كيس فالمبيض

[الوان]

السلام عليكن خواتي الغاليات

من اسبوع كنت احس بنغزات في طرف اليمين للمبايض
ورحت البارحه اسوي فحص وقالتلي انه في كيس بحجم الليمونه في المبيض الايمن :sad_1:
الدكتوره ماعرفت كيس شو.. مش مائي ولا دهني ! ولازم تراقب حجمه كل اسبوعين :sad_1:
قياسه 3x4 سم .. اذا وصل ال 5 سم لازم يشيلونه بمنظار :sad_1: اللهم لك الحمد

سؤالي هو حد مر بهذا الشي..؟ او سامع عنه؟ ابغي اتطمن :tears:

 

[بنت اليمن2009]

السلام عليكم
أختي إنا دشه ابحث عن نفس الموضوع لان في واحدة من أهلي عندها نفس مشكلتك وخافيه من العملية
وياريت ألي مرت بها الحالة تفيدنا
واسأل الله العافية لكل مريض
ويقومكن بالسلامة ويبعد عنكن كل شر آآآآمين يأرب العالمين​

 

[قصيميه ..]

وعليكم السلام
قبل لا تشيلونه روحوا حق البدويات الي يعالجون شعبي

تلقون عندهم ادويه شعبيه تشيلها من غير منظار

الله يشفيكم ويشفينا

 

[بيبسي بارد]

خيوتي اني مثل حالتتش كان عندي تكيس على المبيضين وتعبت من العلاج والحبوب واخر شي سويت حجامه ومن سويت حجامه راح التكيس يعني انصحش بالحجامه كتبي بالقوقل وراح تعرفي فوائدها

 

[ابنة الشهيد]

وعليكم السلام
قبل لا تشيلونه روحوا حق البدويات الي يعالجون شعبي

تلقون عندهم ادويه شعبيه تشيلها من غير منظار

الله يشفيكم ويشفينا

أختي تقدرين تعطينا أسامي هالادوية الشعبية.. لأني أعاني من نفس المشكلة..كان عندي كيس و شلته بعملية جراحية و الحين رد طلع لي من جديد

ألوان عزيزتي..

سلامات.. ما عليك شر.. عملية المنظار سهلة.. ما تخوف..ممكن يعطونج حبوب أو أبر حق توقف الدورة كم شهر علشان يخف نشاط المبيض.. و بعدين يروح الكيس

 

[سمراوية حلوة]

الله يشفي الجميع ان شاء الله

 

[ساميه1]

الله يشافيج ان شاءالله

 

[**الماسه**]

انا مثلك بالضبط ونفس الشيء تقول مو عارفه هو مائي او دموي...بس الفرق انا حجم 2 سم
الشهر هذا المفروض تكشف هو نزل بعد الدوره او لا بس انا تأخرت ماجيتها بعد الدوره مبااااشره ....والله يعين شكلي بانتظر الى مابعد الدوره القادمه

المهم

وحده من صديقاتي نصحتني بشرب (المره+علك مر+عنزروت طيلة اياااام الدوره) لازم تكثرين يعني مقدار الشرب خلال الدوره كامله مايقارب الكوبين كبار...........تقول انها جربتها وماشاء الله اختفى الكيس
انا جربته بس مو بالكميه اللي طلبتها مني وللحين مدري فيه تتطور او لا مثل ماقلت لك فاتني موعد التصوير
وعادي تكررين شرب هالمنقوع اكثر من دوره حتى تختفي

الله يشفي الجميع

 

[غربه؟]

اختي علاجه حبوب منع الحمل انا جربت هالعلاج اضافه شرب المرمية والقرفه.. كان عندي مقاسه 4 على كلام الدكتوره..بس بعدني ما سرت افحص شو صار خف ولا بعده

 

[بنت اليمن2009]

فوووووووووووق

 

[حووووور]

انا من شهر ونص كان فيني كيس على المبيض اليسار وييوم فحصت قالتلي الدكتوره انه كيس ماي ومايأثر حجمه 4 سم

واذا وصل 6سم لازم اشله بس خيرتني بين حبوب المنع ولا اتريا اذا ينزل مع الدوره قلتلها بتريا ونزلت الدوره ومانزل الكيس لأني كنت احسبه يعورني لما اضغط على بطني جهة اليسار ومر شهر ويتني الدوره الثانيه واعتقد انه نزل لاني ماحس بألم في بطني من جهة اليسار