كيفية التعامل مع الطفل المتلعثم

[راجيه الرضا]

ازاي اتعامل مع طفل متلعثم ( اضطراب طلاقة الكلام ) ( stuttering ) ??

١- اسمعيه بدون مقاطعة ???

لان الفرق بين الطفل اللي بيتلعثم والطفل اللي مابيتلعثمش هو إن الطفل اللي بيتلعثم بيحتاج وقت أطول عشان يقول اللي عايزه، وبالتالي عشان إنت مستمع فكل اللي عليك وقتها بصفتك مستمع إنك تسمع وبس
بدون مقاطعة، بدون تجااااااهل ، بدون اسئلة اسمعيه حتي وهو بيتهته وحافظي علي eye contact
لازم يوصله رساله انك مهتمة بكلامه جدا ومركزة في كلامه مش في طريقته ???

٢- اتكلمي معاه بهدوء وببطيء
مينفعش بيت يكون في طفل ( stutter ) ويكون كلامنا معاه مشحون او سريع او عصبي لان ده هيوتره نحاول نتكلم بطريقة منتظمة وبهدوء عشان انقله سرعة الكلام المطلوبة
بدل مانقول ( وحدة وحدة .. خد نفس ،، الخ )
احنا نتكلم بهدوء ونتنفس وناخد pause ونتكلم مع الطفل بكل هدوء وصبر ??

ونشجع اي حد بيختلط بالطفل يتكلم معاه بنفس الوتيرة ??

٣- توفير بيئة نفسية سليمة للطفل ???
بنسبة ٦٠ ٪؜ من اطفال التلعثم بيكون السبب نفسي
لو السبب النفسي متعالجش ومتحلش يبقي اي شغل تخاطب ولغة كأنه بيقع علي الأرض ?
نهتم بنفسية الطفل في المقام الأول نبعده عن اي بيئة سلبية بتوتره او بتأثر علي طلاقته
سواء تنمر ،، مشاكل اسرية او عنف

٤- لا تلحي علي طفلك

"تيمو احكي ل uncle عملت ايه في التمرين يلا "
"طب بلاش غنيله الاغنيه اللي انت سمعتها في المدرسة "
" يلا ياتيمو بقي اتكلم "

كل ده للأسف : ضغط ?
ابعدي طفلك عن اي مواجهات اجتماعية محرجة خصوصا لو كان مش اجتماعي هو لو حابب يتكلم لوحده اسمعيه وشجعيه قدامهم لكن بلاش ضغط واجبار واسئلة كتيير ?

٥- مدح وتحفيز الطفل
اهم اداة في ( stuttering ) هي التشجيع
عينك بتشجع
كلامك بيحفز
اهتمامك بكلامه بشده بيحفز
قدام الناس تمدحيه وتطبليله
ينام يسمعك بتتكلمي عنه قدام بابا ???
بس مدح بذكاء منأفورش عشان ميحسش ان في حاجة غلط ???

٦- متركزيش في التلعثم

الطفل ذكي جدا وبيحس انك مركزة في طريقة كلامه اكتر من مضمونه ، ركزي في كلامه وحاولي متركزيش في التلعثم
هتيجي ازاي ؟
بحيلة ،،
بدأ يتهته كملي معاه الموضوع بهتمام وحافظي علي ال eye contact من غير اسئلة ??

٧- قللي اسئلة زودي تفاعل بتعبيرات الوش ??

لأن ، الطفل بيتكلم بمعدل احسن لما يكون علي راحته وبيعبر عن نفسه اكتر مايكون بيتسأل وبيجاوب
بدل منسأل ممكن نعلق والطفل يكمل ??

٨- كل يوم quality time
من نص ساعة ل ٤٥ د
كل يوم وقت ليه هو وبس يكون مرتاح ومش متوتر
وسبيه يتكلم براحته واسمعيه ?
يتكلم في حاجة هو بيحبها ونفسيته بترتاح لما يتكلم عنها
ارشح " وقت الأكل " ?

مهم جدا اننا نتعلم تبادل الأدوار في الكلام وكل واحد يتكلم في دوره ومحدش يقاطع طفلك

قبل اي حاجة وبعد كل حاجة ?
لازم طفلك يحس انك قبلاه زي ماهو بتحبيه زي ماهو سواء بيتلعثم او لأ ???

استفدتوا حاجة ؟!
طِفلي_يَتَكلم