اخذت نفس طويل وغمضت عيوني وذاكرتي رديتها لورى
بقولكم حياتي اللي مرت مثل روايه عجيبه .. يمكن ما أعرف اعبر بس بحاول اعطيكم حياتي بتفاصيلها
كنت بثالث متوسط
جسمي صغير ويمكن تفكيري برضو صغير اللي يشوفني مايقول عمري 15 يقول عمري 10 سنين
شعري طويل يمكن لنص ضهري وناعم على امي طبعا وعيوني وساع وناعسه والاسود غالب على الابيض الشي اللي ملفت فيني عيوني رموشي كثيفه وطويله وحواجبي كثيفه وكأنها مرسومه
ملامحي عاديه جدا فقط عيوني الجميله
ويمكن شعري .. كان لونه غجري وليه "كان" وللأن لونه غجري ونص ضهري وغالبا ما اربطه ذيل حصان ناعم مثل امي وصل عمرها 40 وشعرها ناعم وماتغير بس امي ماشالله انعم مني بكثير .. انا ناعم بس مموج وطالع شكلي طفولي اكثر
مممم انا مو بيضا ولا سمرا برونزيه
خشمي عادي جدا
كنت قصيره وهذا اكثر شيء مخليني طفوليه ومربربه
من هذاك اليوم حبيت انقلكم قصتي
هذا اليوم بالنسبه لي غير غير عن كل الايام بطلع من فترة الطفوله وبدخل عالم غير
عالم يضم ناس عمالقه
عمالقه !!
بالنسبه لي عمالقه لاني قصيره
غمضت عيوني وانا اسمع المديره تنادي وحده وحده تكرمها وبعد نص ساعه بتبدا المسيره اللي اكثر شيء متحمسين لها بحفل التخرج
سمعت اسمي وجتني نفاضه وحسيت بالخوف
قبل اي خطوه تردد مشيت بخطوات سريعه
واخذت منها الدرع وسلمت عليها
كنت حابسه دموعي مابي يخرب الميك آب اللي مكبر ملامحي الطفوليه
بس للاسف خانتني دموعي مجرد ماشفت امي ترقى على المسرح بصعوبه لكبر سنها
حضنتها وجلست اصيح
حتى مدري بذاك الوقت وش قلت لها اصلا
ماكنت اشوف الا امي
سلمت بعدها على خالتي اللي صاحبت امي
او امي صاحبتها ..
نزلت من المسرح وانا اشوف الامهات كل وحده تصور مع بنتها ولا تصور بنتها وصجه وازعاج
بدا الحفل بحماس قوي وانتهى بدموع غزيره
سحبتني ميمي لمكان اللي ضم ذكريات رهيبه رسخت بالذاكره
هذا المكان اللي ضمنا بعد كل حصه رابعه حصة الرياضيات لا هربنا من الحصة
والمكان اللي ضمنا لا جبنا الممنوعات
وهذا المكان اللي ضم سواليفنا وضحكنا وبعد حزننا وصياحنا
جلست أتأمله ولاشعوريا طاحت دموعي
مكان صغير مستودع بس احنا فضيناه ونضفناه وخليناه لجمعتنا
ميمي : اقول العنود انا ماجبتك تصيحين وتتذكرين خلي الحزن على جنب تعالي نصور
طلعت كمرتي واخذت لاعز 3 صديقات لي اللي حبيتهم وبضل احبهم يمكن الزمن يفرقنا وبالصدف يجمعنا
اخذت يمكن 8 لقطات وبديت اصور كل جزء من المدرسه بالنسبه لناس بيشوفون المدرسه اقل من عاديه
بس انا كنت اشوفها قبل كريهه والحين عضيمه
آآه الزمن يجمع الاعداء ويفرق الاحباب
حضنت منيره ومزنه احنا مانقولها مزنه عشان ماتتعقد اسمها كبير على عمرها نسميها ميمي
وهاجر كلهم اعزهم واحبهم بس ميمي غير
ميمي اهي اللي تعرف صغيره وكبيره بحياتي
اقولكم عنها بعدين او انتم اكتشفوها من خلال قصتي
حضنت اغلى صديقات مضيت معهم 9 سنوات آآه مسرعها مرت
امس كنت اصيح خايفه بدخل أولى ابتدائي واليوم اصيح بودع المدرسه وبدخل الثانوي
ياترى بعشق الثانوي مثل الـ 9 سنوات مرت مثل البرق
آآه الله يعلم
جت امي تلهث اهي وخالتي
امي : وينكم بالله هذا مكان تجلسون فيه يلا عنوده مشينا
التفت على امي اللي متركيه على الباب وركبها تعورها وخالتي اللي تناضرني وكأنها تقول اخلصي علينا بنمشي
ودعت صديقاتي وسويت لهم بوسه بالهواء
وطلعت بالساحه البس عبايتي
امي : يلا العنود استعجلي اليوم بنطلع للمزرعه
انا : طيب يماه البس عبايتي
خالتي : اسمعي امك ماتتحمل الوقفه كثير بطلع انا وياها وتعالي
انا : زين زين اطلعوا وبالحقكم
خالتي : بس اسمعي سواقكم ماجاء اللي بيرجعنا ماجد
شهقت : مــــــــاجد !!
خالتي : يلا بلا افلام هنديه بطلع والحقينا
انا : زين زين
طلعوا خالتي وامي
ولبست عبايتي وحطيت شنطتي على كتوفي
حسيت بيد على كتفي
التفت لقيت ميمي وهي حابسه دموعها
انا : ميمي !!
ميمي : العنود بفقدك
خنقتني العبره : وانا بعد بس برضو بلزق في بيتكم
ميمي تنهدت وتنسندت على الجدار : حتى لو مو قادرين نجتمع مثل قبل مو قادرين نسولف مثل قبل كلش بيتغير بحياتنا كلش
حضنتها : ميمي حياتي لاتخليني اصيح "شهقت" بقولك شيء
ميمي : وشو ؟
ابتسمت : ماجد اهو اللي بيردني
ميمي : جد والله !! يابختك
غمضت عيوني وسرحت بعالمي الخاص
صحيت بصوت ميمي
ميمي : يالخبله بسرعه روحي امك بتلفعك
انا : اوووه نسيت يلا باي
ولوحت لها بيدي وجيت بطلع بس وقفت فجأة والتفت ببطء ورفعت راسي اتأمل المدرسه
شفت شباك فصلنا اللي مليان بصمات اصابع وكتابات وكل وحده عبرت مشاعرها بالشباك وبالجدار
اما انا كاتبه بخط صغير ولون احمر "احبك ماجد" وحطيت روج وبست الكلام
للحين اشوفها واتمعن فيها فيني شيء مايرضى يخلي غيري يستولي على المكان اللي يحضن 9 سنين صارت الحين فقط ذكريات أليمه
سويت بوسه على الهواء وتغطيت بطرف الطرحه وطلعت
ماجد ولد خالتي بس بالنسبه لي مو بس ولد خالتي
كنت اناضره بنضره غير احبه اعشقه
من كان عمري 8 سنوات وابواب الحب مابعد تفتحت بقلبي بس كنت اشوفه غير عن العيال
ماكنت اعرف ان هذا (الحب)
بس كنت متأكده من شعوري بالنسبه له ايش
بس للاسف حب من طرف واحد !!
اهو حتى مايعبرني
يعشق بنت خالتي اسمها هيفاء
اهي صديقة عمري وحياتي
بس كنت احسدها على اهتمام ماجد فيها
كنت اتمنى لو شعورة ينقلب معجزه يوم من الايام لي
بس مول مايفكر فيني
حسام يعشقني شويه عليه كلمة يعشقني
بس للاسف ما احبه ابدا
سبحان الله !!
شوف الزمن يضحك علينا
اللي احبه مايعبرني ويحب اللي ماتفكر فيه
واللي يحبني ما افكر فيه
صحيت من افكاري على صوت امي
امي : كل هذا تلبسين عبايتك
انا : يماه آخر يوم لي بهالمدرسه طبيعي اتأخر واسوي اللي ابي
امي : من جد قلة حيا
انا : زين يماه آسف
امي : ثاني مره لاتعودينها انا سامحتك لان هاليوم تخرجك
انا : اشواه بعد
سمعت صوت ماجد اللي ابتسم
ما ابتسم عشانه يحبني
لا
ابتسم لاني بديت اتغطى عنه
بديت ممممم قبل امس يوم رحنا لمزرعه امي سحبتني وجلستني عندها وقالت لاتروحين مع العيال
ماجد : مبروك يا العنود عقبال ماتتخرجين من الجامعه
انا : الله يبارك فيك
عم الهدوء بالسياره من جديد
انا من يوم عمري 3 سنين وانا امشي مع العيال لان مافي بنات كبري هيفاء اصغر من بسنه وكانت صيوحه ومتعلقه بأمها
فضطريت امشي مع العيال اللي بيني وبينه فارق فالعمر
كانوا ذاك الوقت عمرهم 7 سنين
اندمجت معاهم وصرت وحده من شلتهم الا قبل امس
صعب تفارقين شله عاشرتيها طول حياتك
بس هذي الدنيا ..
صح ان هذاك اليوم كله مانمت وكنت احس بضيقه لاني ماراح اشوف ماجد كثير او يمكن ماراح اجلس معاه اخذ واعطي
تنهدت بضيق
حست خالتي بالضيق بس للأسف محد فاهمني او فاهم سبب ضيقي
خالتي : العنود !! ادري ان صعب تفارقين شلتك ووناستك اللي بتندفن برمل المدرسه وبتصير فقط ذاكره بس اصبري الدنيا كذا بكرا بتفارقين اهلك وتروحين بيت رجلك
انتفض قلبي من كلمه "رجلك" بسرعه ناضرت ماجد من المرايا اهو حتى ماعبرني جالس يسوق ويناضر الدرب
وسيم !!
شويه عليه كلمه وسيم
فيه كل معاني الجمال والوسامه
عيونه ذباحه نضراته ..نضراته اهي اللي اكثر شيء خاقه عليها كانت ولازالت نضراته حاده وتحسينها تحمل معاها حزن وألم كتمها بعيونه وبخافقه بذاك الوقت اخاف اتهور واحضنه من ورا بسبب نضراته الذباحه عيونه وساع وتقريبا مثل عيوني بس اهو حواجبه عريضه وحواجبه اجمل مني
محلق لحيته ومخليها سكسوكه مره خقه وشعره ناعم والى آخر رقبته تقريبا
جسمه شويه عليه كلمه عملاق
يوم كنت صغيره وعمري 3 سنوات واهو 7 سنوات كان طول امي تقريبا او اقصر شوي
..جثل اخاف لاقربت منه لاني اوصل لخصره اهو مو طويل بشكل قبيح لا بالعكس طويل وجثل جسمه رهيب وكتوفه رازه وجسمه جسم ملوك .. قطع علي تفكيري صوت خالتي
خالتي : شفيك سرحتي ؟
ابتسمت بتثاقل : ولاشيء
خالتي تناضرني من ورى الطرحه الخفيفه بتمعن وتفحص
خالتي : ذبلانه ماعجبتيني اليوم مفروض تصيرين مربربه ومشرقه
كتمت ضحكتي على كلمه "مشرقه"
ابتسمت : ماعليه دومي لاتضايقت اصير ذبلانه
آه جوعانه مره ماكلت شيء من صحيت لاني كنت متحمسه بقوه هههه الله لايوريكم حالتي
الفجر بغيت اطلع وانا مالبست عبايتي
ابدا ماتعودت اصير رسميه مع ماجد اول كنت امون عليه أكثر واحد من الشباب ياربي جوعانه
طلع بطني صوت اشاره للجوع
استحيت وبدا يتقلب وجهي الوان
ماجد كاتم ضحكته : كان قلتي من قبل اني جوعانه تدرين ان المدرسه بعيده عن البيت كثير
ابتسمت بخجل : هاه لابس بطني يعورني اضاهر انه قولون
ماجد : ماعليه اصلا خاطري ببيتزا
امي : ياحياتي العنود من صحت ماكلت شيء
رصيت على شفايفي اللي تحت بحيا
انا : يماه ماعليه اصلا مو جوعانه انا
ماجد من اكبر صفاته يحب ينرفز الواحد يحب ينزل قدر الواحد نفسه عزيزه شوي عليها كلمه عزيزه من صغره وهو رجال
ماجد : اجل خلاص مافي بيتزا ولاشيء بنكمل الطريق
بغيت اصرخ وابوس رجوله واقوله لاء يرحم امك
جلست اطقطق اصابعي والعب بطرف طرحتي وخاطري اصفعه يحب يقهر الواحد وينرفزه
امي : ماجد !! اقول بس يكفيك نرفزه وقف عند المطعم البنت تتلوى جوعانه
ياربي امي بتكحلها عمتها
اهيء اهيء وش بيقول عني
ماجد : يلا عشان خاطر خالتي
اول ماوقفنا عند بيتزا هت
ونزل ماجد يشتري بيتزا
تقدمت شوي بعد مافضت السياره من ماجد
انا : يماه فشلتيني عند ماجد
خالتي : هاااو تتفشلين من ماجد اللي كنتي تصاحبينه الى قبل امس تقولين روحين بجسد
استحيت : بس ولو شبيقول عني بيمسكها علي هالسالفه مو ناسيها
امي : ماقلت شيء انتي جوعانه وابيه يوقف تعرفين مشوار البيت والمدرسه
سكت بعد مايأست منهم وماقدرت افهم شعوري اللي يمكن انا مافهمته
يمكن لاني تغطيت عنه
آه لوتشوفوني قبل امون عليه بشكل كبير
بتستغربون هالكثر انا اعرف عن ماجد
عن كل كبيره وصغيره بحياته وصفاته .. لاني احبه احبه .. انا الوحيده اللي من الشباب والبنات افهمه وافهم كلامه قبل لاينطقه احلف لكم بالله اني اعرف وش بيقول وش يمكن لاني اتعمق بكل شيء فيه الا شيء وحيد ما أعرفه تفكيره احيانا يناضرك بنضره غريبه وتفكيره شيء صعب صعب معقد تفكيره ونضراته اموت عليها حاده .. دخل ماجد ومد لي الكيسه ابتسمت بخجل ومديت يدي واخذتها من الطرف
وشلون باكل كيف ؟ مستحيل افك الطرحه امي بتقتلني بعدين عقب الموقف ما أبي احط عيني بعينه
قطعت قطعه صغيره من البيتزا ودخلتها من ورى الطرحه واكلتها وهي حاره
آه لذيذه اعشقه هالمطعم
خالتي : ماجد !! توك قايل اني مشتهيه ليه ماطلبت لك
ماجد ويبتسم ابتسامه غريبه وكأنها سخريا
ماجد : لابس عشان الست الحسن والدلال العنود نزلت وجبت لها
وقفت عن الاكل فجأة كلامه فيه نبره غريبه لاتضحكون علي وتقولون اطباعك عجيبه انا اعرف نبرت التهديد والسخريا والغضب حقت ماجد بس هالنبره فيها شوي من الحنان لا لا مو حنان أي حنان أي بطيخ يمكن تهديد او انتصار لا والله نبره غريبه ياربي ودي افسره نبرته اهو صعب الفهم
صكيت كرتون البتزا ودخلته بالكيس ومديته لخالتي
انا : شبعت
خالتي تفتح الكرتون وتناضر
خالتي : بالله هذا أكل ؟
انا : خلاص خالتي والله اني ما اشتهي اكل من الاصل
امي : آه منك غريبه وش بنسوي بالباقي
ماجد : بعطيها حارس العماره اللي هناك "ويأشر على العماره"
امي : تسوي خير ياوليدي
وقف ماجد ومدها للحارس وكملنا الطريق
وآخيرا وصلنا البيت
دخلت بخطوات ثقيله ودخلت خالتي وماجد وراها
وانا امشي بالدرج صقعت بفهد
فهد : آآآآآه يالمتوحشه دخلتي ببطني مالك عيون ؟
انا : فهيدان !! وش جابك يالهيس ؟
فهد ببتسامه خبث : كنتي تفكرين فمين ؟
قلت بنبره سخريا : لا اللي في بالك مو صح
فهد : أجل تفكرين بأيش ؟
انا : بمدرستي وحفل تخرجي
فهد : أووه نسيت اقولك مبروك يا أختي العزيزه
انا : الله يبارك فيك يا اخوي العزيز اللي توه يتذكر يقولي مبروك
فهد : ههههه ماجد هينا ؟
انا : يب ^^ اهو وخالتي
فهد : ماجاء فارس
انا : عائله خالتي كلها تجي تاخذني من المدرسه مهبول انت
فهد : هاه ايه صح راح على بالي جوا يزورونا
انا : والله انك مفهي وخر بس خلني اروح ابدل
كمل طريقه فهد ورقيت لغرفتي
رميت الكيسه اللي منغرقه هدايا وخرابيط
وفصخت العبايه حقتي وعلقت عبايه التخرج
ودخلت الكيسه بالدولاب حتى ما فضيت افتح الهدايا .. ودخلت اتروش
بعد ما أخذ شور بارد بهالجو الحار
طلعت من الحمام "الله يكرمكم"
ودخلت غرفه الملابس وبدلت ملابسي
لبست بيجاما بيج وفيها تشجيرات بسيطه بالوردي
خطيره هالبيجاما احبها من قلب لانها مره روعه .. وربطت شعري الطويل ذيل حصان وانسدحت على السرير آنام
بس قبل لا أنام بقولكم عن عائلتي البسيطه
امي _ ابوي
فهد .. كبر ماجد ويشتغل بشركه ابوي
مهند .. بـ ثالث جامعه
انا .. القعده
ماعندي اخوات فقط مهند وفهد
للأسف ماعندي عمان وجدي وجدتي من كل الطرفين متوفين
مابقى لي الا خالتي أم فارس وخالتي أم حسام
خالتي أم فارس _ ابو فارس
للأسف ابو فارس متوفي من يوم كنا صغار
فارس .. مكون شركه كانت صغيره بس الحمدالله صارت من أكبر الشركات للحديد
ماجد .. شريك اخوه بالشركه وله منصب عالي
خالتي أم حسام _ ابو حسام
حسام .. بـ شركة ابوه
هاني .. بـ ثاني جامعه
عمر .. بـ بثالث ثانوي
هيفاء .. بـ ثالث متوسط اصغر مني بسنه
بس هذي عائلتي الصغيره
لنا مزرعه كبيره مره ورهيبه نطلع لها شبه يومي احنا وخالتي
هالمزرعه دفع ابوي نص مبلغها وابو حسام النص الثاني وفارس الا اصر يدفع الباقي
آوه بنام العصر وراي طلعه المزرعه بس هالمره بتكون غير
بتكون الطلعه سامجه مالها أي معنى
ماراح يكون فيها مغامرات مثل كل مره
راح امشي مع هيفاء واجلس مع خالتي
آه بس انوم ازين لي
بعد تفكير عميق أرهقت ونمت
بيجي بالبارت السابع اكشششششششششششششششششششششششششششن خطيره تابعو
..
وآآآآآآآآآآآآىىسفه جدا الى يوم السبت عندي ضروف وما اقدر انزل بارت
بس يوم السبت بنزل بارتين لعيونكم يا احلى اعضاء
ياربي انواع الزهق هذا فلم اكشن بالله !!
صارت قصه سندريلا مو فلم
وع وع بياخه + سماجه
تدرون وش اتمنى ارد لقبل 3 سنوات
لأولى متوسطه الله انواع الفله صح كنت صغيره ومراهقه >الله اكبر اللي يشوفني يقول عمري 50 للحين مراهقه
هع هع اتخيل نفسي بمريول الثانوي وعععع انا متأكده بيطلع علي قبيح لان لون الازرق او الكحلي ماينقع على وجهي يسمره
ممممممممممم كنت افكر امس بالليل شرايكم اغير من نفسي شوي طفشت من شعري الطويل ابي اقصه بوي وافك الزمام اللي بخشمي "الله يكرمكم" مع ان الزمام مرره طالع روووعه علي بس زهقت من شكلي
وممم اصبغ شععري هذا سابع من المستحيلات امي تعشق لون شعري مع ان الكل يقول لون شعرك "الغجري" مملحك ....... قطعت حبل افكاري هفو
هيفاء : لاباين انك متحمسه مع الفلم من كثر انك متحمسه من ساعه وانتي تطالعين كاس المويه اللي قدامك
ارتبكت : الا والله متابعه ومتحمسه
هيفاء : زين قولي اسم البطل
يالليل ابو لمبه شتبي هذي ؟
انا : ممممم اقولك الصراحه كنت سرحانه شوي
هيفاء بعصبيه تقفل الفلم : الشرهه مو عليك علي اللي معطيتك وجه ومتحمسه معاك
ضربتها مع كتفها بشويش : هفوووووو وش هالزعل شسوي سرحانه
هيفاء تبتسم بخبث : بمين ؟ لايكون مخطوبه من وراي
مع وين ياحسره
انا : لا لا راح بالك بعيد بس صديقتي بعد بكرا عازمتنا وافكر وش اللبس
هيفاء بوزت : هذا وقت تفكير ؟
حسيت بملل : شرايك بكرا وين نروح ؟
هيفاء : ممم لشارع التحليه
شهقت : من جدك تبين ابوي وابوك يقطعونا اربا اربا حدنا عند باب المسجد ولا حديقه الملك فهد
هيفاء مبوزة :اووووووف كل شيء لا لا لا لا عيب عيب عيب عيب حرام حرام حرام حرام
انا : هفوووو وش هالكلام استغفرالله
هيفاء : اقول جب ترا وجه المطوعه مو لايق عليك
انا : تستهزين ؟
هيفاء تلتفت من الجهه الثانيه وتبتسم بسخريا : شضنك يعني
حسيت بالعصبيه من حركتها البايخه
انا : من جد الغبي يجلس مع بزران
مشيت بخطوات سريعه ماتحمل وجود هالبزر معاي رحت للاستيديو حق ماجد .. صح ماقلت لكم ماجد رساااااااااااااااااااام ماشالله عليه وكم مره فتح معرض وماشالله يتوفق فيها وكم مره احد طلب منه يسوي له دعايه ...........إلخ بالمعنى الآخر رسام وكبير بعد وقبل ما اتغطى عن الشباب كنت مسنتره يوميا بالاستيديو حق ماجد وكل يوم يكبر فعيني اكثر رسوماته اغلبها او كلها غامضه غامضه غامضه اتعب وانا اقول غامضه احيانا يرسم عيونه اللي مليئئئئئئه بالغموض ...إلخ
دخل الاستيديو الفزاز بوسط حديقت بيتهم وماشالله ملياان لوحات كل وحده اجمل من الثانيه
واااااااااااااو الغرفه بارده شكله ناسي المكيف شغال
فتخت النور ولقيت الوحات على جنب ولقيت الدولاب كامل مليان الوان اشكال وانواع وريشات وايطارات ولوحات منوعه
ولقيت الكنبه اللي يجلس عليها الواحد واهو يرسمه
وكرسي ماجد وقدامه اللوحه والقاعده حقتها
جلست على كرسي ماجد وشفت اللوحه اللي قدامه باين انه قاعد يرسم واحد قطع عليه رسمه وطلع ماصكر المكيف ولا كمل الرسمه
كانت عباره عن الوان متداخله بشكل عشوائي ورهيب .. تفحصت الواحات بنضراتي ولا لوحه لونها اصفر احمر اخضر الوان سعاده كلها اسود رصاصي ابيض بيج بني ...إلخ الاوان الكئيبه واللي باين لي انه يعشششق لون العنابي الغامق والنيلي
لان اغلب رسماته العنابي والنيلي الغااااااااااااااااااااامق > ضروره الكئابه ×_×
قمت من الكرسي وجلست اتلمس اللوحات بطرف اصابعي كانت كل لوحه كاتب عليها ابيات حزينه وغصب تطيح دموعك وعبارات كئيبه شسالفته ذا مع هالحزن ؟
اكيد له سالفه .. لفت انتباهي لوحه مرسوم عليها
شبه ولد بقلعه مهجوره ضام رجوله لصدره وماسك ورقه وكأنها ذكرى لحبيبته ومنزل راسه على ركبه والاضائه كئيبه والخلفيه بلون العنابي المايل للحزن وكاتب تحت بعد توقيعه بخط جميل وملفت
"
اختلفنا في وجهة نظر ليه الزعل والعتاب..؟؟
الحبايب تختلف ولاهي تالية العمر...ليه يجي الجفا..؟
الكلام اخذ وعطا..عتابي لك ماهو جرح ..
العتب محبه وخوفي افقدك..لافقدتك وش بقالي بدنيتي..؟
كانك ماحسيتي بغلاتي وانا جنبك متى بتحسين..!!؟
ان كنت انا مدري بغلاتي عندك وانا حي!وش مكسبي اذا حزنتي بوفاتي..؟
واذا طلع لك وقتها قلب وعرفت حبي وشوقي وعتااابي من خوفي فقدتك...
بتــــــــــجيني تـــــــــــــدوريني ...؟واذا دورتيني بتلقيني..؟واذا مالقيتيني وتذكرتي احلى الليالي..
بتقولين ليته يرجع واضمه واعتذر...؟؟
(رنيم)
"
جتني رجفه وقشعريره هل يمكن ماجد يحب ولامسوي علاقه بس مين رنيم ؟ وش سالفته مع رنيم هل سبب الحزن هذا كله عشان رنيم
اووه احس نفسي مجنوووونه ماقدرت افسر اللي حولي وكأني احل مسأله او امشي بمتاهه
غمضت عيوني وانا احس بدوخه ماصرت اعرف وش اسوي يكفي يكفي من كان عمري 3 سنين وانا اكتم اكتم اكتم بصدري ابي احد افضفض له ميمي مو كل حال القدر يتركنا مع بعض بعد كم شهر كل واحد بيروح لمستقبله وطريقه
جلست على الكنبه وغمضت عيوني
سمعت صوت فتح الباب تشنجت بمكاني لايكون ماجد
ماقدرت احرك اي عضله من عضلاتي
حسيت بيدين على كتوفي من ورى واحد يحضني من ورى العنود اصحي اصحي مين هذا
فتحت عيوني بشويش وحسيت بالاحباط وانا اشوف هيفاء حاضنتني من ورى
هيفاء : آسفه مو قصدي ازعلك ترى والله اللي يشوفني يقول مغروره ومتكبره وحيوانه وحقيره بس قلبي من جوا ابيض وما اقدر اخذ بقلبي عليك سامحيني انا الحقيره اللي اقول كلام مثل وجهي
حضنتهى وانا اتنهد : عادي احنا بنات خالات مابينا هالكلام
هيفاء : وه فديتك ياطيب قلبك .. شتسوين هينا ؟
انا : مثل ماتشوفين
هيفاء : من كنتي صغيره لاضعتي ندورك ونتحمس بكل الحاره ونسوي صجه وازعاج وبالاخير نلاقيك يا عند الخيول يا بستيديو ماجد
انا : هههههههههههه اعشق هالمكانين
هيفاء تجلس بطرف الكنبه
هيفاء : فيه سبب يخليك تحبين هالمكانين ؟
حضنت يديني : مدري ليه ارتاح بهالمكانين
هيفاء : اقول بس بلا افلام هنديه تعالي ترا الشباب راحوا لكوفي شوب وخالاتي وامي رجعوا للمجلس بيفدونا
انا : زين يلا
قمت انا وهيفاء ورحنا جوى
جلسنا شوي نسولف بعدين مهند ردنا للبيت ورحت انوم وانا احس بإرهاق
من بكرا
صحيت على صوت هيفاء
هيفاء مرتبشه : يلا عنوددده اليوم يوم وطني قومي نجهم الحفله ونشغل الاستيريو ....إلخ
شهقت : اوووه الساعه 2 الضهر يلا يمدينا نزين الاشياء
هيفا تسحب يدي : قومي غسلي وجهك
غسلت وجهي واخذت شور سريع ولبست قميص نوم لحضه لايروق بالكم بعيد مرره ساتر ممم تحت الركبه ونص كم ساده مريح واللبسه بالبيت غالبا
ورفعت شعري ونزلت وبيديني الاغراض اللي شريناها
عدلنا المجلس وقلبناه بلونين اخضر وابيض وسوينا الهوايل خخخخخ
بعد ساعتين كامله خلصنا
رميت نفسي على الكنبه وانا احس بإرهاق فضيع
هيفاء تجلس على الكنبه وتريح عضلاتها : آآآآه وش هالتعب
انا : توي متروشه شكلي بتروش من جديد ريحتي خااايسه
هيفاء : هههه وانا بعدك بتروش
انا : ياربي مالي حيييييييييل بعد هالتزيين اقوم
هيفاء : قومي بس
قمت وانا اترنح ولا شيء طب فمي من صحيت
مريت على المطبخ واخذت عصير برتقال وشربته على السريع ورحت لغرفتي تروشت ولبست جلابيه لنص الساق لونها اخضر ومن قدام "لا إله إلا الله" باللون الابيض ورفعت شعري بربطه خضرا ولبست بنس بيضى ولبست زنانيب خضرا وتكشخت بالاخضر والابيض
طقيت على هيفاء باب الحمام
انا : هيفوووه اتصلتي على ذي شسمها اللي ترسم على الوجه ؟؟
هيفاء شهقت : لااااا نسيت
انا : ياشطرك اوووف متى بتجي يالله المغرب بيصير عليها زحمه
هيفاء : ابحثي بجوجل بسرررعه عن ارقام ناس تصبغ على الوجه
رحت وان أتأفف جلست ابحث .. خلاص ربع ساعه واخيرا لقيت رقم عاد متى بيمسك الخط
اتصلت عليها والحمدالله ردت
وماعندها زحمه ابداا بس اربع بنات اخوات الحين ترسم على وجيهم يعني تقريبا بعد نص ساعه عند باب بيتنا
عجلت هيفووه
ونزلت اشيك على المجلس وقلت لخدامه تسوي الاطباق اللي مختارتها امس مع هيفاء
وقلت لفهد يمر على سعد الدين ولا رشات السكر يجيب كيكه وممممممم خلاص 4 ساعات
كلنا جاهزين وبالمجلس
انا وهيفاء مشغلن الاستيريو ورقصصص
مر اليوم هذا خفييف على قلبي وبصراحه كان يوم لاينسى
مم بعد مارقصنا اخذونا الشباب لتحليه نشوف الصرقعه هيناك وبعها مرينا على مطعم تعشينا ورجعنا للبيت على حدود الساعه 2 الليل
كنت هلكانه ادور المخده بس على طول انسدحت ونمت حتى الصبغه نسيت امسحها
***
حبيبتي اشكرك على مرورك انا كل ماكتبت بارت نزلته بالنت لعيونكم
..
وين التفاعل .. اكمل ولا لا ماشوف اعضاء تخليني اتحمس واكمل
