كيف اعلمه ان كرامتي ثمنها غالي .. وكل شي بيننا بينتهي خلاص !

[Miss.Feminine]

بنات رجعت لكم انا خلاص مافيني وودي استسلم ..هالجنوبي الغربي هد حيلي !




سبق وتكلمت عنو بموضوع سابق .. واعذروني لو ازعجتكم وحطيت موضوع ثاني .. بس انا عضوه جديده وميصير احرر بالموضوع وازود عليه .. .. نزلته بموضوع جديد .. ( بثقل عليكم بس عن جد ماني مصدقه اسولف حد يشور علي ) ..لاني تأزمت معو وافكر انهي كل شي بالطلاق ماعدت احبو ! !



بالمختصر المفيد انا موسوسه تجاه خطيبي من كل النواحي .. المره الماضيه خبرتكم اهتماماته مثيره للشك .. واليوم جايه اشتكيلكم من اسلوبه .. لاني من جد والله العظيم صايره اكرهه .. يعني من كثر ماهو قاهرني ودي يصيبه شر ويحتاجني بس عشان يعرف قيمتي .. ونزولي لهذا التفكير بحد ذاته مش صحيح .. يعني هو مأثر علي سلبيا ً وجارحني فعلا ً .. لاني بحياتي ماحقدت على احد ولو حد اذاني بعمري ماتمنيت له اي سوء .. عشان كذا ودي أشطبه من حياتي كلها ..بس احس ما اقدر ابتعد وكرامتي مجروحه ..



وماصدقت اشيل الوسواس القديم (الموضوع الأول ) .. أكون بنص سالفه ومتحمسه احكي لو بالجوال فجأه .. يقطع كلامي.. ويقول : طيب الثوب الكحلي ولا الرمادي أحلى علي ؟ وساعتها يذبحني قهر بس اتجاهل سؤالو واكمل سالفتي .. ويرد بعد شوي يتكلم بنفس مواضيع الاهتمام .. وين احلى ..وبذمتك .. ولمن ما ارضى اجاوب والله يترجى كنو طفل صغير


ولانو مايخبرني كل شي يصير معاه .. ونوعا ما غامض معاي .. بديت العب على هالوتر .. ونفس الشي اتعمد اسولف ونص الكلام اقوله والباقي الحقوق محفوظه .. لووول .. حرق اعصاب مثل مهو يسوي .. (والموضوع اصلا حده سخيف ) .. !

المسا دقيت عليه اسأله عن شي مهم كان متكفل .. حط السماعه على السبيكر وقعد يتمشى بالغرفه .. ونا اقوله طيب انا بقفل .. يرد ماني مرجع السالفه اللي لين تكملي باقي السالفه ويتكلم جد ؟ ونا رديت من صجك .. خبرته ترا جد مو وقتو مستعجله .. يرد ايوا .. خبرته انت رجال كبير ليش احيانا احسك تتصرف كطفل ,,


وياليتني ماقلت هالكلمه .. بس والله من تصرفاته اللي ورا بعض .. الرجال كشر عن انيابو ,, رد ايوا انا طفل كبير .. وزوجتي بعد طفله .. وقالها باستهزاء خبيث .. (وهنا عااااااااااااااااد بدأت الحرب البارده) ..

انا ضحكت .. خبرتو انت طفل كيفك ..بس انا ناضجه والحمدلله واثقه من حالي .. رد بضحكته الكريهه اللي تشقق قلبي غيظ .. رديت .. الحمدلله اقلها انا ما أسأل على اتفه شي اسوي ذا ولا ذا .. وعلى اتفه الحاجات ..


رد انا اتعمد اعكس لك هالصوره عن نفسي ونا اصلا واثق من حالي والدليل ماهمي كل نقدك عني وعن اهتماماتي !

وقعد يخبص بالمواضيع ..فيما معناه انا اذكى من اني اكون معاك مباشر ..ونا افهمك واعرفك عن قرب من سوالفنا .. فيما معناه يختبرني.. ويحصل على الاجوبه اللي يبيها دون ما يسأل .. بس من سوالفي معو يعرف !


لدرجه ضحك وقال حتى اخوي الكبير يسميني " الفوكس " = يعني الثعلب !


وأنا = :4:


وربي هالرجال ماعدت افهمو واحس كل يوم مخاوفي تجهه تزيد .. ما احس معو بالأمان .. والامور بيننا وصلت لدرجه ما تتحمل لازياده ولانقصان يعني كومه .. اي حركه زياده عليها وكل الكومه تطيح !

انا ما اشوف فيه صفات الرجل اللي اتمناه..احس انخدعت فيه والله يسامح اللي كان السبب .. .. ما يحن علي ولا يهتم لامري .. وبقلبي صرت اسبه بكلام بقلبي مره نذل مره حقير مره كذاب .. كلما قهرني بالكلام او حسيتو ماخذني مصخره ..

ومن تكرار هالتصرف صرت احس انو يزعلني اكثر من انه شاري سعادتي .. ودي لو يتغير بس كل ما كلمته يا يرد انتي نكديه او انو يتعدل يومين .. ولمن يتصرف خلال هاليومين يتصرف بطريقه واضح انها متصنعه !




هو زي ماخبرتكم " جنوبي شرقي "
ونا شماليه شرقيه

هالانسان اساء لي .. لاني والله حبيته بكل براءه وطيب نيه
وهو يكيد لي المكايد ويستهتر فيني ..

ماهمني الطلاق لاني فيه او دونه حياتي ماشيه للأحسن ان شاء الله ..
ومن بعد التجربه الاولى والثانيه فهمت ان الزواج خيار بعيد عني حاليا هذا لو الله مقدر لي اتزوج اصلا .. بركز على مستقبلي وانتهى !


بس كيف اطلع من حياته ونا رافعه راسي .. وكيف ابصم عليها انو خسرني .. احس ذليت نفسي مرات وايد ..وهو ولامره كان يستاهل ..كنت احبه واحس جرحني وكل حبه تحول كره ..استغفر الله





​

 

[سحر البرآءة]

اذا انتي كارهته ومو قادرة تتقبلينه
وشايفه ان حياتك بون ماشيه للاحسن
على حد قولك
انا اشوف بمجرد طلبك الطلاق منه
معناته انا باااايعتك وشااارية كرامتي
وراسي مرفوووع مارضى بذلك لي
هذا اللي عندي ويارب يفيدونك الي افضل واكثر مني خبرة
والله يقدم لك اللي فيه الخير​

 

[عيون عزيز]

حبي هاي مب سبب انج تطلبين الطلاق ,,,يمكن بيئته اللي عاش فيها خلته يصير بهالشخصية ,,,أتوقع من كثر هذرتكم بالتلفون مع بعض زهقتي منه خاصة انج شمالية شرقية تبين كل الدنيا ماشية سيدة مثل ماتبين ,,,
تقدرين كزوجة تعززين فيه الجانب الديني ,,,يعني شوفي أنا خذت زوجي ركعه ما يركع وقعد 3 سنين على هالموال بس لما شافني أقرا قران وأسبح وأقوم الليل وأحط ساعات عالقنوات الدينية شوي شوي تغير ,,,ألحين ما يفارق المسجد ,,,كان زوجي عصبي ,,,بس لما شافني مروقة وحنوووونة عليه وأخليه يحضن عياله دايم وخليته يكفل له أيتام صار قلبه رقييييييييق ,,,
لاااااااااازم تلغين من الجدية الزايدة في شخصيتج ,,,خلج مرنة,,, وعليج بالدعاااااااااء ,,وبعدين ماشوف فيها شي اذا كان يبالغ باهتمامه في نفسه ,,,ما سوى منكر ولا حرام ,,,
بس الوسطية حلوة ,,,تقدرين تصرفين اهتمامه لشي ثاني بأسلوبج ,,,,

 

[أسطورة خرآفية ~]

يآ قلبي عليك و آلله ّ
جدآ عجبني أسلوب تفكيرك حسيتك من قلبّ شمآلية تفكير رآقي و يدور ع الرجآل الصح اللي قد المسؤولية=)
أنآ بقولك شي زوجك عآيش هآلوضع أتوقع من طفولتهـ السيئة لأنو مآحد أهتمـ فيه و لآ ألتفت لهـ وألحين هو لمآ كبر
يبغى يجذب النآس له و يلفت انتبآهم و يبغى إهتمآمـ بزيآآآدة لأنو هآلشي نآقصة و أتوقع مهمآ كبر رآح يظل كذآ
نآقصة إهتمآم لأنو هآلشي أثر عليهـ في مرحلة صعببببة , إلآ أنو ربي يفرجهآ عليهـ ويقدر يتغير !


أحس إنك لو بتكملين معهـ يآ إنك بتجيك جلطة يآ بتجيك جلطة هع بعيد الشر عنكـ =) , بس جد أحس إنك رآح
تعيشين أفضل بدونهـ ..

- قولي لهـ إن أنتي فآرس أحلآمك يكون رجآآل قوي شخصية و يهتمـ فيك و يكون تفكيره أبعد من أنو يجلس يتأزم
على الشآمبو اللي مو لآقي زيه و و يحسسك إنك أنثى مو تحسين معآه إنك عآيشة بس علشآن يتنآفس معك
أنآ أستخدمـ كذآ و أنآ كذآ و أنتي لأ و هيك من هآلكلآم ..

حسسيه أن مو هو اللي في بآلك و قولي لهـ عن شعورك لمآ يتكلمـ معك و قولي لهـ أنآ أبي بكرآآ لأتزوجت رجآل
يتحمل مسؤوليتي أنآ و عيآآلي ..

و كملي عليهـ كذآ بس بشويش عليهـ أحسك بتسببن لهـ أزمة ثآآنية هع
أمزح معك يآ قلبي ~

الله يسعدك حيآتي و يرزقك برجآآآل عن عشرة رجآآآآل أو الله يهدي زوجك و يخليهـ عن عشر أبضآيآت ..

 

[Miss.Feminine]

اذا انتي كارهته ومو قادرة تتقبلينه
وشايفه ان حياتك بون ماشيه للاحسن
على حد قولك
انا اشوف بمجرد طلبك الطلاق منه
معناته انا باااايعتك وشااارية كرامتي
وراسي مرفوووع مارضى بذلك لي
هذا اللي عندي ويارب يفيدونك الي افضل واكثر مني خبرة
والله يقدم لك اللي فيه الخير

بنظره هو اني بايعته .. بس انا من داخلي ادري انه استسلام ..!

 

[Miss.Feminine]

حبي هاي مب سبب انج تطلبين الطلاق ,,,يمكن بيئته اللي عاش فيها خلته يصير بهالشخصية ,,,أتوقع من كثر هذرتكم بالتلفون مع بعض زهقتي منه خاصة انج شمالية شرقية تبين كل الدنيا ماشية سيدة مثل ماتبين ,,,
تقدرين كزوجة تعززين فيه الجانب الديني ,,,يعني شوفي أنا خذت زوجي ركعه ما يركع وقعد 3 سنين على هالموال بس لما شافني أقرا قران وأسبح وأقوم الليل وأحط ساعات عالقنوات الدينية شوي شوي تغير ,,,ألحين ما يفارق المسجد ,,,كان زوجي عصبي ,,,بس لما شافني مروقة وحنوووونة عليه وأخليه يحضن عياله دايم وخليته يكفل له أيتام صار قلبه رقييييييييق ,,,
لاااااااااازم تلغين من الجدية الزايدة في شخصيتج ,,,خلج مرنة,,, وعليج بالدعاااااااااء ,,وبعدين ماشوف فيها شي اذا كان يبالغ باهتمامه في نفسه ,,,ما سوى منكر ولا حرام ,,,
بس الوسطية حلوة ,,,تقدرين تصرفين اهتمامه لشي ثاني بأسلوبج ,,,,

هو مو معطيني مجال اسولفه جد مثل العالم والخلق .. ولو سولفنا كل مواضيعه تجيب الضغط .. حتى بالسياسه لما اخالفه احسه ينفعل

ما يتحمل اخالفه بوجهة نظره .. ! ولو فرضا احترنا بشي وما عجبه رايي .. ينفذ اللي براسه وانصدم بالحلقه الاخيره ان رايي ما كان له لزمه !


دوم اخبره عطيني مجال اعرفك افهمك كانسان .. احسه كتوم ومايبيني اعف عنو الا الظاهر .. ولو سالته واهتميت اعرف .. يحرجني يرد ليش تحققين معاي !!!!!!!!

 

[رندا كووول]

استخيري كثير ...والله يكتبلك الخير

 

[Miss.Feminine]

استخرت بنية دعاء مش صلاه ..


والنتيجه حلمت حلم كتبته بالموضوع الاول ,, وللحين مافهمت ايش معناه !

 

[Miss.Feminine]

يآ قلبي عليك و آلله ّ
جدآ عجبني أسلوب تفكيرك حسيتك من قلبّ شمآلية تفكير رآقي و يدور ع الرجآل الصح اللي قد المسؤولية=)
أنآ بقولك شي زوجك عآيش هآلوضع أتوقع من طفولتهـ السيئة لأنو مآحد أهتمـ فيه و لآ ألتفت لهـ وألحين هو لمآ كبر
يبغى يجذب النآس له و يلفت انتبآهم و يبغى إهتمآمـ بزيآآآدة لأنو هآلشي نآقصة و أتوقع مهمآ كبر رآح يظل كذآ
نآقصة إهتمآم لأنو هآلشي أثر عليهـ في مرحلة صعببببة , إلآ أنو ربي يفرجهآ عليهـ ويقدر يتغير !


أحس إنك لو بتكملين معهـ يآ إنك بتجيك جلطة يآ بتجيك جلطة هع بعيد الشر عنكـ =) , بس جد أحس إنك رآح
تعيشين أفضل بدونهـ ..

- قولي لهـ إن أنتي فآرس أحلآمك يكون رجآآل قوي شخصية و يهتمـ فيك و يكون تفكيره أبعد من أنو يجلس يتأزم
على الشآمبو اللي مو لآقي زيه و و يحسسك إنك أنثى مو تحسين معآه إنك عآيشة بس علشآن يتنآفس معك
أنآ أستخدمـ كذآ و أنآ كذآ و أنتي لأ و هيك من هآلكلآم ..

حسسيه أن مو هو اللي في بآلك و قولي لهـ عن شعورك لمآ يتكلمـ معك و قولي لهـ أنآ أبي بكرآآ لأتزوجت رجآل
يتحمل مسؤوليتي أنآ و عيآآلي ..

و كملي عليهـ كذآ بس بشويش عليهـ أحسك بتسببن لهـ أزمة ثآآنية هع
أمزح معك يآ قلبي ~

الله يسعدك حيآتي و يرزقك برجآآآل عن عشرة رجآآآآل أو الله يهدي زوجك و يخليهـ عن عشر أبضآيآت ..

عجبتني حسسيه انه مو هو اللي ببالك ..لول بالصميم بجربها !

يسلمو يا ذوق :5:

 

[سوووكرة]

تبين الصراحه وماتزعلين!!!أنا احس ان انتي اللي تفكيرك مثل الاطفال بليييز بلييييز لاتزعلين أنا مادري عن موضوعك الاول بس موضوعك هذا قريته مرتين علشان أحاول امسك خيط للمشكله اللي تستأهل الطلاق مالقيت،،،يعني احس من كلامك(وبرضو لاتزعلين لأني والله ابي مصلحتك)انك جافه معه وهو يبي وحده دلوعه وتدلعه لكن انتي مو معطيته فرصه،،،وبعدين تقولين بطلق منه بس بحسسه انه خسرني ليش كل هذا داخله حرب وانتقام مااشوف الرجال اذاكي بشي يستأهل كل هذا،،،اتمنى انك تراجعين نفسك وتمنى انك ماتزعلين

 

[جوهرةقطر]

حبيبتي احسك تبين تنتصرين لنفسك.... وتبين ان انتي صح ..... ومتبينه يغلط..... ولا يقاطع كلامك....... هاذى لو صدتيه

يغازل ايش بتسوين فيها,,,,,,, وبعدين كثر التكلم بلجوال لاي شخص يجيب المللل ’’’’’’ الى بختيار الوقت المناسب,,,,

وبعدين تحسينه غامض,,,,,,,,, الرجال غامضين,,,,,,, بطبعهم,,,,,, وميحبون يصرحون,,,, وبعدين شكلك انتي الي متبيه,,, بس ابي ,,, اقلك شي’’’’’’’’’’’’ الاسباب الي ذكرتيها مو كفايه,,,,,,,,,,,,و
اما سالفت انك منتي مرتاحتله,,,,,,,,,,, ومراح تحسين با الامان,,,,, هنا خط احمـــــر,,,,,, استخيري ثم استخيري’’’’
دمتي كما تحبين​

 

[الشتاء الدافئ]

انتم الشماليات مشكلتكم مشكله ..شخصياتكم قويه ولا تحبون الرجل الضعيف فما بالك برجل سطحي ويهتم بالمظاهر مثل خطيبك ..استخيري كثيرا ولاتقدمي على هذا الزواج الا باقتناع ..موفقه

 

[مجنونة هواك]

اذا كان هذا تفكيرك تطلبين الطلاق على شي تافه ماراح تعيشين معه ولا مع غييييييره .. ولا راح تتحملين الزواااااااااج كلششششش مافيه سبب مقنع يخليك تطلبين الطلاق وعلى فكره بالاخرر الرجل ماراح ينقصه شي لو تطلقتي وهو مادخل عليييك الكلام كله بيصيرر علييييك

 

[لؤلؤه نادره]

حسيت انك حساسه بزياده وما تتحملين المزح وهو عكسك مرح وضحوك
لو كان بالك طويل يمكن تحبينه وبجنون
ما اشوف اي اهانه في كلامك اللي كتبتيه
وفقك الله اكثري من الاستغفار وسورة البقره​

 

[Miss.Feminine]

تبين الصراحه وماتزعلين!!!أنا احس ان انتي اللي تفكيرك مثل الاطفال بليييز بلييييز لاتزعلين أنا مادري عن موضوعك الاول بس موضوعك هذا قريته مرتين علشان أحاول امسك خيط للمشكله اللي تستأهل الطلاق مالقيت،،،يعني احس من كلامك(وبرضو لاتزعلين لأني والله ابي مصلحتك)انك جافه معه وهو يبي وحده دلوعه وتدلعه لكن انتي مو معطيته فرصه،،،وبعدين تقولين بطلق منه بس بحسسه انه خسرني ليش كل هذا داخله حرب وانتقام مااشوف الرجال اذاكي بشي يستأهل كل هذا،،،اتمنى انك تراجعين نفسك وتمنى انك ماتزعلين

ههه غريبه اول مره حد يقولي كذا ..انا نعومه ورقيقه والحمدلله بغض النظر دلوعه او لا بس اتصرف مثلي مثل اي انثى دون اسفاف او مبالغه .. ولا حتى تصنع

انا مو معطيته فرصه لاني محب اعطي واعطي وبالاخير ما اخذ .. تعبت !

 

[Miss.Feminine]

حبيبتي احسك تبين تنتصرين لنفسك.... وتبين ان انتي صح ..... ومتبينه يغلط..... ولا يقاطع كلامك....... هاذى لو صدتيه

يغازل ايش بتسوين فيها,,,,,,, وبعدين كثر التكلم بلجوال لاي شخص يجيب المللل ’’’’’’ الى بختيار الوقت المناسب,,,,

وبعدين تحسينه غامض,,,,,,,,, الرجال غامضين,,,,,,, بطبعهم,,,,,, وميحبون يصرحون,,,, وبعدين شكلك انتي الي متبيه,,, بس ابي ,,, اقلك شي’’’’’’’’’’’’ الاسباب الي ذكرتيها مو كفايه,,,,,,,,,,,,و
اما سالفت انك منتي مرتاحتله,,,,,,,,,,, ومراح تحسين با الامان,,,,, هنا خط احمـــــر,,,,,, استخيري ثم استخيري’’’’
دمتي كما تحبين

ههه اسلوبه صج يضيق الخلق .. بس انا محب كله يعكس انو انسان سطحي معي .. يعني يا انو هو فعلا انسان تافه او هو خير شر شايفني اصغر من انو يكون جاد معاي ( توني داشه 23 سنه) وهو 32 ..

استخرت بس مافهمت تفسير الحلم !​

 

[محرومة الامومة]

الله يكون في عونك استخيري

 

[حنانوو]

شوفي الجنوبي الشرقي فيه اشيا حلوه ولازم تعرفينه علشان تقدرين تكسبينه
انا بالبدايه عانيت بس الحين وربي مرتاحه لمافهمته اكثر
اعطيه فرصه واذا بتمين كرامتي وماكرامتي ماراح تعيشين كثير
انا بروح اقرى موضوعك الاول وارد لك
بس ترى خطيبك فيه صفات حلوه ابحثي عنها افضل من انك تبحثين عن عيوبه
تراهم فرفوشين وطفوليين ولاتتمين تجرحينه انتبهي لانك راح تخسرين انتي​

 

[وردة الحنون]

اختي اسلوبج غلط + غلط

اقري كثيــر عن الجنوبي ولا تستهينين فيـــه
تراه حساس ماينسى اي غلط
يحب الحنان والدلع
اسلوبه معاك يبي يثيـر انتباهج له

لازم تفهميه زين
ترا الحياة غلطتي يعني تعلمي من اغلاطة
شوفي في قسم الزواج والزواج
موضوع مثبت عن الانماط ادخلي كشكول الانماط واقري عن الجنوبي

 

[وردة الحنون]

قريت استشاراتك الاولى
رحمت خطيبك حييل وربي

يبي لك تقريت واجد عن الجنوبي
وترا شخصيتج الشماليه هذي تبي تضيع حياتج
الا الا لما تتزوجين ريال مثل شخصيتج وهم بعد ترا لو تزووجين شمالي يمكن ماتوافقون يعني يصير الكل يبي يفرض شخصيته ووو


المهم والخلاصة من الكلام انتي الغلطانة وتعلمي من اخطائك
ربي يبارك فيج