كيف أجعله يعتذر؟

[أحلى المنى]

سلامي لكم جميعا
حبيت أستشيركم في موقف حصل لي البارحة وبصراحة من القهر ماقدرت أنام وظليت أبكي وبعدين صليت وارتحت الحمدلله ولكن في نفسي غصة منه زوجي الله يهديه ما انتبهت لجرس البيت كان ع الصامت وبعد مدة وجيزة جدا اتبهت ودخل معصب حييييل وهو طبعه مو عصبي نادرا مايعصب بس مو هنا المشكلة أنا بطبعي أميل للصمت والتفكير لما دخل شدني من كتفي وبعدني بقوة عن الكمبيوتر بس انا تعورت مرة وكنت بمشيها بس حسيتها صعبة على نفسي واكتفيت بالبكاء والانسحاب من الغرفة
بس الان ميتة قهر لو رديت عليه بكلمة كان ارتحت بس ماتنفع لو
طبعه مايعتذر بس ممكن يخرجنا او يجيب شي للبيت عامة ويحسب هذا ممكن يعتبر اعتذار بس انا الموقف آكل بقلبي
مشورتكم يالغاليات وتسلمون

 

[^-^ ريـم ^-^]

الله يهديه ويسخره لك
تعرفين في هالمواقف لما يكون مخطئ يعتذرلك اعتذار بس بشكل غير مباشر
في قراره نفسه انه مو مخطئ بس يحط اللوم عليك ولاتتعبين نفسك ماراح يعتذر
انا اقولك طريقه تخليه يتووووب يلمسك او يجرحك وبيحسب مليوووووووووون حساب قبل لايزعلك

انتي ابكي او سوي زعلانه ماتكلمينه اخدميه وسوي له اللي يبي الا ذاااك الشي ممنوووع عقاب له
اووكي بس البكي له مفعوول اقوى
طيب اذا دخل عليك وانتي تبكين فجاه من دون سابق انذار تبكين وهو على باله السالفه انتهت
بيجيك وش فييك ؟
لاتردين عليه وزيدي البكا
بيسالك وش فيك ؟
قومي روحي لغرفه ثانيه وانتي تبكين بصوت عالي شوي بس مو صوت يخرع مثل الاطفال
لا بكا دلع وصوت ناااعم يذوووب بيلحقك الا يعرف اشفيك
طيب اذا جا وسالك مره ثالثه قولي زعلانه عليك شوف عورت كتفي انا مو متعوده تعورني كذا
متعوده عليك دايم تدلعني ولاتجرحني ليه سويت كذا لييييييييييه ااااااااااااااااااااااه وارمي نفسك
في حضنه وابكي وقوولي حراام عليك عورتني يامتوحش مابي زعلانه عليك ابعد ابعد
ولااوصيك بدلللللللللع وصوت عذب يذووب والله بتشوفينه يدلعك في هذي اللحظه ويعتذر لك غصب عليه
لاشعوريا منه بتطلع في هالمواقف الصغيره تحتاجين لكذا شويه دمووع على شويه دلع
وتكون احلى طبخه اوووه اقصداحلى ليله ههههههه
ولاتكدرين نفسك ياعمري كل بيت مايخلى من المشاكل بس اذا صار معصب انتبهي تتكلمين او تردين عليه انتظري تهدا الاوضاع وفيها الف حلال يحلها
جربيها ماراح تندمين

 

[السوسن]

هههههههههههههههههههههههههههههههههههههههههههه

الريم والله عليج فكره شنيعه:icon30: :clap:

بس انا من النوع اذا زعلت افيخ زوجي يعني اعطيه كلمه توجع قلبه وهي (( ماحبك _ ماتحبيني )) وادري ان هالكلمتين غلط جدآ بس من القهر الي فيني اقولها شسوي قولولي

 

[^-^ ريـم ^-^]

السوسن اااااااااااي وش هالكلمه قووويه صرااحه لا لا ماحب اقولها
اخاف اكثر منها ويقوول لي ايه ماحبك ارتحتي خخخخخخخخخ
لا تقولينها انتبهي خلي عندك حكمه في هالمواقف
والله ماعرف غير الدلع في هالمشاكل الصغيره مع اني احيانا اكون انا الغلطانه بس اقلب عليه
خخخخخخخخخخخ
ترى الدلع مفيد جدا جدا
طمنينا احلى المنى

 

[أنين الصمت]

احلى المنى

ياقلبي ادري انك مقهوره بس لاتتنازلين ابد مو يعني تتضاربين لا اااااااااا

بس انتظريه الايام بتجيبه ياقلبي يعني طنشيه كم يوم اذا جاء اشغلي نفسك باي شي وخليك حزينه

هو بيحس فيك يمكن يكابر انا مااعرف طبع زوجك بس اصبري كم يوم انتي وافينا بالاخبار عشان نعطيك الخطوااااااااات

وخليك مثل ماقالت الاخت ريم زعلااااااااااانه بس لاتبكين الااذا جاء واعتذر طول الوقت خليك مثل الطفل المكسور الحزين بدلع طيب

الله يوفقك000

 

[أحلى المنى]

تسلمون حبيباتي ماقصرتوا بس والله من أمس مقهورة وبس اهاوش وأدق بالهرج وأقوله بوجهه إنت غلطان ومالك حق أعرف طريقتي مو صح بس طقيت لاحياة لمن تنادي طبعه هو كذا مايراضيني تمر فترة وبعدين يجينى بالفراش وأنا أموت منها قهر هذي الحركة لأن الفراش مو طريقة اعتذار ولاإيش رايكم
بس حطيت حرتي فيه بس أخاصم وأهاوش وأحيانا أقوله ما أتحمل أنا رقيقة وإنت لين متى تجرح
بس بطنش وأنا عارفة بالأخير طريقة الرضاوة اللي ماتعجبني
وتسلمون لي

 

[خيالة الشرق]

حبيبتي ناقشه باسلوب هادي واهم شى لاتقصرين في حقه الشرعي ا لا ا ذا عادي عندك تلعنك الملائكه حتى تصبحي هذا مو كلامي هذا الرسول صلى الله عليه وسلم اعطيه حقه بس بدون تفاعل منك هذي الحركه بتقهره اكثر

 

[صمتي جرحني]

هههههههههههههههههه والله يابنات عليكم افكار حيل تضحك

وبنفس الوقت ممكن تنفع ....

عزيزتي احلى المنى ...انا لو بمكانك ازعل وابين له زعلي

حتى لورحت له انا وارتميت في حضنه وبكيت ليه سويت

كذا ...وانت عارف ان هذا الشئ مو قصد مني ...وابكي واانت

حاضنته ...صدقيني راح يحس فيك ويتاسف ويقول ماكنت اتوقع

هالشئ ضايقك....

ترا بعض الرجال مايجي في بالهم انك زعلانه وان بعض الحركات

منهم تزعلنا...عشان كذا لاتنتظريه انت روحي واتفاهمي معه

وبيني له انه هذاالتصرف زعلك عشان مايعودها...

بس اهم شئ لاتحرميه من حقه الشرعي ومن تلبية طلباته

ويعطيك الف عافيه

 

[ام الفوارس]

سلام يابنات انا عضوةجديده اصبح عليكم جميعآاعجبني الموضوع حبيت اشارك معكم وانا مع الاخت ريم ماينفع معهم الا كذا وتطنيش بعض الوقت ينفع بعد والله يوفقك الجميع

 

[ساندرا]

طنشيه ورح يرجع لحاله لانه عارف نفسه غلطان وعيشي حياتك عادي ولا تبكي صدقيني لما ما تعتبريه شي مهم بحياتك ............ بخليكي كل شي بحياته ..نصيحه مش اكتر .............هاد رايي:cupidarrow: