كيف اتعامل مع الزوج العصبي؟؟

[...فطوم...]

خواااتي بغيت مساعدتكن ..ودعواتكن...زوجي اعتقد انه شمالي شرقي كريم لدرجه كبيره جدا.. وفي ..طيب وحنون يحب عياله وبيته واااايد احبه واحس انه واااايد يتعب عشانا موفرلنا كل وسائل الرفاهيه........ بس المشكله انه يعصب فجاه وبدون سابق انذار ...حتى انه في الفتره الاخيره صار يعصب عليه جدام اهله وجدام الخدم (بمعنى انه يقلل من احترامي جدامهم)وانا صرت ما اقدر اتحمل هذا التصرف منه واذا عصبت ونا قشته في الموضوع يعصب اكثر ويقول انا لا سبيتج ولا شتمتج وانا هذا اسلوبي وما احبج تتوقفيلي على الكلمه والثانيه... كيف اخليه يقلل من عصبيته هذي والا ازعل عليه يمكن يحس شويه انا تعبت تعبت من هالاسلوب .... فكرت كم مره اني اروح بيت اهلي بس اتراجع في اخر لحظه .......خايفه اكرهه والسبب هالاسلوب...
ارجوكم اتريا ردودكم وردج يا استاذه اذا تقرين موضوعي...

 

[...فطوم...]

11 وحده دخلت ولا حتى دعوه صادقه

 

[ام احلى بنت]

اذا عصب اسكتي لاتردين واطلعي من المكان الي هو فيه

واذا جا وفاتحك في الموضوع قولي له بهدوء
ان هالتصرف يقلل من احترامك وبعدين الخدم واهلك رح يقللوا من احترامي ولا اتوقع انك ترضى هالشي لي

 

[تعلمت الغرام]

هلا حبيبتى انا زوجى عصبى بس مو كثير وهو شمالى غربى وما لقيت حل للحين مرات اعصب مثله والنتيجة المشكلة تزيد ومرات اسكت وما اجاوبه بس اطالعه كانى مستغربة من ردة فعله واعطيه كم نظرة حزينة وما اكلم وياه الا اجابات مختصرة وبعدها هو لما يهدا من نفسه يحاول يتكلم عادى كانه ما صار شئ بس ما ارضى حتى يعتذر عن غلطه بس ما اقدر اقولك لو فى طريقة حتى نتخلص من عصبيتهم او نخففها:busted_red:

 

[...فطوم...]

مشكورات خواااتي الي ردن عليه...
المشكله انه في ثوااااني يرجع نفس قبل ولا كانه شي صار...ويحس انه سوى شي ضايقني فيبدأ يكلمني ..يسألني عن العيال او عن اي شي ثاني ....واذا زعلت بيتم طول اليوم زعلان ومتضايق ويوم برضى بيكوووون واااايد فرحان...بس انا ما اقدر اتحمل...احسه يحاااااول بس ما يقدر شو الحل؟؟؟؟

 

[...فطوم...]

اذا عصب اسكتي لاتردين واطلعي من المكان الي هو فيه

واذا جا وفاتحك في الموضوع قولي له بهدوء
ان هالتصرف يقلل من احترامك وبعدين الخدم واهلك رح يقللوا من احترامي ولا اتوقع انك ترضى هالشي لي

ماشي فايدة ايرد اش زينه وعقب فتره يعيدها..

 

[عفريته حلوه]

حبيتي فطوم عادي اشتري دماغج خليج اكبر من جدي مدام عارف قيمتج ويحبج خلاص ماله داعي تكبرين السالفه وتروحين بيت هلج بس قعدي معاه قعده حلوه وقولي له انا اتضايق من عصبيتك وابيك تحترمني لان انا احترمك والله يهديه

 

[saudia22]

والله حتى انا طفشت من عصبيته وردود افعاله , ما اقول غير الله يرزقنا الصبر ويصلحهم لنا

 

[نواره99]

اختي اكيد عنده ظروفه يمكن مضغوط في الشغل او عنده مشاكله خليه شوي واذا عصب لا تكلمينه خليه يعني دخلي الغرفه واليوم الثاني كلميه بتفاهم والله يسعدج

 

[الحلوة فيهم]

نفس الامور والشخصية عندي
احسن حل بيني له المك من اللي يسويه وخليه يشوف حزنك اذا عصب عليك واذا اضريتي تبكين مافيه مانع كذا بيحس
وبالاوقات اللي يروق فيها انصحيه لمصلحته يعني قولي له ان عصبيتك مو زينة لصحتك تجيب لنفسك السكر والضغط وانت لسا شباب وتشيب بسرعة وترى تغييرك الاسرع احسن لك لان الناس بيبتعدون عنك بهالشكل واولهم عيالك...

بنفس الوقت خليكي معاه نكته يعني ضحكيه وهو بعصبيته يعني اذا نرفز عليكي بطلب مثلا قولي حاااااضر بصوت عالي وامشي مشية عسكرية واضربي له سلام كذا بيروق من نفسه ...
والا قومي اركضي بشكل مضحك وناقزي بحيث مع الايام يضحك غصب عليه ويخف تدريجيا ...
اعانك الله

 

[om3mmar]

لا حول ولا قوة الا بالله

يا اختي المشكلة ماهي كبيرة لتروحي بيت اهلك
لا استغفري ربك
كدا بتكبري المشكلة وتدخلي اهلك وممكن اهلو وممكن توصل لمجلس رجال!!!
واطفالك نفسيتهم تتعب
وانتي تبكي ليل بنهار
!!!!!!!!!!!!!!!!!!!دوامة !!!!!!!!!!!!!

لا يا أختي لا اهلك ولا اهلو ولا انتي ولا احد بها الدنيا بيغيرو
ما يغيرو الا الله بقدرتو
جربي الدعاء المكتوب في توقيعي وتشوفي النتيجه

فيه جملة (ارفع عنه ما ابتليته به) خللي نيتك على عصبيتوا
وتشوفي بنفسك كيف بيتعغير بإذن الله

يا اختي ترى الرجال ما يغيرهم الا ربنا
واتوكللي على الله في اول يومك
وحصني نفسك وبيتك وزوجك من الشيطان الرجيم ترى وجود الشيطان في بيتك هوا بيعصب زوجك
ولا تنسي تحصنيه
ترى الرجال بينبسط من زوجتو لما تصللي وتجي تنفخع عليه
بيقولها ليه؟؟ اكيد بتقولي اخاف عليك حبيبي يحسدوك البنات عليا وانت زي القمر
اكيد يبتسم و يكون مبسوط منك
ومنها تبعدي عنو الشيطان بتحصينك

اختي آسفة طولت عليكي

 

[مليت من الغرربه]

مالك الا الصبر وتتعاملين معه بهدوء اذا كان معصب

 

[...فطوم...]

مشكورات يا اخواااااتي ....بس هل هذي الشخصيه يناسب معها الزعل؟؟؟؟

 

[hony@moon]

نفس الامور والشخصية عندي
احسن حل بيني له المك من اللي يسويه وخليه يشوف حزنك اذا عصب عليك واذا اضريتي تبكين مافيه مانع كذا بيحس
وبالاوقات اللي يروق فيها انصحيه لمصلحته يعني قولي له ان عصبيتك مو زينة لصحتك تجيب لنفسك السكر والضغط وانت لسا شباب وتشيب بسرعة وترى تغييرك الاسرع احسن لك لان الناس بيبتعدون عنك بهالشكل واولهم عيالك...

بنفس الوقت خليكي معاه نكته يعني ضحكيه وهو بعصبيته يعني اذا نرفز عليكي بطلب مثلا قولي حاااااضر بصوت عالي وامشي مشية عسكرية واضربي له سلام كذا بيروق من نفسه ...
والا قومي اركضي بشكل مضحك وناقزي بحيث مع الايام يضحك غصب عليه ويخف تدريجيا ...
اعانك الله

هههههههههههههههههه روعه ابسويها مع الخبلل الي عندي الي عصب بدون سبب

 

[صبوحة2008]

تعاملي معه بهدوء ولا تردين الا في الضروره مو تزعلين وتوريه الزعل هاذيك السا راح يجي ويتكلم انتي عاد قولي له انه اسلوبك مو معجبني ولا تقلل من شاءني امام الولاد والناس لانه هاالشي بيضايقني اول مره واستخدمي اسلوب الزعل كل ماعاد هذه السالفه وصدقيني ماراح يتعودها واسالي مجربه :icon26::clap: