كيف اتعامل مع الزوج البصاص؟

[baha]

بنات عندي سؤال في الرجل البصاص اللي يحب يطالع في البنات في الاسواق مع اني احاول البي طلباتة الجنسية واحس كل ماعطيتة اكثر قام يطالع اكثرلانة هذا يحرجني ويخلي البنت اللي يطالعها تحس بالانتصار ويصغرني قدام نفسي مع العلم اني جميلة ومتعلمة ومثقفة ؟

 

[ألوان الطيف]

هذا مرض يالطيبه
لكن وشوله يروح معك السوق؟؟؟اقضي حاجتك بنفسك
الله يغنيه بحلاله عن حرامه
عليك بالدعاء له

 

["أم فطيم"]

الأفضل تتسوقين بروحك ،ولا تخلينه يروح مثل هالاماكن
لان السوق اصبح ملتقى للبنات الوسخات والساقطات

خاصة في المولات الموجوع البنات الده في ابوظبي ( مارينا .... وغيرها )
اصبح اغلبية الحريم يروحون يتمشون هم وازواجهم في هالأماكن ... ليش تعرضون زوجك الي الخطر ، وتخلينه يطالع البنات الوسخات

 

[papero0o]

أشغلية لو مرت وحدة ممكن يجلس يطالعها
أمسكي أيدة قوليلة كلام حلووو و ورية هذا الفستااااان حلو ولا لاء
نكتي معاااااااااااااه عشان تنسينة وش كان يطالع ههههههههههههه

 

[ريانيه قطر]

عزيزتي ارجعي الى قسم الاستشارات التي ترد عليها د ناعمه الهاشمي وفيها عن البصبصة وهناك تلقين مرادج وهي تقريبا نفس مشكلتج وردت عليها بالكامل

 

[تاج الاحزان]

اختي الرجل البصاص تكون عنده منذ الصغر يحب يطالع ويستمتع بواسطة نظراته المحرمه وتلقينه من اهو صغير يختلس النظر وترى يا الغاليه هذي فطرة ولكن عن طريق التربيه يحسن سلوك الطفل وتقويم سلوكه وهذا ما صار مع زوجك لهذا هذا طبع يا الغالية ياليت الامر لا يتعدى البصبصة كان احنا ابخير وزي ما قالولك اخواتي كثر ما تقدرين لاتاخذينه معاك السوق ترى بعض البنات افسخوا الحيا ومالوم ازواجنا اذا طلعت عينهم انصحيه من دون ما يحس يا الغالية

 

[سرووور]

أعانك الله ويسر أمرك أختي الفاضلة ...

إليك رابط موضوع الأستاذة ناعمة عن هذا الموضوع ...نفعك الله به ...


http://www.niswh.com/vb/showthread.php?t=89678

 

[الأميرة الملكية]

غاليتي زي ماذكروا أخواتي

هذا موجود في الاستشارات للدكتورة

الموضوع أكثر من راااااااااااائع وراح ترتاحي كثير

 

[الفردوس أرجو]

الله يصلحة لك ويجعلة ماعاد يناظر الا فيك ويحليك في عينة اكثر واكثر

 

[baha]

بنات انا منتسبة جديدة ولا ادري كيف اوصل لرابط الدكتورة لانه الردودوالتعليقات عجبتني وانشاء الله استفيد؟؟؟؟