كل هذا عشان ماغسلت ثوبه

[جرحوني]

السلام عليكم

كنت مسافرة اسبوع تقريبا او اقل

برضى زوجي طبعا ..

قبل مااسافر كويت ملابسه وجهزت كل شي يحتاجه

رجعت الجمعة وعنده دوااام يوم السبت

اتصل علي في الطريق وقال لي :

اخباركم ... سواليف بعدين سأل متى بتوصلون؟
قلت مدري!!!
قال خلي اخوك يجيبك..
قلت لا خلها بكرا احسن (عشان يمديني اتعدل واتكشخ )
قال : طيب ماعندي ثوب للدواااااااام !!!!!!!!!!!!!!!!!!!!!!!!!

اتفاجأت من برودة احسااااااااسه ..
بس ..
عشان ماعندك ثوب للدوام؟؟
طيب وين مشتاقلك ووين المقدمات قبل الطلب الغريب هذااا؟؟؟

موعادة زوجي يكون جاااف
هو مو رومنسي مرررة لكنه يحااول ..
بس احس حقدت عليه يوم قال ماعندي ثوب للدوام

قلتله ليه ماوديته للغسال
قال نسيت ..
قلت هذا استقبالك لي؟؟
قال : وش اي استقبال ليه ماجهزتيه من اول تدرين اني بدااوم
(( طيب ماعندي مشكلة اجهزه لك بس وش الاسلوب هذا .. انا قاعدة اكلمكم يابنات هو ماقلتله كذا ))

بعدها ارسلي

هذا اللي يجيني من سفرتك تقصير بحقي
واغيب عن الدوام
وزيادة انك تطلعيني انا الغلطان ولاتعتذرين؟؟

وش غلطت فيه يابنات وضحولي؟؟
ولو غلطت الغلط يستاهل الحوسة هذي كلهاااا؟

طيب حتى لو عااارف اني برجع وبوصل بيتي بدري غلط تستقبلني بملابسك الوسخة
غسلهم يوم وبعدها يرجع الوضع طبيعي ..

انا تفاجأت منه ..
هو يطلع منه حركات تقهر ..
بس اول مرة يستقبلني كذاا
كأنه شايفني امسسس ...

وشلون بتصرف معاه ..
أبين له اني متضايقة ؟؟ اطنش الموضوع ؟؟
وش اسوي مقهوووووورة منه ..

 

[شموخ المدينه]

ياقلبي لاتكبريها وهي صغيره ان كانت مو عادته وطيب اغفريها له وعاتبيه بعدها برقه

 

[الماسة 2010]

نفس زوجي الله يعينك علية شكلة شمالي غربي وانتي جنوبية بداية زواجي كلة بكاء وزعل حساسة على اي شي لاكن ون يوم عرفت ان هذا ما يعجب الشمالي تعدلت وصرت اكتم واتغاضا كثير الله يصبرنا ويصبرك اكتبي لة رسالة انا اسفة وحقك علي بعدين اذا هدا عاتبية هذا الي عندي ان شاء الله البنات يفيدوك دعواتك بتسخير زوجي وشفاء بنتي

 

[ياربي انصرني]

اللي حدث لك يحدث لاي وحده تسافر كثير من الرجال اذا سافرت زوجته يضيع ولايعرف كيف يتصرف واحيانا ترجعين تلاقين البيت محيوس ومقلوب راس على عقب ----وبعضهم ماشاء الله عليه ديمقراطي يغسل ويكوي وينظف البيت ويرمي النفايااات ---

زوجك من النوع العجااااز لان حتى ثوبه ماوداه للمغسله ينتظرك تجين تغسلينه -----وهذا طبع في بعض الرجال الفوضويه والعجز وصعب بتغيرين طبعه في يوم وليله لانهم تعودوا في بيوت اهليهم على عدم تحمل المسؤليه والاعتماااد على النفس000وانا اعاني من زوجي في بعض الاحيان من عجزه لكني ربيت ولدي اللي بثاني ثانوي على الاعتماد على نفسه لاني مابغى زوجته تعاني مثلي ههههههه

لذلك وسعي صدرك وحاولي تحلين الموضوع بحكمه وهدوء والله المستعااان000

 

[جرحوني]

شموخ المدينة والماسة 2010

تسلمون حبيباتي على الرد ..

(ياربي انصرني )

بالعكس هو مو اعتمادي ..
يعني قبل لايتزوج كان عايش فترة بلحاله مع اخوانه
وكانوا يشيلون البيت
من تنظيف وترتيب .. الخ ..

بس مصدومة منه ..
يعني مو عادته اذا جيت من سفر كذا يعاملني ..
بالعكس كان يتشوق متى اجي ..
وعشا .. وقد سوى لي شموع وحركات ..

يعني انا ليه بجلس عند اهلي الا عشان بتعدل له
وهو ليش يبيني اجي اليوووم؟؟؟ عشان اغسل ثوبه ..
مارااااااااح اغسله ..

 

[احلى فجوري]

الله يعينك ويصبرك

 

[أحبه ولكن]

اللي حدث لك يحدث لاي وحده تسافر كثير من الرجال اذا سافرت زوجته يضيع ولايعرف كيف يتصرف واحيانا ترجعين تلاقين البيت محيوس ومقلوب راس على عقب ----وبعضهم ماشاء الله عليه ديمقراطي يغسل ويكوي وينظف البيت ويرمي النفايااات ---

زوجك من النوع العجااااز لان حتى ثوبه ماوداه للمغسله ينتظرك تجين تغسلينه -----وهذا طبع في بعض الرجال الفوضويه والعجز وصعب بتغيرين طبعه في يوم وليله لانهم تعودوا في بيوت اهليهم على عدم تحمل المسؤليه والاعتماااد على النفس000وانا اعاني من زوجي في بعض الاحيان من عجزه لكني ربيت ولدي اللي بثاني ثانوي على الاعتماد على نفسه لاني مابغى زوجته تعاني مثلي ههههههه

لذلك وسعي صدرك وحاولي تحلين الموضوع بحكمه وهدوء والله المستعااان000

صادقه ..انا لو سافرت ورجعت اشوف البيت حوووسه ومقلوب فوق تحت .واول ماادخل يضيق صدري ..<<باستقبل التنظيف والغسيل ..
اما بالنسبه لكلمته (طيب ماعندي ثوب للدوام ) ترى تجي من كثير من الرجال ..زوجي(شمالي غربي) احيانا ينسى نفسه اذا سالته وقلت بساافر يقول <<ومن يطبخ لي ؟؟!!<<<هع :31:
عااد انا ارد عليه بنظرة استغرااب من يطبـــخ لكـ ..الحين مامني فايده غير الطبخ عاد يطلع الكلام الحلو غصب <خخخخخخخ
مشي له هالساالفه ..وبعده بفتره اذا صفت نفووسكم وجلستوا جلسه حلوه بيني له انه ماعجبك اسلوبه وانه المفرووض عبر عن شوقه وتعبه بفراقك <<لااانه بيشغلك بسالفة انه وافق تساافري مع اهلك (لانه شمالي بيخليك غلطانه غصب ) ..<فابعدي عن الشر وغني له ..
وبالتوفيــق يالغلا .​

 

[الحب غلطه]

حبيبتي هدي نفسك ولا تكبري السالفه هو اكيد مشتقلك لك ويمكن وده تجين على طول وماعرف يعبر قام قال الثوب وسخ اعذريه دامه انسان طيب وعديها ولاتشيليها بنفسك ابدا وعادي روحي واغسلي ثوبه والله يألف بين قلوبكم ويحفظكم لبعض...

 

[ليمونة فوشية]

.. الله يفرج همك ..
استني عليه كم يوم وراح يرجع مثل اول ..
المهم تجنبيه .. اكيد عنده مشكله وماعلمك فيها ..

 

[حلمي الماجستير]

حبيبتي
اللحين انتي رحتي وانبسطتي واحمدي ربك على هذي النعمة غيرك ما يخللي مررته تخررج من البيت ابدا

لو انا مكانك وبيت اهلي قريب من بيتي بقله طيب جيبها ليه ببيت اهلي وخلي اي احد من اخوانك او اخواتك الصغار ياخذونها منه بس لاتخرجين له انتي يعني من عند الباب وانتي اتحججي باي شيء وانك مو فاضيه تستقبلينه اغسليها واكويها واديها واحد من اخوانك يوديها بيتك

لاتخلي ابليس يدخل بينكم
حلو انه يعتمد عليك بصررراحه وبعدين الغسال بيغسل الثياب اللي عنده كلها سوا تجيبين له الامراض ليش
مرررره تاانيه فكري بعقلك بحل للمشكله بدوون تشغيل عواطف بس ترووحين عندهـ بيعبر لك عن مشااعرهـ زي ما انتي حآآبه
سووري الكلام ملخبط بس حبيت اساعدك بفكره

ادعيلي ربي يسرلي اموور زواجي

 

[جرحوني]

يالبى قلوبكم كلكم
مشكوراااات حبيباتي على المساعدة كلكم بدون استثناء ...

 

[شرووقه]

حبيبتي عادي لاتكبرين الموضوع مادام انها اول مره يمكن كان مشتاق لك وهذي طريقة تعبييره

 

[جرحوني]

تسلمين شروقة..

 

[سميره الفضلي]

لاتعليييييييق...
ماأقول غير الله يوفقك..ويسعدك

 

[نـ هـ ـى]

طيب شرايك لو انه يتزوج وحده ثانيه عشان لو سافرتي وتركتيه تقوم في خدمته مو احسن ؟؟؟؟
اعتقد انه مااخطأ ...
هو قال ماعندي ثوب له قصد لكنك رحتي بعيد الله يهديك وكبرتيها وهي صغيره ..........
طلبتي منه انك تبقين عند اهلك عشان تكوني جاهزه له وهو وافق لطلبك مبدئياًّ وبعدها قال لك ماعندي ثوب !!؟
يعني تعالي في حالتك وتجهزي له في بيته الله يهديك ..............
والشيطان حريص مافرح على الله انه تبداء الشراره وكلمه منك وكلمات منه
تعوذي من الشيطان وتأسفي منه واعطيه بوسه على راسه وقولي والله غلطانه بحقك وماكنت اقصد وشوفي شلون تتغير الاحوال
عساااا الله يهنيكم ويخليكم لبعض ولا يفرق بينكم 0-​

 

[وحده فاضيه]

صدقين معناه انه مايقدر يستغنى عنك حتى في ابسط شي
يعنى يحبك ويحب شغلك

 

[جرحوني]

سميرة الفضلي ..

مشكورة لمرورك


نهى ..
تسلمين حبيبتي ردك مقنع ..
بس برضه تعبيره غلط ..
عموما السالفة انتهت والحمدلله يارب

 

[جرحوني]

وحده فاضية

يسلمووووو

فرحتيني

 

[الوجه المليح]

والله عاادي حبيبتي ماتكوني حساسة من شغلات بسيطة ابني له اعذار ورح ترتاحي

يمكن هو مارضى اتمري على بيت اهلك وعشان خاطرك وبس وافق و بدون رضى تام من طرفه وكلامو عن الغسيل يمكن هي ردة فعلو عن عدم تقبله التام المرور باهلك اولا

 

[جرحوني]

الوجه المليح ..

مشكورة حبيبتي .. على الرد الراقي