كيف أهتم بإهتمامات زوجي؟؟؟

ا

الخط الفاصل

~◦ღ( مميزة قسم الإستشارات الزوجية )ღ◦
إنضم
2010/05/29
المشاركات
1,921
مو مشكلة

من العنوان ...... استشارة

أخواتي الله يسعدكم أبغى أستشيركم في هذا الموضوع

زوجي عنده اهتماين الكورة والجرائد..

وأنا أكره ه ه ه ه ه ه ه ه ه ه ه ه ه ه ه ه شي اسمه كورة :30:

لدرجة صرت أتجنب أجلس معاه وقت الكورة من كرهي لها..

انصحوني ايش أسوي عشان أهتم بإهتماماته...لأني قرأت في المنتديات لازم تهتمين بهوايات وإهتمامات الزوج..

أقصى شي أسويه أسأ له من فاز؟؟؟ وأضحك عليه لما فريقه ينهزم خخخخخخخخخخ :31:

شفتوا قمة الإهتمام :31:

انصحوني الله ينور دربكم.... :32:
 
حبيبتي أتمنى أفيدج بتجربتي
أنا الله يسلمج أحب وأموووت في الكورة (أدري غريبة) و زوجي العكس يا سبحان الله
واهتماماته هي مشاهدة المصارعة وبناء الاجسام وهالسولف يعني
أنا قبل ما أتزوج حطيت في بالي اني لازم اشارك زوجي اهتماماته حتى لو ما عجبتني
وطبقت هالشي كالتالي:
زوجي لما يشوف المصارعة على أكشن مثلاً يحب يجكيلي اسم كل مصارع و حركاته (يحكيلي كأنه طفل حبيبي) مع اني ماكنت مهتمة وحسيت المصارعة شي سخيف بس مثلت اني منتبهة ومتأثرة وشابكة عالخط معاه, حتى اني أذكره بموعد البرنامج في التلفزيون عشان يشوفه و حفظت اسماء المصارعين عشان اسولف معاه. تصدقي حبيبتي إنه كثيـــــــــــــر تأثر بهذا الشي وقالي: "تصدقي حبيبتي ما توقعت بصراحة انك ممكن تشاركيني مشاهدة المصارعة أو انك حتى تهتمي" حسيته حبني أكثر و تعلق فيني أكثر
شي ثاني: هو يحب شي اسمه إلكترونيات, وداااااائما يسولفلي عن آخر الاجهزة الصادرة (وأنا ما عندي فكرة عن هالاشياء) بس أتظاهر اني مهتمة واسمعه بانتباه وهذا الشي قربنا كثيييير لبعض صدقيني حتى صار مايحب يطلع مع ربعه كثر مايحب جلسة البيت :)
​
 
الله يسعدك أختي نثاليل ويبارك لك في زوجك وعيالك
يعني مطلوب مني أتظاهر بالإهتمام بمواعيد المباريات وأسماء اللعيبة

اهئ اهئ اهئ اهئئئئئئئئئئئئئئئئئئ وربي مقدر ...أحاول إني أحاول..
 
والله اضم صوتي لصوتك
زوجي يموت بالكورة ويبغاني اشجع معه طبعا وقت المباريات نعلن حالة طواري في بيتنا
أن ماحب الكورة أحب المسلسلات والبرامج الحلوة والأفلام الهندية احس الكورة للأولاد
كيف أخلي أهتماماتي زي أهتمامات زوجي أوالعكس وأن الشي هذا مايأثر علينا ؟؟!!
مشكورة حبيبتي ......
 
يا حبيباتي انتوا لو تعرفوا حلاة النتيجة لمشاركة أزواجكم اهتماماتهم!

قبل ما تتزوجوا أكيد قالولكم إن الزواج مسؤولية و(تضحية)
تضحية يعني انك تضحي شوية بمسلسلاتج و برامجج عشان تشاركيه هو الاشياء اللي يحبها :) صدقيني غصبي نفسج شوية في البداية انك تتابعي معاه الفريق اللي يحبه و يشجعه و سأليه وهو يتابع( بس لما المباراة تكون هادئة وماشية بطيئ عشان ما يعصب عليج :) ) عن قوانين اللعبة واسماء اللاعبين المفضلين عنده وكذا, بعدين لما تتعلمي هالاشياء تناقشي معاه كالمحللين يعني ههههه بس بطريقتك وحتى لو ضحك عليج عاااااادي مشيه لا تهتمي لأنه بعدين رح يفرح كثير لأنه زوجته عندها ثقافة رياضية
صدقيني انا جربت النتيجة حلوة صار يحب يتابع كل شي معاي و يحب يناقشني في كل شي
​
 
أم اياد شكرا لمرورك

أختي نثاليل
الله يسعدك وإن شاء الله بجرب أطبق كلامك لكن يبي لي استعداد نفسي خخخخخخخخخ
 
ههههههه اعتبريه مشروع جديد ولازم تلتزمي فيه :)
 
طيب جربي انك تشوفيها معه مره يمكن تنسجمين اول قبل اتزوج كنت اتحمس مع المنتخب بس وكاس العالم والحين اذا شفتها يجيني غثيان واقول شلون كنت منسجمه معه
 
والله انها تجيب لي النوووم اهتمامات زوجي وشولووون انسجم معها وهي تجيب النووم والله فاضيه مير ماطرا لي
 
مو شرط تهتمين باهتماماااته,,,واستغرب فتاة تتابع كوره وتهتم بالمباريات

اختي اهم شي اهم شي,,,,,,,,,,تستمعين له فقط فقط وماتتذمرين لما يتابع هواياته فقط
وليس ان اتعبين نفسج وتهتمين في كل شي يحبه
فقط اسمعي له باهتمام
 
السلام عليكم..... اخواتي للأسف اصبحن النساء يفعلن الحرام من اجل رضى الزوج لا والله خابت وخسرت من تفعل ذلك ولن تجد الرضى منه وان وجدته لن يستمر اجعلي امامك رضى خالقك اولا حتى يرضي عنك زوجك لأني لم اجد رد منكر لماتقولونه احببت النصح لكن واتمنى مايزعل احد مني لأني بجد احبكككككككككككككككككككككم وجزاكن الله خيرا يابنات احلى منتدى
 
من جد لازم نهتم بهواياتهم
انا قررت مع نفسي اني اتعلم لعب الكورة بالبلايستيشن عشان العب معاه واسليه
لانه طفشني باصحابه يروح يلعب معاهم باستمرار
واخر مرة لعبت معاه وعلمني
وفزت بنتيجه حلوة 4-0 لصالحه
بس انجاز مو؟
 
كيوت ونعم المرة بصراحة عجبتيني
تعبتي من جلسته مع أصحابه على البلايستيشن فتعلمتييها :) هذا هو الصح كوني طفلة مع زوجج ولعبي معاه وسولفي معاه وبتشوفي كيف بيحب الجلسة معاج وكيف رح يقلل طلعاته مع الشباب :)
​
 
أحمدي ربج حبيبتي ,,,,,الكورة هينة ,,,

أنا المحروس اللي عندي ذبحته السياير والسباقات ,,,كله حاطة يدي على قلبي وأدعي يارب يحفظه لي ولعيالي ...

تخيلي احنا السيارة الوحيدة في الدوحة اللي تتطووف كل السياير ,,داااااايما مسرع الله يحفظه ,,,,كله أقوله ليش تدعس بقوو,,, جنني ,,, ومافي سيارة الا سابقها ,,,يتحرش بخلق الله ...

حتى أبوي قال له اذا ما تخاف على بنتي جيبها لي ,,,وأخر مرة صرخت في ويهه وأنا أبكي (( لا تخليني أترمل بدري )) كرهت شي اسمه سيارة ,,,

واللي يبط الجبد انه داعم قبل بس ما يتوووب ,,,,,,الله يحفظه لي ولعيالي ,,,أحمدي ربج تراج بنعمة
 
عيون هالشي بجد خطير والله حرام نحن في بلدنا الحوادث في كل صوب وناس تمووووت بسبة اللي يسرعوا,, دوري قصص من النت و صور عن الحوادث و ورييه عشان يوقف قبل ماتوقع الفاس عالراس
 
nathaleel قال:
عيون هالشي بجد خطير والله حرام نحن في بلدنا الحوادث في كل صوب وناس تمووووت بسبة اللي يسرعوا,, دوري قصص من النت و صور عن الحوادث و ورييه عشان يوقف قبل ماتوقع الفاس عالراس
أنقر للتوسيع...

خليها على الله حبيبتي .......
 
شكرا من الأعمااااااااااااق وأعماق الأعماق على المرور والتعليق

الله يسعدكم ويجمعنا جميعا بجنات النعيم من غير حساب ولا عذاب.
 
والله انا احس احلى شي اذا الريال يحب الكورة وايد سهله وقت المبارة كل شوي دقي عليه قوليله بس هالكلمة وهو بيفهم قوليله كم كم هههههههه وهو ما بيسكت واذا فاز فريقة لبسي قميص نوم بلون الفريق وطلبي عشا واللي نفسج فيه ههههههههههه واذا ما فاز سوي روحج زعلانه والله يعوض عليج في العشا هههههههههه يعني عشان المصلحة
 
اف بس من الكووره وبرامج التحليل اللي بعد الكوره والله طفشت منها لا وبعد قنوات الشعر ادمااان الله يعين​
 
أحححلى شي
تجهــزون قعده.. فشار وعصااير وشبساات

والبسي قميص الفريق اللي ضد فريــق ريلج
واقعدي عداااله
واستااانســو

واتفقو ع شي اذا فاز فريقج او فريقه
يعني مثلا لو فاز فريقج يسويلج شغله تحبينها .. او يسوي العشا
والعكـــس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل