كيف اتصرف مع الرجل الشمالي وقت الزعل؟؟ ساعدوووني

[جروووح55]

السلام عليكم حبيباتي​

بصراحه انا متابعه داائمه لهالمنتدى الرائع​

اكثر من كوني مشاركه​

واستفدت كثير من تجاربكم وافكاركم ​

تحياتي لكم ودعواتي في ظهر الغيب​

حبيباتي​

عندي استفسار ولاعليكم امر
بالنسبه للزوج الشمالي​

انا قاعده احاول اطبق كيفية التعامل معه لكن بعفويه
مدري ليش..
والقى نفسي في الاخر ارجع اتنازل واتهاون
الى ان اقتنعت وبدات اطبق بجديه​

لاني جنوبيه وفعلا بديت اعاني
واحتار كيف اتصرف في بعض الامور​

فقلت مالي الا انتم فديتكم​

موضوعي عن جانب من جوانب التعامل مع الزوج الشمالي
في حاله من الحالات لم اجد لها شرح صريح في كيفية التصرف الصحيح​

مالكم بالطويله​

سؤالي عن ​

كيف اتصرف مع الرجل الشمالي اذا زعل مني؟​

وكيف اتصرف معه اذا كنت انا اللي زعلانه منه؟​

:detective2:
.
.
.
.​

اللي صاير الحين انه لما يزعل :​

1..احاول ارضيه باني اجيب طاري الموضوع واعتذر طبعا احيانا اكون ماقدرت اتحمل وكنت ابكي >>>>ممكن يقبل العذر وينسى وممكن يفتحه من جديد ويحتد النقاش ثانيه واكون ماوصلت لنتيجه​

2...التزم الصمت>>بالعربي اطنش بعد ماينتهي من كلامه القاسي واحكامه الي اتمنى اني ابرر لان فيه ظلم او او سوء فهم..لكن مدري وش يجيني حاله من السكوت الغريب واحس دموعي تملى عيوني لكن مااتنازل عنها لاني احس انها ماتهمه وكذا مره اثبت هالشي..لكني انتظر خروجه او نومه عشان انفجر بالبكاء والقهر >>رغم انه كذا مره عاتبني ع التجاهل اللي يصير بعد الزعل ​

3..او ممكن انه هو يفتح الموضوع بعد فتره لمن يهدا الوضع شوي ويقول انه يبي يسمعني..
رغم انه مايعطيني فرصه
هو اللي يبرر سبب زعله او بمعنى اصح يعيد السالفه لصالحه
ويعيد المواقف الماشبهه >>يحسسنس بالذنب ويعلمني عيوبي واخطائي
ثم يطلب نسيان الموضوع!!
بعد مايدوس ع جرحي
وقتها
اكره نفسي وشخصيتي وتصرفاتي
اصرخ في داخلي وهو يتكلم ويعاتب
لاحظو في داخلي..
لا.. انا مو كذا
لا ..مو قصدي كذا
معقوله ماتحس فيني
حرام عليك اللي تسويه
ياليتك تفهمني
ياليتك تحبني​

:icon1366:

المشكله هنا مدري اي اسلوب نفع معه
اي اسلوب يبغى
اي طريقه ترضيه
,,​

يألمني اني اتمنى اواجهه في بعض الاشياء
ومااقدر اقول ممكن يفهم غلط و يقلبها علي او اقول لاحياة لمن تنادي يعني ماراح يهتم
واحيانا اقول انا بعطي قد مااقدر بكرى يعرف قيمتي وحبي​

والله من جد احترت كيف اتصرف صح​

وبالنسبه لمن ازعل انا​

ولا مره فكر انه يعتذر ولا مره
واولا واخيرا يقول اني انا الغلطانه وانا سبب هالقصه​

انا مااقدر اخبي حزني رغم اني اجامل واكافح عشان مايحس بضيقتي..
واسامح رغم اني ما اقدر انسى الجرح بسهوله
لكن يكافئني بالتجاهل​

يتجاهلني ويطلع او ينام
وبمجرد مايصحى او يرجع يتجاهل بقوه وكن شيئا لم يكن
يتصرف ببرود
!!!!
​

انا اما اخضع لعواطفي واتذكر اني احبه واراعي مشاعري وليش الزعل مدامه نسى
واما .. اتألم اكثر من تصرفه معي وبالاحرى تصرفي
وانتظر اني اكون لوحدي فانفجر ابكي..احتياجي للحب والحنان ابكي احتياجي للكلمه الحلوه للنظره الحانيه
ابكي احتياجي للدفاع عن مشاعري
او بالاصح كرامتي​

ساعدوووووووووني فديتكم​

ادري كلامي كثير
لكن هذا اقل وصف ممكن احكي به عن مشاعري ومعاناتي​

ان شاء استفيد من ارائكم
ويستفيد غيري​

والف شكر
دعواتي لكم يالغلا
​

واعتذر ره ثانيه عالاطاله​

دمتم بـود​

 

[passion]

والله ياغالية انا شمالية احب ارضى بنفسي يعني ما استنى احد يراضيني .............. بس ما ادري الرجل الشمالي نفس الشي ولا لا

ان شاء الله الخوات ما بيقصروا

 

[أطياف الماضي]

رد

إذا زعل منك وجرحك اسكتي وإذا خلص قوليه إذا انا غلطت عليك أنا اسفه واتركيه وهو بنفسه راح يرضي وعلطول راح تلقينه نسي الزعل وجلس يضحك

 

[توما]

الشمالي طنشيه في الاخير يرضى بنفسه
حاولي تشغلين نفسك في شي بيلاقيك غير مهتمه
يجيه الفضووول وبنفسه يرضى ويجييك وعلى فكرة المزاج عندهم يلعب الدور
<< مثلي يعني هههه

اما لحالتك انتي فالله يعينك :sad_1: الجنوبيين يعانووون

 

[جروووح55]

الف شكر يالغلا


بس انا ابي توضيح اكثر
وابي اعرف كيف اتصرف اذا انا زعلت منه

تقبلو تحياتي

 

[حياتي؟؟]

اختي ترى الشمالي مايحب المرأة الضعيفه اللي تضيع حقها بسهوله يعني اذا زعلك واجهيه وقولي بكل ثقه بس استخدمي الالفاظ المريحه يعني ماهي الالفاظ القاسيه مثل ما استخدمتي (انت ماتحبني ماتفهمني لاااااااااااااااااااا والف لاااااااااااااااااااااااا هذا اسلوب امراءه ضعيفه جداجدا وهويتمادي لانه عارف انك راح تراضيه ...... بعد ماتعاتبيه اتركيه وقوليلو هذه المره بسامحك بكيفي بس اتمنى لا تعيدها .... ولا عاد تجيبي سيرة الموضوع سواء اعتذر او لا خليك واثقه من نفسك ..... وابعدي عن البكاء ترى ما يحنن قلبه ...... والله يوفقك استخدمي ذكاءك مع الشمالي اكثر من العاطفه صدقيني حتنجح علاقتك معهه باذن الله ...... وادعيلي .....

 

[همسة دلال]

شوفي حبيبتي
أنا جنوبيه وزوجي شمالي ونفس اللي شرحتيه حصل معي...بس بعدين شغلت ذكائي وشفت انه لازم اغير طريقتي:
اول شيء لما نزعل واكون أنا السبب بعد ما نهدأ اعتذر ببساطة وانسى الموضوع واعيش حياتي عادي هنيه هو بعد ينسى الموضوع ونصير حلوين
اما لو كان هو سبب الزعل هنا انتبهي لان الشمالي ما يعترف بخطاه بسهوله ويحب يجادل ويناقش ويكون قاسي بالنقاش فاذا تبين تتجنبين التعب النفسي وانه يجرحك أحسن حل انج تصمتين ولا تبكين وتخليه يتكلم وبعدين طنشيه بتلاحظي انه بروحه بيهدا وبيجي يعتذر وهنيه خبريه انه جرحك بكلامه واشرحيله بهدوء وبكلام منطقي(ما يفهم بالعاطفه) وكوني ذكية ولا تخليه يجرك للجدال والنقاش لان بهالحالة بكل تاكيد بتكوني الخسرانه لان ما في احد اشطر من الشمالي بالنقاش..أنا فيه كلمه قلتها لزوجي وااايد أثرت فيه وظل دوووم يتذكرها : قلتله(حبيبي ماشالله انت شاطر بالنقاش والجدال بس اذكرك أن هالشيء بيخليك ناجح في العمل ومع مديرك بس بيخلي حياتنا الزوجية جحيم فأرجوك استغل هالقدرة في العمل بس ولاتنسى اني أنا أنثى ومستحيل ينفع معي هالاسلوب)

أهم شيء حبيبتي تكوني قوية الشخصية بس هاديه وحكيمه وتتحكمي بأعصابج ونصييييييحه لا تكونييييين حساسة:blushing: واااايد(صفه بالجنوبيين) لان بتتعبي وااايد..
الحمدلله بعد ما فهمت كيف أتعامل معاه الحين ما صرنا نزعل على بعض كثير مثل اول ولو زعلني على طووول يراضيني حتى لو كنت انا غلطااانه!!:in_love:
خليج هاديه ولا تدخلي معاه في فخ النقاش والجدال:sly:..ناقشيه بهدوووء لما يهدأ وترا الشماليين يجرحون بدون ما يحسون ويغلطون وهم ما يعرفون انهم اخطاوا!! يعني شوي شوي وبالهدوووء بيفهم..
وحبيبتي لا تنسين الدعااااااء ترا والله له مفعوووول سحري ..

 

[$حساسه$]

انا اعاني نفس معاناتك بالضبط
انا اجلس باليومين والثلاثه زعلانه وانتضره يجي ويتأسف او يفتح الموضوع
لكن ماااااالي امل لانه يجي من بكره بكل برود يحاكيني وكأنه ماسوا شي ماكأنه مزعلني
واذا طنشته ومارديت عليه<<لاني زعلانه يقوم يعصب ويقول ليه ماده بوزك
ايش الحل

 

[vdhq]

انا اعاني نفس معاناتك بالضبط
انا اجلس باليومين والثلاثه زعلانه وانتضره يجي ويتأسف او يفتح الموضوع
لكن ماااااالي امل لانه يجي من بكره بكل برود يحاكيني وكأنه ماسوا شي ماكأنه مزعلني
واذا طنشته ومارديت عليه<<لاني زعلانه يقوم يعصب ويقول ليه ماده بوزك
ايش الحل

نفس مهاناتي

وفي الخير يزعل هو وانا بدال ماكون الزعلانة اقوم اراضيه

 

[بسمة البحرين]

الله يساعدك فديتج والله يسخره لج ويسخر لنا ازواجنا اللهم آمين موضوعج مفيد جداً لأني كنت ابحث عن هذي النقطه المهمة في الشمالي واتمنى ان البنات يفيدونه

آنه كل اللي اقدر اقوله لج أن الصمت مع الشمالي يفيد اكثر من الكلام اثناء الزعل لأن الكلام والنقاش يعتبرونه جدال وتحدي فالسكوت افضل هذا من باب خبرتي مع زوجي الشمالي

 

[(قصة حب)]

هلا حبيبتي
الله يعينج على الشمالي
اهديج هذا الرابط للاستاذة ناعمه اقرئيه بتمعن وبهدوء وباذن الله راح تدعين لي وتدعين للاستاذه ناعمه
http://www.niswh.com/vb/showthread.php?t=90239​

 

[جروووح55]

الف شكر يالغلا


ع مروركم العطر



دمتم بخير

 

[سارونة333]

البنات ما قصروا
واهم شي التطنيش مع القيام بواجباته الزوجية

 

[شموخ22]

بما اني معاشره العله الي عندي 10 سنوات كل شي جربته لما يزعل ولقيت احسن حل الهدووء وهو بيرجع يكلمك او يختلق عذر واهي للحديث معك وينتهي الموضوع


الله يصخرهم لنا يارب :sad_1:

 

[لا تبتعد]

يا بنات انا زوجي شمالي وصح اللي تقولونه لمن يزعل يجرح بالكلام ولا همه ..زعلت بكيت ولو اجلس اسبوع مافيه اي مشكله بس بعد توفيق الله ثم هالمنتدى عرفت شلون اتعامل معاه >>هين لأوريك ياشوشو
لقيت واكيد بتلاقون ان شوشو عليه كبرياء وجبروت ما يذكرني الا بالاسد مايقول اسف وان قالها كأن على رقبته سيف..
بس تدرون والله التطنيش عذاب نفسي له ومره بعد مره تلاقينه يعتذر كذا بدون مقدمات
يعني لمن تلبسين وتتزينين وقت الزعله تراه بيظن انك بتغرينه بس لمن تعطينه طناش كنك معطته كف تطير بوهته
ويوم يجر يوم وانتي ضحك مع عيالك ولا مع اهلك وقايمه بالبيت كأنك نحله والضحكه والنظافه واللبس ولا تنسين تعاملي معاه بدبلوماسيه >>>اخ قويه
اياك تنسابين مع كلماته المعسوله لأن هذا اسلوب الاعتذار (الجنس) بالنسبه للشمالي خليكي مغروره شوي وان بغا الاحم احم لا تترددين عطيه ولا تتجاوبين معاه خليكي شوي متكبره تخيلي انك ملكه وعادي قومي فيه بس سوالف وضحك معاه لأ لأ لأ لحد ما يفتح الموضوع اللي مزعلك منه ولا تبكين حينها تذكري انك ملكه متكبره وقولي بحركات مثل رفع الحاجب ولف الحنك مو تسوينها غلط ركزي الله يرضى عليك لفي نزلي الفك السفلي لتحت شوي بس شوي مو تمطينه يطلع شكلك تحفهههه .. وخلي كلامك منظم ومختصر وقوليها حاف انت مدين لي بإعتذار قوليها بدلع متكبر وانتي جالسه كأنك على الشاطئ(هذي شلون بوصفها ) وشابكه اصابع كفوفك كأنك بمكتب
واول ما يبدي الاعتذار اقبليه وقولي قبلنا العذر ولا عاد تزعل حبيبتك موشر
ينطقها يكفي يعترف بالخطأ
وترى الشمالي يعبر عن اعتذاره لزوجته بطرق عجيبه مثل اتصاله واطمئنانه على الصحه والعيال او الجنس او يشتري لك شي تحبينه كاكاو معين او اي شي او تلاقينه جاب شي كان بغيتيه وهو كان رافضه ولا يثني على البيت او الاكل ......................

 

[اميره الذوق]

حبيبتي انا مالي خبره ...صارلي متزوجه سنتين وشوي ويوم ورى يوم نفهمهم ان شاء الله

من تجربتي اتركه يقول الي يبي من الكلالالام والهواش وارد عليه بكلمه ورد غطاها عشان ماتزيد الفتنه..(مهم تتماسكي ولا تبكين خصوصا انو هو الي غلطان)



بعدهااتركه واروووح اطلع كل الي في قلبي من الدمع والضيقه..


وارسل له بعدها مسج ع الجوال او ورقه اي شي المهم افهمه انو لا يرفع صوته ولا يصرخ علي في شي انا مالي خص فيه..(طبعا اختاري العبارات المناسبه وعبارات المدح بين السطور)



وبعدها انا من نفسي ابدى اتغاضى وتعدي الامور...

 

[دموع اليأس]

أقرب وصف ممتاز وصفتيييييييييييييييييييييييييي فية الشمالي ياشموخ 22 إنه عله
الله لايحرمنا منك
أما عن الزعل فحدث ولا حرج ويا كثر زعلهم وحقدهم
متعبييين ونفسهم طويل وعندهم قدرة رهيبة على الزعل ممكن تستمر عند شمالي بيك موب يوم ولا اسبوع لا ممكن كم شهر وترى هذا مع الاعتذار والتحلل فيه هذ وهو زعلان بروحه يعني متكدر ويحط السبب على أم العيال :a049: ؟؟؟؟؟؟؟؟؟؟؟

 

[جروووح55]

??????????????????????????????????

 

[الدمعة الساكبة]

السلام عليكم جميعا اخواتي العزيزات
انا جديدة على المنتدى ونفسى ومنى عيني اعرف نمط زوجي ونمطي عشان اقدر اتعامل معه واحل مشاكلنا بدون اي تصرف خاطئ
ماعليكم امر ياريت تساعدوني ولكم الاجر والثواب
زوجي متعبني موقادرة اتعامل معاه وكيف اتصرف وياه
احبه واريد اكسبه ماريد اخسره بسوء التصرف
انتظر منكم المساعدة وان شاء الله ماتخيبوا ظني يابلقيسيات

 

[ملكة عرشي]

انا مع الاخوات في ان الشمالي لا ينفع معاه غير التطنيش ،،
الشمالي صحيح يجرح بس يرجع بسرعة بينه وبين نفسه ما يوضح لزوجته هذه النقطة فهو يعتبرها ضعف
لذلك تجديه يحاول يكون عادي عشان يبين ان الموضوع تافه وان الحكي الانقال فيه ومن ضمنه كلامه الجارح تافه
لذلك انسي وهو حيرجع من نفسه