كيف أرجع ثقتي فيه؟

[..لمعة عين..]

مرحبااا

حابة افضفض لكم واذا عندكم حل ممكن يساعدني رجاء لا تبخلوا علي
لأني جد متعذبة من التفكير والشك

كنت واثقة في خطيبي 100% كنت أشوفه انسان ما يعرف يكذب وانسان مخلص وكنت اصدق كل شي يقوله

بس من 3 أسابيع كشفته يكلم وحدة بالمسن
وهالبنت تموت فيه من سنين

انجرحت كثييييييييييييير
وبكيت ولحد الحين دموعي في عيوني وانا اكتب

من محادثاتهم يبين ان علاقتهم كانت نوعا ما قوية
المحادثات شفتها بالفيس بوك
لدرجة انه راح ياخذ من بيتها اكلة راح مع اخته

وما رضيت ارجعله الا بعد ما نفذ شروطي
واحسه صادق معي انه قطع علاقته فيها (علاقة صدقاة مو حب حسب كلامه)
المهم

انا لحد الحين ما اثق فيه وما اصدق كلامه بكل شي
صرت اتصل فيه لما يطلع واحيانا اطلب منه يرد ع اتصالي بدون لا يتكلم علشان اتأكد انه مع ربعه

حاول يراضيني بكل الطرق وانا راضية عليه بس مو قادرة انسى
لدرجة ان تجيني كوابيس بالليل عن البنت!!!

وطول الوقت افكّر يمكن يكلمها بالشات الحين واذا طلع اقول يمكن راح لها ويمكن ويمكن ويمكن

التفكير يقتلني

واتصدع بهالسبب و نقصت 4 كيلو وصرت شاااحبة

كيف انسى؟؟؟

يقوللي اني مو متسامحة و لازم اطلع الشر اللي بقلبي

لأن يوم نرجع حلوين مع بعض ويوم ازعل واذكره بالموضوع

بصراحة هل انا زوّدتها؟؟

مع اني عارفة ان ماكان بينهم علاقة حب

بس أعتبرها خيانة

تحسون ان ردة فعلي زيادة عن اللزوم؟؟

ياريت الخبيرات يعطوني حل لهالشك اللي يقتلني ويقتله معاي!!!

 

[دلع قلبه]

عزيزتي زوجك اختارك انتي زوجه ولم يختر من كان يحادثها لانه لايأمنها زوجه وام !!!

هذا يكفيك فخرا واعتزازا بنفسك ويجعل قلبك متسامح
سامحيه بحق ولكني كوني ايضا حذره
لايوجد شاب يعيش هذا الزمان يخلو من العلاقات والمعاصي في كل جهه يلتفت لها يجد الفتن بالمجان
لاتحاسبيه ولاتنفريه اخطا واعتذر ووضح وتاب
لاتجعلي اسلوبك معه سببا في عودته للخطأ
يظل رجل يريد ان يشعر بكرمته ورجولته لاتحرقي هذا الامر فتخسرين
لو كان ابنك صاحب علاقات كيف ستصلحينه!!
عاملي زوجك الان وكانه ابنك
قوي ايمانه واتصاله بالله
استخدمي الايحاء في زراعة ثقتك فيه
(انا اعرفك معدنك طيب انت رجل مخلص,بناتك والولادك سيكونون بإذن الله صالحين لانك اباهم,انت رجل نادر في الوجود استطيع ان اثق بك,احمدلله انك زوجي فإذا سمعت غيري من النساء اشكر الله ان اهداني اياك,,,,,
هذه الجمل عندما يحاول ابليس اغوائه بالحرام ستتردد امام ناظره وسيرتدع بإذن الله
اشبعيه اعرفي نمطه وتعرفي على شخصيته وافهمي الرجال وتفكيرهم حتى لاتتركين له مجالا ينظر لغيرك
تذكري انك في جهاد وان اجرك عظيم في اصلاحه وتوبته
اخلصي نيتك لله سيساعدك الله في صلاحه
كوني اقوى من الشيطان الذي يريد ان يفرق بينكم بوسوسته لك
اخنسيه بالاستغفار بالصلاة بالانشغال بمايرضي الله
http://www.niswh.com/vb/showthread.php?t=239085&highlight=%C7%E1%E3%D5%D1%E6%DD

 

[..لمعة عين..]

مشكورة عزيزتي

عجبني أسلوب الإيحاء وبطبقها ان شاءالله

بس انا بقلبي شك وعدم ثقة

ومو قادرة اطلع الشك اللي فيني

وهالشي يسبب مشاكل بيننا

أحس بغصة فقلبي كل يوم واتذكر الكلام اللي قريته بينهم

 

[ندى الجووري]

اختي ودي اسالك سؤال ممكن
كيف عرفتي ان زوجك يكلم احد وكيف طلعتيها في الفيس بوك ردي علي ضروري لان نفسك انا بس ودي اعرف كيييييف