كيف استعيده ضيعته من يدي

[سمراء دلع]

السلام عليكم ورحمه الله وبركاته
قبل سبعه سنوات تقريبا تعرفت على شاب عن طريق الغلط كنت اريد الاتصال باختي فغلطت باخر رقمين المهم دق وسال مين اتصل قلتله غلطانه وقتها كنت متخرجه من الثانوي المهم بعدها غاب فتره ورجع اتصل وكنت ماارد عليه في يوم كنت زعلانه وابكي لاني ماانقبلت في الجامعه وماطلع اسمي في الجرايد وقتها اتصل ونت ابي اتكلم من القهر المهم اتكلمنا وكذا طلع انسان جدااااااااااااااا رائع وخيالي فيه صفات كثيره حلووووووه مرت اول سنه من علاقتنا كنت انا اولى كليه طبعا قدمت على كليه التربيه وهوا ثاني سنه هوا من منطقه وانا من منطقه المهم اول سنه من علاقتنا جاني عريس قامت صديقتي قالتلي كيف تتزوجي وهذا حبيبك ماقلتيله قمت انا وقلتله ترى جاني عريس قالي الله يوفقك قمت انا اتصلت على صديقتي وقلتلها قالي الله يوفقك قالت هذا مايحبك وبايعك اصلا اهلي مارضيوا يزوجوني عشان يبوني اكمل دراسه مرت السنه الثانيه ونص قام قلي انا ابي اخطبك قلتله لا انا ماابيك لو كنت اخر رجال مااتزوجتك مرت 4 سنوات وبعدها اتخرج من الكليه وصار يشتغل في الصحراء تنقيب بترول ومن وقتها وهوا اتغير 360 درجه صار يروح للبحرين بعد ماكان قمه في الادب والاخلاق اتعرف على شباب معاه في العمل وصار يروح المهم انا بد الاربعه سنوات علاقتي معاه متقطعه خلال السبعه سنوات ماشفته الامرتين بس لانه كان يقول انا ماابغى اجيب لك سمعه انا ابغاكي بالحلال الحين اتغير احسه نفسي ارجعه زي اول واحسن بس مااعرف كيف(طبعا دايما يذكرني ويقولي انتي ماحبيتيني ولا كيف تقوليلي لو انت اخر رجال مااتزوجتك انا والله قلتها من قهر قلت اول سنه كنت اقوله حاني عريس يقولي الله يوفقك والحين يبيني

 

[اعلامية طموحة]

علاقة سبع سنوات .. من أول سنه قلتيله مابتزوجك لو كنت آخر ريال في الدنيا .. ليش عيل كملتي معاه ست سنوات غيرها؟؟

اختي اهتمي بحياتج ودينج .. وخلي عنج العلاقات اللي مالها هدف هذي ماتجيب غير الدمار ..

واللي يريد طريق الهداية يدله واللي يريد الخرابيط يدلها

ادعيله ربي يهديه ويهديج​

 

[طير مهاجر]

أتوقع إعلامية هادفة كفت ووفت..

 

[وردة الحنون]

ارجعي إلى الله باب التوبه مفتووووووح حتى تطلع الشمس من مغربها
علاقتك معه محررررمه
استغفري الله على كل ذنب
ربي يقبل توبتك

 

[نور القمر2000]

مع الاخوات وسامحينا ترانا نحبج في الله ونتمنالج كل خير ومابنجاملج

ومن يتق الله يجعل له مخرج ويرزقه من حث لايحتسب

علاقات عن طريق الهاتف (......)

كلميه وقوليله لازم ننهي العلاقة بالزواج وسبع سنوات مب شويه خلاص عرفتو بعضكم

اتمنى لج التوفيق

 

[لاتغرنكي الدنيا]

السلام عليكم ورحمة الله وبركاته
الله يعينك وثبتك ويسهل لك أمور

 

[Ms Uae]

~[الله يوفقج ويرضا عليج​

أنا أدري ان بعد هالسنين اللي بينكم حسيتي انكم لبعض وما تقدرين تتركينه

بس شوي شوي ..بكلمج عن شخصيتج:

• كلام الناس يغير من رايج وطريقة تفكيرج..يعني معقولة انتي بتمشين على كل كلمة تقولها صديقتج..باجر بتقولج عقي عمرج في البحر!!..فأول خطوة تسوينها تغيرين ها الشي تخلين لج شخصية متوازنة لها آرائها المستقلة..لين متى بنمشي ورا الناس؟​
• مش أي شخص تعرفين اسمه ورقمه تثقين فيه هاي الدنيا كبيرة فيها الزين والشين..ويا كثر ما غدرت فينا..لازم تكون في علاقة قوية عشان تثقين في الشخص اللي جدامج.​
• أما عن قولج له انج ما تبغينه>>هاي بالنسبة له إهانة إهانة كبيييرة..لانج عقيتي كرامته في الارض..فبيبدا الولد يغير تفكيره عنج..وتتغير الصورة اللي كان يشوفها فيج.​
• الحياة دايما تتغير محد يتم على حاله..هذا هو أول واحد تغير واستوى واحد ثاني انتي ما تعرفينه..مع ان العلاقة اللي بينج وبينه دامت سنين طويلة..شوفي فكري فيها..هو تغير [ على حسب فهمي انه للاسوأ ] فليش انتي تعقين عمرج في حفرة ما تقدرين تطلعين منها..انتي تبغين تردينه..مش بها السهولة.. ولو تزوجتيه..فكرتي كيف بتكون حياتج معاه!! انتي شو تبغين وهو شو يبغي؟وكيف بتكملين باقي حياتج وياه​
• شوفي اذا هو له نية وصادق بيي يخطبج..يا اختي حرام عليج سنيييين وانتي تتكلمين وياه وترمسينه.. ما استحيتي من رب العالمين اللي يشفج كل دقيقة [ وأنا فهمت منج انج مش راعية سوالف شباب وما ترضينها على عمرج بس كانت زلة] ​
• ألحين ادبي حياتج من يديد..غيرها للأحسن .. ويمكن هو اذا شاف انج تغيرتي للأحسن تتغير صورتج بالنسبة له..أما إذا كان ضايع وخلاص ما عاد شي يهمه..فاعرفي انه البنت النظيفة الشريفة ما عادت طموحة واللي كان يبغيها.​
• كفاية اللي ضاع..كفاية اللي ضاع​

​

بالتوفيق حبوبة]~​

 

[نواره99]

صج غريبه مثل ماقالت اعلاميه قلتي له ماابيك اشلون استمرت علاقتكم 7سنوات ويمكن كان صج يبي يخطبج
ويوم قالج الله يوفقج يمكن ماكان نيته مثل الي انتي توقعتيه
اذا بيخطبج اوكي انتي حاولي تعرفين منه اذا لا خلاص اختي انهي العلاقه وبسج لعب