كلن يغني على ليلاه >> دخيلكن يا بنات العرب ساعدوني

[الانسكاب]

السلام عليكم يا ملكات ..

انا موضوعي يمكن عادي او يمكن قوي بس انا حيييل مو فاهمته ..

انا الحمدالله تمت ملكتي على خير وصارت بيننا مكالمات ..

المهم ان الشي الغريب واللي مو قادره افهمه ..

انو مثلا كنت اكلمه وقال شي يزعلني ( مو يزعل يزعل لا بس يحب ينرفزني ع الخفيف ) طبعا هو حبوب وحنون انا بطبيعتي احب اتدلع
وخصوصا اتدلع عليه لانه يحب الدلع ..
المهم قلت خلاص انا زعلت .. قال يعني ما زعليتي قلت لا الزعل اقوى وبعدها
تغيير جووووه .. صار متضايق ..

الحين استفساري ..
ليش اذا بغيت ازعل هو يزعل .. ( وعلى فكره تراها مو اول مره )

واذا كنت متضايقه من احد وسألني وماجاوبته يزعل ويتضايق ( يعني وش معنى حركاته )

والشي الثاني ..

ومره قلت له لا تدخن اتركه والله اني احبك وخايفه يضرك >> بس للاسف ما اقتنعه
حاولت اكلمه باسلوب ثاني ..
قلت له اخاف الدخان يخرب لي شفايفك >> ضحك ولا اقتنع
وكذا مره قلتله وتعبت قلتله خلاص الموضوع بقفله
قال لي اذا قفلتيه لاعاد تفتحينه مره ثانيه ..

الحين استفساري ..
وشلون اخليه يترك التدخين قبل ما اصير عنده .. لان زواجي ان شاء الله بعد شهرين

والله يجزاكم خير ويفرج همومكم ويفتح لكم ابواب رزقه برحمته هو ارحم الراحمين​

 

[جوجولانا]

اذا على الزعل شكله هو مايحب النكد يعني مايحب سالفه الزعل بينكم تعكر مزاجه فيزعل ويتضايق هو الثاني فحاولي مو على كل شي تزعلي ولحضات الصفاء والحميميه بينكم لاتفتحي عليه مواضيع تزعل لان هو بهالوقت يبي يسمع كلام حلو ودلع منك
الله يسعدك ويهنيك

 

[الانسكاب]

يالبى قلبه هههههههههههههههههههههههه >> اعقلي يا بنت

يا فدددددددديتك يا جوجو
ادري انه ما يحب الزعل لانه بطبيعته اذا زعل ما يحب احد يقرب صوبه يصير سريع الاشتعال
ولا يبي يزعل احد
بس ليش ما يدري ان هذا كله دلع دامه يبيني اتدلع واصير دلوعه

طيب وش اسوي اذا قال شي يزعل .. اطق راسي بالجدار

والله ماعرفنا لهم​

 

[الانسكاب]

افااا محد وده يساعدني
يعني انا بنت البطه السوداء​

 

[أم أحلى ريما]

مرحبا خيتو
زوجك مثل زوجي فديته
انا كنت اعاني زيك لما ازعل يزعل هو وكنت استغرب الى ان عرفت طبعه
صرت اذا ماعجبني تصرف منه ماابين له اني زعلانه
اذا شفته رايق جيته وفتحت الموضوع بادب وهدوووووووووووووووووووووووء
وبالنسبه للدخان ترا موسهله انه يتركه بشويش عليه
ان شالله مع الوقت يقتنع خليها للزمن
عيشي حياتك وانبسطي ولاتنكدين عليه هذي احلى ايامكم
وترا كثير بطلو تدخين بعد الزواج ليش الاستعجال
ادعي ربك والحي بادعاء وخليك على يقين ان ربي بيستجيب دعائك
وان شالله بتنحل ترا ماهي مشكله ولاتصيرين حساسه
نوعية زوجك دايما يبيك مبتسمه وفرفوشه وعدوه التكشير والزعل
اتمنى اني افدتك وموفقه حبيبتي​

 

[قلبي مملكة فوفو]

مرحبا يا عسل
انا بعد زوجي كذا حساس ومن اي شي يتضايق
واذا انا بزعل الزعل ينقلب ضدي حتى لو بتدلع
والحين فهمته يقول انه مايبي شي يخرب احلى ايام من عمري وعمرك اللي هي فترة الملكه
وبالنسبه للدخان شوي شوي عليه الدخان صعب احد يتركه
ادعيله انه يتركه
واذا تزوجتو انتي الهيه باي شي يعني علكه او شاي او اذا يبي يدخن عطينه وحده باليوم وشوي شوي يتركه من نفسه


موفقه عزيزتي
وادعيلي ربي يتمم علينا