كيف اقدر اساعد اختي ساعدوني يابنات

ا

احساس ملاك

New member
إنضم
2010/05/04
المشاركات
80
السلام عليكم ورحمة الله وبركاته000

كيفكم يابنات00

ابيكم تساعدوني 000

تتذكرون اختي اللي كتبت مشكلتها من فتره هنا في المنتدى بالمعرف حقي00

المهم ان اغلب البنات هنا شارو عليها انها تقعد عند ابوي الين ماتبرد الحره00

اهي تقريبا صار لها ثلاث اسابيع جالسه عند اهلي00

والبارحه رجعت بنفسها لبيت زوجها عشان عيالها تقول ماتبي تضيعهم اكثر من كذا00

وزوجها ماكان موجود كان في العمل مايدري عنها00

وجى لها ابو زوجها الي اهو عمي اخو ابوي

وقال لها ان ولده خطب وملك ومابقى على زوجه غير كم شهر0000

واختي المسكينه انهارت ونفسيتها بالحيل تعبانه وماني عارفه وش اسوي لها

حاولت اهديها وابين لها ان اذا زوجها تزوج هذا مو معناته ان نهاية العالم

(وعسى ان تكرهو شيئا وهو خير لكم)

ساعدوني يابنات وعطوني افكاركم00

بكره بيجى زوجها وتبي تتفاهم معه 00

شورو علي كيف اقدر اساعدها

وادعوا لزوجها ان ربي يسخره لها ويلين قلبه لها امين يارب العالمين00
 
الله يسخرهم لبعض ويهدي سرهم

وخليها تعيش حياتها ولا تخلي زواج زوجها يأثر في شخصيتها

وتربي عيالها وترجع لبيتها ..وتحط شروط جديدة بينها وبين زوجها والله يجعل السعادة تكون بينهم يارب
 
عزيزتي هذا رد لوحدة امس كتبته لها كانت معارضة على زواج زوجها انا ما اعرف بالظبط مشكلة اختك لكن خليها تقراء ردي ويارب يختارلها الافضل والاحسن امين
هلا فيك عزيزتي انت جاية هنا وحابة تسمعي من جميع الاطراف ولازم تكون روحك مرحة وتتقبلي جميع الحلول وتاخذي المناسب منها
مو بالظرورة اللي راح اكتبه انه راح يصير لك
لكن مظطرة اقولك نفس قصتك صارت مع صديقتي جاء زوجها وقالها حابة اتزوج وحدة ثانية وانت ما شاء الله ما قصرت وانت العزيزة وانت الغالية وانت الحبيبة في القلب وما راح تتغير مكانتك في قلبك وانت الاولى وصاحبة البيت وانا ما اقدر استغنى عنك
وطلباتك اوامر وشو ما تطلبي حاضر بس وافقي على زواجي الثاني طبعا صديقتي عملت نفس الحفلة اللي انت عملتيها ونفس الكلام اللي قلتيه ولما شافها تعبت من موضوع زواجه قال لها خلاص ما راح اتزوج
طبعا رجعت الحياة بينهم طبيعي ولكن للاسف الشديد من فترة شهر مسكينة اكتشفت انه متزوج وحدة من بلد عربي بدون ذكر الجنسيات متزوجها بالسر وزوجته حامل طبعا صديقتي اجاها انهيار عصبي وحاليا جالسة تتعالج من اثار هذي الصدمه
انا راح اقولك شو قلت لها ونصحتها اول مرة زوجها جا وقال لها عن موضوع زواجه
نصحتها انها توافق على زواجه بما انه ما شاء الله مو مقصر عليها ومأثث لها البيت من افخم الاثاث واولادها بمدارس بريطانية وعندها بيت ملك واولاد وزوج رائع وعندها شغالة وعندها سيارة
وهو اصلا زوجها كريم معها ومع اهلها ومو مقصر عليها بشي ويتمنى لها الرضى ترضى المهم قلت لها خلاص يا بنت الحلال وافقي على زواجه وخصوصا انه رجل مصلي ومسمي ويعرف رب العالمين ومشهود من الجميع باخلاقه وكرمه وطيبه وقالها انه راح يعدل ولكن من شدة غيرتها طلبت الطلاق ونسيت كل الخير والعز اللي هي عايشة فيه وكانه الحياة فقط رجل وكان الرجل هذا والزوج هذا ملكي انا
عزيزتي الزوج له رغبات خاصة فيه وله طلبات خاصة فيه احنا ما نعرفها تكون اسباب خاصة فيه تخليه يتزوج الزوجة الثانية
انا لو انحطيت بموقف صديقتي هذه راح اوافق خصوصا انه مو مقصر علي ووعدها انه راح يعدل بينهم بشرع الله
طيب راح اسئلك سؤال واحد هل انت افضل من السيدة عائشة رضي الله عنها وهي حبيبة الرسول وكانت احب النساء عليه وهي البكر وهي الجميلة والخلوقة ومع هذا تزوج الرسول عليها المطلقة والارملة
وسؤال ثاني مين احسن من وجهة نظرك اسمح له يروح يتزوج وانا متاكدة انه مو مقصر علي ومامن بيته واولاده وزوجته وكافيهم من كل الاموروالاحتيجات او يروح يتزوج بالسر او يروح للحرام افضل ويجيبلي امراض
عزيزتي تركت لك الحكم
اخيرا اذا كان زوجك مو مقصر عليك ومأمن بيته من كل الامور واولاده مو مقصر عليهم وعندك بيت ومتاكدة انه راح يعدل انا من راي وافقي على زواجه اذا مرة ثانية فتح لك الموضوع
 
طيب تزوج تموت نفسها بكا عشانه
هو يتزوج ويستانس وهي تبكي وتصيح طيب وبعدين
صحيح الشريكه تحرلو هي في القبر
بس اللي صار صااااااااااااااااار فهميها
انها الله يخلي لها عيالها واذا بتسوي في نفسها كيذا
مافي احد غيرها بيتعب لانه ملك وبيتزوج ويستانس وينبسط
وهي اللي بتنقهر اذا تبغاه ترضى بالواقع
واذا ماتبغاه تتركه وتتزوج غيره
 
الله يفرّج همّهـا ويشرح صدرهـا وأن يقوّيهــا لتجاوز هذه المحنه ..

عليها الاستغفار والدعاء وكثرة الصدقه ...وماتدري يمكن تتفركش

الزواجه كلها ..لكن لازم تكون متماسكه وقويّه ...فزواج زوجها

برغم آلامـه وهمومه ..ليس نهاية العالم ....

يعني ( أمـــر الله نــافذ لا محاله ) ...واذا تزوج وانتهى الأمر ولم

تستطيع أن تتقبّل زواج زوجها ...خلاص تصبر وتحتسب ..عشان

تحافظ على أولادها ومستقبلهم ونفسياتهم وتعتبر زوجها ( بنك

متحرّك ) للصرف عليها وعلى أولادها ....وتأخذ منه المستطاع

فقط .......والله يهوّن عليها مصيبتها ....
 
رازيا ماقصرتي عزيزتي وتشكرات الله لا يهينك

ولا عندي كلان افضل من كلامهم

فرج الله همكم​
 
مشكورين حبايب قلبي على النصايح00
بس للاسف زوج اختي كان على قد حاله وكانت دايم تراعي ظروفه

ودايم يقول عنها ان طلاباتها واجد واهي المسكينه ماتطلب غير حاجاتها هي وعيالها

واكثر شيء يقهر ويحرق القلب انه دايم يدعي ماعنده وهو مقصر معها

والحين طلعت الفلوس عشان الزوجه الثانيه00

ادعو له بالصلاح والهدايه00
 
ياعمري عليها حزنت كثير والله مافية شي يقهر كثر ان الوحدة زوجها يتزوج عليها الله يفرج همها
ويصرف زوجها عن هالزواجه ويخليها لعيالها ويصلحهم لها
 
الله يسخره لها انه على ذالك قدير وبالاجابه جدير
ليش اموت نفسي بكا ليش علشانه لا والف لا
انا ربي خلقني في هذي الدنيا علشانه علشان اعبده
ماهو علشان زوج
 
ادعي بهدعاء صلي اربع ركعات ودعي ثلاث مرات
يا ودود يا ودود، ياذا العرش المجيد، يا مبدئ يا معيد، يافعالاً لمايريد، أسألك بنور وجهك الذي ملأ أركان عرشك، وأسألك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت،يا مغيث أغثني..
 
انا نفس وضعج زواجه قريب وادعي دوم بهدعاء و ان شالله مايستوي انه يتزوجها
 
الله يفرج همها ويربط على قلبها ويهدي لها زوجها وأولادها
نصيحتي إنها تلجأ لله وتكثر من الاستغفار والذكر والدعاء والقرآن ولاضاقت عليها الدنيا تقوم تصلي ركعتين وترمي حملها على إللي خلقها ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل