كيف احتفل بعيد زواجي ابغى افكاااااااااااااار

[سويت ميمو]

بناااااااااااات ساعدوني كيف احتفل بزواااااااااااجي هل بالبيت ولا اروح الفندق ابغى افكاااااااااااار حلوة تكفوووووووووووووون

مع انه هو ماتحمس للفكرة كثير وحطم معنوياتي هل احتفل معاه ولا اسفهه بس

 

[دمعة فرح..~]

بيوم زواجج وليس عيد لانه مافي الا عيدين عيد الفطر وعيد االضحي

 

[جراده شياكه]

وش بيصيرلك اذا ما احتفلتي بتموتين مثلا

 

[صدى البلاد]

إذا هو مش متشجع إنتي فاجئيه في البيت, أولا جهزي السفره بوضع مفرش حرير أحمر (إشتري قماش حرير اصطناعي بالمتر على حسب حجم طاولة السفره) وافرشيه بشكل مموج على الطاوله وممكن تنثري عليه ترتر, وضعي بالوسط شمعدان يفضل يكون لونه ذهبي أو فضي, ابعدي كل كراسي السفره ما عدا الكرسيين اللي براس الطاوله يعني الكرسيين المتقابلين في بداية ونهاية الطاوله, اختاري صحون وكاسات مذهبه ورتبيها امام كل كرسي, جهزي عشا خفيف او مشاوي على ذوقج, واشتري كيكه على شكل قلب مكتوب عليها اول حرف من إسمه وإسمك.

عطري البيت وبخريه وممكن توزعي باقات ورد طبيعي في جميع انحاء المنزل.

نجي لغرفة النوم اشتري مفرش جديد للسرير يكون لونه أحمر او أبيض و ورد طبيعي أو في كمان نوعيه اصطناعي على شكل بتلات جوري أحمر او أبيض المهم يكون عكس لون مفرش السرير وجهزي بكورنر الغرفه طاوله صغيره ضعي عليها مفرش لونه ابيض وفوقه قماش تول أحمر وانثري عليها ورد وضعي عليها ألبوم العرس مفتوح وبجنبه شمعه (خذي بالج ليحترق خخخخخخخخخ), نجي للسرير بخري المفرش وعطريه بعطر هادي ونثري عليه الورد وممكن تنثري ورد على أرضية الغرفه, إذا عندج أباجورات على جانبي السرير ضعي عليهم قطعه قماش صغيره على شكل مربع من الشيفون يفضل لونها يكون أحمر لأنها تعطي إضاءه في الغرفه غير شكل.

وإنتي عاملي نفسك كالعروس بتجهيز نفسك إلبسي فستان ناعم يفضل لو يكون أبيض
أو بيج ومكياج وتسريحه ناعمه, كمان جهزي قميص نوم عرايسي بالرووب وعيشي ليلتك كالعروس.


أتمنى تعجبك افكاري​

 

[جوري2008]

حلوووووووووووووووووووووووو يابنات ساعدونا باقي على ذكرى زواجناااااا اسبوع ونص ارجوكم ابي افكار

تدووووووووووووخ ابو الشباب

والله احس في الغربه ماينفع شي مادري وشلون اسوي لو كنت عند اهلي كان ودت بناتي عندهم واروح فندق ودي احجز بفندق بس ماله طعم وعيالك معك

يالله اتحفونا بافكاركم الخطيره يا خطيرين

ودمتم بحب

 

[لبوة الحجاز]

والله انا زي البنات ابغى افكار حلوه ارجوكم يا بلقيسات

 

[ملكة الدموع]

الصراحه انه طاف من اربع ايام وماقدرت اسوي شي لان صادف وحدة من اهلنا توفت وراح المقبرة
بس اذا انتي في بيت بروحج عدلي البيت وسوي عشى واشتري كيكه وورد وحطي شموع اضاءه هادية وعطري البيت وشغلي المكيفات عشان تصير الريحه منعشة واشتري لج قميص نوم جديد كانج اول يوم عرسج
واذا مالج بارض حق هاي كله روحي فندق خل هم يسون لج هاي كله بس الصراحه لازم تكونين مجهزة قبلها بكم يوم

 

[همسة دلال]

شوفي حبيبتي
انا حبيت اسوي احتفالية بسيطه ومن افكاري
مثلابما انه زوجك ما يريد يروح لفندق بسطي الموضوع ..أنا مثلا اتفقت مع مطعم اسباني يسويلي كيكه ويكتبوا عليها اي شيء مثل كل عام وانت حبيبي وخبرتهم يحطوا معها ورود وشمعة لأان مرت سنه ع زواجنا وسويتها مفاجأه... يعني خبرته اني أبي نتغدي بمطعم واقترحت عليه المطعم وكنت متفقه معاهم وبعدين لما روحنا المطعم طلبنا الغداء وبعدها استاذنت منه اروح دورة المياه الله يكرمكم واستغليت الفرصة واتصلت بالمطعم عشان اخبرهم بمكان جلوسنا وبعد ما خلصنا جابوا الكيكة وهنأونا وكان زوجي متفاجيء وعجبته وااااااااايد الحركة ...وبعدها ممكن تروحوا تتمشون ع البحراو اي مكان رومانسي وتتبادلون أحاديث حلوة ورومانسية وتتذكرون الأيام الاولى لزواجكم.. بس كوني جاهزة ولابسة فستان حلو واعملي تسريحة ومكياج مميز وبالنسبة لغرفة النوم خليها مرتبة ومبخرة وحطي فيها شموع برائحة الفانيلا او الفراولا او اللي يعجبك وحطي ورود طبيعيه ع الطاولة او السرير...واختاري كم صوره بزواجكم وحطيهم في براويز حلوة وملفته ع التسريحة او جنب السرير
وممكن تحطين اغنية او موسيقى رومانسية مناسبين للجو...الله يسعدكم

فيه فكرة ثانية انك تعملين كيكه بسيطة عليها عبارات او فيها بطاقة عليها صورتكم وتخبيها بالسيارة وبعدين تطلعون مكان حلو وخالي وتكوني مجهزة شيء عشان تجلسون فيه ولما توصلون اجلسوا وسولفواا وفرفشوا ..الله يوفقكم

 

[دقايق وثواني]

انا أشوف أحلى شيء الاحتفال يكون في فندق والله أحلى حررررررركة**

 

[أم لطووف]

ما شاء الله عليكم والله أفكاركم حلوه
أنه باقيلي على يوم عرسي 5 أيام و أبي هاليوم يكون باللون الاحمر الحين شريت اللحاف بللون الاحمر وشموع حمر وشريتله هديه هم باللون الاحمر وبالونات حمر وبس ما أدري شسوي بعد إلي عندها أفكار <<<وأدري ما شاء الله عليكم ما تقصرون
تساعدنا ما عليها أمر ((بلييييييييييييييز))​

 

[همسة دلال]

اذا تبون افكار اكثر شوفوا الوصلة
http://vb.ozq8.com/showthread.php?t=416273

 

[shahrazad]

وش بيصيرلك اذا ما احتفلتي بتموتين مثلا

شو هالاسلوب!!! عافانا الله​

 

[محبة مكة]

لا تعليق

 

[والله احبك]

هالفكرة على بالي وانتظر يوم عيد زواجي وبسويها له:showoff:

بحجز استراحه من الليل لي حد يوم ثاني العصر (حوض سباحه) وبشتري فستان ناعم ومايو للسباحه وبسوي كيكه عليها صورتة وبضبط حق الشوي وبالونات وزينه:a122:
وبحتفل معاه وانه لابسه هالفستان وتحت الفستان المايو لين خلصت بشيل الفستان وبيجوف علي المايو وطبعا لازم تزهبين كل شي فوط وملابس احتياط ولازم تشترين له هاف للسباحه لاتنسينه طبعا لازم لحالكم عشان تاخذون راحتكم لازم فيه ممارسات ومداعبات ودلع:a200:
بس لاتنسين تغسلين وجهك من المكياج قبل ماتدخلين الحوض عشان مايسيح الكحل والماسكرا وتخرعينه:in_love:

 

[ساميه]

والله انا ودي احتفل بيوم زواجي وخصوصا بيكون اول سنه لي
بس مادري زوجي بيكون عندي ولا للحين مسافر وغير هاي زوجي مايعرف هالسوالف اشلون بقوله مثلا بيوم زواجنا ولا شيسوون بيوم الزواج مثلا ناخذ لبعض هدايه ونتعشى مع بعض بروووحنه هاي للي ولا مره تعشيت معاه بروحنا

 

[بطاطس مقلي]

اقترح عليك 00ان يكون الاحتفال بالبيت علي ضوء الشموع وياليت تجهزين افلام وصور الزواج لاستعادة الذكريات ويكون فيه زفة بسيطة لكما0000وبالتوفيق

 

[الفرفوشه انا]

سوي زي ماقالو البنات بس زيدي عليه سويله شي عمرك ماسويتيه زي الرقص مثلا واوووووووووووو

 

[دااااانة]

بنات أنا نسيت تاريخ زواجي ؟؟

أمزح هههههههههههههههههههههههه

>>>>>> الله يعطيكم العافية على هالأفكار الحلوة

 

[Romantic Queen]

تسلموووون ياحلوين على افكاااركم وانا تو عرووس مالي كم شهر من تزوجت بس اكيد بستفيد من افكاركم

 

[دنيا سحابة]

ذكرى زوااجي الاولى بعد اسبوعين بس مشكلتي اني حاامل بالشهر الساااابع ..
ما خليت الحمل مشكله حاولت ادبر نفسي وما اتحطم .. شريت قميص ناعم من نعومي لونه ابيض بفضي الصدر سنتيان مشغوول بالشك والتطريزوالباقي ساتان حرير لحد الركبه ..
شريت مفرش سرير ومفارش طاولات عنابي علا احمر بأبيض مع خداديات مشكوكه وفخمة .. شمووع احمر ذهبي ابيض متنوعة الاشكال شي قلوب وشي طويله مره وشي قصيروعريض .. شريت ورد اللي كنه طبيعي يجي في سيتس بلازا وسيتي مااكس بنثره عالسرير وعالطااوله ..
عندي عربة تقديم ذهبيه ابزينها بالشرايط الحمراء والعنابي واحط فالدور الاول قهووه وحلاو وشكولاته فخمه مع شموع وورد(( لان زووجي يقدس القهووة )) وفي الدور الثاني بحط عصير وقاتووه ( كيكه ) وعصير حتى كاسات العصير بزينها بالشرايط والاكسسواار

عطر الفوااحه اشتريت جديد ومميز من نكتار اشتريت عطر الزهور البريه وعطر زهرة اللافندر يمدحونها عاد قالي اللي بنكتار قبل لا تحطين عطر الزهور البريه بساعتين الى ساعتين ونص حطي زهرة الافندر بعدين قبل المناسبه بدقاايق حطي الزهور البريه رااح تطلع ريحة الجو جناااان ابجرب واشووف

فكرت اني احط الشمموع الصغيره عالارض طبعا الارضيه رخام وعادي مافيه خووف من شي ابحطها بداايه من مدخل الشقة الى باب غرفة النوم علا بعد مسافات متساويه وبحط بين شمعه والثانيه كرت اكتب فيه كلام حلو الكروت مره احمر ومره ابيض يعني اربع كرووت تقريبا ..

انا بسوي تسريحة بسيطه ومكيااج فخم لاني من زماان ماسويت مكياااج كامل تعرفوون مع الحمل اهملت شوي بس هالليله ماراح افرط فيها وابحط ورده حمرا علا شعري لان القميص ابيض
التسريحه اللي في بالي كير لي وبرفع الجهه الامامية بشكل نازل للخلف والورده عجنب
بروح المشغل انظف وجهي بالشمع لانه انسب شي لي وبسوي مانكيير
جسمي راح اشيل وانعم بخلطة نبياض الثلج .. بعدعد كذا بستخدم سنفره للجسم وبعدين بحط علا جسمي جل اللمعه
واعطر والبودره

ابوزع صور زواجنا في كل مكان فالغرفه


اممممممممممم وش بعد شريت مجموعه من نكتار اللي فيها القلم الفسفوري وزيت المسااج وحركاات ثانيه بخليها في مكان قريب من السرير

ودي ببالونااات بس مشكلتي انه ماعندي احد يقضي اغراضي الا هو لو اطلب بالوناات بتطير عيوونه وشوله او انه بيكشفني وانا ودي تصير مفاجأه ..

هذا اللي انا مخططه له تقريبا ولو تجيني افكار جديده راح اقوولك عليها .. فيه شي كنت نااويه اسويه بس مااقدر اللي هو الرقص وياااخسااره لان زوجي يمووت فالرقص بس الحمل حرمه وحرمني من الرقص في هالليله المميزه .. بس ان شاء اللله الوعد بعد النفاااس

هديه ماجبت له لحد الحين بجيب له طقم اقلم وكبك وسبحه وبوك يجي مع بعض حلوو مره وفخم .. بربطه بشريطه وبحطه عالسرير وبحط معه كرت بكتب فيه ان هديته الحقيقيه هي رووووحي ولا تغلى عليه

ارجو انك استفدتي من تجهيزاااتي وادعي لي كل شي يضبط مثل ما انا متخيله وادعي لي ان ربي يهوون علي وتمر هالشهوور الباقيه بسررعه لان احس بتعب وطفففففففش