كيف استثمر مبلغ 300 الف

[حلا]

بنات

كيف استثمر مبلغ 300 الف درهم بمشروع مربح ?
انتظر ردودكم

 

[المعلمة الراقية]

اقرضيني هذا المبلغ وانا بادعي لك ان الله يبارك لك فيه ويضاعفه اضعافا مضاعفة
وش رايك في المشروع ..اكيد موافقة فين يكون التسليم> مستعجلة وواثقة بعد


اخخخخخخخخخخخخخخخخخخخخخخخخخخخخ​

 

[*مشاعر مكتومة*]

اهلا وسهلا بك غاليتي ..
يالغاليه مشروع ب 300 الف يبي لك مشروع ضخم حتى مايضيع المبلغ انتي ماذكرتي شي عنك وعن هواياتك ولامنطقتك بس انا شخصيا انصحك بمبلغ كهذا تعملين شقق وتأجرينها ولو اول مره بالمبلغ هذا تسوين دور واحد وبعدين تتوسعين شوي شوي..
وربي يوفقك لكل خير ..​

 

[حلا]

انا ابغي مشروع مايحتاج متابعه لاني مش فاضيه..
فكرت بالعقأرات بس المبلغ ما يكفي.....

 

[b7r]

السلام عليكم

حبيبتي مشروع مايحتاج متابعه مارح تلقين ..

بس يمكن العقار اقل متابعه ..

ابدائي سوي شي صغير على قدكِ وبعدين كبريه ..

بس لاتنسي ان كل شي يحتاج لمتابعه من فتره لاخرى ..

حاولي تسوي بهالمبلغ دور وبعدين اجريه وبالايجار عليه دور ثاني وثالث ..

وربي يوفقكِ يااقلبي ويسهلكِ

 

[حلم المدينة]

إذا عندك فكرة عن( الدينة )وانشاء الله هي حلال_ تاكدي من ذلك _ وهي انك تشترين بضاعة مثلا 50 الف وتبيعين البضاعة هذي بمكسب طبعا وهو مثلا 65 الف بالتقسيط ويكون سداد الاقساط استقطاع من الراتب عن طريق البنك ، والبضاعة هذي ممكن احد من جماعتك او صديقة لك او اختك يشتريها من المشتري باقل من 50 وبعد مايشتريها يبعها عليك باي سعر تحددونه اذا ودك ترجع لك بضاعتك .. بس حاولي تقسطين لناس ثقات ومايتعبونك بالسداد

 

[ريح خزامى]

انا مع حلم المدينة00

حلوووووو

 

[دلوعة مملكتنا]

سوي صالون نسائي

بس يكون متعدد الخدمات

بس لاااااااااااازم متابعة

عندي فكرة بس مدري تضبط او لا ؟؟

اخذي باصات وسيارات نقل 2- 3- 4 على حسب المبلغ والاسعار اليوم

اشتري عقود من الحكومة تاخذين مقدمهم طبعا
وسلميهم الدولة وبعد سنة او سنتين ا ثلاث يخلص العقدوتبقى لج السيارات حررة

اما جددي العقد اذا لقيتي او اجريهم برع على سايق بكستاني (لانهم شغيلة ) ولج مبلغ ثابت شهريا

او بيعيهم
والله يوفقج


ماحبيت فكرة الدينة يعني ادفع كاش وانتظرها اقساط؟؟؟؟؟ الفايدة تجي بعد سنين

سالفة والله

 

[حلا]

هلا خواتي

شكرا ع الردود و الاقتراحات
صح المشاريع يبغليلها متابعه بس انا ما عندي وقت

طيب حابه اعرف من خواتي الاماراتيات لانهن أدرى بالأسعار عندنا
كم يكلف بناء بيت صغير عباره عن غرفتين و صاله و مطبخ و حماممين ؟؟؟؟؟؟؟
هذا بدون حساب قطعة الارض يعني البيت بروحه

 

[دلوعة مملكتنا]

سعرها يختلف غاليتي اذا كان السقف ساندويش والاصبية صب والا سبست

الصب اغلى شي لان الاساس يكون عميق عشان يتحمل الصب

اما الساندويش (عبارة عن طببقات فلين والمنيوم عازلة)

تقريبا غرفتين الوحدة 4م ×4م + مطبخ 2ونص م ×2 + حمام عزج الله 1ونص × 2متر + صالة 4×2ونص تقريببا

يكلفج 50الف تقريبا

تزيد او تنقص شوي

ممكن تتطلعين على تجرببتي بالعقار ممكن تفيدج

 

[●●ندى الروح●●]

مممممممممم

تاجري

 

[دلوعة مملكتنا]

مممممم ندى الروح

تاجري وبس ؟

يالله يالغالية حددي لنا مثلانوع تجارة بقيمة هذاالمبلغ

ننتظر افكارج ياحلوة

 

[خديجة11]

يالتوفيق

 

[لا تحرمنا بعض]

اولا اسأل الله ان يبارك لك في مالك و يحميك من كل عين لامة او حسد الحاسدين

ثانيا انتبهي تحطي كل مالك في مشروع واحد و ياريت ما تذكري المبلغ هكذا صراحة لأي شخص حتى لا يسري الطمع لبعض القلوب او ان يظن فيك سوءا و يعتقد انك تهرجين و يستخف فيك

و ياريتك كنتي بالسعودية كان ساعدتك بعمل مشروع مربح كشركة مضاربة و باقل من هذا المبلغ

طيب ليش ما تشوفي عندكم تشتري ارض و تبنيها استراحة مناسبات مو افضل؟؟؟ او تعملي معارض و تأجريها

بس يكون لك و كيل امين و تحت مرأى منك و كل شي بالفواتير

و الله اهم شي في التعاملات الفواتييييير عشان يحس الطرف الثاني انه محاسب و ما يلعب بفلوسك

ربي يوفقك يارب

 

[افياء]

اهلين اختي الله يبارك لك ويزيدك من خيره وفضله اتوقع العقار احسن شى يقولون ان العقار ابن بار اشتري لك بيت والله يهنيك

 

[reema]

اهم شي الثقة ....
لا ترمي فلوسك الا بعد ثقة
بالتوفيق اختي الكريمة

 

[(حنيين)]

العقار ابن باااااااااااااار,,

لو حابة تفتحي مشروع ومو فاضيه له ،،بعض الناس تفتح مشروع بأسمها نفرض مثلا مطعم للأكلات الشامية

وتعطيه العامل الشامي وتقوله لي في الشهر مبلغ وقدرة(...) انت تحدديه وهو عليه الايجار وباقي الربح له
صدقيني بيشتغل العامل شغل والااروع لانه بيطلع ربح اكثر
ابوي عنده سوبر ماركت وعنده عامل على كفالته ومشتغل نفس النظام يعني يعطي ابوي 3500 ريال كل شهر
والباقي له والعامل مبسوط طبعااا،،،

اتوقع هذا حل حلو للطرفين مبلغ يجيك اخر الشهر ورزق حلو للي يتعامل لك لكن لابد من متابعة بين فترة وفترة لانة باسم المواطن

اسفه ع الاطاله
والله يوقفك