كيف اشغل ابنتى الشششششششششقية ** تم الرد **

[انثى قوية]

دكتورة نجوى ارجو مساعدتك السريعة من فضلك
ابنتى عمرها سنة وخمس شهور وانا تعبانة معاها جدا كل شئ نفسها تخربه مجرد ما اتلفت الاقيها رايحة تخرب الكمبيوتر الموبايل ليها اخت صغيرة عندها 3 شهور برده بتروح تعجنها والاسم انها بتبوسها
والله يا دكتورة طول اليوم قافلة كل غرف البيت والحمام لانى لو سبته ثوانى بتروح تغرق نفسها مية
عيال عمها معانا فى نفس البيت كنت مش عايزاها تختلط بيهم قوى لان ليهم سلوكيات مش بتعجبنى لكن اضطريت اخليها تطلع لهم علشان اشغلها شوية لكن هما دلوقتى يدأوا الدراسة وانشغلوا
والله يا دكتورة يأست من ترتيب البيت كل اما ارتبه تبهدله كانه بقى له شهر محدش عمل فيه حاجة
قلت اشترى لها العاب تشغلها كل اللعب تكسرها واذا مكسرتهاش هما خمس دقايق وبعدين تزهق وترجع للتخريب او تنام بالنهار وتغلبنى فى النوم باليل
مش عارفة اشغلها بايه ولا ايه هية الالعاب المناسبة ليها
ساعدينى يا دكتورة ربنا يبارك فيكى
انا اهلى بعيد عنى ومفيش حد تلعب معاه وكله طالع علية بقيت باسرخ فيها علطول وبعد كدة اندم لانى عارفة الن ده بياثر على نفسيتها
معلش دكتورة نسيت نقطة اى حاجة تعوزها وما تاخدهاش تفضل تعيط وتخبط راسها فى الحيطة او فى الارض
دكتورة ساعدينى ارجوكى وردى علية رد شافى وافى ربنا يكرمك

 

[أ.نجوى ناجي]

حبيبتي الغالية , كل ماذكرتيه شئ طبيعي جدا في هذا السن وبالأخص أن الطفلة لا تخرج أو تذهب إلى أقاربها أو متنزهات أو ماشابه تخرج فيها طاقتها فأنتِ ماعليكِ إلا الصبر في هذه المرحلة وإبعاد أي شئ تخافي عليه في المنزل من الكسر أو الخراب او ماشابه , كل يوم العبي معها وقت طويل بنفسك حتى تخرج طاقتها , خرجيها مرتين في الاسبوع تجري وتلعب في مكان واسع . والله يعينك حتى تمر هذه المرحلة

 

[انثى قوية]

حبيبتي الغالية , كل ماذكرتيه شئ طبيعي جدا في هذا السن وبالأخص أن الطفلة لا تخرج أو تذهب إلى أقاربها أو متنزهات أو ماشابه تخرج فيها طاقتها فأنتِ ماعليكِ إلا الصبر في هذه المرحلة وإبعاد أي شئ تخافي عليه في المنزل من الكسر أو الخراب او ماشابه , كل يوم العبي معها وقت طويل بنفسك حتى تخرج طاقتها , خرجيها مرتين في الاسبوع تجري وتلعب في مكان واسع . والله يعينك حتى تمر هذه المرحلة

مشكورة دكتورة نجوى على ردك الذى هو اسرع مما اتصور
ولكن لى سؤال ما انواع الاعاب التى يمكن ان العبها معها
وهل من العاب معينة ممكن اشتريها لها

 

[أ.نجوى ناجي]

العبي معاها بأي شكل يعني بالدمى اللينة والكور الملونة وألعاب الماء أثناء الاستحمام وهكذا من آن لآخر أثناء اليوم

 

[انثى قوية]

مشكورة استاذة نجوى على الرد
وفعلا عندما العب معها واقلل من عصبيتى عليها تهدا قليلا