بادئ الموضوع تاريخ البدء
  • المشاهدات 882
  • الردود 3
إنضم
22 أبريل 2007
المشاركات
226
مستوى التفاعل
0
النقاط
0
مساء الخير يا أحلى بلقيسيات،،،،،،،،

لي جريب السنتين من عرفت المنتدى ولله الحمد تغيرت حياتي للأفضل

وأنا اقرا موضوع وحده من البنات لفتت نظري جمله قالتها وحده من العضوات
"الريال مايروح للحرام إلا إذا كان نقص بزوجته"

أنا ماقول إن هالكلام يديد علي أنا أعرف هالكلام من زمان..........
بس الشي اليديد اللي خطر في باله هو هالسؤال "كيف أعرف شو اللي ناقصني؟؟"

شخصية زوجي جنوبي غربي على شرقي!!!!!!!! وأنا شخصيتي شماليه شرقيه

من ناحية الشكل بصراحه وايد أشياء ناقصتني........... بس قادرين نمشي الحال ونغطي بأشياء ثانيه
أنا أقصد من ناحية السلوكيات والتصرفات........ على كثر ماقريت مواضيع أحس إني ماسويت شي يغير حياتي صدق!!!!!!!!!

مادري العيب فيني ولا شو؟؟؟؟؟؟ هو أكيد العيب فيني لأني ساعات اطنش وما أحس إني اهتم وايد!!!!

ياربيييييييييييييييييييييييي إذا كتبت أكثر من جيه مابخلص

ممكن اللي فهمت شي من كلامي تفيدني ولكم جزيل الشكر والتقدير
 
إنضم
18 أبريل 2008
المشاركات
392
مستوى التفاعل
0
النقاط
0
انتي شوفي صفات الشمالي الشرقي اللي غير مرغوبه اكيد فيك وحاولي تغيرين نفسك يعني مثلا العناد او كنتي قليلة الرومانسيه وتفكيرك عملي وشخصيتك قويه اغلب هالاشياء ما يحبونها الرجال واشياء اخري واكيد سبق ان زوجك قال ما احب هالخصله فيك حاولي تتجنبينها والجنوبي حساس ويحب الرومانسيه ادخلي له من الباب هذا
 

اهات الروح

New member
إنضم
15 يونيو 2008
المشاركات
1,204
مستوى التفاعل
0
النقاط
0
مهما حاولنا ان نطور في انفسنا نعلم وبكل يقين ان هنالك الكثيير من الاشياء التي تنقصنا

صدقيني ماحد يقدر يحدد النقص غيرك انتي مع زوجك جلسي مع نفسك وحددي شنو الصفات الي ماتعجب زوجك فيك

لاتقولين مادري . ولا هو مايقول لي . طيب وانتو تتكلمون مع بعض اساليه في وسط الكلام شنو بنظرك الزوجه الكامله

تحس انه ينقصني شي وانا غافله عنه شنو السلبيات الي فيني واذا استحى يقولك او استحيتي تقولين له سويها

له كانها لعبه بينكم اخذي ورقه وعطيه وكل واحد منكم يكتب 5 سلبيات في الاخر يتمنى يغيرها للافضل بعدين تبادلو الاوراق
وناقشو المكتوب

اتمنى لك التوفيق عزيزتي
 
إنضم
22 أبريل 2007
المشاركات
226
مستوى التفاعل
0
النقاط
0
المشكله إنه مايقول إذا شاف شي مايعيبه
كيف بعرف إذا هالشي يضايجه ولا لا إذا هو مايرمس؟؟!!
وبعدين أنا لاحظت عليه شي إذا سكت عنه وغيرت اسلوبي وياه يعتبر هالشي ضعف مني ويبتدي يستقوى علي وأنا بصراحه مب متعوده على هالشي وماقدر اتقبله منه

صايرين أنا هو مثل توم وجيري كل يوم بينا مشكله
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى