كيف اقدر اوحد بين الاوان والبويات ..؟؟

[كل الاسامي فيه]

صباح الخير بلقيسيات ..

ابغى استشيركم الله يرضى عليكم ..

شقتي صغيرررررررره مره وصالتي قاسمتها نصفين نصف عامله فيه جدار المنيوم ابيض ارتفاعه حوالي 2م مو واصل لسقف وابغى اغير واصبغ الصاله بألوان فواتح مثل احمر واصفر ..بس عندي مشاكل اول شيئ جدار اللمنيوم وش اسوي في المساحه الفاضيه من حد جدار اللمنيوم لسقف؟ ترى مستحيل اشيله لأنه مستودعي ..والشيئ الثاني مطبخي التحضير لونه بيج على برتقالي مو فاقع لونه ..وكيف اقدر اوحد بين الاوان والبويات ..؟؟

ومشكورين مقدما ..

 

[السر المكنون]

صباح المسرّات
اللي فهمته من حضرتج إنه الألومونيوم يكون كأنه صندوق كبير بس مو للسقف (يعني قصدك مثل البيوت الجاهزه بس صغير)
فلنفترض نفس المعلومه
برأيي اللون المناسب مع لون الألومونيوم وخصوصا آنا من عشاقه هو اللون البنفسجي الفاتح
اما عن المساحه اللي فوقه تقدرين تستخدمين الستيكرز بنقوش بنفسجي داكن أو الأحمر أو الأبيض

وهذي دائره الألوان تفيدك أكثر

وناظري هالورده وتناسق الألوان فيها ((سبحان الله))

وان شاء الله الأخوات مايقصرون معاج بالردود والأفكار الحلوه
لج التحيه
​

 

[كل الاسامي فيه]

السر المكنون :والله ماقصرتي ياالغلا يكفي انك جاوبتي ونزلتي صور ..تسلمييين ياالغلا ..



بس اقصد المساحه الفاضيه من بين جدار الالمنيوم والسقف ,,ترى جدار الالمنيوم مو واصل لسقف ..يعني فيه مساحه فاضيه .....يعني جدار قصير مو طويل ..

 

[أحلى تشكيلية]

الي فهمته انك بس تبين فكرة لأعلى الالمنيوم ...

شوفي حبيبتي هالفكرة ممكن تضيفي اضاءه مخفيه معكوسه على السقف فكرة حلوة ورومنسيه
يعني بتالي الليل تقفلي الانوار وتشغيليها تعطي جو حلو واذا لاحظتي شوفي الاضاءة الي تحت الرف

في مثلها بايكيا ممكن تروحي وتشوفيها ...
واذا الامنيوم مضايقك حطي عليه ستارة او جلديه بورق جدران ....



واذا صالتك صغيره اصبغيها بألوان فاتحه واضيفي فيها مرايات بتعطي مساحه اكبر وممكن تضيفي المرايه على الامنيوم تفصليها بمقاسه ...

ان شاء الله اكون افدتك ...​