كل بلقيسيه تتكلم عن تجربتها مع الطلق

  • بادئ الموضوع بادئ الموضوع widad
  • تاريخ البدء تاريخ البدء
widad

widad

New member
إنضم
2007/12/24
المشاركات
426
اليوم حبيت اطرح موضوع وهو موضوع الطلق
اكيد كل وحده من ابلقيسيات كان لها موقف مع الطلق وخاصه في الطفل البكر لانها لا تعرف ماهو الطلق صح؟؟!!
انا حبيت كل بلقيسيه تحكى لنا عن تجربتها والف حمدالله على سلامتكم


انا هذا اول حمل لي وانشاءالله يااارب يهون علي الطلق وتكون ولادتي سهله
والله يرزق كل محروم بالذريه الصالحه
وانشاءالله اذا ولدت راح اكتب لكم قصتي بتفصيل




​
 
وانا بعد على وشك ولاده ان شالله اذا ولدت راح اقول لكم قصتي من طقطق لين السلامو عليكم ادعولي ان الله يهون علي صارلي 18 يوم فالتاسع اعد الايام اشتقت لبنوتي:shiny:
 
انا بعدنــي اول حمـــل ههههههه وإذا ولدت إن شالله قلتلكم وش صار الله يعيـــن !!!
ربــــــــــي يسهــــل علينـــــــا يــارب !!
 
اي والله ياليييييييييييييت نلاقي احد يفهمنا ...

والله احس مااعرف شي ولا ايش اسوووووووووووي ...

الله يهون علينا يارحيم ارحمنا ...
 
:nosweat:مافي فايده منا من الخوف ندور من مكان لمكان ثاني:shutup: تحياتي لكم (وردة السلطان ونورر القمر وصاحبة الموضوع):bye1:حالتنا حاله والله نضحك
 
هههههههههههههههههههههههههههههههههههههههههههههههههه

اي والله صادقه .... ندور الخوف بأي مكاااااااااان ...:crazy::crazy:

الله يسهل على الجميــــــع ياربي:crazy:
 
الله يسهل على كل الحوامل و على كل بكر هذا اول حملها
و انا بعد بكر و لسة ماجربت الولادة و اتوقع ولادتي راح تكون اكشن هههههههههههههههههه
لاني بغربة ولا فية غير زوجي معي الله يعين

ان شاء الله يدخلون البنات الي قد جربت الولادة و تحكيلنا عن تجربتها و ايش سووت
 
افااااااااااا ولا وحده ربت من قبل يعني
..طيب انا ربيت مرتين وبخبركم قصتي بالبكر بنتي

ولاكـــــــــــــــــــــــن ادعــــــــــــــولي ربي يسهل ولادتي الحينه ...

كنت بكر ماعرف شي عن الولاده

وماعندي طبعا اهلي بس اختي عندي ..واهي ربت منم قبلي واخبرها
خبرتها ان نزل مني دم مع شويه ماي معرف ايش السالف انا رحت وقلتلها
..
قالت امشي ...لاني ماكان في اي الم بس هالدم ....
وامشي انا وريلي ولين اليوم الي عقبه والي عقبه مافي اي الم بس الدم موجود

خالتي الي اهي ام ريلي وكل تالي بالبيت يقولون هالي ال فيها دم اونه مسويه عمرها بتولد
(((((حسبي الله عليهم ..عقب اخبركم سالفه الدم ...................

وعقب ثاللث يوم من بدا الدم في الساعه 10 الصبح قومني الم غير طبيعي من الرقاد

قلت بيروح ويزيــــــــــــــــــــــــــد لين 10 باليل تخيلوا ماخبرت احد

كلمايجيني الم اقوم اروح الميلس وامشي لانه كبيييير واتالم ولاحد دراى حتى اختي ماخبرتها

وحطوا العشاء يلست بتعشا اونه لاني ماريدهم يدرون يكفي الي صااار

الا ويجيني الم اقوم بسرعـــــــــــــــه وامشي قالت اختي فيج الم قلت ايه

يحسبون ان الالم توه بداء .....وانا خلاص مووووووووووت

احس ببلل اقوم امسح كلينكس الا ودم لين فخودي ...

واحس الراس طالع ...........(((للعلم الطلق الحقيقي يابنات ..الم ف الظهر اكثر من البطن واسهااال

قلت اخبر اختي الا وتقول ايش هدا مفكرين ان الالم توه بدا لاكن .............

عقب سرت المستشفى اول ماوصلت نزل الماي وانا عند الباب .........

وحطتني السستر ع السرير اتقول طالعي
انا خلاص حتى مارد على احد........

اتقول انتي 10 سم لاتشدين طلعوني ......بنفس السرير ولدت وانا طالعه ف اللفت هههه

هههه لاتضحكون لان هدا بسببهم اهم الي خلوني مااتكم يتمسخرون علي المهم ..

المهم وعقب ماطلعت شهد ..قالت المشيمه مقطعه من كم يوم في بطنج وهدا الي خلا الدم ينزل شفتوا كيف كانوا يتمسخرون هدا ماقالوا روحي المستشفى شوفي شو الدم ....

لاكن دكتوره انجليزيه نزلت المشيمه بدون عمليه الحمدلله ربي ستر

......................
والمره التانيه مره تانيه بخبركم ببنتي التانيه

ادعولي هالمره اولد بالسلامه انا بالتاسع والله يستر

الله يسهل للجميع ونصيحه روحي ع المستشفى من بدا ساعتين من الالم اقل شي شيكي
وادا مافتح الرحم واايد ردي البيت وامشي ....لاتهملين عمرج شراتي
....انصحكم وانا ماحب اروح الا وانا خلالالالاص بربي ماحب لعوزتهم ....
 
التعديل الأخير:
مشكووووووووووووووووووووووووره ياقلبي الصراحه افديني بقصتج الله يهون عليج يااارب وعلينا
 
reallove قال:
افااااااااااا ولا وحده ربت من قبل يعني
..طيب انا ربيت مرتين وبخبركم قصتي بالبكر بنتي

ولاكـــــــــــــــــــــــن ادعــــــــــــــولي ربي يسهل ولادتي الحينه ...

كنت بكر ماعرف شي عن الولاده

وماعندي طبعا اهلي بس اختي عندي ..واهي ربت منم قبلي واخبرها
خبرتها ان نزل مني دم مع شويه ماي معرف ايش السالف انا رحت وقلتلها
..
قالت امشي ...لاني ماكان في اي الم بس هالدم ....
وامشي انا وريلي ولين اليوم الي عقبه والي عقبه مافي اي الم بس الدم موجود

خالتي الي اهي ام ريلي وكل تالي بالبيت يقولون هالي ال فيها دم اونه مسويه عمرها بتولد
(((((حسبي الله عليهم ..عقب اخبركم سالفه الدم ...................

وعقب ثاللث يوم من بدا الدم في الساعه 10 الصبح قومني الم غير طبيعي من الرقاد

قلت بيروح ويزيــــــــــــــــــــــــــد لين 10 باليل تخيلوا ماخبرت احد

كلمايجيني الم اقوم اروح الميلس وامشي لانه كبيييير واتالم ولاحد دراى حتى اختي ماخبرتها

وحطوا العشاء يلست بتعشا اونه لاني ماريدهم يدرون يكفي الي صااار

الا ويجيني الم اقوم بسرعـــــــــــــــه وامشي قالت اختي فيج الم قلت ايه

يحسبون ان الالم توه بداء .....وانا خلاص مووووووووووت

احس ببلل اقوم امسح كلينكس الا ودم لين فخودي ...

واحس الراس طالع ...........(((للعلم الطلق الحقيقي يابنات ..الم ف الظهر اكثر من البطن واسهااال

قلت اخبر اختي الا وتقول ايش هدا مفكرين ان الالم توه بدا لاكن .............

عقب سرت المستشفى اول ماوصلت نزل الماي وانا عند الباب .........

وحطتني السستر ع السرير اتقول طالعي
انا خلاص حتى مارد على احد........

اتقول انتي 10 سم لاتشدين طلعوني ......بنفس السرير ولدت وانا طالعه ف اللفت هههه

هههه لاتضحكون لان هدا بسببهم اهم الي خلوني مااتكم يتمسخرون علي المهم ..

المهم وعقب ماطلعت شهد ..قالت المشيمه مقطعه من كم يوم في بطنج وهدا الي خلا الدم ينزل شفتوا كيف كانوا يتمسخرون هدا ماقالوا روحي المستشفى شوفي شو الدم ....

لاكن دكتوره انجليزيه نزلت المشيمه بدون عمليه الحمدلله ربي ستر

......................
والمره التانيه مره تانيه بخبركم ببنتي التانيه

ادعولي هالمره اولد بالسلامه انا بالتاسع والله يستر

الله يسهل للجميع ونصيحه روحي ع المستشفى من بدا ساعتين من الالم اقل شي شيكي
وادا مافتح الرحم واايد ردي البيت وامشي ....لاتهملين عمرج شراتي
....انصحكم وانا ماحب اروح الا وانا خلالالالاص بربي ماحب لعوزتهم ....
أنقر للتوسيع...



مشكووووووووووووووووووووووووره reallove
ربــــــــــي يسهــــل عليك
​
 
الله يقوووم الجميع بالسلامه ان شاء الله ..

بالنسبه لي انا ام لطفله كانت ولادتي بها سهله وممتعه لله الحمد طبعا الالم لابد منه لكن البعض ياتي قوي والبعض خفيف والحمدلله كان بالنسبه لي خفيف صحيح كنت اصرخ وابكي لاني بطبعي خواافه .. بس اوصيكم بعدم الخوف والدعاء بان الله يسهل عليكم
رددن هذا الدعــاء ..
... اللهم اني اسالك حسن الخلق وهون الطلق .....
ولا تنسوون اكل التمر بالشهر التااسع مفيد جدا .......

قوله تعالى [ وهزي اليك بجذع التخله تساقط عليك رطبا جنيا ]
الرطب / التمر لانه مفييييييييييد جدا .. انا قبل ولادتي بيوم ووقت واثناء ذهابي للمستشفى اكل تمر والحمدلله لم اتالم كثير

على فكره ولاده البكر اجمل شي اللي بعده مالها طعم ......استمتعوا بها ههههههههه

الله يسهل على الجميع ................​
 
موضوع حــــــــــــلو

انا مسكينه لما جاني الطلق وبما انه بكر قبل الفجر بقليل جلست اتصبر عشان ماازعج اهلي ولما صار الصباح اخواني يروحوا للمدارس فما حبيت انهم يعرفوا كمان تصبرت
وفجأه زاد الالم ونزل معي دم وصرت مقدر امشي صرت انادي على امي وعلى طول رحت للمستشفى ساعه وولدت..
 
يالله يا بنات الله يهون علينا يارب

كله الا الطلق هذا ما ابغي افتكره
 
انا كمان بقولكم قصتي ببنتي البكر
كان اول يوم بالتاسع وكان اخر يوم لي امتحانات شهريه سنه رابع كليه
رجعت للبيت عادي معي مغص مثل كل يوم عادي
المهم نمت ع العشره بالليل وصحيت على مغص مرررررررررررررررررررره قوي والم باظهر
صحيت زوجي ورحنا للمستشفى لقته فاتح واحد سانتي ونص
قالتلي ارجعي للبيت اشربي ميرميه وتبخري فيها مو بفحم بمويه حاره وقالتلي اتروش بمويه حاره واخلي باقي الشغل على ابو الشباب هههههههههههههههه طبعا هو اعجبته السالفه
وفعلا طبقت كل شي قالته لاي
والالم عادي يروح ويجي هاذا الكلام على الساعه 6 الصبح لماجت 9 بالليل رجع الالم شوي ونزل علي افرازات مخلوطه بدم يسمونها سدادة الرحم وهنا قالتلي زوجت ابوي ان هاذي ولاده على طول رحت المستشفى لقيته فاتح 5 سم وعلى طول فتحو موية الرحم وبدا المغص صحيح مؤلم بس حاولو تتنفسون صح ىتقرون ع البطن كل شي حافظينه ونسيت اقولكم اشربوا حليب قبل ولادتكم مع شوي زنجبيل وتمر
والحمد لله بعد ساعه كنت جايبه حبيبة قلبي حنو
وانشالله بس اولد اقولكم المغامره الثانيه الله يهون ويسهل ع الجميع
 
طلقي ببكري كان من الساعة 6 الصباح اصلا صحيت من النوم وكنت حالمه في احد يقرا سورة الزلزله (تصدقون

خايفه اقراها هالايام انا في التاسع) كنت نايمه عند اهلي واخواتي كانو موجودين المهم اني صحيت البيت كله من 6

الصباح وانا امشي بالصاله وبالحوش وبكل مكان كان يوم جمعه

كان الالم بارد شوي يروح ويجي واستمر معي طول اليوم وجاء زوجي وجلس معي يدلك ظهري وبطني وفي تمام

الساعه 2 الظهر زاد الالم علي وقلت لازم اروح المستشفى بس كنت احس بمغص في بطني ورحت المستشفى قالو

مفتوح الرحم 4سم ياليتني رجعت البيت جلست عندهم واستر الطلق يروح ويجي الى الساعه 9 في الليل بعدها عطاني

الدكتور طلق صناعي وتعالي اسمعي الصراااااااااااااااااااااااااااخ ههههههههههه بدا الطلق في ظهري الله وكيلك الم

والمره الجايه بقولك طلقي بالبنت هههههههههههههههههه فيلم رعب اكثر من الاول لان الولاده تعسرت وولدتها

قيصري مابعده الم هو صدق اني ماحسيت بالموت بس كنت اتالم بشكل فضيع شي ماتعودت عليه ( اخوفكم ) اه ياقلبي

اه ياانا

هههههههههههههههه وفي تمام الساعه 11 :59 شوفي قبل 12 بدقيقه جاء سلمان حبيب قلبي لها لدنيا الحين عمره

7 سنوات العمر كله ياولدي الله يصلحهم ويخليهم
 
:icon26: الله يقوم الجميع بالسلامه انشاء الله :icon26:
إليكم تجربتي في ولادتي البكر ( بنوته أيضا" ) و بالتفصيل ..
أنا كنت نايمه مع أهل زوجي و كنت توني داخله الشهر التاسع من كم يوم، و باقي على ولادتي المرتقبه 3 أسابيع أو أكثر بس أم زوجي مصره إن احنا انكون معاها لأنها الولاده الأولى و ما راح نعرف نتصرف،،
على العموم/ نمت بعد صلاة الصبح في شهر رمضان المبارك و صحيت على ألم في بطني مشابه لألم الدوره بس كان يروح و يجي و ما كنت قادره أتجاهله و أنام خصوصا" إن الليله اللي طافت كانت منتصف شهر رمضان و قرقاعون و وناسه، المهم تذكرت كلام أختي إليي إن آلام الولاده اتروح و تجي في الولاده و إذا كانت متقاربه جدا" مثلا" كل 5 دقائق لازم أروح المستشفى سواءا" نزل عليي ماء الراس أو لأ، عند ذالك أخذت الساعه أناظر الوقت اللي يجي فيه الألم و يرد يرجع لقيت إنه يجي كل 8 دقايق و بعدها بدى يتناقص و يصير كل 5 دقايق، و خفت يوم شفته منتظم و قلت خلني أقوم أمشي لي اشوي يمكن يخف و يروح ( لأن أختي الغاليه قالت لي إذا مشيتي و راح الألم يعني انها تقلصات عاديه و تحصل في الشهر التاسع أما إذا استمر الألم و ضل منتظم فهو دليل ولاده حقيقيه )، المهم/ دخلت الحمام و شفت نازل مني دم مع اشوية مخاط استغربت و رحت نبهت زوجي من النوم و قلت له اني أحس بألم و بولد، ابتسم و قال نامي ، قلت له ترى و الله صحيح و نازل عليي دم، هنا جلس على السرير يناظرني و يقول أنا أسمع أمي اتقول ماي مو دم و بعدين باقي واجد عليش توش في بداية التاسع و بكريه يعني مو بسهوله بتولدي قلت عاد ما ادري، قام زوجي و دق على أمه لأنها ما صحت من النوم و كان وقت صلاة الظهر و رفعت السماعه و قال ليها إني أقول بولد و قامت على طول مسكينه و تستنى نزولنا من على الدرج و كان القلق بادي عليه، نزلت و مسحت على راسي و قالت خير يابنتي شو حاسه و أني مستحيه و منزله راسي و زوجي يتكلم و قال ليها اللي حصل ، قالت ما يصير ينزل دم المفروض ماي ، قلت و الحين وشو؟؟؟ ، قالت لي أروح أسبح بمويه دافيه و أصلي و أعين من الله خير ، سويت مثل ما قالت لي بس ما قدرت أصلي يزيد الألم مرررررره و ما قدرت أسجد أبد ، و قمت ما كملت صلاتي و الدمعه في عيني ، و يوم شافتني كذاا خافت و قالت يابنتي أني أخاف أوديش المستشفى بدري و يستعجلو عليش و يولدوش بطلق أو شي تاني عشان كذا امشي اشوي و اذا حسيتي الألم زاد قولي لي ، و فعلا" صرت أمشي في المجلس رايحه جايه و لمن يجيني الوجع أثبت مكاني ( أجمد ) ما أقدر أتحرك أبد و بعد صلاة المغرب ما قدرت خلاص من التعب و صار الدم بدون توقف، و هيه مصره ما تولدي على جوع لازم تفطري و تتقوي و أنا مو راضيه و مو صابره و خايفه و متألمه و خجلانه لأن اخوان زوجي يفطرون معاه بره و مو عارفه شنو أسوي و ما لحق دخل زوجي الا و قلت له خلاص بروح المستشفى ما فيني أصبر أكثر مو قادره، و هنا أخذني إلى المستشفى مع أمه و هم مو مصدقين إني بولد لأني أتألم و أنا ساكته و كان يسأل أمه في السياره ( كيف مرتي ما اتصارخ زي اللي في التلفزيون؟؟؟!!!! و كانت أمه اتقول عني صبوره و من هالكلام الحلو )،:showoff:
المهم ما أطول عليكم/ وصلنا المستشفى و خذ يا تحقيق من هالدكاتره و كل من جاا يقول ما يصير ولاده:icon1366: ارجعوا و تعالوا بعد اسبوعين ما فيه ولاده بكريه بهالسرعه و لسه باقي كثير عليها و أنا بموت من الوجع و بديت أون من زود الوجع، بعدين الله فرجها :nosweat: و جت دكتوره و شافتني أون و قالت و هيه مو مصدقه إني بولد نكشف و انشوف .....
و فجأه صرخت عليهم 9 سم بسرعة غرفة الولاده، و خذ يا ركض اللي ركضوه فيني الممرضات و زوجي و أمه وراهم،،، ههههههههههههههه
و في غرفة الولاده فتحوا كيس المويه و بديت بالصراخ من شد الخوف و الألم الشديد ساعتها و الحمد لله نصف ساعه بس و عروستي عندي ..
و هذي كل قصتي و اسمحوا لي على الإطاله ... :bye1:
​
 
:tears::tears::tears::tears::tears::tears:

ياربي هون علينا ... ياربي يسر ولا تعسر ....:tears::tears::tears::tears::tears:

اقووول ماتبون تحذفون الموضوووع .؟؟؟؟

والله ميته من الخووووووف... الله يستر بس ...

اللهم اني توكلت عليك ووكلت امري اليك لا ملجأ ولا منجا منك الا اليــــك ....
 
الله يهون على كل مسلمة الحمل و الولادة و لانحرم بعض من الدعاوي بتيسير الطلق اللهم امين\


الله يقومكم بسلامة يا كروشااااااااااااات
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل