كيف افهمه؟؟؟؟

[ملكه بعيوني]

انا دايما اقراء انو ماابحث عن الزوج واعطيه مساحه علشان يبحث عني بس انا مشكلتي كبيره معاه وماني عارفه كيف اتصرف وكل مابتعدت عنه واشغلت نفسي الاحظ انو عادي وماجاب خبر انا اكون يمه او لا ولما يفتح موضوع لازم يستهزئ ع افكاري واسلوبي وطريقتي بالحياة , مع اني اوكي بكل شي وواثقه من نفسي والناس موعاجبينه حتى اهلي يتكلم عليهم احيانا احس انو حاقد علي ويدخل معصب ويطلع معصب وع اشياء تافهه....ويتهمني بصفات موفيني,قليل مايكون مزاجه رايق واذا شفته كذا ماتخيلون فرحتي ..اداريه وافرح بس ماقربله لانه مايحب احضنه واحيانا اغصبه بس يبعدني وماعمره دورني مع اني ابتعدت عنه واشغل نفسي ,لاتقولون فيه سبب عجزت القى ...فلوس والحمدلله الله منعم علي وشهريا اغير عطوراتي ولا اكرر مره من الرصاصي ومره فرنسي ومره شرقي والاكثر فرنسي ولا اجيب الا المثير وملابس اغيرها من فتره لفتره واغير بستايلات وشهريا حمام مغربي بعد الدوره ونكير بدكير وشكلي الحمدلله حلو وفيني جاذبيه والدليل لما اروح لااي مكان الناس تركز علي وتسالني انتي من وين؟وانا من نفس الديره بس امي من برا ...وكل شي تمام واحب النظافه ولا اطلع من الحمام الا ومعطره شعري وجسمي وكريمات بس باقولكم ع ملاحظه هالرجال انا عجزت افهمه مايبيني اتزين ويحاول يحطمني مع ان جسمي حلو.. مو نحيفه بس هم حلو ومقسم وهذا من فضل ربي ..واليوم اللي اروح فيه الصالون يسويلي مشاكل ولا عمره قالي كلمة احبك الا اذا طلبت منه انه يقولي وبحياته ماقالي ياحلوك او من هالكلام ..يامشرفات امانه تساعدوني وين المشكله ؟ الحمدلله احاول اني ماخسره وقد ماقدر ابي اجذبه بس مايساعدني ويستهزئ وانا ماحب التشاؤم وانسحب مابي اسمع تحطيم واهانات ,شخصيته مادري شرقيه او شماليه بس الغالب شرقيه بس مايحب يقعد بالبيت ومايجي الا ياكل او ينام واذا شديت عليه يقعد 10 دقايق ويهج ولا ابي اضغط عليه ابي اجيه باسلوب ثاني بس ماني عارف ايش الاسلوب اللي ينفع معاه والان انا قاعده استغفر كثير بنية ان الله يهديه وع فكره مايحب ينزل السوق معي واهم شي ماحد يعرفه او يشوفه يمشي معي بالسوق ؟؟مادري وش يفكر فيه وانا مالزمت عليه اخليه ع راحته وفيه شي ثاني ماعمره لزم علي اروح لاهله ولا يبي يسلم ع اهلي الا شافهم بالصدفه او بالمناسبات (هو ع خلاف مع امي من ايام عرسي ولا يحبها ويسلم عليها فقط للمجامله واحلى يوم في حياته لما اختلف مع امي او واحده من خواتي لدرجة يطلعنا ويمشنا والحق ينقال امي اخطت بحقه خطا كبير وباكثر من موقف وهو مو قادر ينسى واحسه حاقد علي انا بعد طيب انا وش ذنبي ..وهو ع الحال من يوم تزوجته بس حرام انا محتاجته وابي احس بحنانه واهتمامه وموراضي يعطيني حتى الجنس انا اللي اناديه يفرح وينبسط بدون مايعبر بس عمره مادورني ...الله يخليكم يابلقيسيات انا كيف اخليه يبحث عني ؟؟ شكلي حلو وضحكتي وصوتي حلووين بس يمكن ينقصني الاسلوب وصدقوني انا موكل همي اجلس معاه ومايطلع من البيت انا قنوعه وتكفيني كلمه واحده كافيه انها تذوبني ولمسة حنان وحضن دافي ليليه واحده بس وعادي اقعد شهر محرومه بس حرام عليه يمنعني من اقل القليل اللي هو اللمس يقول مالي خلق تعبان ...مشيت هالموضوع مره ومرات اثاريه مايحب اقرب صوبه

 

[اهتمام زوجه]

والله سبحان الخالق تقول زوجي بس مع اختلاف انو يخليك تروحي للسوق انا ولا عمري رحت لا معه ولا مع غيره اضل بالبيت ويجيبلي لعندلي واختار وهدا بالنسبه لملابس العيال اما ملابسي ماراح تصدقي لو اقولك ماعندي غير جلاليب واكون مبسوطه لو مره دخل علي ببيجامه او جلابيه جديده والي مصبرني انو عمره ماخاني وانو يخاف الله في ما حرم والحمدلله عايشه معه عشان اولادي وبصراحه مازلت احبه وحالي خير من غيري

 

[لوحه خواطر فنان]

يتضح ان زوجك شمالي شرقي أنصحك بقرأه كلما يتعلق بنمط زوجك وللمعلوميه زوجك ما ابتعد عنك الا لأنك مومميزه الشمالي مايحب اللي تتلزق فيه وواضح انك جنوبيه شرقيه
ونصيحتي لك طوري نفسك غيري اسلوبك تثقفي وقوي شخصيتك ابهريه بغموضك لاتساليه وين رايح او اقعد عندي لاتهتمي اذا طلع دلعي نفسك بمواهبك وصفاء ذهنك لاتهتمي ابد باللي يقوله وخلك جبل مايهزك ريح اذا لاحظ تغيرك لاحقك لاتلحي عليه ولاتلومينه ولاتترجينه واقراي كثييييييييييييير وغيري نظرتك للحياه ولنفسك
أهم شيء اخلاقك خلك طيبه اصيله معه لا افراط ولاتفريط
لكن بذكاء
دمتي بحفظ الرحمن

 

[يالوردي]

زوجك شمالي اقري عن نمطه
واهم خطوه عند الشمالي انك ماتلحقين وراه
كل مالحقتيه كل ماهرب اكثر
ودايم امدحي بشكلك
وان الكل معجب فيك
حتى لوحطمك خلك واثقه من نفسك
هو كذا الشمالي يحطم ولسانه سليط
حتى لو اعجبه شي فيك
مايمدح ويتكلم لاكن تعرفين انه معجب
من نظراته..