كيف افترس أهل زوجي.................؟

[ريشه ورديه]

السلام عليكم ورحمة الله
اسعد الله مساءكم بكل خير حبيباتي
بالمختصر
لاتستغربون من العنوان أحس أهل زوجي يبوني أفترسهم
يكرهون الطيبه
يكرهون المعامله الحسنه
يكرهون الاحترام

صراحه ماتوقعت اني بشيل هم بعد زواجي كنت اظن اني عانيت كل الهموم قبل ما اتزوج

واكتشفت اني ما اعرف من الدنيا شي على نياتي وعلى فطرتي وكل

الاشياء اللي شكيت منها لعب اطفال

بعد ما اتزوجت عرفت ان الطيب والسذاجه ماراح تخلي الواحد يعيش

لازم يصير مثل المصارع مستعد يلاكم او انه يبادر باللكمااات هو عشان يعيش ؟

والله هذا الواقع لازم ادوس على كل شي قدامي عشان الاقي محبة الناس والاحترام

الطيب ماحد يبيه ولايحترمه جد جد هذا الواقع لازم اصنع لي اعداء

لان هذا اللي اكتشفته من عيشتي مع أهل زوجي <لاتقولون مره تبالغين او مكبره السالفه

لا والله هما حياتهم كذا مبادئهم كذا مدري ليش الصدق والنيه الطيبه راحت

أنا بقضي كل هالصيفيه معاهم وهم مو واحد ولا أثنين ماشاء الله جيش

مايعجبهم لا (سوالف- لبس- طبخ -تصرفات- معروف- تعاطف- عداء -تطنيش- - مجامله - صراحه)

يجمعون الضد في كل الأمور


انا بطبعي رقيقه جدا اضحك واسولف بس بطريقتي اذا اجتمعت معاهم ما اعرف اسولف

من الصراخ والصياح شفت ناس يسولفون بحماس ووناسه واصوات عاليه بس زي كذا

ماعمري شفت ؟؟ عموما هما ما يعجبهم احد

زوجي الغالي الله يخليله رافض اني اروح عند اهلي ولو جزء من الصيفيه بحجة

انه مايقدر يفارقني وهو كله وقت سهر برا وانا بقضي الصيف معاهم .!

خواتي

قولو لي كيف اقدر اكسب ناس مثل كذا ؟ كيف افرض نفسي عليهم ؟ كيف احببهم فيني ؟

كيف اقدر اتقبلهم واحبهم؟

على اني مو اجتماعيه بس احب احس اني انتمي لهم

معقوله باقي فيه بعض الناس ضد زوجة الولد؟ مع انو في بيت اهلي هالشي مو موجود

والدليل علاقتنا الطيبه مع زوجات اخواني وهم يشهدون ابي علاقتهم بأهل زوجي تصير مثلهم؟

هل باقي في هذا الزمن زوجات يقومون من الساعه 8 ص عشان يسوون فطور

لأزواجهم ؟علما أن الزوج ما يقوم الا 1 او 2 ؟ هل من واجبي أقوم اسوي فطور؟

هل هذا دليل على أني مأعرف السنع؟

كيف أعيش حياتي بمرح وسعاده هالصيف كيف اقوي شخصيتي

كيف اواجه نقدهم المستمر كيف كيف اتحمل جرحهم لي ؟ سواءمن رجالهم او حريمهم



حاسه اني رايحه احارب مو رايحه اقضي وقت ممتع وراحه ووناسه

أسفه طولت عليكم بس محتاره

 

[معلمتـ روضهـ]

عزيزتي..
بصراحه اهل زوجك حالتهم صعبه والله يكون في عونك..من رايي جاريهم وسوي زيهم وخذي من اطباعهم يعني مثلا اذا سواليفهم صراخ صارخي معاهم اذا معاها طق طقي معاهم..ترى اهل الزوج يكرهون مرت الولد الي عكس طبايعهم وانتي بقدر استطاعتك جاريهم والله يعينك..
تقبلي مروري..​

 

[أنا قلب زوجي]

انا بصراحة ضد اني اغير من شخصيتي عشان خاطر احد هادا انا والي مو عاجبة اطق راسة بالجدار
انا مع اهل زوجي كدة ما اتكلم الا قليل ولا اتدخل في امورهم ولا لي علاقة بيهم رسمييي والله اني مرتاحة
لاني استخدمت كل الاساليب معاهم وما نفع فخلاص ليش اتعب نفسي مع ناس ماتفهم
خليكي على طبيعتك والي مو عاجبة يشرب من موية البحر

 

[sesebombom]

انا خايفه عليكي تصيره ديبه ههههههههههههههه تفترسيهم؟
شكلك اختى عروس في ناس بتحتاج سنين حتى تتأقلمي مع اهل الزوج ويتأقلمو معك
راقبي تصرفاتهم حاولي مو تصيري مثلهم لالالالالالالا
بالعكس راقبيهم وتجنبي الي يغضبهم يعني اضحكي معهم حتى لو انتي مو عاجبك الموضوع الله بعين بدك تسايري طول عمرك حتى تنستري معهم

 

[الليـــدي]

السلام عليك أختي


تبي نصيحتي ...؟؟؟



لاتغيرين طبعك عشانهم لان الناس مهما سويتي مايبين بعينهم وهم يبونك على مزاجهم



مالك إلا تسوين الشي اللي بقوله لك



خليك في حالك خليك غامضه معاهم واذا سألوك عن اي شي قولي مادري



كلمة مدري تكبر قدري ...!



نامي لين الظهر اللي وده بالفطور يقوم يسوي لنفسه مو معقوله ماعندهم شغالات او بنات ؟؟؟



تدلعي على زوجك وبيني له كم يوم انك تتعبين ولايجيك نوم اول الليل صديقي راح يصير بصفك ولما يسألونه عنك يقولهم مسكينه تعبانه ويحن قلبه عليك


كوني طفلة زوجك ...



ترى الانسان اللي يحني ظهره يستاهل ان الناس يركبون عليه



كوني قويه من داخلك ودلوعه وبريئه عند زوجك .....



يعني اكسبي زوجك بصفك وصدقيني لاشافوه معاك بيسكتون ويعرفون ان الله حق



اهم شي تكونين هاديه ولا يجي منك شر .... عيشي حياتك واسهري واطلعي مع الناس اللي ترتاحين لهم



تحياااااااااااااااتي

 

[-موج-]

بالنسبة للفطور او غيرها من الامور الي تسويها لزوجك والج فهذه ما بيها نقاش انت وزوجك حرين متى تسوون الفطور وغيرها والافضل اسألي زوجك على كل شئ يعني اصحيك كم الساعه؟ اسويلك الفطور كم الساعه؟وووو..وشويه شويه راح تتعلمين على جدول حياتهم واطباعهم اذا شفتيها جدا سمجه لا تسويها الا اذا كان شئ حلو ومفيد الج ولشخصيتك فتعلمي منهم..والله يعينك وحاولي اكثر مع زوجك ان تبقين في بيت اهلك لعل وعسى يقتنع...الله يسعدك وييسر لك امورك..

 

[ريشه ورديه]

معلمة روضة مشكوره حبيبتي

انا قلب زوجي ههههه ضحكتيني الله يسعدك

sesebombom ههههه مو ذيبه يبيلي اكون اسده

الليدي اشكرك على نصايحك بس زوجي هو اول واحد يبيني اقوم واشتغل للاسف متأثر بكلامهم

الله يعين ش يقهرررر هما ماعندهم خدم ابدا وعندهم بنات بس مو ذاك الشغل

وزوجي يحبني وانا بطبعي دلوعه والحمد لله الى الان ما حنيت ظهري لاحد

زوجي يقولي انتي السهل الممتنع لكن بغض انا النظر عنهم هما انا تعبت معاهم تعبت اجاريهم

الله يعين

 

[miss-dl3]

السلام عليك أختي


تبي نصيحتي ...؟؟؟



لاتغيرين طبعك عشانهم لان الناس مهما سويتي مايبين بعينهم وهم يبونك على مزاجهم



مالك إلا تسوين الشي اللي بقوله لك



خليك في حالك خليك غامضه معاهم واذا سألوك عن اي شي قولي مادري



كلمة مدري تكبر قدري ...!



نامي لين الظهر اللي وده بالفطور يقوم يسوي لنفسه مو معقوله ماعندهم شغالات او بنات ؟؟؟



تدلعي على زوجك وبيني له كم يوم انك تتعبين ولايجيك نوم اول الليل صديقي راح يصير بصفك ولما يسألونه عنك يقولهم مسكينه تعبانه ويحن قلبه عليك


كوني طفلة زوجك ...



ترى الانسان اللي يحني ظهره يستاهل ان الناس يركبون عليه



كوني قويه من داخلك ودلوعه وبريئه عند زوجك .....



يعني اكسبي زوجك بصفك وصدقيني لاشافوه معاك بيسكتون ويعرفون ان الله حق



اهم شي تكونين هاديه ولا يجي منك شر .... عيشي حياتك واسهري واطلعي مع الناس اللي ترتاحين لهم



تحياااااااااااااااتي

كلااااامج فى الصميم انا نفسج عيشى حيااتج وطنشششششى

 

[ايام غربه]

بصراحه كلام اختى اللــــــــــيدي صح خليك على طبيعتك ولا تغيري من شخصيتك ولا شي خليك مرحه معهم لكن لا تخلي احد يدخل بخصووصياتك ابد بالنسبه لطبخ اذا كلهم ياخذون دور بالطبخ اطبخي وخلي لك دور اما تقومين كل يوم تسوين فطور للعيله وزوجك نايم مالها داعي انا عن نفسي لي 6 سنوات ماعمري سويت الا لزوجي وانام معه واصحى معه ولما صارت ام زوجي تطلبني اسوي الغدا وباستمرار قلت اما كلنا بالدور والا بلا كلهن مجتمعات وانا اطبخ وصار الغذا كل ويوم على وحده وبس اهم شي اكسبي زوجك وخليك حبوبه مع الكل واعملي بطيب اصلك اهم شي لاتمونينهم بزياده عليك راح تضل لك شخصيه عندهم وبالتوفيــــــــــــــــــــــــق

 

[غنج العالم]

ماعليكي منهم والله انهم يجيبون المرض

 

[الشتاء الدافئ]

ياحبيبتي لاتضغطين على نفسك ولا تحاولين تجارين احد وخاصة اهل الزوج لان رضاهم غايه مستحيله... وانا اهل زوجي الله يعافيهم علموني -بعد ماكنت خادمتهم سبع سنوات- حكمه عظيمه ان اللي يوطي نفسه للناس يدعسونه وان الناس مايحترمون ولا يقدرون الا اللي عاز نفسه عن الناس وساحب عليهم .....عامليهم بحدود قللي الجلسه معهم والكلام وخلك غامضه ومشي حياتك الى ان يفرجها ربك وتستقلين في بيتك.. وشيلي من بالك سالفة كيف ارضيهم ؟لانك بتبطين عظم مارضوا عنك ....والله اني مارتحت في حياتي الا بعد ماصرت رسميه معهم وصاروا يطيرون فيني اذا زرتهم وينتظرون مني السالفه بعد ماكنت في نظرهم زي الشغاله اللي بالساعات واستاهل لاني كنت ازورهم وسيده على مطبخهم واحكي لهم عن كل تحركاتي واشكي لهم كل همومي على بالي طيبه مع ان الله عازني بعائله من مستوى اجتماعي اعلى وخوات كثار وحريم اخوان عسل ووظيفه وصديقات بس ماكنت ابيهم يحسون اني مغروره ومافادني هذا كله الا حقروني وماقدروني وصدموني صدمات كبيره ......................خذيها قاعده احبي نفسك يحبك الناس.

 

[ريشه ورديه]

الله يسعدكم يابنات ويسخر لكم ازواجكم

بس جد انا ما اتحمل احد يتكلم عني ولا يقول اني مقصره او ما اعرف الاصول

حتى الشايب حقهم ما سلمت منه الله يعين


اختي الشتاء الدافيء انا مثلك من عائله مستواها الاجتماعي اعلى بكثير ومتعوده على الدلع

اشوفهم استغرب لان كنت في بيت اهلي لي مميزات كثير واي شي ابيه احصله واطلب اللي ببالي

بس على كذا فيهم غرور وبس ينقدون حتى نقدو على ذهبي يقولون شكله رخيص مع اني ابوي زاد على

المهر اضعافه المهر شرا فيه الذهب بس والملابس

والاشياء الثانيه من فلوس ابوي وعلى كذا ينقدون

وانا ما طلبت رائيهم

استغفر الله بس

 

[ريشه ورديه]

هباااااااااااااااااا

 

[فتاه]

ضحكتينى ذكرتين بنفسي اهل زوجي اصواتهم عااااااااليه والله رأسي ينتفخ ههههههههههههههههههههه
ما اركب فوق الا وجع برأسي والا يضحكون علي اشياء تاااااااااااااااااااااااافه وتعالي انتي لازم تضحكين
طبعاااااااا هذا كان زماااااااان الحين ماشوف رقعتهم من المشاكل اللي ما تخلص وعايشه حياتي بدون قيل ولا قااااااال لاني ما عمري ضريتهم وفي حالي وبعد ما سلمت منهم اهم شئ ام وابو زوجي وبس
نصيحتي لا تغيرين من نفسك لان لو شتسووووووووووين ما بيرضون عليك فخليك علي طبيعتك ​

 

[نعومه كول]

خليكي بزوجك وبس ماعليكي في احد
واذا قال لك ابيكي تخدمين اهلي
قولي مو مسؤوله غير عنك
واخدميه هو وبس
مثلا يقوم 1
وشو له تقومي 8 وتسوي فطور لمين؟؟
خلك مع زوجك وبس

 

[يالله يالله]

الله يسهل لج امورج

 

[وجدالمشاعر]

وربي نفس شخصية اهل زوجي كا نك قاااعده تحكين عنهم الله يعينا عليهم

 

[ليـــانه]

الله يعينك

 

[ريشه ورديه]

الله يسعدكم يابنات


أجل مو بس انا لوحدي

وزوجي يقولي قومي ساعديهم عشان ما يتكلمون عنك

هم بس بربر في خلق الله لو اي ما يسوي ينقدونه

وزوجي نفسسسي يتغير من هالناحيه لو سمع كلمه

منهم تغير علي يقولي يلا قومي مايدرون ان هالزمن

ما عاد فيه أحد مثلهم استغفر الله

 

[زهور النرجس]

ههههههه
تضحكون
يعني تذكريني بزوجة اخوي هي هائه ونحنا اففففففف
كلااام ما بنقطع تبارك الرحمن
تحاول ياحران تشاركنا بس ما تقدرههههه
وانتي كذا
بس تدرين ليش احنا كذا نحب نضحك ونسولف
لأننا مليانين مشاكل وما نرتاح الا بهاليوم
مومعقوله تبينهم يبلمون عشانك

حاولي تندمجين معاهم اكثر
وذا ما قدرتي روحي بوقت متأخر وارجعي مبكره للبيت
عشان ما تثقلين عليهم
والله يعين