كوفي شوب(دبي)

[NaNo]

مساء الخير يا حلوات :icon31:

بنات من فتره صغيره سمعت عن كوفي شوب موجود بدبي وبداخل هالكوفي شوب
يوجد حضانه للأطفال ( يعني الأهل يشربوا قهوتهم على رواق والاطفال يلعبون ويستانسون)
بس للأسف ما اعرف لا اسمه ولا عنوانه
علشان جذي ابي اسأل مين تعرف وين هالمكان وشو اسمه وعنوانه ؟؟؟؟؟؟
والله بخاطري اعرف واللي اتدلني عليه جزاها الله الف خير
:bye1:

 

[آه ياقلبي]

هلا بج اختي

وان شاء الله البنات يساعدونج

 

[خبيره ومتخصصه]

عزيزتي
انشاء الله تجديه وانا مابعرفه
والي يسئل مايتوهش

 

[some1]

في قهوة اسمها " كافيه سيراميك "

 

[NaNo]

شكرا اختي بس ياترى اهو نفسه اللي انا اسأل عنه
ويكون داخله حضانة اطفال؟؟؟؟؟؟

مشكورين عالمرور واللي تعرفلي المكان عالاكيد بعزمها
على قهوه :shiny:

 

[انا سلام]

مرحبا اعتقد انه في بالم ستريب بالجميرا

 

[نعومة الورد]

Som 1 >>>> وينها فيه كافيه سيراميك .... بمول ولا وين ؟؟؟

 

[طيري الأخضر]

أول مرة أسمع عن هالكوفي شوب

تمام والله فكرة حلوة إني أشرب قهوة واليهال متطمنة عليهم

 

[NaNo]

مشكورين على الردود
انابصراحه فقدت الامل انه احد يعرف هالمكان
اهو للأسف مش قهوة سيراميكا
يا بنات يا حلوين بليييييييييز ابي اعرف هالمكان وين :tears:

انا سمعت عنه ببرنامج مراسي في قناة سما دبي بس ما لحقت على الاسم والعنوان وراسلتهم بس ماجاوبوني

 

[أم رهف]

سووووووووووووووري
طيب لييه تبقين الفكه من عيالك خليهم
في البيت وطلعي؟؟؟

 

[NaNo]

السالفه ومافيها انا عند ي بنت وحده بس ماشالله عليها ما تهنينا بطلعه مشاغبه
وما عندي احد اخلي البنت معاه وصارلي فتره ماطلعت انا وزوجي وقعدنابدون ما نركز على طفلتنا
ودي نقعد ونسولف مرتاحين وغير جذي تغيير
التغيير حلو واكتشاف الاماكن الجديده
ومشكورين حبيباتي

 

[متفائلة]

الكوفي الشوبات كثيرة ومتنوعة

ممكن تتركينها في مكان لعب الأطفال مثل نادي صغير وتروحين تتسوقين وتشربين قهوة وهلم مجرا

في مجمع برجمان فوق بجانب المطاعم هناك مكان مخصص للأطفال يضعوا شريط على معصم الطفل

ويأخذون رقم موبايلك للاتصال عليك في حالة رغبة ططفلكم بالخروج أو الضرر

ولك متعة التسوق في مرفقات برجمان الجديد


موفقه غاليتي

 

[شـغـف]

همممم.. ما سمعت عن كوفي شوب فيه حضانة أطفال.. مع إني من دبي.. وأسير كوفيات ومطاعم بصورة مستمرة..

لكن..

في سبينس أم سقيم.. ستار بكس كافيه عداله منطقة ألعاب أطفال.. يعني تشربين قهوتج وبنتج في الألعاب..

جربيه.. ألعابهم تفيد طفلتج المشاغبة.. لأنها ألعاب حركية.. تسلق وكور وزحلاقيات وجيه يعني..

يا رب أكون فدتج..

 

[أخت_الشيوخ]

NANO

حبيبتي أنا بعطيج اسم مطعم وااااايد حلو...مسواي من الثلج يعني كأنج داشة ثلاجه هههههههه
كل شي مصنوع من الثلج الكراسي ..الصحون القلاصااااات هههههههه .أذكر يوم يابولي العصير قلت حق ربيعتي مادري أشرب العصير ولا آكل القلااااص ههههههه ...المهم تقدرين ادشين هناك و طبعاً بيلبسونج انتي و عيالج ملابس ع اساس تدفون و ما تبردون لأن درجة البروده اتكون 6 تحت الصفر و انا شفت وايد يهال مستانسين هناااااك و المكااان وااااايد حلو

وهذا مكانه في مركز اسمه Timesquare و اسم المطعم Chill out ويفتحون المطعم من الساعه 2:00 الظهر لين 10:00 بالليل........شارع الشيخ زايد - الله يرحمه -

ان شاالله يفيدج

 

[راجية الجنة]

ما سمعت عنه

 

[مدخن ودخون]

بالنسبه لكافي سيراميك هو في بوظبي.. الي يميز هذا الكافيه انه مكان رائع للراسامين وللي هوايتهم الرسم... يعني تطلبين كوفي وتشترين من عدهم كوب او صحن سيراميك ويعطونج الوان وتقعدين ترسمين في جو الكافيه الرائع واخر شي اما تاخذين رسمتج او تحطينها عدهم يعرضونها في الكوفي... والله الله على الابدعات بتلاقون رسومات تهههههبل معروضه في الكوفي... بس ما اتوقع ان فيه حظانه

وبالنسبالي الفستفال سيتي في دبي مكان مميز للعائلات.. اقعدي في مطعم ايكيا، واطلبي وجبه خفيفهاو كوفي واتركو اليهال يلعبون في قسم الالعاب هناك... وناسه لكم ولهم

 

[شـغـف]

بالنسبة لكافيه سيراميك.. يوجد منه فرعان في دبي..

فرع في مول الإمارات.. وفرع آخر في تاون سنتر في شارع جميرا..

وترسمين فيه على الصحون السيراميك.. وتوضع في الفرن وتستلمينها بعد أيام..

بس الصحون سعرها غير عن سعر الأكل..

اسألي عن سعر كل صحن.. ممكن صحن متوسط يكون بـ 100 درهم..

أميرة القصايد.. وكيف لبستي الجاكيت فوق العباة؟ كان عادي ولا تضايقتي.. كنت أفكر أسير بس أحاتي هالشي..

 

[أخت_الشيوخ]

أميرة ...عااادي الجاكيت طويل و غليظ ومريح بعد عاااادي ....بالعكس و الله وناسه واااااااااااااااايد استانست بس وااااااااااايد بررررررررررررررررررد هههههههههه

بس يعطونج جاكيت مثل ما قلت طويل تلبسينة فوق العباة + جوتي و انتوا بكرامة مصنوع من قماش + قفازااات ....و يوم تطلعين يعطونج القفازات حقج ...الدخول ابـ 65 درهم ....

أنا أنصحج اتسيرين بتستانسين

 

[قوارير]

موجود في مول الامارات في منطقة الالعاب قسم خاص للاطفال الصغار فيه العاب حلوة تناسب سنهم وجنبه قهوة ممكن تجلسون فيها اوممكن تمشون في السوق وترجعون لها بعد ما تخلصون والمكان مسكر وعليه مراقبة 0000000000000000انا عن نفسي لما اسافر دبي احب اخلي عيالي فيه واتمشى في السوق اونجلس في حدا القهاوي الموجودة هناك وصراحة كلها تفتح النفس 0000000000000000000000000000 ياحيييكم بمول الامارات