كيف اعتني بشعر بنتي

[وين القاني]

هلا بنات انا بنتي عمرها 3 سنوات
وشعرها خفيف وشعرتها ضعيفة مرة
حبيبتي لا صارو بنات اخواتي واخواني مجتمعين ( ما شاء الله تبارك الرجمان ) البنات كلهم شعور ما شاء الله الا هي طالعة على عماتها
ومو بس خفيف وكيرلي كمان افرده لها سيشوار بس مافي فايده كلها 5 دقايق ويرجع زي ما كان
مين تقدر تفيدني

 

[الألمااااس]

نفس مشكلتي مع بنتي بس بنتي عمرها تسعة شهور
جربي المحلب مع شويه مويه وامسحيه على شعرها وأهم شي لا تطلع بالهواء يقولون مو زين
وانتبهي المحلب احتمال يسبب حساسيه
انا احطه لبنتي ماسوى شي بس كثر شعرها وبدا يطلع لان مالها شعر <<<اخلصي بس
وسوري ع الاطاله

 

[ابي اسجل وبسس]

طيب هي لسا صغيره ..كثير اطفال كذا
استخدمي لها زيت يناسبها ويناسب سنها واستمري عليه
ولا تشدين شعرها وقت التمشيط
وان شاء الله يتحسن

 

[وين القاني]

المحلب ؟؟
يكثر الشعر معلومة جديدة راح اجرب
الله يجزاج خير

 

[الزين القصيمي]

خليهآآآآ متميزة يجنن الكيرلي خاصه لاصارت بيضآآآ وواوتس بسم الله عليهآآ تصير واو أحلى منهم كلهم ..

إبرزي جمال شعرهآآ أهم شيئ يصير مرتب ونظيف وصحي ..

خليــــــــــــــــه كيرلي روعــــــــــــــــــــــــــه ^_^

 

[حنونه ومجنونه]

انا بنتي كانت نفس بنتك اول ماجبتها مره شعرها خفيف فيها بس من قدام ومن الجوانب وتحت مررره خفيف وصرت اوديها الحلاق يخفف لها بالماكينه الجوانب وتحت لان المكينه تخلي الشعره قويه ومتينه يمكن حلقت لها ثلاث مرات والحين صار عمرها خمس سنوات وشعرها وصل لكتفها وصرت دايما احط لها حنه اخلطه مع روب بس
وصار شعرها حلو احمر ودايما يصير شكله اندومي هههه

 

[وين القاني]

الزين القصيمي
انا وانا حامل في بنتي كنت دايم استانس على الاطفال اللي شعرهم كيرلي واقول لزوجي يجننوووووون
بس لما جات بنتي شعرها كيرلي كني ما حبيتة مع ان اشعرتها ناعمة بس والله انك ترفعي من معنويات الواحد وفكرتك حلوة

 

[وين القاني]

هلا قلبي
هو بصراحة الحنة افظل شي تقريبا انا ناوية اني اتعامل مع الحنة

 

[مجرد انثى حالمه]

انااعرف وحده تبيع زيت مررررررررررررررره جنان

 

[ساره من الكويت]

السلام عليكم اختي

هذه الوصفه اسخدميهاا لهاا
مرتين بالاسبوع

وهي عباره عن

زبادي
(روب)

عسل طبيعي

ومايونيز

ومعلقه واحده ليمون

ومعلقه واحده خل تفاح

واستمري عليهاا شهر

وشوفي شعرهاا شلون بيتغير

واذا حابه سوي لهاا حنه مره واحده بس في الاسبوعين
يعني كل اسبوعين مره

واي استفسار بلغيني بالخااص​

 

[ساره من الكويت]

نسييييييييييييييت اقولج
في فتره استخدام الوصفه ابتعدي عن السشوار

حرام تحربين لهاا شعرها من الحين بالسشوار

واذا تدهنين لهاا شعرهاا بعد االاستحمام
عنديج زيت دابر املا
وزيت الفازلييين

ورعه للاطفال
بس بكميات بسيطه لاتكثرين

والله يخليهاا
ويحفظهاا
​

 

[@jana@]

جربي زيت املا بلس