كشفت زوجي .. ويالييتني ماكشفته !

[CAPATCHINO]

السلام عليكم ....
أنا متزوجه صارلي خمس سنين ، تزوجت عن حب ،، هو مش مقصر معاي يوديني وياخذني كل مكان يحبني ويحب بنته ويحب أهلي وايد ،، ماشفت شي منه طول ماأنا معاه ،، كنت أحسبه الزوج المثالي بس للأاسف ...

كنت مع ريلي في المول قالي بسير أشتري شي وبيي .. شل بنتي وقالي سيري خلصي شغلك ودقيلي،، أنا قبل ماأخلص اتصلت فيه أقله وين أنت .. مب طايع يخبرني .. بس يقلي ألحين يااينج،، المهم ياني ورد بيسير نفس المحل اللي كان فييه وأنا دخلت محل ثاني ... قالي أنا هناك تعالي .. سرتله يوم خلصت.

أتفتجأت أنه شاري هديتين (ساعتين) !!! وزوجي مب من النوع اللي يفكر يشتري هدايا حق حد ،، يااخذلي مرات صح ،، بس مش دايماً، قتله حق منو قالي حق واحد عيدميلاده ،، قتله وانت من متى تحتفل في أعياد الميلاد ، قال لا عادي بس جي حركات .. وأنا طنشت وسكت . لأني واثقه فييه

بلييل الساعة 12 كنت اتصل على زوجي لمدة ساعتين مايرد علي .. لين مارد علي واحد اجنبي يقولي هالتلفون كان على الطاولة بس ماعرف مال منو ... وسمعت صوت أغاني وحشره (يعني حفلة) ، قتله انتتو وين ؟ قالي نحن هني في حفله !! .. قتله وين هالحفله قالي في هالمكان و هالعمارة والشقة رقم ..... !!!! إذا تبين تعالي بتستانسين ! أنا مشيت معاه وقتله بيي . (شفتو يوم الله رايد يكشف الواحد شو يصيير !) قتله منو مسوي الحفله قالي وحده اسمها .... (أجنبيه) ... قالي تبين اترمسينها ؟ قتله : هيي عطني اياها . هي شلت التلفون وسكرت.. تمييت ادق على تلفون ريلي الثاني-، التلفون الثاني بعد حد رد من نفس المكان وسكر ... أنا هني اتأكدت أن ريلي في هالمكان معاهم ... تميت اتصل لين حرقت التلفون .. شوي رد اتصل فيني ،، قالي بلاج خوفتيني شي صاير ،،( دوم يقلي جي يوم أحشره) يمثل علي أونه مافي شي .. مايدري أني عارفة كل شي وحد رد علي ،، قتله انت وين قالي في القهوة قالي شي فيج ... قتله ،، شوف انا من زمان أراقبك وبسك جذب أنا كشفتك اليوم انت في هالمكان ( ... ) وسكرت التلفون ،،، تم يتصل وأنا ما رد ويطرش مسجات يقلي ردي بتعرفين أنا وين أتصل يمكن خمسين مره رديت عليه قالي انا رايح عيد ميلاد ريل وحده عندنا في الدوام بخليج تكلمين حد منهم الحين ،، تميت أصرخ عليه وأغلقت التلفون ،، خمس دقايق يا البيت قالي قومي بودييج شوفي المكان اللي أنا كنت فيه مانسوي شي بس يالسين ، تميت أقله مابسيير ماتنزل ونتضارب .. لين مااقتله ودني ألحين ،، وسرنا كان متردد مايبا ينزلني بس أنا أصريت أنزل ..


أتخيلو يا بنات أصواتهم واصلة لين تحت العماره وواقفين على البلكونه ... نزلت وسرت فوق ،، تميت واقفه عند الباب اتسمع ،، ياا واحد وفتح الباب شافني قالي هلا وضحك ودخل !!!!!! مش مواطن يمكن زلمه أو أجنبي

حسيت أنه ريلي خبر حد من ربعه اني يااييه ،، يوم فتح الباب شفت خمر على الطاوله اللي عند الباب .. هني أنا ينييت ،، شوي إلا اللفت فتح ويت وحده اجنبيه ودخلت ،،

نزلت ركبت السياره تميت أصرخ ينييت ، أقله الخمر واصل للباب وتقلي مانسوي شي والأغاني و يالسين يرقصون ،، قالي انت دخلت ؟؟ قتله هي دخلت ، ومطرشلي ربيعك بعد يتأكد إذا أنا ييت ولا لا ،، قالي ليش تدخلين أنا بس كنت أباج تسمعين من برا ،، كيف خليتيهم يشوفونج ،، تم يقولي الله يفضحج مثل مافضحتيني !!!!


اتخيلو مايشوف نفسه أنه هو السبب في هذا كله ،، يبا يجلب السالفه علي ،، لا ويقلي ماكان شي خمر يو أنا كت موجود وأنا أقله لا والله يتريونك تطلع بس عشان اييبون الخمر !!! وأنا أقله رقص يقلي أنا كنت في البلكونه ممنوع اندخن داخل بس بره !!!!!


تميت أصرخ وأقله بسك جذب ،،،، تصدقون طاح من عيني ،، كنت أشوفه شي وشفته بويه ثاني ،،

ريلي مدير وعنده مسؤؤليات وايد ويداوم فليل ومرات يقلي أنا في القهوه اللي عدال الدوام.

ماعرف شو أسوي كيف أراقبه مستحيل أثق فييه مره ثانيه ،، أنا وايد تعبانه من يومين ماأنكلم بعض ،، وهو مافتح الموضوع معاي...

خبروني ساعدوني أول مره أطيح في مشكله معاه مب عارفه كيف أتصرف معاه ...

 

[[ جودي ]]

اللع يكون بعونك

لا املك لك الا الدعاء

وشرح صدرك

اكثري من الدعاء واسالي الله لك وله الهدايه

 

[تعبت من دنياي]

يابعد عمري والله سالفتك تعور القلب لكن اسمعي نصيحة من اختك لاتراقبيييييييييييييييينه ابد ابد
لان المراقبة بس بتجيب لك الامراض ويمكن زوجك بريئ من هالسالفة يمكن صدق جابو الخمر بعد ماطلع
ماعليك الا الدعاء وبس وخلي عنك المراقبة
وارجعي اوثقي فيه لانه انتي الخسرانه بكل الاحوال
ولاتصرخين في وجهه عشان مايكرهك
انوثة البنت بهدؤها وحكمتها
والله يوفقك..​

 

[CAPATCHINO]

أنا مش عارفة كيف أتصرف معاه ... أنا أفتح الموضوع ولا أترياه روحه يتكلم ،، أتم زعلانه منه ولا أكلمه عادي؟؟؟

والله اني حتى الليل ما أنامه .. دوم السالفه على بالي

 

[Om Hamody]

الله يهديه ويسخرله لك..
كان المفروض ماتحطين نفسك في موقف زي كذا وتروحين الشقة الي فيها الحفله..بس الي صار صار..وفعلا زي ماقالت الاخت الي فوق..لاتراقبينه ابد..لانك انتي الي بتغثين روحك وبتشيلين الهم وبتروح هيبتك..
الرجال لما ينكشف يصير الموضوع عنده سيام..ويطالبك بالرضوخ للأمر عاجلا ام آجلا..
بس زي ماقالت استاذه ناعمه (ازواجنا هم من حقنا وليسوا من حق الأخريات)
انتي بحكم عمله يمكن يتطلب اشياء زي كذا..انه يجامل..بس مو عاد على حساب بيته واهله..
استغفري ربك وكثري الاستغفار وربي بيشرح صدرك..حاولي تتمالكين نفسك ولما يحاكيك احكي معاه وجاوبيه..بعدين لما تشفين وقت مناسب اسأليه عن الموضوع..قوليله ليش خبيت على بالأول كان قلت لي انك معزوم على حفله من هالنوع..ووضحيله انه لما يكون معك كتاب مفتوح وصريح..احسن له من انك تكتشفين الاشياء بنفسك

العتاب صابون القلوب على قولة المثل..الله يسخرلك زوجك ويسخر لجميع المسلمات..

 

[another day]

سامحيه هالمرة .. هو كل اللي سواه انه حضر حفلة ..
ومسألة الخمر وكذا
الحمدلله يعني هو ماجاك سكران مثلاً عشان تعاقبينه وتلومينه على سالفة الخمر
سهلي الامر عليك وعليه .. وبيني له انك للآن تثقين فيه

تحياتي

 

[CAPATCHINO]

بس أنا صرت أتذكر أشياء وايد ،،، مرات كنت أتصل فيه مايرد ،، أقول يمكن كان يروح أماكن أنا مادري عنها ،،
أو أنه يسوي أشياء ثانيه من وراي وأنا غافله ،، ويالسه أفكر و أقول الله يستر على عبده ،، بس إذا اتمادى ينكشف

مااعرف كيف أسامحه ،، أتأثرت بكلامكم واايد ،، بصارحه وبكلمه ،، بس أنا كنت أترياه هو اللي يتكلم ،، ليش ساكت لين ألحين ؟؟؟

 

[another day]

بس أنا صرت أتذكر أشياء وايد ،،، مرات كنت أتصل فيه مايرد ،، أقول يمكن كان يروح أماكن أنا مادري عنها ،،
أو أنه يسوي أشياء ثانيه من وراي وأنا غافله ،، ويالسه أفكر و أقول الله يستر على عبده ،، بس إذا اتمادى ينكشف

مااعرف كيف أسامحه ،، أتأثرت بكلامكم واايد ،، بصارحه وبكلمه ،، بس أنا كنت أترياه هو اللي يتكلم ،، ليش ساكت لين ألحين ؟؟؟

خلاص ابدي صفحة جديدة ولاكأنه شيء صار كلميه عادي
تغدي معه وسولفي عادي ..
وبعدين يجي العتب الخفيف الحلو ..
لاتنسين انك انت غلطتي يوم رحتي للشقة .. بصراحة احرجتيه مرة

ولاتخلين الشيطان يلعب بك ..احسني الظن فيه .. ومع ذلك احرصي وفتحي عيونك ..

 

[سكونة_00]

صراحة صدمة والله .....لو شفتي شكلي كيف ونا متأثرة بسالفتك ..والله ....
لاحول ولاقوة إلا بالله ..........الله يهديه زوجك ...يارب ....بس المفروض انتي ماكنتي تتصرفي بهالهستيرية ...وانتبهي تفضحيه وخلي السالفة بينك وبينه وبس ...يعني لا أهله ولا اهلك يعرفوو ...والله يستر عالجميع ...لانو لو خبرتي اهلك ولا أهله ...ودرى .والله مستحيل تتصلح علاقتكم ....الله يستر عالجميع ....
ياليتك هديتي وسكتي أحسن ..!!
الله يهديهم رجالنا ....مادري شو صار فيهم؟؟؟لا آباء ولا أخوان ....يارب اهديهم ...وفرج عن الجميع
حاسة فيكي وبالصدمة ...
ربي يفرج عنك ..ياااااااارب ...​

 

[CAPATCHINO]

بناات مشكوورين ... أنا وايد هديت يوم شفت ردودكم ..

 

[ريح الشمال]

الطرييييقة والله انج تلبسينه وتقرين في المنتدى عن اشيا تفر راسه فر وتيييييبه عندج ترا في سواااالف واااايد حلوه تنفعج بإذن الله ونحن كلنا بنفيييييدج حبيبتي ولا تزعلين حسبي الله عليهم

 

[طموح امرأة]

كشفت زوجي

أختي الله ياجرك على اللى انت فيه وأكثري من الاستغفار وصلي قيام الليل وأكثري من الدعاء ان الله يهدي لك زوجك ويبعد عنه أصحاب السوء ... وانت كلمي زوجك ولكن بثقل واذا شفتي زوجك مزاجه حلو كلميه بهدوء وبدون انفعال وقولي له انك سامحتيه وانك تفضلين انه يكون معاك مثل الكتاب المفتوح حتى تكون الثقه بينكم وديري بالك تراقبينه لأنك راح تتعبين واذا عرف زوجك يمكن يزعل منك ويعصب عليك فمافي داعي للمراقبه وقلبي معاك

 

[TU Y YO]

بنصحك في شي واحد اقدر اقولك اياه

ايااااااااااااااك والمراااااااااااااااقبه!!!!!!!! مهههههما مههههههما عورك قلبك لا تبينين له انك تراقبين اذا بتراقبين طبعا عن بعد بس الاحسن انك تتركين ها العاده _طبعا مافيه واحد لا شك مايراقب مهما كان_ بس اقولك انه مايحب اي رجال انه احد يراقبه ف مابالك زوجته بيصير بيحطه فيك طول عمره انت تراقبين يصير اي شيييييي تقولينه يقول هذا شكك فيني قاعده تراقبيني وتوسوسين

انتببببببببببهي من العاده

الله يتسر علينا وعليك ويوفقنا وياك يااربي يارحمن

حبيبتي.........

 

[المتوكله]

هداه الله وافتحي صفحة جديدة ولا تفتحي الموضوع ولا العتاب الى ان ترجع الأمور لمجاريها وبعدها عاتبيه عتاب المحبة الخائفة على زوجها من عقاب الله ناقشيه بهدوء بدون عصبية وفقك الله وهداه لك واصلح بينكما

 

[Dan Dan]

اختى العزيزه
انا قريت الموضوع كذا مرره ما شفت فيه مصيبه
واستغرب من البنات الي قاعدين يواسونك كانك لاقيه زوجك في حضن حرمه ثانيه
معليش تحمليني لكن تصرفك قمه الغلط
اولا انتي تقولين ان زوجك مدير اكيد منصبه يخليه يجامل ويروح لحفلات زي كذا
انا لو مكانك كان زعلت على حاجه وحده
انه ما علمني عن ها الحفله وروحته لها
ومعليش اختي هم مو مسئول عن تصرفات الناس الي في الحفله انتي تحاسبينه عن تصرفه هو بس يعني هو ما شرب
انتي روحي كلميه واعتذري عن تصرفك معه وقوليله ان زعلك من انه ما علمك عن الحفله
وان تربيتكم واخلاقكم ما تسمحلكم بلجلوس بمكان زي كذا
قوليله لو سويت الواجب ورحت هنيتهم وقدمت الهديه وطلعت
صدقيني لو قلمتيه بهدوء كان خجل من كلامك

 

[&الغيوره&]

بصراحه الله يكون في عونك ويسخر لك زوجك وعليك بالدعاء والاستغفار

 

[انين انثى]

اسأل الله العظيم رب العرش العظيم بأن يهديه ويسخره لك يارب انصحك اختي بأن تلزمي الإستغفار والدعاء وقراءة سوره البقره"تركها حسره" وبعدين وشوله توجعين راسك انصحك لا تراقبيه لأنك منتي مستفيده إلا الهم والغم
اسأل الله الكريم بأن يهدي زوجك وأن تكوني أجمل أمرأة في نظره وأحب امرأة إلى قلبه وأن يصرف جوارحه عن الحرام

 

[توتو1400]

اغفريلة هالمرة وسامحية وحاولى تتفاهمي انتي واياة وحاولي انك اتصدقية حتى لو ماكنتي في قرارة نفسك مصدقتة
يعني اظاهري قدامة انك مصدقتة وانها ان شاء اللة تكون اخر مرة ..لكل انسان غلطة ونزوة واكيد احد من اصحاب السوء حدة يروح مثل هالاماكن..بحكم شغلة والضغط اللي فية بيقلة تعال واتونس معانا وغير جو وهو في لحظة ضعف فكر يجرب ويشوف ....اللة يهديه ويهدي جميع ازواجنا اجمعين واللة اللة بالدعاء عزيزتي.

 

[زين الوصوف]

حبيبتي لاتعورين راسج وتراقبينه يكره الرجل الزوجه التي تراقب أو تشك فيه وأذا كشفتيه راح يتمادا ويفعل الشئ أمامك ولا راح يداري خاطرك أول شي تفعلينه أنك تكلمي زوجك وتعتبينه بهدوء وتقولين له أنا موقصدي أني شاكه فيك أوأراقبك لاني واثقه فيك بس غيرتي وخوفي عليك دفعتني لهذاالتصرف لو أنك قيلي وين رايح ماكان صار هذا الشئ هذا الكلام يعيد بناء الثقه بينكم وحاولي تكسبينه بأنك توفريله الجو السعيد في البيت علشان مايدور على المتعه في خارج البيت ولا تحاسبينه على كل تصرف وتتحكمين فيه كوني له كما يحب حتى ماينفر منج

 

[Wise Woman]

الله يبعد زوجك عن الحرام ويحفظه لك ...ماصار إلا كل خير بإذن الله ,,وقوليه انا ماسويت هذا الشيء إلا من خوفي عليك ومحبتي لك ..ولا ودي تطيح في الحرام وتمشي فيه ..

وعاتبيه وقولي كل شي بخاطرك عشان ماتشيلي اي شيء في قلبك..واستودعيه الله اذا طلع من البيت

واكثري من الدعاء والصدقه ..وساعديه انتي على الطاعة والمحافظه على الصلاة في المسجد ..عشان تنهاه عن الفحشاء والمنكر..

يسر الله امرك واصلح الله لك زوجك وذريتك يارب