو الباسوورد ايام الخطوبة( طبعاً فتحت الإيميل بعد 4 سنوات) و للأسف انصدمت بكل اللي في الإيميل و صرت اراقب موبايلو .... و لما كشفتو صار يتهمني اني مقصرة بالبيت و ابني و خلاني اترك شغلي...... الله يسامحه
بالنسبة لإلي ....... ازا تزوج علي بطلب الطلاق حتى لو فيه أولاد..... و حتى لو خان برضو بطلب الطلاق........ لسة الزواج اهون من الخيانة كل يوم مع وحدة .... غير الأمراض
اختى الزواج من اخرى وعلنا اهون مليون مرة من الخيانه سواء المخفيه او الجاهر بها
لانه مهما مان صعوبه الزواج من اخرى الا انه يبقى مما احله الله اما الخيانه فهى مما حرم الله
والله اعلم بما يصلح خلقه (الايعلم من خلق وهو الطيف الخبير)
فلو خيرت لاخترت ما يرضى ربي من الحلاال اما الحرام لو رضيت به فن الله لن يرضى عنى
ورضى لربي اهم واغلى واسمى من اي رضى
اما انا فلقد وجدت محادثه له على المسنجر وهو ما قفلها
وعذرة انه كان يكلم رجل داخل بنك بنت وش رايكم اصدقه
حطيتوا يدكم على الجرح...انا اثق في زوجي بس ربي بلانا بهاالبالتوك والمسنجروالاخ كان راز صورته فيه...وكل ما نتكلم في هالموضوع يقولي والله انا احطهم اد يعني اضافه عادي......... وماادري هل هو فعلا يخوني والا لا بس فله مع العلم انه ماعطاني تفسير لاي شي ...
مثل ماقلتوا خواتي احساس الانثي او الرادار:busted_red:الداخلي بس ياليت حد يعلمني شلون تواجهه او تقوله؟؟ واللي تكتشف (من وراه)ولا تقدر تواجهه او تقوول.....شتسوي؟؟:icon28:
شوفو بنات اهم شي .. الوحدة الي ما تقدر تواجه زوجها او تخاف ان زوجها يطلقها بسهولة او ما عندها اسلوب جيد في الكلام .. فالافضل انها ما تقرا الموضوع وتبتعد عنه .. احسن لها وسلامة حياتها الزوجية
و سلامتكم
umm_reem اكيد ام ريم بس نبغي نعرف بعد الاحساس شو الاساليب الى اتبعتيها .. والا عمرج ما كشفتي خيانة ريلج .. الله يهنيكم ان شاء الله :clap: قلم اخضر علمينا شوي عن اسلوب الشارلك هولمز علشان نفيد البنات :detective2: قطرية سلامتج من الاخ يا قطرية .. :dunno: em gogo اكيد الريال لما تكشفينه يرجع الغلط عليج .. بس شوفي اهم شي لما تكشفين ريلج لازم تخططين كيف تواجهينه وبعدين تبدين المواجهة .. عشان تكونيي مستعدة بالكامل لاي رد :shutup:
دونيا123 .. انا دونيا مستحيل ارضى ان زوجي يتزوج علي لان الزوجة الثانية بتكون معاه على طول وانا طبعي غيورره بس بالنسبه للخيانة اذا رجع عن خيانة ووعدني انه ما يكرر ها واتأكدت من كلامة ممكن اسامحة :icon28:.. خيالة الشرق صدقيه حبيبتي وطنشي .. والله يسخر لج ريلج ان شاء الله :surrender:
كباتشينو الله يسلمج شوفي كباتشينو اذا ما مسكتي شي قوي على ريلج خطفي الموضوع .. وخليها على الله:bye1:
حرم الغالي*شوفي حبيبتي انا اشوف ان الحرمة الي ما تقدر تستغني عن ريلها وتشوف انه ممكن يفرط فيها بسهوله لا تواجهه ولا يحزنون يعني خليها على الله :dunno:
ملاذي اعتقد ان ريلج جديد في هالمجال (( الخيانة )) صدقيني لانه لو كان عنده خبره كان بيكون احرص من جذي .. الله يعينج :crazy:
مثل ما قالوا الخوات .. الحدس هو رادار المرأة ..أنا كاشفة ريلي 8 مرات.. و هذا قبل ما أعرف هالمنتدى الرائع .. و كان أسلوبي في المواجهة معاه غلط..
أول مرة ..كان حدس .. بالعادة زوجي يكلم أصدقاءه سواء من موبايله و لا من تيلفون البيت بصوت عالي و ضحك و سوالف .. لكن الكلام الهادي و الهمس .. هذا شي غير طبيعي.. أول مرة حسيت بهالشي ..جهاز الأنذار الداخلي كان حده أحمر و ينبأ بالخطر القادم ..شفته عالحال مرة ..سكتت.. مرتين ..بدأ الفار يلعب .. المرة الثالثة كان ماسك التيلفون مال الغرفة اللاسلكي و قاعد برع بالحوش و أنا بالعمد وقفت حذاله أوني أقرأ جريدة .. أشوف الريال صخ مرة وحدة بس السماعة على أذنه و تميت واقفة فترة طويلة و هو ساكت ولا عارف كيف يتصرف ..يبند و يخليني أشك ولا يتم ساكت وايد و يخليها مسكينة تتريا عالخط.. بعدين أوني استهبل عليه : إنت ليش حاط السماعة جذي .. ترمس ولا ؟ طبعا انحرج : قال هيه ارمس ..قلتله عيل ليش ساكت .. ما عرف بشو يرد عطيته نظرة و رحت.. و عندها تأكدت بأنها وحدة .. و سبحان الله ..رب العالمين دايما يكشف لي من غير ما أركض وراه و افتش .. كنت راجعة من عند أهلي لقيته يرمس بالتيلفون ..ارتبك لأني دشيت فجأة ..ادلعت عليه ..حبيبي الله يخليك سير ييب أغراضي من السيارة لأني كنت عاقة ثيابي عشان أروح اتسبح و أوني ما أقدر أطلع جذي .. هو على طول بند التيلفون و ما كان عنده فرصة يمسح الرقم .. أنا طيران على التيلفون .. مع إني ما كنت أعرف له لأنه كان معقد شوي ..خذت آخر رقم .. و كتبته ..طبعا ما قدرت أتصل بنفسي .. ما أحب أحط نفسي بهالمواقف ..عندي المخبرين الخصوصين (خواتي) .. خليت أختي تتصل على أساس إنها أنا .. الحب الجديد ..عطتها كل شي بالتفصيل .. كيف تعرفت على زوجي و من متى ..و شو كان يقول عني إني مقصرة معاه مع إن كنا متزوجين من 5 شهور وقتها .. صدمة .. والله يقشعر لها البدن .. بس بعدين هو من نفس ندم و تركها..حتى يومها راح يصلي الفجر بالمسجد على غير عادته لأن حس إنه ظلمني..
بس المرة الثانية كانت الأصعب : لأنه تعلق في وحدة ثانية متزوجة و ساكنة جريب منا و أنا يا غافلين لكم الله .. و واجهته .. و كان يوعدني و يخلف .. و استمريت على هالحال خلال فترة حملي و لبعد ما ربيت .. و الحين راداري مرتاح شوي لأنه بدأ يودر هالسوالف يمكن ....أو لأنه أصبح أكثر حرصا بحكم التجارب اللي مر فيها....
ملخص هالقصة الطويلة .. و السموحة من الخوات
الحدس و القلب هما أكبر ردادر للمرأة تغير تصرفات الرجل ..يعني الحب بزيادة الاهتمام عشان يداري على غلطته لأنه حاس بالذنب موبايل يشيله معاه 24 ساعة و قبل كان يرميه بأي مكان ولا يهتم فيه محاولاته الاختلاء والابتعاد قدر المستطاع ولو دقائق إذا الزوج من النوع البيتوتي ( مثل زوجي و بالعادة ما يطلع غير معاي) الميس كول عمال على بطال و تغير لون الوجه و امتقاعه لأنج لمحتيه و هو متلخبط و ما يرجع يرد على المكالمة ..
هذا اللي اذكره حاليا .. و الله إنهم عوار قلب هالرياييل الله يهديهم بس ..
بس أذكر ريلي مرة .. قالي : قلتله أنا بشو مقصرة معاك عشان تسير تشتكي لوحدة غريبة و تقول لها حرمتي مقصرة معاي
قالي ما كان لي عذر ..شو بقول..لازم أقول حرمتي هي المقصرة و أطلع الغلط عليج .. مع إني بشهادته و بشهادة اهله اللي ما كانوا يبوني إني لا مقصرة فيه ولا في أهله..
السلام عليكم و الرحمه
انا لسه ماتزوجت يعني لسه مخطوبه والحين على خطوبتي سنه وثلاث شهور وانشاء الله الزواج شهر 8
ابي اكتبلكم حكايتي وانتو شوفو اذا كنت صح
ابي اعلمكم ان خطيبي ارتبط بيا عن حب ولعلمكم اني ماكنت احبه كنت رافضه فكرة الارتباط وبعد اربع شهور من الاخذ والعطا ياناس حبيته .بس بجد اني عاملته بقساوة طول هل اربع شهور ورفضته 3 مرات
المهم هو كل شي فيه زين واخواني يعرفونه عدل واخواني لما عرفو بعد موافقتي عليه شجعوني وقالو مافي منه طيب وخلوق وماشغله بنات وفوق كل هذا امنا تحبه.
المهم نبدا في المعظله وكيف اكتشفت خيانته .الصراحة انه قاوم وايد بس بعدين ضعف .اكتشفت ان اي بنت ممكن تقص عليه
الله يسلمكم فتحت ايميل جديد واضفته ع الماسنجر وتكلمت معاه لبناني. البدايه كانت عاديه وبعدين بديت اثقل العيار كل مره مختصر حياة شخصية اللبنت البنانيه الي هي انا في الواقع انها مخلصه دراسه جامعية وتشتغل مع ابوها في محل يبيعوا فيه شنط واحذية اكرمكم الله .وانها كانت مع علاقة بشاب زميلها في الجامعة لكنه خانها وذهب لاخرى بعد اربع سنوات حب وانها تعبانه نفسيا وفاقده الثقة بجمالها وانها نفسها ترجع تحب اشتاقت لهذا الشعور الشعور بالحب وبالحظن الدافئ
وشفت من الانترنت صورة فتاه وحطيتها في الماسنجر على اساس انها البنت البنانيه
وبما اني اجيد اللهجة البنانيه ابو الشباب مشا في السالفه وهات يا غزل "انتي جميله.شفايفك حلوين.لو كنتي معاي كنتي بتحسي نفسك حميله.....) المهم لغاية ماوصلنا لكلمة احبك
تعرفو يابنات هذا الكلام بعد سنه من الخطوبه وقبلها عملتله نفس المقلب بس بنت خليجيه بس كان بعد الخطوبه بشهرين وطربقت يومها الدنيا على راسه كان مقلب من ساعتين فقط وبعدها كشفت عن هويتي بطريقة سينمائية وقلت خلاص مابيك انت واحد خاين صح في هذيك المرة ماقال شي ماتجاوز حدوده في الكلام ابدا بس تعرفو شو كانت غلطته هذيك المرة :كنت انا على الماسنجر واكلمه وفاتحة ماسنجر ثاني واضفته يعني اتكلم من ماسنجرين في نفس الوقت وكنت ابي اشوف ردت فعله
ونحن جنس حوا نقدر نركز في كذا شي في نفس الوقت ز بس الرجال لا.تعرفو شو اتصرف رماني على جنب ولا كلمني غير كم كلمه من حين ولاخر وكلم البنت الخليجيه مستانس الريال ولما اقوله:شو حبيبي شكلك مشغول ماتتكلم يقولي "انا على موقع الجزيرة الاخبارية قاعد اقرا خذي هذا الموقع اقري معاي"
ياخبث الرجاااااااال
وطربقت الدنيا على راسه وسكرت موبايلي عنه وقلت خليه يتأدب ويعرف حدوده زييييييييين وياي مو انا الي اسكت
المهم يابنات كم يوم وتصالحنا وصار احسن من اول بواجد وتعذر وسوا المستحيل عشان يكلمني ولما فتحت التلفون وشفت رسايله الغراميه رسلتله مسج يسم البدن المهم في وقتها قلت انا بعديها بس الى حين .تعرفون ليش يابنات مانهيت علاقتي بيه في نفس الوقت .لاني مو كل يوم بلاقي شاب يصوم ويصلي ومايعرف طريق الشرب والدخان.يعني هلاساسيات الي عندي صار صعب نلاقيها في شباب هلايام.وقلت عديها لحين اختبار اخر وبنشوف اذا صج اتعلمت ولا لأ وبنيت ثقة اخرى معاه بس وانا مفتحه عيني اربع اربع
يابنات لما نكون طالعين تلفت نظره المرأه الاجنبيه و البنت الي فاتحة شعرها ولابسه شي بلا كم او يعني في ناس يلبسون لبس ملفت بالنسبه للرجل . بس اول مايشوف لمحة سريعة ويرجع راسه
انا الي حاسته انه هو مو جرئ في هلامور حتى في فترة الاربع الشهور قبل مانرتبط حسيت هلشي بس الشيطان موجود وادري انه لما يجي ويغلط في الموضوع يبيله وحده تتكتك عليه يعني مو بس جميله لا اذا غلط انا متاكده انه بغلط مع وحده داهيه تعرف تمشيه وتجيبه وحده تعرف تجذبه حبه حبه مثل ماسويت في اخر مره مع البنت البنانيه
المهم قالت احبك وقال احبك وبدت علاقة حب في الانترنت يابنات انا بطني كان يمغصني وبقوة ياربي ماقصرت معاه بشي ليش يخون ادري قلب الرجال يوسع 4 حريم بس ماتوقعتها منه خاصه انه مؤدب جدا
بس فهمت بعدها ان الشخصيه الي خترعتها هي مواصفات بنت الي تقدر تقص عليه ومممكن تتمسكن لحد ماتتمكن
يعني قلت انها مسكينه وحاسة بفراغ عاطفي ونفسها تحب .داوها بلتي كانت هي الداء وهو كان يبي يمثل دور المنقذ ماعرف ان خطيبته هي الممثل والكاتب والمخرج.
المهم دامت علاقة اسبوع اسبوع وانا تأوه من الالم ومابينتله انه في شي ابدا
كنت طبيعيه على عادتي كنت ابي اشوفه لوين يوصل وقلت بجيبها البلد عندنا وقالت انها تبي تزور البلد تبي ترتاح وتشوفه وبتجي مع اخوها واخوها فري عادي عنده وشو رايك تنام عندي في الفندق
يابنات ماتتصورو لكلام والغزل والحب وماتتصورو شو كان طاير من الفرحه لانها جايه وانه بيلفلفها في البلد تعرفون يابنات شو قالي قالي انه بيسافر مع صاحبه بلسياره لبلد قريبه عشان شو عشان صاحبه يبي قطع غيار سيارته واحتمال يباتون هناك
يعني يدور عذر قدامي وقدام اهله عشان مايتواجد في البيت ومحد يدور عليه وشو قالي بسكر تلفوني عشان تدرين المكالمات الدوليه
واتفق معاها انه يطلع معاها يوم ويفسحها في ارجاء المعمورة وبعدين بليل يبات عندها شو يعني يبات عندها انا مو هبله هذا شي كبيييييييييير الله يبعد المؤمنين عنه
ياحبيباتي واستفسرت منه عن ك شي كيف ممكن اطلع بطاقه عشان اتواصل معاه ومن وين وكيف وكل شي كني وحده غريبه اول مره تزور هلبلد
ويابنات جاكم الوقت الحاسم سالني متى بتوصل الطيارة قالتل مابعرف بس بشوف خيه بستفسر
طبعا ماكو اسهل من كذه دخلت الانترنت وفتحت الطيران الاماراتي وشفت رحلة تتم بنفس اليوم وعطيته تفاصيلها
وقال رح اجي استقبلج في المطار عادي اخوكي مارح يحكي شي
ع:عادي خيه كتيير فري وحباب
ماطول عليكم اكثر نفس اليوم الي هي بتجي فيه اصريت عليه يجي عندي البيت واني مشتاقتله
يابنات ماتدرون كيف حالتي النفسيه بس بينت عادي وماكتشف شي مع اني احيانا اقول اخاف يكون مكتشف اني هي ويبي يشوفني لوين اوصل بس انا قلت اكمل
لا مكتشف ولا هم يحزنون
جا وقالي انا بطلع من وقت لاني لازم اشتري اغراض للبيت .شفتو المكر
كل هذا عشان يطلع المطار ويشوف ست الحبايب
لكن انا مابيه يروح المطار ولا بتنكشف الخطه
هههههه
انا قبلها بيوم طلعت بطاقة تلفون جديدة من النوع الي يندفعلها مسبقا
على اساس انه تلفون مقصوفة الرقبه
هههههههههها يعني انا بس متخفيه
ولما كن موجود عندنا في البيت رحت غرفتي وطلعت التلفون القديم وحطيت فيه البطاقه ورسلتله رساله على اساس انهم وصلو قبل الموعد بساعة ونص يعني مارح يقدر يروح المطار ههههههههههههههههه:clap:
المهم قلت هليوم عدا مو باقي غير باجر يوم القاء الموعد لما طلع لقيته راسللها مسج وبعد شوي اتصل
قلت ارد وغير صوتي يارب مايكشفني
واتكلم لبناني
هههههههههههههههههههههههههه يابنات صج جماعة المسرح والاذاعة جدا مفيده
ماعتقد اني كنت بجيد هلموضوع لو ماكنت مشتركه فيها ايام المدرسه
المهم قال انه بيجي الفندق
الحلوة ساكنه برجنسي وبتطلع عشان تشوفه بسيارته
ياحبيبي صدق لما جالت ام كلثوم حب ايه الي انت جاي تقول عليه
وبيوصل عندها بعد ربع ساعة طعا مارح تطلع هههههه يعني رح يروح ومابشوها ودورت على عذر سريييع وانا اقلب دماغي قلت بخليها تنزل مستعجلة من على درج الفندق وتلتوي رجولها ومارح تقدر تمشي وبيحملوها الغرفة ويطلبولها دكتور واسفه حبيبي ما قدر اشوفك وبشوفك انشالله بكره
طبعا بعد مانلطع في السيارة ثلث ساعة قدام الفندق ينتظر ضهور المزيونه ويتصل والمزيونه ماترد لين بلاخر ردت وهي تتاوه من الالم
سلامات حبيبتي
سوري غلبتك لاجيت الاوتيل كنت مشتاقة بدي شوفك
ارتاحي اليوم وبكرة نلتقي ياعمري
وباي وبوسة
وسكرت وانا اغلي
انا ماقوللكم كل التفاصيل الصغيرة يعني احاول اختصر شي صار في اسبوع
بس احب اقوللكم اني بديت اشتغل معاه في الايحاء يعني خلال هذاك السبوع اتصلت مره عليه بعد ما طفى الماسنجر من عند البنانيه (على اساس هو كلمني قبل لا انام يزعم نمت وحلمت حلم مخيف واتصلت فيه مرعوبه)هههههههههه الكذب مو زين بس احيانا نضطر
بعد ربع ساعة بعد ماسكر من عندها كانت الساعة 2 ونص انا اصلت ويزعم صوت نوم
هههههههه حبيبي خايفه شو فيج صلي ع النبي حلمت حلم يخوف(شو حلمتي
حلمت غزال ماذكر التفاصيل بس كان جالس يخرب فراشي وسريري) هذا كابوس صلي ع النبي ورجعي نامي
:ماقدر انام ,:روحي عند ماما
:ما اريد ازعجها نيمني انت
طبعا هو فهم شو يعني غزال ويخرب فراشي واضحه مثل الشمس
هههههههههههه
ومره سويت نفسي اتكلم في التلفون مع صاحبتي عن صاحبتنا وان زوجها خانها وتوهم عندهم البيبي الاول وشوفي كيف نذل وتافه لكن انا قلتلها لاتعطيه فيس .......... وروحي بيت اهلج وخلي ولدج عنده خلينا نشوف كيف بيعرف يربيهيومها بيعرف قيمتج مافي وحده تقدر تتحمل ولد غيرهاشو يفكر الدنيا والعلاقات لعبههالمايستحي على نفسه .هالرجال مايحسون بالنعمه الي هم فيها لاتسكي الموضوع ............)
والكلام طبعا اسمعي يا جاره لما سكرت التلفون الي كان كله تاليف لا احد متصل ولا شي
تعرفو شو قالي هههه انتين خرابة بيوت ههههه
قلتله لا مو خرابه بيوت بس الريال الي مايوقف عند حده يتمادى وهي لازم توقفه عند حده شو يعني يجيبلها امراض وايدز الله يعافينا يفكر بس متعته بس مشاعرها وولدهم ماليهم اي اعتبار هذا اناني
اكتفيت بهالايحائين قلت يمكن يفوق لنفسه لكن مافاق
المهم نمت بعد ماقلتله لقائنا باجر
ونمت وماكاني نمت قمت لصلاة الفجر واتصلت فيه صحيته للصلاه
وقررت ساعتها اني اقله اني عارفه الحكاية من طقطق لسلام عليكم
كنت قبل مقررة اروح الفندق واشوفه وين موقف واتصل فيه واقوله تنتظر احد
واسكر التلفون واتصل من تلفون البنانيه واقوله انا وهي واحد
واقوله بس باي ترا طلعت ولاشي
وماطول معاه واروح في حال سبيبلي واسكر التلفون
بس قلت بواجهه
اتصلت
قلتله فلان صليت
-اي وتني
-اي الحمدلله
-فلان انت تحبني
-اي اكيد احبك
-انت كذاب
-الله يسامحج ..وقبل لايكمل
-انت وين كنت البارحة بعد ماطلعت من عندي ..قبل لا تكذب كذبه ثانيه انت كنت في ريجينسي
اتفاجأ وضحك ضحكة بسيطه قالي شو كنتي وراي
قلتله انت كذا كذا كذا كذا وانت ماتستاهلني وان استاهل انسان احسن منك
ان استاهل واحد يصوني ويحبني ويقدرني ويخلصلي
انت ولا شي وسمعته كلاااااااام وايد يابنات
وقلتله ما ابيك خلاص انساني لاني انت نفس الشي صرت عندي من الماضي السحيق وماتستاهل اني حتى اذكرك وسكرت تلفوني
يابنات للحين مادري اني انا هي البنانيه
يفكر انها صاحبتي واني نتفقه معاها ههههههههههه
بس هم انا حسته بحيرة قلتله ان ما اعرف اعرف بس انه مكالماتك ورسايلك وكل الي تتكلمه في الماسنجر وصلني في ايميلي
واا تبي ارسلك كل المكالمات
على فكره للحين محتفظة بمحدثات الماسنجر
هههههههه
المهم
بكى وبكى وبكى واسمعه يبكي بنحيب عمري ماتصورت اني اسمعه او اشوفه ينحب بهالصريقة
قلتله لا تبكي دموعك وفرها ماتفيدني واسفك هذا في اي بنك اصرفه
وانت كسرتني والزجاج اذا انكسر مايتصلح
و ه يبكي ماحسيت باي عاطفه اتجاهه كاني كنت مجرده من الاحاسيس في هلمواجهة
وسكرت تلفوني بعد ساعة من الكلام المر
وكله اقوله من وقت لوقت انت ماتساوي شي وانت ماتستاهلني انا استاهل حد احسن منك
وجاني اشغل لما شافني ما ارد عليه
ومابغيت اروح معاه السيارة بس مابغيت اسوي شورة في الشغل مو حلوه قدام الناس
ركبت السيارة وانا ما اشوفه
صاده الناحيه الثانيه
وبدت تنزل دموعه
-دقيقة بس شوفيني ابي اكلمج
-خلص الكلام مافي بينا شي(الدبله بعد كنت شابلتها من يدي)
-ابي اهديج (قرآن صغير -قلتله لو يصير ارفض كنت رفضته بس ما اقدر ارفض القرآن )مسكه وباسه وفتحه وحلف عليه انه يتغير حلف انه ما يعودها مره ثانيه وبتشوفي اني بريحج لا تخليني احبك والله احبك صدقيني كنت غافل كنت نايم الشيطان)
وقلت لا مابسامحه الحين
لازم يتعلم درس
اخذت القران
بس سفهته كم يوم
وعلمته ادب وصار يطلب رضاي بس ارضي قولي رضيتي
تممته 3 ايام بدون ما ارد عليه واذا رديت يكون رد جاف
ولا بينتله دمعه من عيني
ولحين احنا سمن على عسل ادعولي يابنات ادعولي الله يبعد عنه بنات الحرام
ويتمم لنا بخير
