عاشقة المجد
New member
- إنضم
- 2010/02/11
- المشاركات
- 12
السلام عليكم جميعا
بصراحة عندي مشكلة واتمنى تساعدوني بحلها
قبل يومين مسكت موبايل زوجي واكتشفت انه يعرف وحدة ... طبعا انا على طول واجهته بهالشي ما قدرت امسك نفسي واعصابي ... وبصراحة هو اعترف بهالشي وتعذر مني وقالي انه هالشي نزوة وماراح يتكرر وقعد يحلف لي ويبكي عشان اسامحه وانه هو يحبني مايقدر يستغنى عني .
بصراحة انا وايد ضايقني هالموضوع واحس النار بقلبي مشتعلة بس ما طلعت من البيت عشان عيالي وقلتله هالشي انا قاعدة عشان عيالي ابيلهم عايلة مثالية ، أب وأم عايلة متكاملة ، وعشان لا اتحاسب جدام ربي راح اعطيك حقوقك الشرعية لا أكثر ولا أقل بس هالشي وايد ماثر بنفسيتي و مو مرتاحة لاني بصراحة مو قادرة اسامحه ولا قادرة انسى المسجات الي شفتها . احس يقول بينه وبين نفسه هذه طيبة وبسرعة ينقص عليها كاهي قاعدة مازعلت وراحت عند اهلها ويصير الوضع عنده عادي ويقل الاحترام بينا .
الي ابي اعرفه وجودي معاه بنفس البيت صح والا غلط ؟
اشلون اخلي المركب تمشي وانا مرتاحة بدون ما اتعذب ؟
وعشان العشرة الي بينا ودي انسى وترد مشاعري صوبه بس ما اقدر عقلي يقولي شي وقلبي يقولي شي ثاني ،
اشلون اخلي المركب تمشي وانا مرتاحة بدون ما اتعذب ؟
وعشان العشرة الي بينا ودي انسى وترد مشاعري صوبه بس ما اقدر عقلي يقولي شي وقلبي يقولي شي ثاني ،
وكل ماشفت وناست عيالي بوجود ابوهم احس انه هالشي يستحق التضحية بس اشلون احترم ذاتي ومشاعري وارتاح ؟
