مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

كل ما ارجعه.......يخرج تاني

ام القمورة

New member
إنضم
24 ديسمبر 2006
المشاركات
133
السلام عليكم ورحمة الله وبركاته
اخواتي
مشكلتي مع زوجي انه لا ينام معي في الغرفة
مرة بحجة الاطفال
ومرة بحجة انه يريد المكيف(ونحن في الشتا يفتح المكيف,واصلا عمره مانام من غير مكيف)
وكل مرة اسوي خطط عشان يرجع
مرات بمضاربة
ومرات بزعل
ومرات بحب وتسحيب
بس خلاص طفشت
صراحة انا دحين متضاااااااااااااااايقة وبس ابكي في الليل لوحدي
وصارلنا شهر و10 ايام
وقبل يومين رحت لغرفته وكلمته وبكييييييييييييييت
رجع قال انه ما يقدر ينام بدون مكيف
وانا بصراحة اطقطق برد
اش اسوي؟؟؟؟؟؟؟؟؟؟؟؟؟؟؟؟؟
 

غايه99

New member
إنضم
14 ديسمبر 2007
المشاركات
28
:msn-wink:أنصحك اختي نامي معاه وين مايكون وحتى لو برد ومشغل المكيف تلحفي بعشر لحافات بس لاتتركينه بروحه ينام:msn-wink::msn-wink:
 

zohor10

New member
إنضم
19 أغسطس 2007
المشاركات
25
عزيزتي...لا تخربي المكيف ولا غيره ...نامي معه وين بيكون .واذا حاط له غرفه لوحده يليت تحوليها لغرفه مزدوجه لكم ..ويليت متنومي معكم اطفالكم يمكن هذا الى يزعله منك ويخليه ينام لوحده .
 
إنضم
18 يناير 2008
المشاركات
257
مثل ما قالوا الاخوات لاتخلينه يتعود ينام لحاله نامي معه وين مانام والله يوفقك
 

ام القمورة

New member
إنضم
24 ديسمبر 2006
المشاركات
133
بناتي وحدة عمرها سنة والتانية سنتين
وهو مو راضي ينام معانا لانهمم تعبانين
وهو يبغى مكيف
وما اقدر انومهم لوحدهم لسه صغار
وهو يقولي انهم ما ينامو بعيد عننا الابعد5سنين
 

*روعة*

New member
إنضم
15 ديسمبر 2007
المشاركات
592
نفس كلام الأخوات
مش حلو يتعووود على النوم لحاله
وحاولي توطي على المكيف وتغطي كويس
 

مستغربه

مشرفة عالم الرسم والرسامات
إنضم
9 أكتوبر 2006
المشاركات
1,012
سنه وسنتين مب قادرة تنومينهم بغرفة لحالهم.؟؟؟؟

عزيزيت من تجربتي الشخصية كام ل 3أطفال بنتين وولد...

ماشاء الله لا قوة الا بالله
ابنتي كملت معانا سنة ونص بحكم انه كنا في بيت اهله وما عندنا الا غرفة وحده

لما انتقلنا كان ولدي عمره 6 شهور وبنتي سنة ونص حطيتهم مع بعض في غرفة بروحهم واشتريت جهاز الصوت وحطيته جمبي وخليت باب الغرفه مفتوح...

بنتي الصغيرة الله يحفظها...

لما كملت 5 شهور حطيتها معاهم...

لا تخافين شو بيصير فيهم يعني .؟؟؟
اذا بكوا قومي وعطيهم الحليب وارجعي نامي ...

لا تسمعين للي يقولج حرام وما ادري شو من هالخرابيط...
والله الاجانب من اليوم الاول يحطونهم في غرفة لحالهم بس عشان ما تزعج زوجها ويكون لها كرسي هزاز في غرفة ولدها تنام عليه...

في النهار حبيهم وحني عليهم وبوسيهم وعطيهم كل الحب والحنان بس وقت النوم حسسيهم انه وقت نوم مافي اي مجال للعب والكلام...

نوميهم من الساعة 8 مساءا
وكوني صارمة في هالموضوع
بينامون لين الساعه 8 الصبح بالكثير والحين شتاء بينامون لين 10

شغلي لهم قران في الغرفه ووطي عليه وخليهم ينامون عليه...
وما بيكون عليه شر باذن الله..

انتي أم قودي حياتج ولا تخلين فرصة لاشياء بسيطه تأثر بعلاقتج بزوجج...
وادعي ان الله يساعدج على تربيتهم التربية الصالحة واحتسبي الاجر في تربيتهم...

من اليوم جهزي غرفتهم ...
وانقليهم فيها واذا قالج زوجك شيء قوليله استشارية اطفال نصحتني بهالشيء عشان مصلحة البنات وعشان اعلمهم الاستقلالية .....
خلج واثقة من كلامج وخليه يحس انه عندج منطق وقادرة تديرين حياتج صح...

واذا عليه هو بعد ما تنقلين بناتج لا تتكلمين وايد ولا تقوليله تعال عندي ولا شيء...
كل اللي عليج تسوينه تكونين مغريه وشعرج مرتب وريحتج وريحة الغرفة تكون روعه....

وتجلسين بكل هدوء بالغرفة ترتبين اظافرج او تدهنين جسمج وريولج بالكريمات او تقرين كتاب او تجلسين عالنت...

بيموت قهر وبيقعد يوم يومين وبعدها هو بنفسه بيقولج اريد انام معاج....

قوليله بس انا تعودت انا بروحي مابي :evil_lol:

وادعيلي بعدها....
والله يوفقج....
 

Hiba Hmayed

New member
إنضم
13 أغسطس 2007
المشاركات
56
والله انا مع كلام اختي مستغربه الله يجزيها الخير ما قصرت
تحيات لك يا غاليه
 
إنضم
9 ديسمبر 2007
المشاركات
164
حبيبتي


قولي له

الوقت الي تبيني فيه ومشتهيني


تعال الغرفه


انا موجوده انت الي طالع
 

شـغـف

New member
إنضم
11 يناير 2007
المشاركات
2,045
خلي عيالج في غرفة بروحهم.. شو بيصير عليهم؟؟

وراي غاليتي مستغربه سليم وحكيم..

لا تخلين لزوجك عذر إنه يطلع من الغرفة أبدا!
 
إنضم
20 يناير 2008
المشاركات
98
الله يحنن قلبه عليك
احس انه يتغلى وبس
حاولي تعرفي شو اللي يضايقه يمكن صاير شئ بالدوام وامكن لا سمح الله مريض ومايبي يضايقج
والله اخبرك شي البسي شي ثقيل وتوكلي على الله ونامي معاه لا يردك مكيف ولا شي
وما في مشكله وما لها حل
 

ريح خزامى

New member
إنضم
19 يوليو 2007
المشاركات
274
سنه وسنتين مب قادرة تنومينهم بغرفة لحالهم.؟؟؟؟



عزيزيت من تجربتي الشخصية كام ل 3أطفال بنتين وولد...

ماشاء الله لا قوة الا بالله
ابنتي كملت معانا سنة ونص بحكم انه كنا في بيت اهله وما عندنا الا غرفة وحده

لما انتقلنا كان ولدي عمره 6 شهور وبنتي سنة ونص حطيتهم مع بعض في غرفة بروحهم واشتريت جهاز الصوت وحطيته جمبي وخليت باب الغرفه مفتوح...

بنتي الصغيرة الله يحفظها...

لما كملت 5 شهور حطيتها معاهم...

لا تخافين شو بيصير فيهم يعني .؟؟؟
اذا بكوا قومي وعطيهم الحليب وارجعي نامي ...

لا تسمعين للي يقولج حرام وما ادري شو من هالخرابيط...
والله الاجانب من اليوم الاول يحطونهم في غرفة لحالهم بس عشان ما تزعج زوجها ويكون لها كرسي هزاز في غرفة ولدها تنام عليه...

في النهار حبيهم وحني عليهم وبوسيهم وعطيهم كل الحب والحنان بس وقت النوم حسسيهم انه وقت نوم مافي اي مجال للعب والكلام...

نوميهم من الساعة 8 مساءا
وكوني صارمة في هالموضوع
بينامون لين الساعه 8 الصبح بالكثير والحين شتاء بينامون لين 10

شغلي لهم قران في الغرفه ووطي عليه وخليهم ينامون عليه...
وما بيكون عليه شر باذن الله..

انتي أم قودي حياتج ولا تخلين فرصة لاشياء بسيطه تأثر بعلاقتج بزوجج...
وادعي ان الله يساعدج على تربيتهم التربية الصالحة واحتسبي الاجر في تربيتهم...

من اليوم جهزي غرفتهم ...
وانقليهم فيها واذا قالج زوجك شيء قوليله استشارية اطفال نصحتني بهالشيء عشان مصلحة البنات وعشان اعلمهم الاستقلالية .....
خلج واثقة من كلامج وخليه يحس انه عندج منطق وقادرة تديرين حياتج صح...

واذا عليه هو بعد ما تنقلين بناتج لا تتكلمين وايد ولا تقوليله تعال عندي ولا شيء...
كل اللي عليج تسوينه تكونين مغريه وشعرج مرتب وريحتج وريحة الغرفة تكون روعه....

وتجلسين بكل هدوء بالغرفة ترتبين اظافرج او تدهنين جسمج وريولج بالكريمات او تقرين كتاب او تجلسين عالنت...

بيموت قهر وبيقعد يوم يومين وبعدها هو بنفسه بيقولج اريد انام معاج....

قوليله بس انا تعودت انا بروحي مابي :evil_lol:

وادعيلي بعدها....

والله يوفقج....
عين العقل ماشاء الله عليك 000كلام 100/100
 

شٌموس

New member
إنضم
8 ديسمبر 2007
المشاركات
10
الاخت المحتاره موضوعك بسيط زوجك يتدلع ومو حاسس بقيمتك فلازم توريه ان خروجه من الغرفه مونهاية العالم واتبعي خطة الأخت مستغربه وحتكون ناجحه بعون الله تعالى
 

dr_sayed_sara

New member
إنضم
5 يونيو 2007
المشاركات
142
أختي مستغربة جابت من الآخر يعني شنو راح يصير بالعيال خليكي مع زوجك و كمان ما أكثر الهدوم حبيبتي إلبسي كل الهدوم إلي في الدولاب و نامي جنيه هو هيدفيكي :)
 

ام القمورة

New member
إنضم
24 ديسمبر 2006
المشاركات
133
جزاكم الله خييييييييييييير
والله يسعدك يا اخت مستغربة
لكن المشكلة موانا اللي ما ابغاهم ينامو لوحدهم
المشكلة انه هو اللي رااااااااااااافض تماما انهم ينامو لوحدهم
قد ما كلمته ووريته مقالات وكلام وقلتله كلهم يقولو
ومو بس كده كمان جربيتها كم مرة
لكنه دااااااااااااااااااااااايما تصير مضاربات كبيرة على هذا الموضوع
عموما هو يخاف على بناته من الهوا
وتقريبا 80 في المية من مضارباتنا عشانهم
بس من جد انا دحين حاسة اني ما ابغاه يرجع الغرفة
جالسة اقول في نفسي كلها سنة او سنتين وحيكبرو وطبيعي حينامو لوحدهم
اما هو حنام معاه الين مدري متى
يعني خليني معاهم وماعليه منه
 

umm_reem

ملكة
إنضم
3 أكتوبر 2006
المشاركات
744
تبين شوري,,,,
البسي ثقيل..وتدفي زين...والحقيه الغرفه اللي هو يرقد فيها....قوليله ما اعرف انام بعيد عن حضنك...حضنك هو بيتي...
بدون اسلوب الشد..والزعل...لأن احتمال يخليه يعاند....
واذا تحاتين العيال...عندج جهاز الصوت..مادري شو يسمونه؟؟؟اللي يطلع صوت البيبي اذا كان يصيح..او قام.....بيساعدج في هالحاله
والله يسخركم لبعض
 
أعلى