بسم الله الرحمن الرحيم
احترت اشلون ابتدي وشلون اكتب قصتي
احاول قد ما اقدر اني اختصر قصتي
من 3 شهور ملجت واخذت ولد خالتي وعرسي بعد العيد اذا الله احيانا
مشاعري ناحيته عاديه جدا اخذته بعد الاستخاره مني ومن اهلي والحمدلله الكل كان مرتاح
على الرغم من اني بعد ماعطيناهم الموافقه حسيت بضيقه قووويه والنفسيه صارت عندي
بالارض وتعبت حيييل وهو كان اهلنا وايد يمدحونه انا للامانه ماعرفه وايد بس اسمعه من الاهل انه وايد زين صادف اني قعدت معاه جم مره جدام الاهل قبل الخطبه باجتماعاتنا وكنت بالاول مو متقبلته بس بعدين مادري ليش وافقت وبعد الموااافقه كرهت الدنيا كلها واسودت بعيني
وصار بنفس الوقت قبولي بالوظيفه ويوم اللي رحت اوقع فيه عقد الوظيفه وانا كنت كاارهه كلشي الوظيفه والزواج حاشتني ضيقه قويه وصعوبه تنفس الم بقلبي ونقلوني بالاسعاف للمستشفى ماعرفو شنو فيني قالوا التحاليل سليمه
بعد ماطلعت من المستشفى تحسنت صحيا شوي بس نفسيا لا اللي معانا بالمستشفى لما شافو حالتي قالو فيها عين قويه لان من اي شخص يحاول يقرا علي اختنق واحس روحي شوي وتطلع
المهم ذكرو لي شيخ دين معروف رحت اقرى عنده وكنت دايما اتعب قال فيها عين قويه
انا الحمدلله وبشهاده الكل الله انعم علي بالجمال وتفوق ووظييفه الكل يتمناها وعائلتي الحمدلله منعم عليها
استمريت اروح للشيخ بس ماطلعت بنتيجه كل مره ازيد اكثر سوء واطلع منه بتعب وارهاق
واكره حالتي اكثر لاني انا مو جذي طبيعتي وشخصيتي الحمدلله مو متشائمه ولا كارهه للحياة
وانا الحمدلله من النوع اللي يداوم على الاذكار واحصن نفسي صلاتي والسنن ما اخليهم
قايمه بواجباتي الدينيه بفضل ربي
استمريت وملجت ونسيت لا اقولكم ان ولد خالتي يحبني وايد ووصلني كلام من خالتي وامي
قايل لهم اني لو رفضته ماراح يتزوج نهائيا لان وايد يحبني من يوم كان صغير
بيني وبينكم انا مادري بالشي هذا الا بالسنتين الاخيره حسيت بشغلات منه تبين اعجابه لي
المهم اني ملجت صرنا نطلع مع بعض ونتكلم وانا جد مو متقبلته وكارهه وجوده ومن حبه لي
احس يحب التملك وانا شخصيتي غير جذي شخصيتي قويه ولي منطق واسلوب ودايما يمدح فيني ويقول وايد تعجبني شخصيتي وارائج ومايحب يشوفني مع احد حتى اهلي لما يزورنا البيت لما يشوفني اسولف مع امي يقول يلا تاخرنا خلينا نطلع الحين حتى اهله يقولي مابيج تروحين لهم وايد
على الرغم انهم اهلي خالتي اخت امي قبل لاتصير ام زوجي
لما يدق تلفون علي وما ارد يتنرفز ويقول ليش ماتردين اقوله مو فاضيه ولا مشغوله وانت تعرف
فترة تجهيز واذا طلعت اكون مع اهلي اجهز صعبه ارد عليك يقتنع بس بعدها يقولي مالي شغل دبري لي وقت وانا طبيعة شغلي من الصبح للعصر بعدها يدوب اتغدا واطلع اجهز
تخيلو التعب اللي انا فيه غير جذي اني مو متقبلته وكارهته وتصرفاته تزيد الوضع سووء
في مره كنت اتكلم معاه وانا بالدوام مرت موظفه وسلمت وقالت حبيبتي هو سمع بالتلفون يقووول اشلون تقولج حبيبتي هذي بس لي لاتحاجينها احقريها
بالدوام يبيني كل ارد عليه واتحجى وهو يتحجى بالساعات اذا قلت له وراي شغل يعصب لكن هو اذا كان عنده شغل عادي يسكر يعني عليه عاد وانا لاهو يقول مضغوط عادي وانا لا
قبلوني بالدراسات العليا مضطره اني ارفضها لان راح اسافر معاه ضاق خلقي حيل زود الضيقه اللي فيني يقولي عادي نكمل مع بعض بعدين انا اعرف بس حجي لان وايد شغلات
وعدني فيها وماسواها وانا طبيعتي اذا الشخص قالي كلمه ماحب يخلفها الرياااال كلمه ياناس
هو دايما يفتخر فيني بس بالمقابيل احس الحين يحاول وايد يضغطني من ناحية الوظيفه
والدراسه حتى من شرطي اني ما اغطي ويهي واهلي قالوله ووافق الحين قاعد يقط حجي يقول
انا ماعندي مانع ماتغطين ويهج بس اذا احد التفت عليييج بتهاوش معاه انتي حلوه وصغيره
وماتحمل احد يشووفج ما انت تعرف من الاول هالشي ليش وافقت والحين غيرت كلامك
ياخذ رايي بشي ونتفق عليه بعدها يحاول يغيره بالاول اعصب عليه واتنرفز بس الحين
اقول بالطقاق اللي يبيه يسويه مليت من الحنه وهذا كله بالملجه
اول كنت اسكت واكتم بقلبي بعدها قلت ليش اسكت لازم اخلي احد معاي بالصوره
وقلت لامي وانصعقت قلت مو هذا اللي انعرفه مقلووووب 180درجه وانا اقول لامي انا اخذته على كلامكم انتوا انا ماعرفه مدحتو وبالاخير هذا اللي طلع
امي كلمته وهو انصعق وقال لا ان شاء الله بتغير ومادري شنو
ياعبيد كنك ماغزيت اول يومين صار اوكي بعدها ردت حليمه لعادتها القديمه
قولولي شالحل معاه وايد تصرفااات سخيفه يسويها معاي وانا من النوع اللي ماسكت عن الغلط ويقول ان شاء الله بتغير ولاتزعلين بس ماكو فااايده
واي سالفه اقول رايي فيها يعرف انه صح يقول لا بسوي جذي انقهر واسكت اقول كيفك سو اللي تبيه خصوصا الفتره الاخيره وايد اسكت واخليه يسوي اللي يبي بعدها بيومين يقولي شرايج نسوي جذي مثلا ويكون نفس اللي قلته ولا ممكن يسمع من اي احد اللي اقوله يقتنع فيه بس من ناحيتي انا لا
شنو اسوي بالله عليكم تعتب وريحوني دامني على البر .....
احترت اشلون ابتدي وشلون اكتب قصتي
احاول قد ما اقدر اني اختصر قصتي
من 3 شهور ملجت واخذت ولد خالتي وعرسي بعد العيد اذا الله احيانا
مشاعري ناحيته عاديه جدا اخذته بعد الاستخاره مني ومن اهلي والحمدلله الكل كان مرتاح
على الرغم من اني بعد ماعطيناهم الموافقه حسيت بضيقه قووويه والنفسيه صارت عندي
بالارض وتعبت حيييل وهو كان اهلنا وايد يمدحونه انا للامانه ماعرفه وايد بس اسمعه من الاهل انه وايد زين صادف اني قعدت معاه جم مره جدام الاهل قبل الخطبه باجتماعاتنا وكنت بالاول مو متقبلته بس بعدين مادري ليش وافقت وبعد الموااافقه كرهت الدنيا كلها واسودت بعيني
وصار بنفس الوقت قبولي بالوظيفه ويوم اللي رحت اوقع فيه عقد الوظيفه وانا كنت كاارهه كلشي الوظيفه والزواج حاشتني ضيقه قويه وصعوبه تنفس الم بقلبي ونقلوني بالاسعاف للمستشفى ماعرفو شنو فيني قالوا التحاليل سليمه
بعد ماطلعت من المستشفى تحسنت صحيا شوي بس نفسيا لا اللي معانا بالمستشفى لما شافو حالتي قالو فيها عين قويه لان من اي شخص يحاول يقرا علي اختنق واحس روحي شوي وتطلع
المهم ذكرو لي شيخ دين معروف رحت اقرى عنده وكنت دايما اتعب قال فيها عين قويه
انا الحمدلله وبشهاده الكل الله انعم علي بالجمال وتفوق ووظييفه الكل يتمناها وعائلتي الحمدلله منعم عليها
استمريت اروح للشيخ بس ماطلعت بنتيجه كل مره ازيد اكثر سوء واطلع منه بتعب وارهاق
واكره حالتي اكثر لاني انا مو جذي طبيعتي وشخصيتي الحمدلله مو متشائمه ولا كارهه للحياة
وانا الحمدلله من النوع اللي يداوم على الاذكار واحصن نفسي صلاتي والسنن ما اخليهم
قايمه بواجباتي الدينيه بفضل ربي
استمريت وملجت ونسيت لا اقولكم ان ولد خالتي يحبني وايد ووصلني كلام من خالتي وامي
قايل لهم اني لو رفضته ماراح يتزوج نهائيا لان وايد يحبني من يوم كان صغير
بيني وبينكم انا مادري بالشي هذا الا بالسنتين الاخيره حسيت بشغلات منه تبين اعجابه لي
المهم اني ملجت صرنا نطلع مع بعض ونتكلم وانا جد مو متقبلته وكارهه وجوده ومن حبه لي
احس يحب التملك وانا شخصيتي غير جذي شخصيتي قويه ولي منطق واسلوب ودايما يمدح فيني ويقول وايد تعجبني شخصيتي وارائج ومايحب يشوفني مع احد حتى اهلي لما يزورنا البيت لما يشوفني اسولف مع امي يقول يلا تاخرنا خلينا نطلع الحين حتى اهله يقولي مابيج تروحين لهم وايد
على الرغم انهم اهلي خالتي اخت امي قبل لاتصير ام زوجي
لما يدق تلفون علي وما ارد يتنرفز ويقول ليش ماتردين اقوله مو فاضيه ولا مشغوله وانت تعرف
فترة تجهيز واذا طلعت اكون مع اهلي اجهز صعبه ارد عليك يقتنع بس بعدها يقولي مالي شغل دبري لي وقت وانا طبيعة شغلي من الصبح للعصر بعدها يدوب اتغدا واطلع اجهز
تخيلو التعب اللي انا فيه غير جذي اني مو متقبلته وكارهته وتصرفاته تزيد الوضع سووء
في مره كنت اتكلم معاه وانا بالدوام مرت موظفه وسلمت وقالت حبيبتي هو سمع بالتلفون يقووول اشلون تقولج حبيبتي هذي بس لي لاتحاجينها احقريها
بالدوام يبيني كل ارد عليه واتحجى وهو يتحجى بالساعات اذا قلت له وراي شغل يعصب لكن هو اذا كان عنده شغل عادي يسكر يعني عليه عاد وانا لاهو يقول مضغوط عادي وانا لا
قبلوني بالدراسات العليا مضطره اني ارفضها لان راح اسافر معاه ضاق خلقي حيل زود الضيقه اللي فيني يقولي عادي نكمل مع بعض بعدين انا اعرف بس حجي لان وايد شغلات
وعدني فيها وماسواها وانا طبيعتي اذا الشخص قالي كلمه ماحب يخلفها الرياااال كلمه ياناس
هو دايما يفتخر فيني بس بالمقابيل احس الحين يحاول وايد يضغطني من ناحية الوظيفه
والدراسه حتى من شرطي اني ما اغطي ويهي واهلي قالوله ووافق الحين قاعد يقط حجي يقول
انا ماعندي مانع ماتغطين ويهج بس اذا احد التفت عليييج بتهاوش معاه انتي حلوه وصغيره
وماتحمل احد يشووفج ما انت تعرف من الاول هالشي ليش وافقت والحين غيرت كلامك
ياخذ رايي بشي ونتفق عليه بعدها يحاول يغيره بالاول اعصب عليه واتنرفز بس الحين
اقول بالطقاق اللي يبيه يسويه مليت من الحنه وهذا كله بالملجه
اول كنت اسكت واكتم بقلبي بعدها قلت ليش اسكت لازم اخلي احد معاي بالصوره
وقلت لامي وانصعقت قلت مو هذا اللي انعرفه مقلووووب 180درجه وانا اقول لامي انا اخذته على كلامكم انتوا انا ماعرفه مدحتو وبالاخير هذا اللي طلع
امي كلمته وهو انصعق وقال لا ان شاء الله بتغير ومادري شنو
ياعبيد كنك ماغزيت اول يومين صار اوكي بعدها ردت حليمه لعادتها القديمه
قولولي شالحل معاه وايد تصرفااات سخيفه يسويها معاي وانا من النوع اللي ماسكت عن الغلط ويقول ان شاء الله بتغير ولاتزعلين بس ماكو فااايده
واي سالفه اقول رايي فيها يعرف انه صح يقول لا بسوي جذي انقهر واسكت اقول كيفك سو اللي تبيه خصوصا الفتره الاخيره وايد اسكت واخليه يسوي اللي يبي بعدها بيومين يقولي شرايج نسوي جذي مثلا ويكون نفس اللي قلته ولا ممكن يسمع من اي احد اللي اقوله يقتنع فيه بس من ناحيتي انا لا
شنو اسوي بالله عليكم تعتب وريحوني دامني على البر .....
