كيف اطلب المال من الشمالي الشرقي تكفووووووون ساعدوني

ر

رذاذ المطر (:

New member
إنضم
2013/12/29
المشاركات
97
السلام عليكم
بدخل في الموضوع ع طول
اسمعوا حبيباتي انا مسويه وكاله عامه لزوجي وهو فاتح محلات بااسمي
هو طبعا مايعترف باالمصروف الشخصي وبعدما فتح المحلات قلت اعطني كل شهر
1000 ريال بس رافض تماما يقول مالها داعي ويقول انك تمنين علي بهذي الوكاله ولو دريت انك بتسوين كذا ماكنت سويتها
انا حاولت افهمه اني احتاجها وان لي احتياجات كثيره وقالي اذا احتجتي اعطيتك
رفع ضغطي مدري كيف يفهم
تكفون يابنات ساعدوني والله انقهر يوم اشوف حريم اخوانه يلعبون باالفلوس ويجمعون باالبنك احزن ع حالي
 
الله يعينك أخت نفس المشكلة لا ويصرف على نفسة بالهبل والتوفير يجئ عندي مع أني ماني مبذره لكن غلطتي أنا عودته على كذا من البداية لانه يارب نلقى حل زوجي أنا شمالي غربي
 
معقووله 25 مشاهده ومافيه ردوود غير 2
تكفووووووون اللي زوجها شمالي شرقي ترد وتقول لنا كيف نطلب منه المال بدون منه او مشاكل
او اللي عندها خبره بلييييز لا تبخلون علينا مالنا بعد الله غيركم
 
والله نفسك ونعااني لكن مرة قريت لناعمه الهاشمي ان الشمالي اذا عودتيه خلاص انسي وبتتعبين معه كمان اذا ماصرف عليك بيجيب وحده يصرف عليها وهذا انا جربته فعلا تزوج زوجي ودلع وسفر وشغاله وسواق وانا نايمه بالعسل ودحين قاعده احاول الله يعيني ؟؟يارب ويسخر لي ولك يارب لكن خليك وراه هو مايطلع شي بسهوله
 
حبيبتي هيفا السلطان انا كمان زوجي يصرف ع نفسه وعلى ولد خاله يشوف نفسه مسئول عنه
وهذاك طبعا لا حمدا ولا شكورا

لكن والله ماأيأس منه بس مااعرف كيف لاني اذا طلبته يزعل عشان مااتكلم ويحاول ينهي السالفه بسرعه
التعامل معه بخصوص الفلوس صععععععععب
 
مرحبا أختي الله يفرج لك أنا بنضحك بشكل عام لأني بصراحة قليلة خبرة بالإنماط أتوقع أي رجل إذا عرف أن زوجته وراها أحد بيخاف أحرجيه بأهلك خوفيه فيهم بس بدون ما تجرحينه شغلي كيد النساء قولي مثلا بدخل جمعيه مع خوإتي وملزومة شهريا ادفع ???? ريال ؤانا مابي أقولهم ما أقدر لأني بصراحة مستطيعه الحمد لله وماني أقل من غيري وخلئك جادة واقترحي فعلا تسوين جمعية إنتي و قريباتك و استفيدي و قولي أنا أبي الجمعيه لأني محتاجتها في الإجازة الصيفيه ورانا مناسبات و حفلات وكلها قطيه بييننا ؤانت ما راح تعطيني كل ما قلت لك عطني ؤاذا ما أحد وافق عالجمعية قولي خلاص ببدا أجمعهم للصيف مالي خلق إحراجات الكل يستانس بالإجازة ويصرف و يفرح عياله إلا أنا ومن هالحكي أن شاء الله إني أفدتك واطلب من الاستشاريات يعدلون نصيحتي إذا نتائجها مو لصالحك تحياتي
 
لاتيئسين اطلعه معه السوق واشتري اللي تبغي احيانا مايحب يديك بايدك شوي وشوي لحد مايتعود باسلوب حلوو المهم لاتسكتي
 


تفاعلوا يابنات نبغى طريقة لاستدراجه

حتى يدفع والله أني قلقانه هاليام ما هو طبيعي

على الصامت ويفكر.
 
اختي المتفائله خوله كلامك حلو وسلييم بس الجمعيه انا سويتها والعام وتوها خلصت وحلف بعدها ماعاد ادخل جمعيات ههههه لانه انحرج كل شهر يدفع 500 وبحااااااول قدر الاستطاعه بس انا مااحب اني كلما اتكلم معه في موضوع الفلوس يعصب ويزعل انا بعدها يجيني برررود واسكت واحيان ارد عليه ونتخاصم
اليوم قلت له 4/1 تعطيني الف ريال ولا كنسل الوكاله وسجلني في شركه ويجيني كل شهر راتب بدون منه من احد
طبعا انصدم وسكت وتغيرت ملامحه احسه زعل
 
هيفاالسلطان قال:
لاتيئسين اطلعه معه السوق واشتري اللي تبغي احيانا مايحب يديك بايدك شوي وشوي لحد مايتعود باسلوب حلوو المهم لاتسكتي
أنقر للتوسيع...


ياقلبي السوق مايوديني الا في الصيف وفي العيدين فقط وانسي
واحيانا اذا مرينا من عند محل الكماليات يمشي بسرعه عشان مااقوله ابي شي ههههه
 
انا اعطيته مهله لين بداية الشهر والله يستر
اخاف اجيكم مكسورة الخاطر :20:

 
لا إن شاء الله ما يكسر خاطرك علئ فكرة كثيررر رجال كذا سمعت عنهم و مع الدعاء و التضرع لله عز وجل و الصدقة و قيام الليل تحسنت أوضاعهم للأفضل بكثير و هو عرف الحين انك لما يزعل أو بالأحرى يتزيعل بتسكتين نصيحتي لا تتنازلين عن حقوقك و لا تمدين البوز خليك عادية و مصره علئ رأيك كانت فكرة الجمعية هي الحل الأنسب وما دامك قد سويتيها فكري بشي ثاني و إذا طرت علئ بالي فكرة تنفعك بدون ما تضركم بإذن الله بكتبها لك الله يسخره لك و يحنن قلبه عليك
 
فديتك ياقلبي ماتقصرين
انا بعد اذا سويت شي وفاد معه بقولكم وربي يسعدك ويسعد كل الاخوات اللي باالمنتدى
 
وي كاني داخله عشان موضووووعك وربي نشف حلقي وانا اطلب منه مصروف مرررره راااافض ولا ازيدك من الشعر بيت رافض الخدامه كمان يعني انا خدامه وبدرن راتب ياحظي مع انه الحمدلله مقتدر لكن لا تطلبين مصروف وكل ماجبت له السالفه زعل ولم بوزه الله يعين يارب والمشكله مايخليني احضر زواجات ولا افصل فساتين وكل زواج حرب انا وهو عشان الكوفيره الظاهر اني قرقرت كثير سامحيني بس ماحسبت الاقي احد يتكلم عن المخلوق العجيب هذا الله يعيننننن
 
شوفي هي المشكله ان احنا سكتنا من البدايه يعني ماطالبناهم بشي
انا والله كنت استحي اطلب منه وبعدين يوم بديت اطلب صار يستثقل الطلبات
وامس كلمته مره ثانيه وعصببببب وقالي انتي كلما تشوفيني رايق تنكدين علي
انا خفت وقلت شكلي بتنازل عن الالف واقوله عطني بس 500 لان شكله ماهو ناااوي يعطيني شي
استغفر الله يرفع الضغط

 
الله يكون بعونكم حبيباتي شوفوا بقولكم شغله من ناحية إنتوا عودتوهم فأنتم فعلا عودتوهم وخليتوهم يستهينون بحقوقكم بشكل غير مباشر صحيح إنتوا ما قلتوا مانبي بس تنازلكم بشكل مستمر و رضاكم بالقليل خلاهم يتمادون واصعب شيء أخذ فلوس من الزوج بعد فترة طويلة يبيلكم صبر كثرة الدق تفك اللحام و تنقيط المطر على الصخر يحفرة ليس بالقسوة ولكن بالتكرار قوموا بواجباتكم على أكمل وجه وخلوا على وجوهكم ابتسامه دائما ؤلا تنسون الكلمة الطيبة مع قلة كلام وثرثرة أجلسي جنب زوجك وكثري سرحان و هواجيس كأنك مشغولة بشي مضيق صدرك ؤاذا طلب منك شيء قولي سم وا بشر مع تنهيدات طووويلة ؤاذا نكت ابتسمي لا تضحكين وبنص الجلسه قومي عنه ادخلي غرفتك حوسي رتبي سوي أي شيء أبكي بس مجرد يجيك مسحي دموعك واطلعي من عنده خليه يستغرب وش جايك وليش تأخذين وتعطين معاه وبنفس الوقت مو سعيدة بمجرد ما يسألك عن الأسباب أقعدي قدامه وقولي له أنا أسعد إنسانة لأني تزوجتك واحبك و أحب عيالي وبزيادة لأنك أبوهم وما شاء الله ما علي قاصر ؤانت ما قصرت علينا بشي بس أنا أحس إني مقيدة كل شيء لالالالا وشفيها يعني إذا طلبتك و عطيتني أنا زوجتك أبي أتمتع بحلال زوجي واحس إني دلوعتك ما أتوقع رجال خواتك و رجال خوإتي يحبون حريمهم أكثر من حبك لي أنا ماعلي من أحد ؤلا أقارن نفسي بأحد بس معليش حتى البنات اللي ما بعد تزوجوا يتنكدون إذا ما عندهم مدخل ومصروف وشلون أنا أم عيال وطلعي كل اللي بقلبك ؤاذا قالك طيب ويصير خير بوسي رأسه و خليه يجلس مع نفسه وادخلي غرفتك وصلي وترك واستغفري واطلبي الله يسخره لك لابد من الدعاء مع الأخذ بالأسباب و الاجتهاد و الصبر والاحتساب. يارب يغير أحوالكم أخواتي للأفضل صدقوني رجالكم فيهم خير بس يمكن مو مستوعبين إن لنا يالحريم متطلبات ذكروهم و حركوهم بالهداوة و الطيبة كل شيء بينحل
اسفه طولت عليكم تحياتي ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل